ᓄᓇᕕᒻᒥ ᐊᑐᒃᑲᓐᓂᕈᓐᓇᖅᑐᓕᕆᔨᒃᑯᑦ ᐆᒻᒪᖅᑯᑎᓕᕆᔨᒃᑯᑦ 6-ᓂ ᓄᓇᓕᖕᓂ ᕿᒥᕐᕈᐊᖅᑐᑦ

ᑕᖅᑯᑎ ᐅᖃᕐᑎᖓ ᐅᖃᓚᐅᕐᑐᖅ ᓄᓇᖃᕐᑐᑦ ᐅᖃᓪᓚᒍᓐᓇᕐᓂᐊᕐᓂᖏᓐᓂᒃ ᐱᓕᕆᐊᒃᓴᐃᑦ ᒥᒃᓵᓄᑦ

ᑕᖅᑯᑎ “ᐆᒻᒪᖁᑎᓕᕆᓂᕐᒧᑦ ᐊᑐᐃᓐᓇᖅ” ᐅᕙᓂ ᐊᔾᔨᖃᕐᑐᖅ ᑲᖏᖅᓱᔾᔪᐊᖅᒥ. ᐅᓇ ᐆᒻᒪᖁᑎᓕᕆᓂᕐᒧᑦ ᐱᓕᕆᔾᔪᑎ ᖃᐅᒪᖃᕈᓐᓇᖅᓯᑎᑦᑎᕙᒃᑐᖅ ᑲᒻᐸᓂᐅᑉ ᓯᓚᓐᓂᐊᖅᕕᒋᓐᓄᑦ ᓇᐸᔪᖏᓐᓂᒃ. (ᐊᔾᔨᙳᐊᖅ ᐅᑯᓇᙵᑦ ᑕᖅᑯᑎ ᐆᒻᒪᖁᑎᓕᕆᔨᒃᑯᓐᓂ)

By ᔨᐊᕝ ᐱᐊᑦᓯᐄ
ᓄᓇᓕᖕᓂ ᑐᓴᒐᒃᓴᓕᐅᕐᑎᐅᓂᕐᒧᑦ ᐱᓕᕆᐊᒃᓴᓄᑦ ᑐᓴᒐᒃᓴᓕᐅᕐᑎ

For the English version of this story, please see Renewable energy firm eyes projects in 6 Nunavik communities

ᓄᓇᕕᒻᒥ ᐊᑐᒃᑲᓐᓂᕈᓐᓇᖅᑐᓕᕆᔨᒃᑯᑦ ᐆᒻᒪᖅᑯᑎᓕᕆᔨᑦ ᑲᒻᐸᓂ ᐅᖃᓚᐅᕐᑐᑦ ᑐᓴᕈᒪᓂᕋᖅᖢᑎᒃ ᓄᓇᖃᖅᑐᓂᒃ 6-ᓂ ᓄᓇᓕᖕᓂ ᐆᒻᒪᖅᑯᑎᓕᕆᓂᕐᒥᒃ ᐃᒪᕐᒧᑦ, ᓯᕿᓂᕐᒧᑦ ᐊᒻᒪᓗ ᐊᓄᕆᒧᑦ ᐱᓕᕆᐊᖑᓇᔭᕐᑐᓂᒃ.

ᐃᖅᑲᓇᐃᔭᖅᑎᐅᔪᑦ ᑕᖅᑯᑎ ᐆᒻᒪᖁᑎᓕᕆᔨᒃᑯᑦ ᓄᓇᕕ ᓄᓇᖏᓐᓄᐊᑲᑕᒃᓯᒪᖕᒪᑕ ᐊᐅᔭᕐᓂᒃ ᖃᐅᔨᓇᓱᒃᖢᑎᒃ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂᒃ ᐊᑐᙱᔾᔪᑎᐅᓂᕐᓴᐅᔪᓐᓇᖅᑐᓂᒃ ᐅᕐᓱᐊᓗᒃᒥ ᑏᓱᒥ, ᐅᖃᖅᑐᖅ ᐅᖃᖅᑎᒋᔭᐅᔪᖅ ᔮᓂᔅ ᒍᕇ.

