ᓄᓇᕕᒻᒥᐅᑕᖅ ᒥᐊᓕ ᓴᐃᒪᓐ ᑕᐃᔭᐅᕗᖅ ᒐᕙᓇ ᔭᓄᕉᓂᐊᓕᕐᓗᓂ

‘ᐊᐱᕆᔭᐅᒐᒪ ᑖᔅᓱᒥᖓ ᐱᒻᒪᕆᐊᓗᖕᒥ ᐱᓕᕆᐊᒥ ᐱᓕᕆᐊᖃᕈᒪᔭᕆᐊᒃᓴᓐᓂᒃ, ᖁᕕᐊᓱᕈᓘᔭᒻᒪᕆᓚᐅᕐᑐᖓ,’ ᓄᑖᖅ ᑯᐃᓐᒥ ᑭᒡᒐᖅᑐᐃᔨᐅᓂᐊᖅᑐᖅ ᐅᖃᓚᐅᖅᑐᖅ

ᒥᐊᓕ ᓴᐃᒪᓐ ᐊᐃᑉᐹᓂ ᐅᓪᓛᒃᑯᑦ ᑐᓴᒐᒃᓴᓕᐅᕐᓂᒃᑯᑦ ᐅᖃᓪᓚᓚᐅᖅᑐᖅ ᐅᕙᓂ ᒑᑦᓅ, ᑯᐸᐃᒃᒥ, ᑕᕝᕙᓂᓗ ᒐᕙᓇ ᔭᕗᕉᓂᐊᕐᓂᕋᖅᑕᐅᓚᐅᖅᖢᓂ. (ᐊᔾᔨᙳᐊᖁᑎᒥᙶᖅᑐᖅ ᐅᑯᓈᙵᑦ ᓰᐲᓰᑯᓐᓂ)

By ᓴᐃᕋ ᕌᔾᔪᔅ

For an English version of this story, see Nunavik’s Mary Simon named as next Governor General

ᐊᑯᓂᐊᓗᒃ ᐃᓄᒃ ᓯᕗᓕᐅᖅᑎᐅᖃᑦᑕᖅᓯᒪᔪᖅ ᒥᐊᓕ ᓴᐃᒪᓐ ᑕᐃᔭᐅᓚᐅᖅᑐᖅ ᑲᓇᑕᒧ 30-ᒋᔭᐅᓗᓂ ᒐᕙᓇ ᔭᓄᕉᓂᐊᓕᕐᓗᓂ, ᓯᕗᓪᓕᖅᐹᖅ ᓄᓇᖃᖅᑳᖅᑐᓂᒃ ᑕᐃᒪᐃᑦᑐᒥ ᐱᓕᕆᐊᖅᑖᖅᑎᑕᐅᔪᖅ.

ᑲᓇᑕᒧ ᐊᖓᔪᖅᑳᖅᔪᐊᖅ ᐳᕋᐃᒻ ᒥᓂᔅᑕ ᔭᔅᑎᓐ ᑐᕉᑑ ᑐᓴᖅᑎᑦᑎᓚᐅᖅᑐᖅ ᓴᐃᒪᓐ ᑎᒃᑯᐊᖅᑕᐅᓂᖓᓂ ᐅᕙᓂ ᑲᓇᑕᒥ ᐊᑐᖅᑕᐅᓂᑯᕕᓂᑐᖃᕐᓄᑦ ᑕᑯᔭᒐᖃᖅᕕᒃᒥᑦ ᒑᑦᓅ ᑯᐸᐃᒃᒥ ᐊᐃᑉᐹᓂ ᐅᓪᓛᒃᑯ. ᑐᕉᑑ ᐅᖃᓚᐅᖅᑐᖅ ᐅᑯᓇᙵᑦ 100 ᖃᓂᒋᔭᖓᓃᑦᑐᓂᒃ ᓂᕈᐊᒐᒃᓴᐅᑎᑕᐅᔪᓂᒃ ᓂᕈᐊᖅᑕᐅᓚᐅᕐᓂᖓᓂᒃ.

