ᓄᓇᕗᑦ ᓵᓚᖃᕐᒧᐊᖅᐳᑦ Pan-ArcticVision−ᒥ ᓅᒃᒥ

For the English version of this story, please see Nunavut wins big at Pan-Arctic Vision in Nuuk.

ᓄᓇᕗᒻᒥ ᑲᑕᔾᔭᖅᑐᓂ ᒪᕐᕉᔪᓂ ᐃᙱᓚᐅᖅᐳᑦ “ᐅᑭᐅᖅᑕᖅᑑᓛᖑᔪᒥ” ᐃᙱᐅᓯᒥᒃ ᐊᒻᒪ ᓴᖅᑭᓚᐅᖅᐳᑦ ᓵᓚᖃᖅᑎᐅᓪᓗᑎᒃ Pan-ArcticVision ᓵᓚᖃᕋᓱᐊᕐᓂᐅᔪᒥ ᐱᓕᕆᐊᖑᔪᒥ ᐅᒃᑐᐱᕆ 12−ᒥ in ᓅᒃ, ᑲᓛᖦᖠᐅᑉ ᓄᓈᓐᓂ.

ᐊᐃᕙ ᐊᒻᒪ ᐊᖑ ᓵᓚᖃᓚᐅᖅᐳᑦ ᐅᑭᐅᖅᑕᖅᑑᓛᖑᔪᒥ ᐃᙱᐅᓯᒥᒃ ᐊᕕᒃᑐᖅᓯᒪᓂᐅᔪᒥ, ᐊᒻᒪ ᓄᓇᕗᑦ ᑐᓂᔭᐅᓚᐅᖅᐳᑦ ᐱᔪᓐᓇᕐᓂᐅᔪᒥ ᑲᒪᒋᔭᖃᕐᓂᕐᒥ ᐱᖓᔪᖓᓐᓂ Pan-ArcticVision ᖃᓄᐃᓐᓂᐅᔪᒥ 2025−ᒥ.

ᐃᕙᓗᐊᕐᔪᒃ ᑳᑦᓖᓐ ᒥᐊᕆᑦ ᐊᒻᒪ ᓵᓕᑦ ᖃᒪᓂᖅ — ᐃᙱᓲᖑᔪᓂ ᐊᐃᕙᒥ ᐊᒻᒪ ᐊᖑᒻᒥ, ᒪᓕᖃᑦᑕᐅᑎᔪᒥ — ᓂᕈᐊᖅᑕᐅᓚᐅᖅᐳᑦ ᑭᒡᒐᖅᑐᐃᓂᖏᓐᓂ ᓄᓇᕗᒻᒥ ᐱᓇᓱᐊᕈᓯᐅᑉ ᓄᙳᐊᓂ ᓵᓚᖃᕋᓱᐊᕐᓂᐅᔪᒥ ᑲᑎᒪᔨᐅᔪᓂ ᐃᖃᓗᖕᓂ ᐊᓕᐊᓇᐃᑦ ᓴᓇᐅᒐᓕᕆᓂᕐᒧᑦ ᖁᕕᐊᓱᒍᑕᐅᔪᒥ ᔪᓚᐃᒥ.

ᓇᓕᐊᑐᐃᓐᓇᖅ ᐃᙱᖅᑎᐅᔪᑦ ᐅᖃᓗᕖᐅᔪᓐᓇᓚᐅᙱᓚᑦ ᐅᖃᐅᓯᒃᓴᖏᓐᓄᑦ ᓵᓚᖃᕋᓱᐊᓚᐅᖅᑎᓪᓗᒋᑦ.

