ᐃᓄᒃᔪᐊᖅ ᐃᒪᕐᒧᑦ ᐆᒻᒪᖅᑯᑎᔅᓴᓂᑦ ᐱᓕᐊᔅᓴᖏᑦ ᐊᖏᖅᑕᐅᔪᑦ

For the English version of this story, please see Inukjuak wins kudos for hydroelectricity project.

ᐱᓕᕆᐊᖑᔪᖅ ᐃᓄᒃᔪᐊᒥ ᓴᓗᒪᓪᓗᓂ, ᓄᓇᒦᓐᖔᖅᑐᓂᒃ ᐱᖃᑦᑕᕐᓂᐊᖅᑐᑦ ᒪᕐᕉᓐᓂᒃ ᑲᓇᑕᒥ ᑐᓂᔭᐅᓪᓗᑎᑦ ᑕᖅᑭᐅᓚᐅᖅᑐᒥᑦ.

ᐃᓐᓇᕕᒃ ᐃᒪᕐᒧ ᖃᐅᒪᓯᐅᑏᑦ 7.5 ᒪᒐᐅᐊᑦᖑᓪᓗᑎᒃ ᑰᓐᓃᓐᖔᖅᑐᓂᒃ ᓯᒥᓕᒻᒥᑦ ᐃᓄᒃᔪᐊᒃ ᑰᖓ ᓄᓇᕕᒻᒦᑦᑐᖅ. 90−ᐳᓴᖓᓐᓂ ᐆᒻᒪᖅᑯᑎᖃᕐᕕᐅᔪᖅ ᓄᓇᓕᓐᓂᑦ ᑕᒫᓂᖃᐃ 1,800−ᓂᒃ ᐊᖏᕐᕋᓕᓐᓂᑦ, ᑕᑎᒋᔭᐅᖃᑦᑕᖅᑐᑦ ᐅᖅᓱᓗᖅᑐᖅᑐᓂᒃ ᐆᒻᒪᖅᑯᑎᓂᒃ, ᐅᖃᓚᐅᖅᑐᖅ ᑖᒥ ᐹᓕᔅᑐ, ᐊᖏᔪᖅᑳᖅ ᐱᑐᕕᒃ ᐱᓕᕆᕕᖏᓐᓂ (Landholding Corp.)

ᐱᑐᕕᒃ ᐊᐅᓚᑦᑎᖃᑎᖃᖅᑐᑦ ᐃᓄᔭᒃᔅᑯᓐᓂ (Innergex) ᐆᒻᒪᖅᑎᓕᕆᔩᑦ.

ᐊᑦᑑᑉᐱᕆ 8−ᒥᑦ, ᐃᓐᓇᕕᒃ ᐱᓕᕆᔪᑦ ᐱᓚᐅᖅᑐᑦ ᓄᓇᖃᖅᑳᖅᓯᒪᔪᓂᒃ ᓴᐃᒻᒪᖃᑎᒌᓐᓂᕐᒧᑦ ᐱᓕᕆᖃᑎᖃᖅᑐᑎᑦ ᑐᓂᐅᔭᔪᑦ ᐅᐊᑐᐅᕗᒥᑦ (Waterpwer) ᑲᓇᑕᒥ, ᑖᓐᓇ ᑲᑐᔾᔨᖃᑎᒌᖑᔪᖅ ᐅᐊᑐᐊᐅᕗᒃᑯᓐᓂ (waterpower) ᓴᓇᔨᓂᒃ.

ᑐᓂᔭᐅᔪᑦ ᐃᓕᓴᕆᔭᐅᓪᓗᑎᑦ ᐃᓐᓇᕕᒃ ᑐᓂᕐᕈᑎᖏᓐᓂ ᐱᓇᓱᐊᖅᑎᐊᕐᓂᖏᓐᓂ ᐃᓄᒃᔪᐊᒥ ᐊᕙᑎᑦᑎᓂᓪᓗ.

ᐊᑦᑑᑉᐱᕆᒥ 15, ᐱᓕᕆᐊᖑᔪᖅ ᑐᓂᔭᐅᓚᐅᖅᑐᖅ ᓴᓗᒪᔪᓂᒃ (Clean50) ᖁᕝᕙᓯᓐᓂᖅᐹᖑᖃᑕᐅᓪᓗᑎᑦ ᐱᓕᕆᐊᓂᒃ ᐊᔾᔨᐅᖏᑦᑐᓂᒃ ᐊᑦᑐᐃᓂᖃᑦᑎᐊᖅᑐᓂᒃ ᑲᓇᑕᒥ ᐱᓕᕆᐊᖑᔪᓂᒃ ᑕᐃᑲᓂ ᑎᐅᑕ (Delta) ᐊᐅᓚᑦᑎᔨᓂᒃ, ᐱᓕᕆᓂᐊᖅᑐᑎᑦ ᑎᒥᐅᔪᑦ ᑲᒪᓗᑎᑦ ᓯᓚ ᐊᓯᔾᔨᐸᓪᓕᐊᓂᖓᓄᑦ ᐱᒋᐊᕈᑎᓂᒃ ᓴᓗᒪᔪᓂᓪᓗ ᐱᓕᕆᔾᔪᑎᖃᕐᓗᑎᑦ.