ᓴᐃᒪᓐ, 74, ᑲᖏᖅᓱᐊᓗᔾᔪᐊᖅᒥᐅᑕᖅ, ᓄᓇᕕᒃᒥ, ᐊᒻᒪᓗ ᑰᔾᔪᐊᖅᒥ ᓄᓇᖃᖅᓯᒪᓕᖅᖢᓂ ᐊᑯᓂᐊᓗᒃ.

“ᐊᐱᕆᔭᐅᒐᒪ ᑖᔅᓱᒥᖓ ᐱᒻᒪᕆᐊᓗᖕᒥ ᐱᓕᕆᐊᒥ ᐱᓕᕆᐊᖃᕈᒪᔭᕆᐊᒃᓴᓐᓂᒃ, ᖁᕕᐊᓱᕈᓘᔭᒻᒪᕆᓚᐅᕐᑐᖓ,” ᓴᐃᒪᓐ ᐅᖃᓚᐅᖅᑐᖅ ᑐᓴᒐᒃᓴᓕᐅᖅᑎᓄᑦ ᐊᐃᑉᐹᓂ ᑐᓴᒐᒃᓴᓕᐅᖅᑎᓪᓗᒋᑦ. “ᐃᓱᒪᓚᐅᕋᒪ ᐅᓇ ᐃᓂ ᐃᑲᔪᕈᓐᓇᕆᐊᒃᓴᖓᓂᒃ ᑲᓇᑕᒥᐅᑕᓂ ᐱᖃᑎᖃᕐᓗᑎᒃ ᓄᓇᖃᖅᑳᖅᑐᓂᒃ, ᐱᓕᕆᖃᑎᒌᖕᓂᐊᕐᓗᑎᒃ … ᐱᓕᕆᐊᖃᕈᓐᓇᕐᓂᐊᖅᑐᓂᒃ ᑐᑭᓯᑎᑦᑎᔪᓐᓇᕐᓂᖅᒥᒃ ᖃᓄᐃᓕᐅᕈᓯᕕᓂᕆᔭᑦᑎᓐᓂᒃ, ᐃᓕᖅᑯᓯᕆᔭᑦᑎᓐᓂᒃ ᐊᒻᒪᓗ ᐃᓅᓯᕆᔭᑦᑎᓐᓂᒃ.”

“ᐊᒻᒪᓗ ᐃᓱᒪᓪᓗᖓ ᐃᓄᐃᑦ ᑐᑭᓯᖃᑦᑕᐅᑎᓯᒪᒃᐸᑕ ᑕᐃᒪᓐᓇ ᐊᒻᒪᓗ ᐃᓱᒪᒋᑦᑎᐊᖃᑦᑕᐅᑎᒃᐸᑕ, ᑕᐃᒪᓕ ᑕᒪᓐᓇ ᐋᖅᑭᒋᐊᒃᑲᓐᓂᕈᑎᐅᓂᕋᖃᑦᑕᖅᑕᕗᑦ.”

ᓴᐃᒪᓐ ᐱᓕᕆᐊᒥ ᐱᒋᐊᕐᓂᐊᓕᖅᑐᖅ ᐃᓄᖃᙱᓯᒪᔪᒥᒃ ᑕᐃᒪᙵᓂᒃ ᔭᓄᐊᕆᐅᓚᐅᖅᓯᒪᔪᓂᒃ, ᐅᓇ ᔫᓕ ᐸᐃᔭᑦ ᓄᖅᑲᓚᐅᖅᓯᒪᑎᓪᓗᒋ ᐸᓯᔭᒃᓴᐅᑎᑕᐅᓂᖓᓄᑦ ᐸᒡᕕᓵᕆᕙᖕᓂᖅᒥᒃ ᐃᖅᑲᓇᐃᔭᖅᕕᖓᓂᒃ.