ᐊᓯᖏᑦ ᐃᙱᖅᑎᐅᔪᑦ ᐃᓚᖃᓚᐅᖅᐳᑦ ᓱᕖᑕᓐᒥᐅᑕᖅ ᑎᑕᒃᑎ ᒥᐅᕐᔭ ᐸᓗ, ᕕᓂᔅ ᕌᐳᕐ ᑕᓗᓐᐳᐊᑲ ᓚᓕ, ᐊᐃᔅᓛᓐᒥᐅᑕᖅ ᑎᑕᒃᑎᑦ ᕚᒻᐸᐃᕋ, ᐊᒻᒪ ᐃᓯᑎᕆ ᔅᑲᓚ, ᓴᓇᐅᒐᓕᕆᔨᐅᔪᖅ ᐊᕐᒋᕐᒥ ᕙᐃᕈ ᕿᑭᖅᑕᓂ, ᑎᐊᓐᒫᒃᒥ.

Pan-ArcticVision ᐊᕐᕌᒍᑕᒫᒥ ᖃᓄᐃᓐᓂᐅᕗᖅ ᐊᔾᔨᐸᓗᐊᓂ Eurovision ᐃᙱᐅᓯᓄᑦ ᓵᓚᖃᕋᓱᐊᕐᓂᐅᔪᒥ ᐅᑭᐅᖅᑕᖅᑐᒥ ᐅᐊᖕᓇᖓᓂ ᐊᕕᒃᑐᖅᓯᒪᓂᐅᔪᓂ ᐃᓚᖃᖅᑐᒥ ᓄᐊᕙᐃ, ᓱᕖᑕᓐ, ᑎᐊᓐᒫᒃ, ᕕᓐᓛᓐ ᐊᒻᒪ ᐅᐊᖕᓇᒥ ᔫᓇᐃᑎᑦ ᔅᑕᐃᑦᔅᓂ, ᑲᓇᑕᒥ ᐊᒻᒪ ᕋᓴᒥ. ᑐᕌᒐᒃᓴᖓ “ᑲᑎᑎᕆᓂᕐᒥ ᐅᑭᐅᖅᑕᖅᑐᒥ,” ᐅᖃᐅᓯᐅᓪᓗᓂ ᐃᑭᐊᖅᑭᕕᖓᓂ.

ᓵᓚᖃᕋᓱᐊᕐᓂᐅᔪᖅ ᑎᓴᒪᓂ ᓵᓚᖃᐅᓯᐊᒃᓴᓂ ᐊᕕᒃᑐᖅᓯᒪᓂᖃᖅᐳᖅ: ᐊᓯᔾᔨᖅᓯᓛᖑᓂᐅᔪᒥ ᐃᙱᐅᓯᖅ: ᐅᑭᐅᖅᑕᖅᑑᓛᒥ ᐃᙱᐅᓯᕐᒥ; ᐃᙱᐅᓯᖅ ᑐᓂᓯᓛᖑᔪᒥ ᐃᒃᐱᒍᓱᖕᓂᐅᔪᒥ ᓄᓇᓕᖕᓂ ᐊᒻᒪ ᑲᑎᙵᓂᐅᔪᒥ; ᐊᒻᒪ ᓵᓚᖃᐅᓯᐊᒥᒃ ᐅᑭᐅᖅᑕᖅᑐᒥ ᐃᓂᐅᔪᒥ ᐱᓪᓗᐊᖅᑐᒥ ᑲᒪᒋᔭᖃᕐᓂᕐᒥ ᒪᓕᒃᑐᒥ ᖃᓄᐃᓐᓂᐅᔪᒥ.

ᓯᕗᓪᓕᖅᐹᖑᔪᒥ ᓵᓚᖃᕋᓱᐊᕐᓂᐅᔪᒥ ᐱᓕᕆᐊᖑᓚᐅᖅᐳᖅ Vadsø, ᐅᐊᖕᓇᒥ ᓄᐊᕙᐃᒥ 2023−ᒥ ᑲᓇᑕ ᑭᒡᒐᖅᑐᖅᑕᐅᓪᓗᓂe Sweeties−ᓂ, ᒪᕐᕉᔪᓂ ᐅᐊᐃᑦᓇᐅᐊᔅ, ᔫᑳᓐᒥ.