ᓄᓇᕗᒥᑦ ᓯᕗᓕᐅᕐᑎ ᑐᓂᓯᔪᖅ ᐅᖃᓕᒫᕈᓐᓇᕐᓂᕐᒧᑦ ᐃᓕᓴᕆᔭᐅᔾᔪᑎᒥ ᐃᓄᒃᑐᑦ ᑐᑭᓕᐅᕆᔨᒧᑦ

ᔩᓚ ᐸᓪᓗᖅ-ᑯᓘᑦᓯᐄ ᖁᕕᐊᓲᑎᒋᔭᐅᓚᐅᕐᑐᖅ ᐱᓕᕆᐊᖓᓄᑦ ᑐᑭᓕᐅᕆᓯᒪᓂᖓᓂᒃ 11,000 ᐅᖃᐅᓯᕐᓂᒃ ᕙᐃᔅᐳᒃᑯᑦ ᐊᑐᖅᑕᐅᔪᓐᓇᕐᓯᓂᕐᒧᑦ

ᓄᓇᕗᒥᑦ ᓯᕗᓕᐅᕐᑎ ᐸᐅᓗᓯ ᐊᕿᐊᕈᖅ ᐱᖃᑎᖃᖅᑐᖅ ᔩᓚ ᐸᓪᓗᖅ-ᑯᓘᑦᓯᐄᒥ ᐅᒃᑑᐱᕆ 27-ᒥ ᑐᓂᓚᐅᖅᖢᓂᐅᒃ ᐃᓕᓴᕆᔭᐅᔾᔪᑎᒥ ᐅᑯᓇᙵᑦ Council of the Federation Literacy Award (ᑲᑎᒪᔨᕐᔪᐊᑦ ᐅᖃᓕᒫᕈᓐᓇᕐᓂᕐᒧᑦ ᐃᓕᓴᕆᔭᐅᔾᔪᑎ) ᐅᒃᑑᐱᕆ 27-ᒥ. (ᐊᔾᔨᙳᐊᖅ ᐅᕙᙵᑦ ᐸᐅᓗᓯ ᐊᕿᐊᕈᖅ/ᑐᕕᑐ)

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For English version, see Nunavut premier presents literacy award to Inuktut translator

ᐊᕐᓇᖅ ᑐᑭᓕᐅᕆᓂᑯ ᑕᐅᓴᑲᓪᓚᖕᓂ ᐅᖃᐅᓯᕐᓂ ᖃᓪᓗᓈᑎᑑᖓᔪᓂᒃ ᐃᓄᒃᑎᑑᖓᓕᖅᖢᓂᒋᑦ ᕙᐃᔅᐳᒃᒧᑦ ᐃᓕᓴᐃᔭᐃᓕᓚᐅᕐᑐᖅ ᐃᓕᓴᕆᔭᐅᔾᔪᑎᒥᒃ ᑐᓂᔭᐅᓪᓗᓂ ᓄᓇᕗᑦ ᓯᕗᓕᐅᖅᑎᖓᓄᑦ.

ᐸᐅᓗᓯ ᐊᕿᐊᕈᖅ ᑐᓂᓯᓚᐅᕐᑐᖅ ᔩᓚ ᐸᓪᓗᖅ-ᑯᓘᑦᓯᐄ ᐆᒥᖓ ᑲᑎᒪᔨᕐᔪᐊᑦ ᐅᖃᓕᒫᕈᓐᓇᕐᓂᕐᒧᑦ ᐃᓕᓴᕆᔭᐅᔾᔪᑎᖓᓂᒃ (Council of the Federation Literacy Award) ᐅᒃᑑᐱᕆ 26-ᒥ ᒪᓕᒐᓕᕆᕕᒡᔪᐊᕐᒥ.

ᔪᓚᐃᖑᑎᓪᓗᒍ ᐃᓄᒃᑎᑐᑦ ᐊᑐᐃᓐᓇᐅᓕᓚᐅᕐᓯᒪᔪᖅ ᐅᖃᐅᓯᕐᓂ ᕙᐃᔅᐳᒃᑐ ᐆᒪ ᐸᓪᓗᖅ-ᑯᓘᑦᓯᐄ ᐱᓕᕆᐊᖃᕐᓂᖓᓄᑦ. ᑕᖅᑮᖕᓂ ᒪᕐᕉᖕᓂ ᑐᑭᓕᐅᕆᓚᐅᕐᓯᒪᖕᒪᓐ 11,000 ᐅᖓᑖᓂ ᐅᖃᐅᓯᕐᓂ ᑐᓴᐅᒪᔾᔪᑎᓕᕆᓂᕐᒥ ᐱᓕᕆᐊᖃᖅᑎᒻᒪᕆᖕᓄᑦ.

