ᓄᓇᕕᖕᒥ ᐃᒡᓗᓕᕆᔨᕐᔪᐊᒃᑯᑦ ᐱᒋᐊᖅᑎᑦᑎᕗᑦ ᑐᓴᒐᒃᓴᓂ ᐱᓕᕆᖑᓇᓱᐊᖅᑐᒥ

For English version, see Nunavik Housing Bureau launches information campaign

ᓄᓇᕕᖕᒥ ᐃᒡᓗᓕᕆᔨᕐᔪᐊᒃᑯᑦ ᐃᑲᔪᕈᒪᕗᑦ ᓄᓇᖃᖅᑎᐅᔪᓂ ᑐᑭᓯᐅᒪᑦᑎᐊᒃᑲᓐᓂᕐᓂᕐᒥ ᐱᓕᕆᓂᐅᔪᓂ ᐃᒡᓗᖃᖅᑎᑦᑎᓂᕐᒥ ᐱᓕᕆᕙᖕᓂᖏᓐᓂ ᐊᕕᒃᑐᖅᓯᒪᓂᐅᔪᒥ.

ᓄᑖᖑᔪᒥ ᐱᓕᕆᐊᖑᓇᓱᐊᖅᑐᒥ ᓴᖅᑭᑎᑕᐅᓂᐊᖅᐳᖅ ᑕᒪᑐᒪᓂ ᐱᓇᓱᐊᕈᓯᐅᔪᒥ ᑕᒪᒃᑭᓂ 14−ᖑᔪᓂ ᓄᓇᓕᐅᔪᓂ ᑐᕌᖓᔪᒥ ᑭᐅᓂᕐᒥ ᐊᐱᖅᑯᑕᐅᒐᔪᒃᑐᓂ, ᐃᓚᖃᖅᑐᒥ ᐃᒡᓗᒃᓴᐃᑦ ᓇᑭᙶᖅᐸᖕᓂᖏᓐᓂ, ᖃᓄᖅ ᐊᖏᕐᕋᒃᓴᐃᑦ ᑐᓂᔭᐅᕙᖕᓂᖏᓐᓂ, ᐊᒻᒪ ᖃᓄᖅ ᐊᑐᖅᑐᐊᕐᓂᖅ ᐱᓕᕆᕙᖕᓂᖓᓂ, ᐅᖃᓚᐅᖅᐳᖅ ᒫᑦ ᐴᑎᓕᐊᑦ, ᐃᒡᓗᓕᕆᔨᕐᔪᐊᒃᑯᑦ ᐋᔩᖃᑎᒌᒃᑎᑦᑎᔨᐅᔪᒥ.

“ᐱᓕᕆᓇᓱᐊᖅᐳᒍᑦ ᐆᒻᒪᕆᓐᓂᖅᓴᐅᒐᓛᒃᑐᒥ ᖃᓄᖅ ᑐᓂᓯᓂᑦᑎᓐᓂ ᑐᓴᒐᒃᓴᓂ ᑐᓴᒐᒃᓴᐃᑦ ᐱᒻᒪᕆᐅᖕᒪᑕ ᑭᓯᐊᓂ ᐊᓕᐊᓇᐃᓗᐊᙱᑦᑐᑦ ᐅᖃᓕᒫᕆᐊᒃᓴᖅ,” ᐴᑎᓕᐊᑦ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ.

ᑐᓴᒐᒃᓴᓂ ᐊᔪᕐᓇᙱᑎᑦᑎᒃᑲᓐᓂᕐᓂᕐᒥ ᑐᑭᓯᔭᕆᐊᒃᓴᖅ, ᐃᒡᓗᓕᕆᔨᕐᔪᐊᒃᑯᑦ ᓴᖅᑭᑎᑦᑎᕗᑦ ᑕᕐᕆᔭᓕᐊᖑᔪᓂ ᓱᖏᐅᔾᔭᐅᓂᐊᖅᑐᓂ ᓂᕕᙵᑕᓄᑦ ᐊᒻᒪ ᓈᓚᐅᑎᒃᑯᑦ ᑐᓵᔭᒃᓴᐅᔪᓂ.

