ᓄᑖᓂ ᐃᒡᓗᒃᓴᓂ ᐃᖃᓗᖕᓂ ᐊᖑᒻᒪᑎᙱᑦᑐᖅ ᐱᔪᒪᓂᐅᔪᒥ

ᐃᒡᓗᖃᖅᑎᑦᑎᓂᕐᒥ ᓄᓇᕗᒻᒥ ᐊᑭᑦᑐᖅᐸᓪᓕᐊᑐᐃᓐᓇᖅᐳᖅ, ᐊᒻᒪ ᐅᓇ ᐊᑲᐅᙱᓕᐅᕈᑕᐅᔪᖅ ᐱᐅᙱᓗᐊᖅᐳᖅ ᐃᓄᖕᓄᑦ, ᓇᓂᓯᕗᖅ ᐅᓂᒃᑳᓕᐊᒥ ᓴᖅᑭᑎᑕᐅᔪᒥ ᔪᓚᐃ 29−ᒥ ᑲᓇᑕᒥ ᐊᑭᓕᐅᑕᐅᔪᖅ ᐃᒡᓗᒧᑦ ᓄᓇᒧᓪᓘᓐᓃᑦ ᐊᒻᒪ ᐃᒡᓗᓕᕆᔨᕐᔪᐊᒃᑯᓐᓄᑦ

ᐅᓂᒃᑳᓕᐊᖅ ᕿᒥᕐᕈᕗᖅ ᐃᒡᓗᑦ ᖃᓄᐃᓐᓂᖏᓐᓂ ᐃᖃᓗᖕᓂ, ᔭᓗᓇᐃᕝᒥ ᐊᒻᒪ ᐅᐊᐃᑦᕼᐅᐊᔅᒥ, ᐃᓚᖃᖅᑐᒥ ᐊᑐᖅᑕᐅᕙᒃᑐᓂ ᑐᓂᓯᓂᐅᔪᓂ ᐊᒻᒪ ᐱᔪᒪᓂᐅᔪᓂ, ᐊᒻᒪᓗᑦᑕᐅᖅ ᐊᑭᑐᓗᐊᙱᓐᓂᖓᓐᓂ ᐊᒻᒪ ᐊᑐᕐᓂᖃᐅᑎᖓᓐᓂ ᐃᓄᓕᒫᓄᑦ ᐃᒡᓗᖃᖅᑎᑦᑎᓂᐅᔪᓂ. ᐊᑭᓕᐅᑕᐅᔪᖅ ᐃᒡᓗᒧᑦ ᓄᓇᒧᓪᓘᓐᓃᑦ ᐊᒻᒪ ᐃᒡᓗᓕᕆᔨᕐᔪᐊᒃᑯᑦ ᕿᒥᕐᕈᓚᐅᖅᐳᑦ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᔪᓂ ᑲᑎᖅᓱᖅᑕᐅᔪᓂ 2025−ᒥ ᑕᐃᒃᑯᓄᖓ ᑭᖑᓪᓕᖅᐹᖑᔪᒥ ᐅᑭᐅᖅᑕᖅᑐᒥ ᐃᒡᓗᖃᖅᑎᑦᑎᓂᕐᒧᑦ ᐅᓂᒃᑳᓕᐊᖓᓂ, ᓴᖅᑭᑎᑕᐅᓚᐅᖅᑐᒥ 2021−ᒥ.

ᐃᖃᓗᖕᒥᐅᑕᐃᑦ ᐃᓕᓯᕙᒃᐳᑦ ᑕᐃᒪᐃᒐᔪᒃᑐᒥ 56 ᐳᓴᓐᑎᖓᓂ ᑲᑎᓪᓗᒍ ᐃᒡᓗᖃᖅᑎᒌᒃᑐᓂ ᑮᓇᐅᔾᔭᒃᓴᓂᖏᓐᓂ ᐅᑯᓄᖓ ᓄᑖᖑᔪᒧᑦ ᐊᑭᓕᐅᑕᐅᔪᖅ ᐃᒡᓗᒧᑦ ᓄᓇᒧᓪᓘᓐᓃᑦ 2025−ᒥ, ᑕᐅᑐᒃᖢᒍ 41 ᐳᓴᓐᑎᒥ 2021−ᒥ.