“ᐅᓇ ᐃᓕᓴᕆᔭᐅᔾᔪᑎ ᐃᓕᓴᖅᓯᓂᕐᒧᑦ ᔩᓚᐅᑉ ᐱᓕᕆᐊᖃᓚᐅᕐᓯᒪᓂᖓᓂᒃ ᐃᓄᒃᑐᑦ ᐱᒋᐊᖅᑎᒃᑲᓐᓂᕋᓱᒃᖢᒍ ᐊᒻᒪ ᓴᙱᒃᑎᑉᐹᓪᓕᖅᑎᓐᓇᓱᒃᖢᒍ ᐊᕐᕌᒍᒐᓴᐅᓕᕐᑐᓂᒃ,” ᐊᕿᐊᕈᖅ ᐅᖃᓚᐅᕐᑐᖅ.

“ᖁᕕᐊᓲᑎᔪᒪᓪᓗᒍ ᔩᓚ ᐊᒻᒪᓗ ᐱᓕᕆᓯᒪᐃᓐᓇᖅᑕᖓᓄᑦ.”

ᐃᓚᒋᓪᓗᒍ ᐱᓕᕆᐊᖃᕐᓂᖓ ᐃᓄᐃᑦ ᐅᖃᐅᓯᖏᓐᓂᒃ ᕙᐃᔅᐳᒃᑯᑦ, ᐸᓪᓗᖅ-ᑯᓘᑦᓯᐄ ᐱᓕᕆᓯᒪᖕᒥᔪᖅ ᐃᓄᒃᑎᑐᑦ ᐊᒻᒪ ᐃᓄᐃᓐᓇᖅᑐᓐ ᐊᑐᐃᓐᓇᐅᓕᖅᑎᓐᓂᕐᒥᒃ ᒪᐃᑯᓵᕝ ᑐᑭᓕᐅᕆᔾᔪᑎᖓᓂᒃ.

ᐅᑯᐊ ᑲᑎᒪᔨᕐᔪᐊᑦ ᐅᖃᓕᒫᕈᓐᓇᕐᓂᕐᒧᑦ ᐃᓕᓴᕆᔭᐅᔾᔪᑎ ᐱᓕᕆᐊᕆᔭᐅᔪᓂᒃ ᐃᓕᓴᖅᓯᓯᒪᓂᕐᒧᑦ, ᐱᓇᓱᐊᖅᑕᐅᔪᓂᒡᓗ ᐊᒻᒪᓗ ᐅᖃᓕᒫᕈᓐᓇᕐᓂᕐᒧᑦ, ᐅᖃᕐᓯᒪᔪᖅ ᐃᓕᓴᕆᔭᐅᔾᔪᑎᒧᑦ ᖃᕋᓴᐅᔭᒃᑯᑦ ᓴᖅᑭᔮᒐᖓ.

ᐅᓇ ᐊᕐᕌᒍᑕᒫᓐ ᑐᓐᓂᖅᑯᑎᐅᕙᒃᑐᑦ ᐊᑕᐅᓯᕐᒧᑦ ᑲᓇᑕᐅᑉ ᐳᕌᕕᓐᓯᖏᓐᓂᒃ ᐊᒻᒪ ᑎᐅᕆᑑᕆᖏᓐᓂᒃ.

ᐊᓯᖏᑦ ᓄᓇᕗᒥᐅᑕᑦ ᑐᓂᔭᐅᓯᒪᔪᑦ ᐃᓚᖃᕐᑐᑦ ᐊᕐᕕᐊᓂ ᐃᓕᓴᐃᔨ ᓄᓂᐊ ᐊᓄᐃᑦ, ᑲᖏᖅᖠᓂᖅᒥ ᐃᓕᓴᐃᔨᒧᑦ ᓵᒪᐃᓐ ᐅᑲᑦᓯᐊᒃ ᐊᒻᒪᓗ ᐊᑯᓂᐊᓗᒃ ᐅᖃᐅᓯᓕᕆᓂᕐᒧᑦ ᐱᓕᕆᔨᒻᒪᕆᐅᓯᒪᔪᖅ ᐊᒻᒪ ᐃᓕᓴᐃᔨ ᒫᓂᑲ ᐃᑦᑐᒃᓵᕐᔪᐊᕐᒧᑦ.

Share This Story

(0) Comments

Join the Conversation

Your email address will not be published. Required fields are marked *

*