ᐸᓖᓯᒃᑯᑦ ᖃᐅᔨᓴᕐᓂᐊᖅᑐᑦ ᑎᒥᖏᓐᓂᒃ ᐊᔾᔨᓕᐅᕈᑎᖃᕐᓂᖅᒧᑦ ᖃᓄᐃᓕᐅᕈᑎᐅᔪᒥᒃ, ᓄᓇᓕᖕᓂ ᑐᓴᕈᒪᔪᑦ

ᐸᓖᓯᑦ ᐊᔾᔨᓕᐅᕈᑎᓂᒃ ᐊᑐᖃᑦᑕᔾᔮᔪᓐᓃᖅᑐᑦ ᑎᒥᖏᓐᓃᑦᑐᓂᒃ ᔫᓂ 1 ᐱᒋᐊᕐᓗᓂ

ᐸᓖᓯᒃᑯᑦ ᐊᔾᔨᓕᐅᕈᑎᓂᒃ ᐊᑐᖅᑎᑕᐅᑲᑕᖕᓂᖏᑦ ᐃᖃᓗᖕᓂ ᓄᖅᑲᓚᐅᖅᓯᒪᔪᖅ ᔫᓂ ᐱᒋᐊᓕᓵᑦᑎᓪᓗᒍ ᑕᒪᓐᓇ ᐊᓯᐊᓄᖔᖅ ᖃᐅᔨᓴᕈᑎᐅᓇᓱᖕᓂᐊᓕᕐᓂᖓᓄᑦ. (ᐊᔾᔨᓕᐅᕆᔨ ᑕᔅᑎᓐ ᐸᑖᕐ)

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For an English version of this story, see RCMP to evaluate body camera program, seek community input

ᐃᖃᓗᖕᓂ ᐸᓖᓯᒃᑯᑦ ᐊᑐᖃᑦᑕᕈᓐᓃᓚᐅᖅᑐᑦ ᐊᔾᔨᓕᐅᕈᑎᓂᒃ ᐱᒋᐊᖅᖢᓂ ᔫᓂ 1-ᒥᑦ, ᑖᓐᓇ ᐱᓕᕆᐊᖑᓚᐅᑲᒃᑐᖅ ᐊᓯᒃᑲᓐᓂᖓᒍᑦ ᐱᓕᕆᐊᖑᓂᐊᓕᖅᑎᓪᓗᒍ.

ᑕᖅᑭᒐᓴᐅᓵᖅᑐᓂᒃ ᐸᓖᓯᒃᑯᑦ ᓂᐱᓕᐅᕆᖃᑦᑕᖅᓯᒪᖕᒪᑕ ᐃᓱᒪᒃᑯᑦ ᐋᓐᓂᐊᖃᕐᓂᖅᒧᑦ ᐅᖄᓚᖃᑦᑕᖅᑐᓂᒃ, ᖃᐅᔨᓴᕈᑎᐅᔪᓂᒃ ᐊᒻᒪᓗ ᐱᕋᔭᒃᐸᓪᓕᐊᔪᓂᒃ, ᐅᖃᖅᓯᒪᓚᐅᖅᑐᑦ ᐸᓖᓯᒃᑯᑦ ᑐᓴᒐᒃᓴᓕᐊᖏᑦ.

ᑐᓴᒐᒃᓴᖅ ᐅᖃᖅᓯᒪᔪᖅ ᐊᔾᔨᓕᐅᖅᓯᕙᖕᓂᖓᓂᒃ ᓄᖃᑲᑕᑦᑎᓗᒋᑦ ᐸᓖᓯᒃᑯᑦ, ᐊᒻᒪᓗ ᐊᑐᖅᑕᐅᔪᓐᓇᖅᖢᑎᒃ ᐃᖅᑲᖅᑐᐃᕕᖕᓄᑦ ᐊᒻᒪᓗ ᐸᓖᓯᓂᒃ ᐱᓕᕆᑎᑦᑎᑦᑎᐊᕐᓂᖅᓴᐅᒍᑎᐅᕙᒃᖢᑎᒃ ᐊᒻᒪᓗ ᑲᒪᒋᔭᖏᓐᓂᒃ.