ᕿᒥᕐᕈᑎᓪᓗᒋᑦ ᐃᖃᓗᖕᓂᑐᐊᖅ ᓄᓇᖃᖅᑳᖅᓯᒪᔪᓄᑦ ᐃᓄᒋᐊᖕᓂᖏᓐᓂ, ᐅᓄᕐᓂᖅᓴᐅᔪᑦ ᐃᓅᓪᓗᑎᒃ, ᐃᒡᓗᖃᑎᒌᖑᔪᑦ ᐃᓕᓯᓚᐅᖅᐳᑦ 70 ᐳᓴᓐᑎᒥ ᑮᓇᐅᔾᔭᒃᓴᓂᖏᓐᓂ ᓄᑖᒧᑦ ᐊᑭᓕᐅᑕᐅᔪᖅ ᐃᒡᓗᒧᑦ ᓄᓇᒧᓪᓘᓐᓃᑦ 2025−ᒥ, ᖁᕝᕙᕆᐊᖅᑐᒥ 51 ᐳᓴᓐᑎᒥ 2021−ᒥ.

ᓄᓇᖃᖅᑳᖅᓯᒪᔪᓄᑦ ᓴᓇᔨᐅᔪᑦ ᐅᑭᐅᖅᑕᖅᑐᒥ ᑮᓇᐅᔾᔭᒃᓴᕗᑦ ᕿᑎᐊᓂ 12 ᐳᓴᓐᑎᒥ 20 ᐳᓴᓐᑎᒧᑦ ᒥᑭᓐᓂᖅᓴᐅᔪᒥ ᖃᓪᓗᓈᓂ ᓴᓇᔨᐅᔪᓂ, ᓄᓇᕗᑦ ᐊᖏᓛᖑᔪᒥ ᐃᓚᑰᓂᖃᖅᖢᓂ.

ᐱᔪᒥᓇᓛᖑᔪᒥ, ᐃᒡᓗᖃᑎᒌᒃᑐᑦ ᐊᕕᒃᑐᐃᓪᓗᐊᖅᐳᑦ ᐊᖏᓂᖅᓴᐅᙱᑦᑐᒥ 30 ᐳᓴᓐᑎᒥ ᑲᑎᓪᓗᒍ ᑮᓇᐅᔾᔭᒃᓴᓂᐅᔪᒥ ᐊᑭᓕᐅᑕᐅᔪᖅ ᐃᒡᓗᒧᑦ ᓄᓇᒧᓪᓘᓐᓃᑦ. ᐅᖓᑖᓅᖅᑐᒥ ᐊᑭᑐᓗᐊᖅᐳᖅ, ᐅᓂᒃᑳᓕᐊᖅ ᐅᖃᖅᐳᖅ.

ᐅᓇ ᖃᓄᐃᓕᖓᓂᐅᔪᖅ ᐃᓕᓯᓯᒪᐃᓐᓇᖅᐳᖅ ᐃᖃᓗᖕᒥᐅᑕᓂ ᐊᑐᖅᐸᖕᓂᖏᓐᓂ ᐃᒡᓗᒃᓴᓂ ᓂᕈᐊᒍᒃᓴᐅᔪᓂ ᓯᓚᑖᓂ ᐊᑎᓕᐅᕆᓂᕐᒥ ᓄᑖᖑᔪᒥ ᐊᑭᓕᐅᑕᐅᔪᖅ ᐃᒡᓗᒧᑦ ᓄᓇᒧᓪᓘᓐᓃᑦ ᐊᖏᕐᕋᒧᑦ, ᐅᓂᒃᑳᓕᐊᖅ ᐅᖃᓚᐅᖅᐳᖅ.

ᐊᑐᖅᑐᐊᕐᓂᕐᒥ ᖃᓄᐃᓕᖓᓂᐅᔪᒥ ᐃᖃᓗᖕᓂ ᐱᓗᐊᖅᑐᒥ ᐊᒃᓱᕈᕐᓇᖅᐳᖅ, ᐃᓄᖃᙱᓐᓂᑐᐃᓐᓇᐅᔪᓂ ᐅᓄᕐᓂᐅᔪᓂ ᐃᒃᓯᕚᖅᖢᓂ 0.3 ᐳᓴᓐᑎᒥ ᕿᑎᐊᓂ 2023−ᒥ ᐊᒻᒪ 2025−ᒧᑦ, ᐃᓱᒪᒋᓇᒍ “ᐊᖏᐸᓗᒃᑐᒥ ᐊᑐᖅᑐᐊᕐᓂᕐᒧᑦ ᑐᓂᓯᓂᐅᔪᒥ ᐱᕈᕐᓂᐅᔪᒥ.”

