ᐃᖃᓗᐃᑦ ᒪᒥᓴᕐᕕᒃᓴᖅᑖᕐᓂᒃᓴᖓ ᖃᒡᓕᕚᓪᓕᓕᕐᑐᖅ
ᓄᓇᕗᒥᑦ ᒐᕙᒪᒃᑯ ᓂᕈᐊᕐᑐᑦ ᐋᑎᒃ ᕗᕋᔅ ᐱᓕᕆᐊᒃᓴᐃᑦ ᐃᒡᓗᓕᐅᕐᓂᐊᕐᓗᑎᒃ
ᑎᑎᕋᐅᔭᕐᓯᒪᔪᖅ ᖃᓄᐃᓕᖓᓂᐊᕐᓂᖓᓂ ᐅᐊᖕᓇᖓᓂ ᐆᒪ ᐱᖓᓱᓂᒃ ᓇᑎᖃᕐᓂᐊᖅᑐᖅ ᐃᒡᓗ ᐊᒻᒪ 24ᓂ ᐃᒡᓗᕈᓯᖃᕐᓂᐊᖅᖢᓂ ᓄᓇᕗᒥᑦ ᒪᒥᓴᕐᕕᒃᓴᖅ. (ᐊᔾᔨᙳᐊᖅ ᓄᓇᕗᒥᑦ ᒐᕙᒪᒃᑯᓐᓂ)
For English version, see Iqaluit one step closer to getting recovery centre
ᓴᓇᑎᑦᑎᓂᕐᒧᑦ ᐱᓕᕆᑎᑦᑎᔾᔪᑎᒃᓴᓂᒃ ᑳᓐᑐᕌᒥ ᑐᓂᓯᓚᐅᕐᑐᑦ ᓄᓇᕗᒥᑦ ᒐᕙᒪᒃᑯᑦ ᐆᒧᖓ ᐊᑯᓂᕈᓗᒃ ᐸᕐᓇᒃᑕᐅᓇᓱᒃᑐᒥᒃ ᐊᑐᓗᐊᕐᓂᕐᒧᑦ ᒪᒥᓴᕐᕕᒃᓴᕐᒧᑦ ᐃᖃᓗᖕᓂᑦ.
ᓄᓇᕗᒥᑦ ᒐᕙᒪᒃᑯᑦ ᑐᓂᓯᓚᐅᕐᑐᑦ $67.5 ᒥᓕᐊᓐᑖᓚ ᑳᓐᑐᕌᒃ ᐅᑯᓄᖓ ᐋᑎᒃ ᕗᕋᔅ ᐱᓕᕆᐊᒃᓴᓄᑦ ᔫᓂ 22ᖑᑎᓪᓗᒍ. ᒐᕙᒪᑐᖃᒃᑯᑦ ᐊᒻᒪ ᓄᓇᕗᒥᑦ ᒐᕙᒪᒃᑯᑦ ᐱᓂᐊᕐᓂᕋᓚᐅᕐᓯᒪᖕᒪᑕ ᒪᒥᓴᕐᕕᓕᐅᕈᒪᓪᓗᑎᒃ 2019ᒥ.
ᐸᕐᓇᐅᑎᒧᑦ ᑎᑎᖃᑦ ᐱᖓᓱᓂ ᓇᑎᖃᖅᑐᒃᓴᒥᒃ ᒪᒥᓴᕐᕕᒃᓴᒥᑦ ᓴᖅᑭᑎᑦᑎᓯᒪᔪᑦ 24ᓂ ᐊᑕᐅᓯᕐᒧᑦ ᐃᒡᓗᕈᓯᒃᓴᕐᓂ ᐊᒻᒪᓗ ᒪᕐᕉᖕᓂ ᐃᒡᓗᕈᓯᓕᖕᓂ, ᑕᕝᕙᓂᓗ ᐊᓐᓄᕌᓄᑦ ᐅᐊᓴᕐᕕᖃᕐᓂᐊᖅᖢᓂ, ᓂᕆᕝᕕᒃ, ᓴᐃᓕᕝᕕᒃ, ᓴᓇᐅᒐᓕᐅᕐᕕᒃ ᐊᒻᒪᓗ ᐃᓄᖃᐅᖅᑐᓄᑦ ᐱᓕᕆᖃᑎᒌᓄᑦ ᐊᒻᒪ ᐃᓅᓯᓕᕆᕝᕕᒃᒥ.
ᐅᓇ ᒪᒥᓴᕐᕕᒃᓴᖅ ᐃᓂᖃᕐᓂᐊᖅᑐᖅ 7,700 ᑭᑉᐹᕆᒃᑎᓯᒪᔪᓂᒃ ᒦᑕᓂᒃ ᑐᓂᖅ ᑕᓯᐅᑉ ᐅᐊᖕᓇᖓᓂᒃ ᐅᕙᓂ ᐊᖅᑯᑎ ᓇᒧᙵᐅᙱᑦᑐᒥᑦ.
ᓄᓇᕗᒥᑦ ᒐᕙᒪᒃᑯᑦ ᑐᓴᖅᑎᑦᑎᓚᐅᙱᑦᑐᑦ ᓱᓕ ᖃᑯᒍ ᓴᓇᔭᐅᓯᒋᐊᕐᓂᐊᕆᐊᒃᓴᖓᓂᒃ ᐊᒻᒪᓗ ᖃᑯᒍ ᐱᐊᓂᒃᑕᐅᓇᔭᕐᓂᖓᓂᒃ.
(0) Comments