ᐊᑕᐅᓯᕐᓕ ᐱᓕᕆᐊᒃᓴᐅᔪᕐᓇᖅᑐ ᑕᖅᑯᑎᒃᑯᑦ ᖃᐅᔨᓇᓱᒃᑕᖓ ᐅᓇ ᐃᒪᕐᒧᑦ ᐆᒻᒪᖅᑯᑎᖃᕈᓐᓇᕐᓂᕐᒥᒃ ᑲᖏᕐᓱᒃᒥ ᐊᑐᕐᓗᑎᒃ ᑰᖕᒥᙶᖅᐸᓪᓕᐊᔪᒥᒃ ᐅᕙᙶᖅᑐᒥ ᖁᕝᕙᕆᐊᕐᓯᒪᔪᒥᒃ ᐃᒪᖃᕐᕕᒃᒥ ᐸᐃᓐ ᑰᖕᒥ ᐆᒻᒪᖁᑎᖃᕈᑎᐅᓪᓗᓂ ᐃᒪᕐᒥ ᐊᑐᕐᑐᓂᒃ ᔭᓄᕇᑕᓂᒃ ᑕᐃᒪᓐᓇᓗ ᓴᐴᓕᑕᓕᐅᕆᐊᖃᕋᔭᙱᖢᑎᒃ.

“ᐅᕙᓂᓕ ᓄᓇᓕᖕᓂ ᑲᖏᕐᓱᒃᒥ, ᐅᓇ ᑰᖕᒥᙶᖅᑐᒥ ᐆᒻᒪᖅᑯᑎᓕᕆᓂᖅ ᓈᒻᒪᙱᓗᐊᕋᔭᕐᒪᑦ ᐃᓇᖏᕐᓯᒍᑎᐅᓇᓱᒡᓗᓂ ᑏᓱᒧ ᐆᒻᒪᖅᑯᑎᓕᕆᕝᕕᒃᒥ, ᑭᓯᐊᓂᓕ ᐱᖃᑎᖃᕐᓗᓂ ᐊᓄᕆᑦᑎᐅᑎᒥ ᐊᒻᒪᓗ ᓯᕿᓂᕐᒧᑦ ᐆᒻᒪᖁᑎᖃᕈᑎᒃᓴᓂᒃ ᑕᐃᒪᓕ ᐊᔪᕐᓇᕋᔭᙱᑦᑎᐊᖅᑐᖅ 100 ᐳᓴᓐᑎᒥ ᐊᑐᒃᑲᓐᓂᕈᓐᓇᖅᑐᓕᕆᓂᕐᒥᒃ,” ᒍᕇ ᐅᖃᕐᑐᖅ.

“ᑲᖏᕐᓱᒃ ᐊᔾᔨᐅᙱᒻᒪᓐ ᓲᖃᐃᒻᒪ ᐅᓇ ᐱᓕᕆᐊᒃᓴᖅ ᐱᓕᕆᐊᖑᐃᓐᓴᕐᑐᖅ ᑕᐃᑲᓂ ᐊᑯᓂᐸᓗᒃ ᐊᒻᒪᓗ ᐅᕙᑦᑎᓐᓂᒃ ᐃᓚᐅᑎᑦᑎᓚᐅᖅᖢᑎᒃ ᐱᓕᕆᐊᒧᑦ ᑕᐃᒪᓕ ᐃᑲᔪᕆᐊᖃᕈᑦᑕ ᐃᑲᔪᕐᓂᐊᖅᖢᑎᒍ ᑭᖑᓪᓕᕐᒥ ᖃᓄᐃᓕᐅᕈᑎᒃᓴᓂᒃ.”

ᐅᑯᐊ ᑲᒻᐸᓂᐅᔪᑦ ᖃᐅᔨᓴᕐᓯᒪᖕᒥᖕᒪᑕ ᓯᕿᓂᕐᒧᑦ ᐊᒻᒪ ᐊᓄᕆᒧᑦ ᐆᒻᒪᖁᑎᖃᕐᓂᕐᒥᓐ ᐳᕕᕐᓂᑐᖅᒥ, ᓴᓪᓗᐃᑦ, ᑲᖏᖅᓱᔪᐊᖅ, ᖁᐊᕐᑕᖅ ᐊᒻᒪ ᑰᔾᔪᐊᖅᒥ.

ᓄᓇᕕᒃ ᓴᖅᑭᑎᑦᑎᑎᓪᓗᒍ ᒍᕇ ᐅᖃᐅᓯᕆᔭᖓ ᐃᒪᓐᓇ “ᓄᓇᕐᒧᐊᒥ ᐱᐅᓛᖑᖃᑕᐅᔪᖅ” ᐊᓄᕆᒧᑦ ᐆᒻᒪᖁᑎᖃᕐᓂᖅ, ᐊᒻᒪᓗ ᓴᓇᔾᔮᙱᖢᑎᒃ ᑭᓯᐊᓂ ᓄᓇᓖᑦ ᐊᖏᖅᐸᑕ.

