ᒥᐊᓕ ᓴᐃᒪᓐ ᒐᕙᓇ ᔭᓄᕈᙳᖅᑎᑕᐅᓂᐊᕐᑐᖅ ᔪᓚᐃ 26-ᒥ

ᕇᑑ ᕼᐋᓪᒥᐅᑕᑦ ᓱᓕ ᑐᓴᖅᑎᑦᑎᔭᕆᐊᓖᑦ ᖁᕕᐊᓲᑎᐅᓂᐊᖅᑐᒥᓐ

ᒥᐊᓕ ᓴᐃᒪᓐ ᐅᖃᓪᓚᖃᑎᖃᓚᐅᕐᑐᖅ ᑲᓇᑕᒥ ᐊᖓᔪᖅᑳᕐᔪᐊᖅᒧᑦ ᔭᔅᑎᓐ ᑐᕉᑑᒧᑦ ᔪᓚᐃ 6-ᒥ ᒑᑦᓅᒥ ᑐᓴᖅᑎᑦᑎᓚᐅᙱᑎᓪᓗᒋ ᑎᒃᑯᐊᖅᑕᐅᓂᖓᓂᒃ ᑲᓇᑕᒥ ᒐᕙᓇ ᔭᓄᕉᓂᐊᕐᓂᖓᓂᒃ (ᐊᔾᔨᙳᐊᖅ ᐅᕙᙵᑦ ᓵᔾᔭᓐᑦ ᔫᓂ ᒪᕼᐅ/ᕇᑑ ᕼᐋᓪ)

By ᓴᐃᕋ ᕌᔾᔪᔅ

For an English version of this story, see Mary Simon to be installed as Governor General on July 26

ᒥᐊᓕ ᓴᐃᒪᓐ ᐊᖏᖅᑎᑕᐅᓂᐊᕐᑐᖅ ᑲᓇᑕᒥ ᒐᕙᓇ ᔭᓄᕉᓂᕐᒧᑦ ᔪᓚᐃ 26-ᖑᓕᖅᐸᑦ, ᒐᕙᒪᑐᖃᒃᑯᑦ ᑐᓴᖅᑎᑦᑎᓚᐅᖅᑐᑦ ᔪᓚᐃ 13-ᒥ.

ᐅᓇ ᓄᓇᕕᒃᒥ ᓯᕗᓕᐅᖅᑎ ᑕᐃᔭᐅᓚᐅᖅᑐᖅ ᑲᓇᑕᒧᑦ 30-ᒋᔭᐅᓂᐊᕐᓗᓂ ᒐᕙᓇ ᔭᓄᕈᓂ ᔪᓚᐃ 6-ᒥ. ᓯᕗᓪᓕᖅᐹᖑᓂᐊᖅᑐᖅ ᓄᓇᖃᖅᑳᖅᑐᓂᒃ ᑖᔅᓱᒥᖓ ᐱᓕᕆᐊᖃᕐᓗᓂ.

ᒥᔅ ᒥᐊᓕ ᓴᐃᒪᓐ ᒐᕙᓇ ᔭᓄᕉᑉ ᐱᓕᕆᐊᒃᓴᖏᓐᓂᒃ ᐱᓕᕆᐊᖃᓕᕐᓂᐊᖅᑐᖅ ᑖᔅᓱᒥᖓ ᓇᓗᓇᐃᖅᑕᐅᓚᐅᖅᑎᓪᓗᒍ ᖁᕕᐊᓲᑎᒋᔭᐅᓗᓂ ᐅᕙᓂ ᔪᓚᐃ 26, 2021-ᒥ,” ᒐᕙᒪᑐᖃᒃᑯᑦ ᐃᑦᑕᕐᓂᓇᓕᕆᔨᖏᑦ ᐅᖃᓚᐅᖅᑐᑦ ᑎᑎᕋᖅᓯᒪᔪᒃᑯᑦ.

“ᐊᓯᖏᓐᓂ ᖃᓄᐃᓕᐅᕈᑎᐅᓂᐊᖅᑐᓂᒃ ᑐᓴᖅᑎᑦᑎᓵᓕᓂᐊᖅᑐᑦ.”

ᓴᐃᒪᓐ ᑎᒃᑯᐊᖅᑕᐅᓂᖓ ᐊᖏᖅᑕᐅᓚᐅᕐᑐᖅ ᑯᐃᓐᒧᑦ, ᐳᕋᐃᒻ ᒥᓂᔅᑕ ᔭᔅᑎᓐ ᑐᕉᑑᑉ ᐃᓱᒪᓕᐊᕆᓂᖓᓄᑦ.