ᐅᓇ ᐱᓕᕆᓂᖃᖅᐳᖅ 6−ᓂ ᐃᓄᖃᙱᓐᓂᐅᔪᓂ ᐅᕙᙵᑦ 2,000−ᐸᓗᖕᓂ ᐊᑐᖅᑐᐊᒐᒃᓴᓂ ᐃᒡᓗᓂ ᐃᖃᓗᖕᓂ.

“ᑐᙵᕕᒋᔭᐅᔪᒥ ᐃᒡᓗᒃᓴᓂ ᐱᔭᕆᐊᓕᖕᓂ ᐅᕙᙶᖅᑐᒥ ᐸᖕᒥᐅᓗᐊᖅᑐᓂ ᐃᓕᓯᓯᒪᐃᓐᓇᖅᐳᖅ ᐱᔪᒪᓂᐅᔪᒥ ᓯᕗᓂᐊᓂ ᐊᑐᐃᓐᓇᐅᔪᓂ ᑐᓂᓯᓂᐅᔪᓂ,” ᐅᓕᒃᑳᓕᐊᖅ ᐅᖃᓚᐅᖅᐳᖅ.

“ᑕᐃᒪᐃᓕᖓᓂᖓᓄᑦ, ᑕᒪᒃᑭᑲᓴᐃᑦ ᐃᒡᓗᒃᓴᓂ ᖃᓄᐃᑦᑑᓂᖏᓐᓂ ᑕᒪᒃᑭᐅᒪᔪᒥ ᐃᓄᖃᐃᓐᓇᖅᐳᑦ.”

ᑕᐃᒃᑯᐊ ᐃᖃᓗᖕᓂ ᐃᒡᓗᖃᖅᑐᓂ ᐅᑯᓇᓂ ᐊᑐᖅᑐᐊᒐᒃᓴᓂ ᐃᒡᓗᓂᑦ ᐊᑭᓖᕗᑦ ᖁᑦᑎᓛᖑᔪᒥ ᐊᑐᖅᑐᐊᕐᓂᐅᔪᒥ ᐅᑭᐅᖅᑕᖅᑐᒥ, ᕿᑎᖅᐸᓯᐊᓂ ᐊᑭᖓᓂ ᐅᕙᓃᖦᖢᓂ $3,025−ᒥ 2025−ᒥ. ᐅᓇ ᑕᐅᑐᒃᖢᒍ ᕿᑎᖅᐸᓯᐊᓂ ᐊᑐᖅᑐᐊᕐᓂᕐᒥ ᔭᓗᓇᐃᕝᒥ $1,975 ᑕᖅᑭᑕᒫᒥ ᐊᒻᒪ $1,364 ᑕᖅᑭᑕᒫᒥ ᐅᐊᐃᑦᕼᐅᐊᔅᒥ.

ᐅᑭᐅᖅᑕᖅᑐᒥ ᑮᓇᐅᔾᔭᒃᓴᓂᐅᔪᒥ ᐱᕈᖅᓯᒪᒐᓗᐊᖅᑎᓪᓗᒍ ᕿᑎᐊᓂ 2021−ᒥ ᐊᒻᒪ 2025−ᒧᑦ, ᓇᑉᐸᓪᓗᐊᑲᓵᓂ ᐃᒡᓗᖃᑎᒌᒃᑎᐅᔪᑦ ᓱᓕ ᐊᑭᑐᒃᓴᓗᐊᖅᐳᑦ ᐊᑐᖅᑐᐊᕐᓂᕐᒥ.