ᐱᓕᕆᐊᖑᓚᐅᖅᑐᖅ ᖃᐅᔨᓴᖅᑕᐅᓂᐊᖅᑐᑦ ᐃᓄᖕᓂ ᑐᓴᖅᑕᐅᔾᔪᑎᒋᑲᑕᖕᒥᓗᒍ. ᓄᓇᖃᖅᑐᑦ ᑕᒪᑐᒥᖓ ᐃᓱᒪᒋᔭᖏᓐᓂᒃ ᐅᖃᐅᓯᖃᕈᓐᓇᖅᑐᑦ ᑕᒪᐅᖓᒥᐊᖅᑕᐅᔾᔮᙱᑦᑐᒃᑯᑦ ᖃᕋᓴᐅᔭᒃᑯᑦ .ᖃᐅᔨᓴᕈᑎᑎᒍᑦ

ᓄᓇᓕᐸᐅᔭᓂᒃ ᐸᓖᓯᒃᑯᑦ ᑖᔅᓱᒥᖓ ᐱᓕᕆᐊᖃᓕᓚᐅᖅᓯᒪᔪᑦ ᓄᕕᐱᕆᒥᑦ ᑖᒃᑯᐊ ᐊᔾᔨᓕᐅᕈᑎᖃᖁᔭᐅᑲᑕᓕᖅᑎᓪᓗᒋᑦ ᓴᖅᑭᔮᕐᓂᖅᓴᒃᑯᑦ ᐱᓕᕆᐊᖏᓐᓂᒃ ᖃᐅᔨᒪᔭᐅᖃᑦᑕᒃᕐᓂᐊᕐᒪᑕ.

ᐃᖃᓗᖕᓂ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐊᖏᓚᐅᖅᓯᒪᔪᑦ ᓯᕗᓂᐊᓂᒃ ᓴᖅᑭᔮᖅᑎᑦᑎᔪᖃᓚᐅᖅᓯᒪᑎᓪᓗᒍ ᑭᙵᓂᒃ ᐸᓖᓯᒃᑯᑦ ᐃᓄᖕᒥᒃ ᐅᕐᕈᑎᑦᑎᓚᐅᖅᓯᒪᑎᓪᓗᒍ ᓄᓇᓯᐅᑎᖓᑕ ᐹᖓᓄᑦ.

ᐅᓇ ᓴᖅᑭᔮᖅᑐᖅ ᐊᑐᖁᔨᔾᔪᑎᐅᒃᑲᓐᓂᓕᓚᐅᖅᓯᒪᔪᖅ ᐊᕐᕌᓂ ᐅᓇ ᕿᓂᖅᑕᖅ ᔪᐊᔾ ᕗᓗᐊᐃᑦ ᑐᖁᑕᐅᓚᐅᖅᓯᒪᑎᓪᓗᒍ ᐸᓖᓯᓄᑦ ᒥᓂᐊᐳᓕᔅ, ᒥᓂᓲᑕᒥ.

“ᑲᓇᑕᒥᐅᑕᐃ ᐅᓗᕆᐊᓇᙱᑦᑐᒦᓐᓂᕐᒥᖕᓂᒃ ᖃᐅᔨᒪᔭᕆᐊᖃᕐᒪᑕ ᐊᒻᒪᓗ ᐸᓖᓯᓄᑦ ᐃᓱᒪᒋᔭᐅᑦᑎᐊᖅᐸᒡᓗᑎᒃ,” ᐅᖃᖅᓯᒪᔪᖅ ᑐᓴᒐᒃᓴᖅ. “ᐊᔾᔨᓕᐅᕈᑏᑦ ᑎᒥᒥᐅᑕᕆᔭᐅᔪᑦ ᐅᒃᐱᕈᓱᖃᑎᒌᒍᑎᐅᒃᑲᓐᓂᓕᕈᓐᓇᕐᒪᑦ ᐸᓖᓯᓂᒃ ᐊᒻᒪᓗ ᐃᓄᖕᓂᒃ ᓄᓇᓕᖕᓃᑦᑐᓂᒃ ᐱᔨᑦᑎᕋᖅᑕᖏᓐᓂᒃ.”

ᐸᓖᓯᒃᑯᑦ ᖃᐅᔨᓴᓇᓱᒃᑕᖏᓐᓂᒃ ᑐᓴᐅᒪᑎᑦᑎᓂᐊᖅᑐᑦ ᑭᒃᑯᓕᒫᓂᒃ, ᑐᓴᒐᒃᓴᖅ ᐅᖃᖅᓯᒪᖕᒥᔪᖅ. ᐅᖃᓚᐅᙱᑦᑐᑦ ᑕᒪᓐᓇ ᖃᑯᒍ ᑕᐃᒪᐃᓐᓂᐊᕆᐊᒃᓴᖓᓂᒃ.

Share This Story

(0) Comments

Join the Conversation

Your email address will not be published. Required fields are marked *

*