ᐹᓚᔅᑐ ᐅᖃᖅᑐᓂ ᐅᐱᓪᓚᕆᓐᓂᕋᖅᑐᓂᒃ ᐅᔾᔨᕈᓱᑦᑎᑦᑎᕚᓪᓕᓂᐊᕐᖓᑕ ᒪᒃᑯᓂᖓ ᓴᓗᒪᔪᓂᒃ ᐱᑕᖃᕐᓂᖏᓐᓂ ᐊᑐᓐᓇᖅᑕᖃᕐᓂᖏᓐᓂ.

“ᐱᒻᒪᕆᐅᒻᒪᑕ ᐅᕙᑦᑎᓐᓄᑦ ᐃᑲᔪᕐᓗᑕ ᐊᓯᖏᓐᓂ ᓄᓇᓕᓐᓂᑦ ᓂᕈᐊᕈᓐᓇᖁᓪᓗᒋᑦ, ᐃᒪᒃᑰᒐᓗᐊᖅᑲᑦ, ᓯᕿᓐᓂᕐᒦᓐᖔᕋᓗᐊᖅᑲᑦ, ᐊᓄᕆᒦᓐᖔᕋᓗᐊᖅᑲ ᖃᐅᔨᒪᓯᐅᑏᑦ ᐊᓪᓛᒃ ᐅᓕᓐᓂᕐᒦᓐᖔᕋᓗᐊᖅᑲᑦ,” ᐅᖃᖅᑐᓂ.

“ᐱᒻᒪᕆᐅᒻᒪᑕ ᓯᓚᕐᔪᐊᒧᑦ ᑕᐃᒪᐃᑦᑐᓄᑦ ᐊᓯᔾᔨᐸᓪᓕᐊᓕᕐᓗᑎᑦ.”

ᓅᕖᑉᐱᕆᒥᓂᑦ 2023, ᐃᒪᕐᒧᑦ ᐆᒻᒪᖅᑯᑎᓕᕆᕕᒃ ᐃᓄᔾᔪᐊᒥᐅᑕᓕᒫᐸᓗᑦᑎᐊᕐᓂᑦ ᖃᐅᔨᒪᑎᑦᑎᔪᖅ.

“ᐊᖏᔫᑏᑦ ᐃᓪᓗᐃᑦ ᓱᓕ ᐊᓯᔾᔨᖅᓯᒪᓐᖏᑦᑐᑦ, ᑭᓯᐊᓂᓕ ᐊᑕᖏᐸᓗᑦᑐᑎᑦ [ᐊᖏᕐᕋᕆᔭᐃᑦ] ᐊᓯᔨᖅᓯᒪᓕᖅᑐᑦ ᖃᐅᒪᓯᐅᑎᓄᑦ,” ᐹᓚᔅᑐ ᐅᖃᖅᑐᓂ.

ᐊᓯᔾᔨᕐᓗᓂ ᐅᖅᓱᐊᓗᒻᒥᑦ ᐃᒪᕐᒧᑦ ᐆᒻᒧᖅᑯᑎᖃᕐᓗᓂ ᐱᒋᐊᕐᖓᕐᓂᕆᓕᑕᐃᓐᓇᖅᑕᖓ. ᐱᑐᕕᒃ ᑐᕌᒐᖓ ᐃᓄᔾᔪᐊᕐᒥ ᓱᕈᓐᓇᖅᑐᕈᑦᑕᖃᓐᖏᑦᑎᐊᓕᕐᓗᓂ ᐊᓂᕐᓂᑎᓐᓅᐸᑦᑐᓂᑦ ᑕᐃᑲᓂ 2030−ᒧᑦ.

ᑐᑭᖃᖅᑐᖅ ᐃᒫᒃ ᐳᔪᕐᓗᓐᓂᑦ ᓴᖅᑭᖅᑐᖃᖃᑦᑕᖏᓪᓗᓂ ᐊᓂᕐᓂᑎᓐᓄᑦ ᐱᑕᖃᕈᓐᓃᑦᑎᐊᒻᒪᕆᓪᓗᑎᑦ ᑕᒪᒃᑯᐊ − ᑕᐃᒪᓕ, ᐊᓯᔾᔨᕐᓗᓂ ᒑᓴᓖᑦᑐᖏᑦᑐᓂᒃ ᑲᑉᐳᔭᖅᑐᓂᑦ ᓄᓇᓱᐅᑎᖃᖔᓕᕐᓗᑎᑦ.