ᖁᑦᑎᖕᓂᖅᓴᐅᔪᒥ ᐊᑭᖓᓂ ᐆᒪᓇᓱᐊᕐᓂᕐᒧᑦ ᓄᓇᕗᒻᒥ ᑐᑭᖃᕆᕗᖅ ᐊᖏᓂᖅᓴᐅᔪᒥ ᑮᓇᐅᔾᔭᒃᓴᓂᕐᒥ ᐃᓕᔭᐅᓲᖑᕗᖅ ᓂᕿᓄᑦ, ᐅᓯᑲᑦᑕᕐᓂᕐᒧᑦ ᐊᒻᒪ ᐆᒻᒪᖅᑯᑎᓄᑦ. ᐅᓇ ᑐᑭᖃᖅᐳᖅ ᐊᑭᑐᓗᐊᙱᑦᑐᒥ ᐆᒃᑐᕋᐃᓂᐅᔪᓂ “ᑐᙵᕕᖃᖅᑐᒥ ᐊᑐᖅᑐᐊᕐᓂᕐᒧᑦ ᐅᕝᕙᓘᓐᓃᑦ ᐊᑭᓕᐅᑕᐅᔪᖅ ᐃᒡᓗᒧᑦ ᓄᓇᒧᓪᓘᓐᓃᑦ ᐊᑭᖏᓐᓂ ᒥᒃᖠᒋᐊᖅᑎᑦᑎᕗᖅ ᑮᓇᐅᔭᓕᕆᓂᕐᒥ ᐊᒃᓱᕈᕐᓂᐅᔪᒥ ᐃᒡᓗᖃᑎᒌᒃᑎᐅᔪᓂ ᓵᙵᕙᖕᓂᖏᓐᓂ ᑕᐅᑐᒃᖢᒍ ᐊᒥᐊᒃᑯᖓᓂ ᑲᓇᑕᒥ.”

ᒫᓐᓇᐅᔪᒥ, ᐃᓄᓕᒫᓄᑦ-ᐱᓕᕆᕝᕕᖕᒥ ᐊᑐᖅᑕᐅᓂᐅᔪᓂ ᐃᒡᓗᒧᑦ ᐃᑲᔪᖅᓱᐃᖏᓐᓇᖅᐳᖅ ᑮᓇᐅᔾᔭᒃᓴᓂᕐᒥ ᖃᓄᐃᓕᐅᕈᑕᐅᔪᓂ, ᐱᓗᐊᖅᑐᒥ ᓄᓇᕗᒻᒥ, ᐃᓄᓕᒫᓄᑦ ᐃᒡᓗᖁᑎᒋᔭᐅᔪᑦ ᐱᓕᕆᓂᖃᖅᖢᓂ 93 ᐳᓴᓐᑎᒥ ᓄᑖᖑᔪᓂ ᐃᒡᓗᒃᓴᕆᔭᐅᔪᓂ ᓇᑉᐸᖅᑎᕆᓂᐅᔪᒥ. ᐅᓇ ᑕᐅᑐᒃᖢᒍ ᑲᓇᑕᒥ ᐅᓄᕐᓂᖓᓂ 6 ᐳᓴᓐᑎᒥ.

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᓪᓚᕝᕕᓕᕆᓲᖑᕗᑦ 20 ᐳᓴᓐᑎᒥ ᑕᒪᒃᑭᓂ ᐊᑐᖅᑐᐊᕐᓂᕐᒧᑦ ᐅᓄᕐᓂᐅᔪᓂ ᐃᖃᓗᖕᓂ, ᐅᖃᐅᓯᐅᓪᓗᓂ ᐅᓂᒃᑳᓕᐊᒥ. ᕕᕗᐊᕆ 2025−ᒥ, 36−ᓂ ᐃᓄᖃᙱᑦᑐᓂ ᐃᓄᓕᒫᓄᑦ ᐃᒡᓗᒃᓴᓂ ᐃᖃᓗᖕᓂ, ᐅᑕᖅᑭᔪᓂ-ᑎᑎᕋᖅᓯᒪᓂᐅᔪᓂ ᖄᖏᐅᑎᓪᓗᑎᒃ 400−ᓂ ᐃᒡᓗᖃᑎᒌᖑᔪᓂ.

ᐅᓄᕐᓂᐅᔪᓂ ᓄᑖᖑᔪᓂ ᐃᓄᓕᒫᓄᑦ−ᐃᒡᓗᒃᓴᓂ ᓴᓇᔭᐅᔪᓂ ᐃᑲᔪᖅᓱᐃᓂᖃᕆᕗᖅ ᐊᖏᓂᐅᔪᒥ ᓄᓇ/ᕗᑉ ᐅᑎᖅᑕᖅᐸᒃᑐᓄᑦ ᐃᖅᑲᓇᐃᔭᖅᑎᐅᔪᓄᑦ.