ᒐᕙᓇ ᔭᓄᕈᓪ ᑯᐃᓐ ᑭᒡᒐᖅᑐᐃᔨᖓ ᑲᓇᑕᒥ ᐊᒻᒪᓗ ᐊᖓᔪᖅᑳᓪᓚᕆᒃᑎᑐᑦ ᐱᓕᕆᐊᖃᕐᓗᓂ.

ᕇᑑ ᕼᐋᓪᒥ ᓇᓗᓇᐃᓚᐅᙱᑦ ᐅᓇ ᓴᐃᒪᓐ ᖃᑯᒍ ᐅᖃᓪᓚᖃᑎᖃᓛᕆᐊᒃᓴᖓᓂᒃ ᑯᐃᓐ ᐃᓕᓴᐱᒥ ᑭᓯᐊᓂᓕ ᐅᖃᓚᐅᖅᑐᑦ ᓯᕗᓪᓕᖅᐹᖅ ᖃᕋᓴᐅᔭᒃᑯᑦ ᓴᖅᑭᔮᕈᓐᓇᖅᑐᒃᑯᑦ ᐱᓕᕆᐊᖑᓛᕐᓂᖓᓂᒃ.

ᑐᕉᑑ ᑐᓴᖅᑎᑦᑎᓚᐅᖅᑐᖅ ᓴᐃᒪᓐ ᑎᒃᑯᐊᖅᑕᐅᓚᐅᕐᓂᖓᓂᒃ ᐅᕙᓂ Canadian Museum of History (ᑕᑯᔭᒐᖃᖅᕕᒃ ᐊᑐᖅᑕᐅᖃᑦᑕᖅᑐᕕᓂᑐᖄᓗᖕᓂ) ᐅᕙᓂ ᒑᑦᓅ, ᑯᐸᐃᒃᒥᑦ ᔪᓚᐃ 6-ᖑᑎᓪᓗᒍ. ᑐᕉᑑᐅᖃᓚᐅᖅᓯᒪᔪᖅ ᓂᕈᐊᕆᔭᐅᓚᐅᖅᓯᒪᓂᖓᓂᒃ 100-ᒥ ᑎᑭᙱᐊᖅᔪᒃᑐᓂᒃ ᓂᕈᐊᒐᒃᓴᐅᑎᑕᐅᔪᓂᒃ.

ᓴᐃᒪᓐ, 73, ᑲᖏᖅᓱᐊᓗᔾᔪᐊᖅᒥᐅᑕ ᓄᓇᕕᒻᒥ ᐊᑯᓂᕈᓗᒃ ᑰᔾᔪᐊᖅᒥ ᓄᓇᖃᖅᓯᒪᓕᖅᑐᖅ ᐃᓅᓯᓕᒫᐸᓗᐊᓂ.

“ᐊᐱᕆᔭᐅᒐᒪ ᑖᔅᓱᒥᖓ ᐱᒻᒪᕆᐊᓗᖕᒥ ᐱᓕᕆᐊᖃᕈᒪᔭᕆᐊᒃᓴᓐᓂᒃ ᐊᒃᓱᐊᓗ ᖁᕕᐊᓱᕈᓘᔭᓚᐅᖅᑐᖓ,” ᓴᐃᒪᓐ ᐅᖃᖅᑐᖅ.

“ᐃᓱᒪᓚᐅᕋᒪ ᐅᓇ ᐃᓂ ᐃᑲᔪᕈᑎᐅᔪᓐᓇᕐᓂᖓᓂᒃ ᑲᓇᑕᒥᐅᑕᓂᒃ ᓄᓇᖃᖅᑳᖅᑐᓂᓪᓗ ᐱᓕᕆᖃᑎᒌᓕᖅᑎᑦᑎᓂᖅᒥᒃ … ᐃᓄᖕᓂ ᑲᑎᖃᑎᒌᒃᑎᑦᑎᓂᕐᒥᒃ ᑐᑭᓯᕚᓪᓕᕈᓐᓇᕐᓂᐊᕐᒪᑕ ᐊᑐᖃᑦᑕᖅᓯᒪᔭᑐᖃᑦᑎᓐᓂᒃ, ᐃᓕᖅᑯᓯᒻᒪᕆᒃᑎᓐᓂᒃ ᐊᒻᒪᓗ ᐃᓅᓯᑦᑎᓐᓂᒃ.”

Share This Story

(0) Comments