ᐅᖅᓱᐊᓗᓐᓂᑦ ᑕᑎᖃᓐᖏᓂᖅᓴᐅᓕᕐᓗᑎᑦ, ᓴᓗᒪᓂᖅᓴᐅᓗᓂ ᐊᓂᕐᓂᕗᑦ ᓱᕈᓐᓇᖅᑐᓂᒃ ᐳᔪᕐᓗᓐᓂᑦ ᐱᑕᖃᓐᖏᓂᖅᓴᐅᓕᕐᓗᑎᑦ.

ᐹᓚᔅᑐ ᐅᖃᖅᑐᓂ ᐸᕐᓇᓯᒪᒻᒪᑕ ᑳᓐᑯᐊᑎᐊᒥ (Concordia) ᓯᓚᑦᑐᖅᓴᕐᕕᔾᔪᐊᖓᓐᓂ ᒪᓐᑐᕆᐊᒥ ᐊᒻᒪᓗ ᓯᓚᑦᑐᖅᓴᕐᕕᔾᔪᐊᖓᓐᓂ ᑐᕌᓐᑐ ᖃᐅᔨᓴᕐᓗᑎᑦ ᒪᕐᕉᓕᖅᑲᖓᔪᓂᒃ ᐊᑐᕈᓐᓇᕐᓗᑎᑦ ᐅᕝᕙᓘᓐᓃᑦ ᓄᒃᑭᔅᓴᖃᑦᑕᖔᖅᑐᓂᒃ ᓄᓇᓯᐅᑎᖃᕐᓗᑎᑦ ᐅᑭᐅᖅᑕᖅᑐᒧᑦ ᓈᒻᒪᑦᑐᓂᒃ.

ᐱᑕᕕᒃ ᓂᕈᐊᑦᑐᑦ ᐱᓂᐊᕐᓂᖏᓐᓂ $4 ᒥᓕᐊᓂᒃ ᑯᐸᐃ ᒥᓂᔅᑕᖓᓐᓂ ᐃᖏᕐᕋᔪᓕᕆᓂᕐᒧᑦ ᐃᖏᕐᕋᑦᑎᐊᕈᓐᓇᓂᕐᓂᓪᓗ ᐊᒻᒪᓗ $3 ᒥᓕᐊᓂᒃ ᑳᓐᑯᐊᑎᐊ (Concordia) ᓯᓚᑦᑐᖅᓴᕐᕕᕐᔪᐊᖓᓂ ᖃᐅᔨᓴᐅᑎᔅᓴᐅᒐᔭᖅᑐᓄᑦ.

ᐃᓕᐅᖅᑲᖅᑕᐅᓂᖏᓐᓄᑦ ᓄᒃᑭᔅᓴᐅᑏᑦ ᐊᓯᕙᕐᕕᐅᕙᑦᑐᑦ ᐊᖅᑯᑖᓃᓪᓗᑎᑦ ᕿᒥᕐᕈᔭᐅᒐᔭᖅᑐᑦ ᑕᐃᒫᒃ ᐊᓯᔾᔨᐸᓪᓕᐊᓗᒋᑦ ᐊᑐᐃᓐᓇᐅᔾᔫᒥᖁᓪᓗᒋᑦ ᐃᓄᓐᓄᑦ ᐃᓅᓯᖏᓐᓄᑦ ᐋᖅᑭᓱᖅᓯᒪᓗᑎᑦ, ᐹᓚᔅᑐ ᐅᖃᖅᑐᓂ

ᐃᓄᒃᔪᐊᖅ ᒫᓐᓇ ᐱᖓᓱᓂᑦ ᑎᓴᒪᓄᑦ ᒪᒐᐅᐊᑦᔅᓂᑦ (megawatts) ᐊᑐᖃᑦᑕᕐᖓ ᑕᐃᑲᓐᖓᑦ 7.5-ᒪᐃᒐᐅᐊᑦᔅᓂᒃ (megawatt) ᐆᒻᒪᖅᑯᑎᓂᒃ. ᓈᒻᒪᖏᒻᒪᑕ ᐊᒥᐊᒃᑯᖏᑦ ᖃᐅᔨᓴᐅᑎᓅᕐᓂᐊᕐᓗᑎᑦ ᐆᑦᑐᕋᐅᑎᔅᓴᓄᓪᓘᓐᓃᑦ ᓲᕐᓗ ᐹᑕᓖᓄᑦ ᖃᐅᔨᓴᐅᑎᓂᒃ, ᐅᖅᑰᑎᑦᑎᓂᕐᒧᑦ ᖃᐅᔨᓴᐅᑎᓂᒃ ᐅᐊᔭᒨᖅᑐᓄᓪᓗ ᓄᒃᑭᔅᓴᐅᑎᓂᑦ, ᐹᓚᔅᑐ ᐅᖃᖅᑐᓂ.