ᐱᓕᕆᐊᖑᓇᓱᐊᖅᑐᖅ ᐊᕕᒃᑐᖅᑕᐅᓯᒪᕗᖅ ᐱᖓᓱᓄᑦ ᐅᖃᐅᓯᒃᓴᓪᓗᐊᑕᓄᑦ ᐸᕐᓇᒃᑕᐅᔪᓂ ᐊᐅᓚᓂᐊᕐᓂᖏᓐᓂ ᐊᕐᕌᒎᑉ ᓄᙳᐊᓄᑦ, ᓴᖅᑭᑎᑦᑎᓂᐅᔪᖅ ᑲᔪᓯᓇᔭᖅᑐᒥ 2026−ᒧᑦ, ᐴᑎᓕᐊᑦ ᐅᖃᓚᐅᖅᐳᖅ.

ᓄᓇᕕᖕᒥ ᐃᒡᓗᓕᕆᔨᕐᔪᐊᒃᑯᑦ ᐊᐅᓚᑦᑎᓲᖑᕗᑦ 4,004−ᓂ ᐃᒡᓗᓂ ᑲᑎᙵᓂᐅᔪᓂ, 98 ᐳᓴᓐᑎᐅᔪᒥ ᐃᒡᓗᖃᖅᑎᑦᑎᓂᐅᔪᒥ ᐊᕕᒃᑐᖅᓯᒪᓂᐅᔪᒥ.

ᐴᑎᓕᐊᑦ ᐅᖃᓚᐅᖅᐳᖅ ᐃᒡᓗᓕᕆᔨᕐᔪᐊᒃᑯᑦ ᓴᓇᓲᖑᙱᓚᑦ ᐃᒡᓗᓂᑦ ᐃᒻᒥᓂᑐᐊᖅ — ᑲᑐᔾᔨᖃᑎᒌᓲᖑᕗᑦ ᒪᑭᕝᕕᒃ ᑎᒥᖁᑕᐅᔪᒥ, ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᓐᓂ ᐊᒻᒪ ᓇᔪᒥᕕᒃ ᓄᓇᒥ ᑎᒍᒥᐊᖅᑎᐅᔪᓂ ᑎᒥᖁᑕᐅᔪᓂ.

ᐃᒡᓗᓕᕆᔨᕐᔪᐊᒃᑯᑦ ᐱᓕᕆᓲᖑᕗᑦ ᑲᒪᒋᔭᖃᕐᓂᕐᒥ ᐊᑐᕐᓂᖃᐅᑎᖓᓐᓂ ᓇᑉᐸᖅᑎᕆᓂᖅ ᐱᔭᕇᖅᑕᐅᒃᐸᑦ ᑐᓐᓂᖅᓴᐃᓪᓗᑎᒃ ᐃᒡᓗᒃᓴᓂ ᐃᓚᒌᖑᔪᓄᑦ ᐊᒻᒪ ᑲᒪᒋᔭᖃᕐᓂᕐᒥ ᐋᖅᑭᐅᒪᑎᑦᑎᓂᐅᔪᒥ ᐊᒻᒪ ᐋᖅᑭᒃᓱᖅᑕᐅᓂᖏᓐᓂ.

ᓄᑖᙳᕆᐊᖅᑎᑕᐅᓂᐅᔪᓂ ᐅᖃᐅᓯᐅᓂᐊᖅᐳᑦ ᐃᓛᓐᓂᒃᑯᑦ ᐊᑐᓂ ᓄᓇᓕᐅᔫᑉ ᒪᓕᒃᑐᒥ ᕙᐃᔅᐳᒃᑯᑦ ᒪᒃᐱᒐᖓᓂ.

“ᐅᖃᐅᓯᒃᓴᖏᓐᓂ ᐱᔪᒪᕗᒍᑦ,” ᐴᑎᓕᐊᑦ ᐅᖃᓚᐅᖅᐳᖅ ᑭᐅᓂᐅᔪᓂ ᓄᓇᖃᖅᑎᐅᔪᓂ. “ᐅᓇ ᐋᖅᑭᒃᓯᒪᓂᐅᔪᒥ ᐱᐅᒋᓇᔭᖅᐱᓯᐅᒃ? ᑕᑯᔪᒪᓇᔭᑦᑎᐊᖅᐸᕗᑦ.”

ᖃᕋᓴᐅᔭᑎᒍᑦ ᐅᖃᕐᕕᒃᓴᖃᕐᓂᐊᕆᕗᖅ ᐃᓚᒋᔭᐅᖢᓂ ᐱᓕᕆᐊᖑᓇᓱᐊᖅᑐᒥ ᐃᒡᓗᖃᖅᑎᑕᐅᔪᑦ ᑐᓂᓯᔪᓐᓇᕐᓂᐊᕐᓗᑎᒃ ᐊᐱᖅᑯᑕᐅᔪᓂ.