ᐱᙱᖕᓇᖅᑐᓕᕆᔨᑦ ᓇᓂᓯᕗᑦ ᒪᕐᕉᖕᓂ ᑎᒦᖕᓂ ᕿᓂᖅᑎᓪᓗᒋᑦ ᓄᓇᕕᒻᒥᐅᑕᕐᒥ ᖃᔭᖅᑎᒥᒃ
ᐊᖑᑎ ᐃᓅᔪᓐᓃᕋᓱᒋᔭᐅᔪᖅ ᐃᒫᒎᖅᖢᓂ ᐳᕕᕐᓂᖅᑑᑉ ᓯᒡᔭᖓᓂ
ᐳᕕᖕᓂᖅᑐᕐᒥᐅᑕᖅ ᐃᒫᒎᕋᓱᒋᔭᐅᔪᖅ ᖃᔭᖓᓂ ᐃᒫᖅᑎᓪᓗᒍ ᑕᓯᐅᔭᕐᔪᐊᑉ ᓯᒡᔭᖅᐸᓯᐊᓂ ᖃᔭᖅᑐᖅᑎᓪᓗᒍ ᑕᒪᓐᓇ ᑕᖅᑭᖅ ᐱᒋᐊᓕᓵᖅᓯᒪᑎᓪᓗᒍ, ᐸᓖᓯᒃᑯᑦ ᐅᖃᖅᑐᖅ. (ᒎᒍᓪ ᓄᓇᙳᐊᖁᑎᖓᓂᒃ)
For an English version of this story, see Search crew finds 2 other bodies during search for missing Nunavik kayaker
ᐳᕕᖕᓂᖅᑑᕐᒥᐅᑕᖅ ᐊᖑᑎ ᐃᓅᔪᓐᓃᕋᓱᒋᔭᐅᔪᖅ ᐃᒫᒍᑦ ᖃᔭᖓᓂ ᐃᒫᓚᐅᖅᑎᓪᓗᒍ ᖃᔭᖅᑎᓪᓗᒍ ᑕᓯᐅᕐᔪᐊᑉ ᓯᒡᔭᖓᓂ ᓄᓇᓕᐅᑉ ᖃᓂᒋᔭᖓᓂ ᑕᒪᓐᓇ ᑕᖅᑭ ᐱᒋᐊᖅᓯᒪᓕᖅᑎᓪᓗᒍ.
ᓄᓇᓕᖕᓂ ᐱᖏᖕᓇᖅᑐᓕᕆᔨᒃᑯᑦ ᐳᕕᕐᓂᖅᑑᑉ ᑰᖓᓂ ᕿᓂᑲᑕᓚᐅᕐᑐᑦ ᐱᓇᓱᐊᕈᓯᐅᓚᐅᖅᑐᖅ ᐱᒋᐊᓕᓵᑦᑎᓐᓄᒍ, ᐊᒻᒪᓗ ᓇᓂᓯᔪᓐᓇᙱᒃᑲᓗᐊᖅᑎᓪᓗᒋᑦ ᑖᔅᓱᒥᖓ ᖃᔭᖅᑎᒥᒃ, ᑖᒃᑯᐊ ᕿᓂᖅᑐᑦ ᓇᓂᓯᓚᐅᖅᑐᑦ ᒪᕐᕉᖕᓂ ᐊᓯᖏᑦᑕ ᑎᒥᖏᓐᓂᒃ, ᐅᖃᓚᐅᖅᑐᖅ ᐳᕕᕐᓂᖅᑑᑉ ᒪᐃᔭᖓ ᓘᓯ ᖃᓕᙳ ᐊᐅᐸᓗ.
ᑖᒃᑯᐊ ᑎᒦᒃ ᐱᔭᐅᓯᒪᓕᖅᑑᑦ, ᓄᓇᕕᒻᒥ ᐸᓖᓯᑦ ᐅᖃᓚᐅᖅᑐᑦ, ᐊᓯᒃᑲᓐᓂᖓᓂᒡᓗ ᐅᖃᓚᐅᙱᖢᑎᒃ ᑖᒃᑯᐊ ᓇᓂᔭᐅᔪᑦ ᒥᒃᓵᓅᖓᔪᓂᒃ.
ᐸᓖᓯᒃᑯᑦ ᓇᓗᓇᐃᖅᓯᓚᐅᙱᒻᒥᔪ ᐅᓇᐅᔭᕆᐊᒃᓴᖓᓂ ᖃᔭᖅᑎᐅᔪᖅ ᐊᓯᐅᔨᔭᐅᓯᒪᔪᖅ.
ᑭᖑᓪᓕᖅᐹᒥ ᑕᑯᔭᐅᓚᐅᖅᓯᒪᔪᖅ ᔪᓚᐃ 10-ᒥᑦ ᖁᙱᐊᖅᑕᐅᑎᓪᓗᒍ ᖃᔭᖓ ᑭᙳᑎᓪᓗᒍ.
ᑖᒃᑯᐊ ᕿᓂᖅᑐᑦ ᓇᓂᓯᔪᓐᓇᓚᐅᙱᑦᑐᑦ ᑖᔅᓱᒥᖓ ᐊᖑᑎᒥ ᖃᔭᖓᓂᒡᓘᓐᓃᑦ, ᓄᓇᕕᒃ ᐸᓖᓯᑦ ᐅᖃᓚᐅᖅᑐᑦ ᖃᕋᓴᐅᔭᒃᑯᑦ ᑎᑎᕋᖅᖢᑎᒃ ᔪᓚᐃ 15-ᒥ.
ᖃᔭᖓ ᑭᖑᓂᐊᒍᑦ ᓇᓂᔭᐅᓕᓚᐅᖅᑐᖅ ᓄᓇᒧᐊᖅᑐᕕᓂᖅ.
ᑕᐃᒪᙵᓪᓕ, ᓄᓇᓖᑦ ᕿᓂᖅᑎᑦᑎᑲᑕᒃᑐᑦ ᓯᒡᔭᓂᒃ ᐊᒻᒪ ᑰᖕᓂ, ᐊᒻᒪᓗ ᖁᓕᒥᒎᓕᒃᑯᑦ ᕿᓂᖅᑎᑦᑎᓪᓗᑎᒃ. ᑯᐸᐃᒃᒥ ᐸᓖᓯᒃᑯᑦ ᐊᖅᑲᐅᒪᔨᓂᒃ ᑎᑭᑎᑦᑎᓚᐅᕐᒥᔪᑦ ᕿᓂᖅᑐᓂᒃ ᐃᑲᔪᕆᐊᖅᑐᓂᒃ.
“ᐃᒪᖅ ᓂᒡᓚᓱᓗᐊᕐᓂᖓᓄᑦ ᑕᐃᒪᓕ ᐃᓱᒪᒋᔭᐅᔪᖅ ᓄᓇᒧᐊᕈᓐᓇᓚᐅᙱᓐᓂᖓᓂᒃ,” ᓄᓇᕕᒻᒥᑦ ᐸᓖᓯᑦ ᐅᖃᓚᐅᖅᑐᑦ.
“ᓱᓕ ᒫᓐᓇ ᕿᓂᑲᑕᒃᑐᑦ.”
(0) Comments