ᐅᑎᖅᑕᖅᐸᒃᑐᓄᑦ ᓴᓇᔨᐅᔪᓂ ᐃᖅᑲᓇᐃᔭᖅᑐᓂ ᐊᔾᔨᒌᙱᑦᑐᓂ ᑲᓇᑕᒥ ᐊᕕᒃᑐᖅᓯᒪᓂᐅᔪᓂ ᐅᕝᕙᓘᓐᓃᑦ ᐅᑭᐅᖅᑕᖅᑐᒥ ᓄᓇᖃᕐᓂᖏᓐᓂ. ᓄᓇᕗᒻᒥ, ᐃᖅᑲᓇᐃᔭᖅᑎᖁᑎᒋᔭᐅᔪᑦ ᐋᖅᑭᒃᓱᖅᓯᒪᕗᖅ 37 ᐳᓴᓐᑎᒥ ᐅᑎᖅᑕᖅᐸᒃᑐᓄᑦ ᓴᓇᔨᐅᔪᓂ 2025−ᒥ, ᑕᐅᑐᒃᖢᒍ 21 ᐳᓴᓐᑎᒥ ᓄᓇᑦᓯᐊᕐᒥ ᐊᒻᒪ 14 ᐳᓴᓐᑎᒥ ᔫᑳᓐᒥ. ᑲᓇᑕᓕᒫᒥ, ᐅᓄᕐᓂᖓ ᐃᒃᓯᕚᖅᐳᖅ 3 ᐳᓴᓐᑎᒥ 2025−ᒥ.

ᖁᑦᑎᒃᑐᒥ ᐅᓄᕐᓂᐅᔪᓂ ᐅᑎᖅᑕᖅᐸᒃᑐᓄᑦ ᓴᓇᔨᐅᔪᓂ ᓄᓇᕗᒻᒥ ᖃᓄᐃᓐᓂᐅᑐᐃᓐᓇᕆᐊᖃᖅᐳᖅ ᑕᒪᐃᑎᒍᑦ ᐱᕼᖃᙱᓗᐊᕐᓂᖓᓂ ᐃᒡᓗᒃᓴᓂ ᓄᓇᕗᒻᒥ, ᐅᖃᐅᓯᐅᓪᓗᓂ ᐅᓂᒃᑳᓕᐊᒧᑦ, ᐊᔪᕐᓇᕐᓂᖅᓴᐅᖕᒪᑦ ᓴᓇᔨᐅᔪᓂ ᓅᓪᓚᕆᖕᓂᖏᓐᓄᑦ ᓄᓇᕗᒻᒧᑦ ᓇᓂᓯᔪᓐᓇᙱᒻᒪᑕ ᑐᔪᕐᒥᕕᒃᓴᖓᓂ.

ᑕᒪᒃᑮᑦ ᐅᑯᓇᓂ ᐱᔾᔪᑕᐅᔪᓂ ᕿᒪᐃᕗᖅ ᐃᓄᖕᓂ ᓄᓇᕗᒻᒥ ᐊᑐᕐᓂᖃᕐᔪᐊᕐᓂᖏᓐᓂ ᒐᕙᒪᒃᑯᓐᓂ ᐊᒻᒪ ᐃᖅᑲᓇᐃᔭᖅᑎᓄᑦ ᐃᒡᓗᒃᓴᖏᓐᓂ, ᐅᓂᒃᑳᓕᐊᖅ ᓇᓂᓯᓚᐅᖅᐳᖅ.

ᐃᖃᓗᖕᓂ, ᐅᑯᐊ “ᓂᐅᕕᐊᒃᓴᐅᙱᑦᑐᓂ ᐃᒡᓘᔪᓂ” ᓂᕈᐊᒐᒃᓴᐅᔪᓂ ᐋᖅᑭᒃᓱᐃᕗᖅ ᒪᕐᕉᖕᓂ ᐱᖓᓱᓪᓗᐊᓂ ᑕᒪᒃᑭᖅᑐᒥ ᐊᑐᖅᑐᐊᒐᒃᓴᐅᔪᓂ ᐅᓄᕐᓂᐅᔪᓂ.