ᓴᐃᒪᓐ ᑎᒃᑯᐊᖅᑕᐅᓂᖓ ᑯᐃᓐ ᐃᓕᓴᐱᒧ ᐊᖏᖅᑕᐅᓚᐅᕐᑐᖅ, ᐅᓇ ᑲᓇᑕᒧ ᐊᖓᔪᖅᑳᖅᔪᐊᖅ ᐃᓱᒪᓕᐅᕆᑎᓪᓗᒍ, ᐊᒻᒪᓗ ᑕᕝᕗᖓ ᐊᖏᖅᑎᑕᐅᓪᓚᕆᖕᓂᐊᓵᖅᖢᓂ.

ᒐᕙᓇ ᔭᓄᕈᓪ ᑯᐃᓐ ᑭᒡᒐᖅᑐᐃᔨᖓ ᑲᓇᑕᒧ ᐊᒻᒪᓗ ᐊᖓᔪᖅᑳᒻᒪᕆᐊᓘᓪᓗᓂ.

ᓴᐃᒪᓐ ᐅᑭᐅᕐᑕᖅᑐᕐᒥ ᓈᓚᐅᑎᓕᕆᓂᖅᒥᒃ ᐱᓕᕆᐊᖃᓕᒪᑦᑎᐊᖅᑐᖅ ᐊᒻᒪᓗ ᓯᕗᓕᐅᖅᑎᐅᓕᒪᓂᕐᒥᒃ ᑕᕝᕗᖓ ᐃᖅᑲᓇᐃᔮᕆᓕᖅᑕᖓᓄᑦ.

ᓴᐃᒪᓐ ᐅᑭᐅᕐᑕᖅᑐᕐᒥ ᓈᓚᐅᑎᓕᕆᓂᖅᒥᒃ ᐱᓕᕆᐊᖃᓕᕐᓂᑰᕗᖅ ᐋᖅᑭᒃᓱᐃᔨᐅᓪᓗᓂ ᐅᑯᓄᖓ ᓰᐲᓰ ᓈᓚᐅᑎᓄᑦ.

ᓴᐃᒪᓐᓇ ᐊᖓᔪᖅᑳᖑᓚᐅᖅᓯᒪᔪᖅ ᒪᑭᕕᒃᑯᓐᓄᑦ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ. ᐊᕐᕌᒎᖕᓂ ᒪᕐᕉᖕᓂ ᐊᖓᔪᖅᑳᖑᓂᑰᒋᓪᓗᓂ ICC-ᑯᓐᓄᑦ (ᐃᓄᖕᓄᑦ ᐅᑭᐅᕐᑕᖅᑐᕐᒥᐅᑕᓄᑦ ᑲᑎᒪᔨᕐᔪᐊᓄᑦ) ᐊᒻᒪᓗ ᓯᕗᓪᓕᖅᐹᖑᓪᓗᓂ ᑕᐃᔭᐅᓚᐅᖅᓯᒪᓪᓗᓂ ᑲᓇᑕᒥ ᐃᑲᔪᖅᑐᐃᔨᐅᓂᖅᒥᒃ ᐅᑭᐅᕐᑕᖅᑐᖅᒥᐅᑕᓕᕆᓂᖅᒧᑦ.

ᐃᓄᐃᑦ ᑕᐱᕇᑦ ᑲᓇᑕᒥ ᖁᕕᐊᓲᑎᖃᑦᑎᐊᖅᑐᑦ ᐊᖓᔪᖅᑳᕆᔭᐅᓂᑯᒥᒃ ᑖᒃᑯᓄᖓ ᐊᐃᑉᐹᓂᒃ ᑐᕕᑐᒃᑯᑦ ᑎᑎᕋᖅᓯᒪᔪᓂᒃ.

ᓄᓇᕗᑦ ᓯᕗᓕᐅᖅᑎᖓ ᐊᒻᒪ ᖁᕕᐊᓲᑎᖃᕐᓂᕋᓚᐅᕐᒥᔪᖅ. “ᑖᔅᓱᒥᖓ ᐱᓕᕆᐊᖃᓪᓗᐊᖅᖢᓂ!” ᑎᑎᕋᓚᐅᖅᑐᖅ ᑐᕕᑐᒃᑯᑦ.

Share This Story

(0) Comments

Join the Conversation

Your email address will not be published. Required fields are marked *

*