“ᖃᐅᔨᓴᕐᓯᒪᒐᑦᑕ ᐊᒻᒪᓗ ᓄᓇᓕᖕᓄᑦ ᑕᑯᔭᐅᑎᓐᓂᐊᖅᖢᑎᒍ ᐊᒻᒪᓗ ᑖᒃᑯᐊ ᐃᓱᒪᕐᓱᕋᔭᖅᑐᑦ ᖃᓄᐃᓕᐅᕈᔨᒻᒪᖔᑕ ᐅᑯᓂᖓ ᐱᓕᕆᐊᒃᓴᓂᒃ,” ᐅᖃᕐᑐᖅ.

“ᐱᖁᔨᒃᐸᑕ ᑕᐃᒪᓕ ᑲᑎᕐᓱᐃᓯᒪᔪᒍᑦ ᑕᒪᐃᓐᓂ ᖃᐅᔨᒪᔭᐅᔭᕆᐊᓕᖕᓂ ᐊᒻᒪ ᑕᒪᐃᓐᓂ ᐃᑲᔪᕈᑎᒃᓴᓂᒃ.”

ᐃᑲᔫᑎᒃᓴᖏᓐᓂᙶᕐᑐᓂᒃ, ᒍᕇ ᐅᖃᓚᐅᕐᑐᖅ ᑕᖅᑯᑎ $8 ᒥᓕᐊᓐ ᑖᓚᓂ ᑐᓂᔭᐅᓂᐊᕐᑐᑦ ᑯᐸᐃᒃ ᒐᕙᒪᖓᓂᒃ ᐃᑲᔪᕈᑎᐅᓂᐊᕐᓗᓂ ᐊᑐᒃᑲᓐᓂᕈᓐᓇᖅᑐᓕᕆᓂᕐᒧᑦ ᐱᓕᕆᐊᒃᓴᓄᑦ ᓄᓇᕕᒃᒥ. ᐃᑲᔫᑎᒃᓴᒃᑲᓐᓂᕐᓂᒃ ᑐᓴᖅᑎᑦᑎᓛᒥᔪᑦ ᑕᕿᓂᒃ ᐊᒡᒋᖅᑐᓂᒃ, ᐅᖃᒃᑲᓐᓂᖅᖢᓂ.

ᓄᓇᓕᖕᓂ-ᑐᙵᕕᖃᕐᑐᑦ ᑯᐊᐳᕇᓴᐃ ᓇᖕᒥᓂᖃᖅᑎᐅᓂᐊᖅᑐᑦ ᓴᓇᔭᐅᔪᓂᒃ.

ᑕᒪᓐᓇ ᐊᕐᕌᒍ ᐱᒋᐊᓕᕐᑎᓪᓗᒍ ᑐᓴᖅᑎᑦᑎᔪᖃᓚᐅᕐᓯᒪᖕᒪᑕ ᑕᖅᑯᑎ ᕼᐊᐃᑐᕈ-ᑯᐸᐃᒃᒧᑦ ᓂᕈᐊᕆᔭᐅᓛᖑᓂᖓᓂᒃ ᐊᒻᒪᓗ ᐱᓕᕆᖃᑎᒋᔭᐅᓂᐊᖅᖢᑎᒃ ᐊᑐᒃᑲᓐᓂᕈᓐᓇᖅᑐᓕᕆᓂᕐᒧᑦ ᐱᓕᕆᐊᒃᓴᓂᒃ ᓄᓇᕕᒃᒥᑦ.

ᑕᖅᑯᑎ ᐆᒻᒪᖁᑎᓕᕆᔨᒃᑯᑦ 100 ᐳᓴᓐᑎ ᓄᓇᕕᒻᒥᐅᓄᑦ ᓇᖕᒥᓂᕆᔭᐅᖕᒪ ᐱᒋᐊᖅᑕᐅᓚᐅᕐᓯᒪᓪᓗᓂ ᐊᕐᕌᒍ ᑕᓪᓕᒪ ᑭᖓᓂᑦᑎᓐᓂᒃ ᐅᑯᐊ ᐱᓕᕆᖃᑎᒌᒃᖢᑎᒃ ᒪᑭᕕᒃ ᑯᐊᐳᕇᓴᓐᑯᑦ ᐊᒻᒪᓗ ᐅᑯᐊ Fédération des Coopératives du Nouveau-Québec.

ᐅᓇ ᖃᓄᐃᓕᐅᕐᓂᖅ ᐱᒋᐊᓕᓵᕐᑐᖅ ᐊᒻᒪᓗ ᐃᓱᓕᕝᕕᐅᓇᔭᕐᑐᓂᒃ ᓴᖅᑭᑎᑦᑎᓚᐅᙱᖢᑎᒃ ᐱᒋᐊᕐᓂᐊᓕᖅᐸᑕ.

Share This Story

(0) Comments

Join the Conversation

Your email address will not be published. Required fields are marked *

*