ᑯᕆᔅᑐᓪ ᒫᑎᓐ-ᓚᐸᓐᔅᑭ ᐊᖓᔪᖅᑳᕆᔭᐅᓯᒪᔪᖅ ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᖏᓐᓄᑦ ᐊᕐᕌᒎᓕᖅᑐᑦ ᒪᕐᕉᒃ ᐅᖓᑖᓂ. (ᐊᔾᔨᙳᐊᖅ ᐅᑯᓇᙵᑦ ᐃᓄᐃᑦ ᑕᐱᕇᑦ ᑲᓇᑕᒥ)

ᐃᓄᐃᑦ ᐃᓅᓱᒃᑐᑦ ᑲᑎᒪᔨᖏᓐᓄᑦ ᐊᖓᔪᖅᑳᕆᔭᐅᔪᑦ ᓯᕗᓕᐅᖅᑎᐅᔪᓐᓇᖅᑐᓂᒃ ᐱᒋᐊᖁᔨᓪᓗᓂ

ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᖏᑦ ᓂᕈᐊᕐᓂᐊᖅᑐᑦ ᓄᑖᒥᒃ ᐊᖓᔪᖅᑳᒃᓴᒥᓐ ᔫᓂ 18-ᒥ

By ᓴᐃᕋ ᕌᔾᔪᔅ

For an English version of this story, see Outgoing Inuit youth council president encourages aspiring leaders to step forward

ᑯᕆᔅᑐᓪ ᒫᑎᓐ-ᓚᐸᓐᔅᑭ ᐃᖅᑲᐅᒪᔪᖅ ᓂᕈᐊᒐᒃᓴᐅᔪᒪᓕᖅᑎᓪᓗᒍ ᓯᕗᓪᓕᖅᐹᒥᒃ ᓯᕗᓕᐅᖅᑎᐅᓂᕐᒧᑦ ᐱᓇᓱᒃᑕᖓᓂᒃ.

2019-ᒥᓐ, ᓴᓂᕋᔭᒃᒥᑦ ᐱᕈᖅᓴᓂᑯ ᐃᓄᓕᕆᔨ, ᐊᓈᓇᐅᔪᖅ ᐊᒻᒪᓗ ᓇᖕᒥᓂᖅ ᐱᓕᕆᐊᖃᖅᑎᐅᓪᓗᓂ ᐱᓇᓱᒍᑎᖏᓐᓂᒃ ᑐᓂᓯᓕᓚᐅᖅᓯᒪᔪᖅ ᐊᖓᔪᖅᑳᒧᑦ ᓂᕈᐊᒐᒃᓴᐅᔾᔪᑎᓂᒃ ᐆᒧᖓ ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᓄᑦ, ᑲᑎᒪᓘᔩᑦ ᐱᓕᕆᐊᖃᖅᑐᑦ ᐃᓅᓱᒃᑐᓕᕆᓂᕐᒥᒃ ᐃᓄᐃᑦ ᓄᓇᖓᓂᒃ.

“ᑕᑯᒐᒃᑯ ᑐᓴᒐᒃᓴᕆᔭᐅᔪᖅ ᐊᒻᒪᓗ ᐊᕐᕌᒍᖃᕆᐊᖃᕆᐊᖃᕐᓂᕆᔭᐅᔪᖅ, ᐃᓱᒪᓚᐅᕐᓯᒪᔪᖓ ᓱᓕ ᐃᓅᓱᒃᑑᔪᖓ,” ᒫᑎᓐ-ᓚᐸᓐᔅᑭ ᐃᖅᑲᐅᒪᔪᖅ.

“ᐃᓱᒪᓪᓗᖓ, ‘ᐅᓇ. ᐅᕙᓐᓄᑦ ᐱᕕᖃᕐᕕᒃᓴᑦᑎᐊᕙᒃ ᑕᒪᒃᑯᐊ ᐊᔪᕈᓐᓃᖅᐸᓪᓕᐊᔭᒃᑲ ᐊᑐᖅᑎᑲᑕᒍᓐᓇᕐᓗᒋ’ — ᑐᓴᐅᒪᔾᔪᑎᓕᕆᓂᖅ, ᐃᑲᔪᖅᑎᐅᔪᓐᓇᕐᓂᖅ ᐊᒻᒪᓗ ᓯᕗᓕᖅᑎᐅᔪᓐᓇᕐᓂᖅ. ᐊᒻᒪᓗ ᐃᓱᒪᓚᐅᕐᓯᒪᓪᓗᖓ ᐅᓇ ᐃᓅᓱᒃᑐᓂᒃ ᐃᓄᖕᓂ ᓂᐱᖏᓐᓂᒃ ᑐᓴᖅᑕᐅᑎᑦᑎᒃᑲᓐᓂᕈᑎᐅᔪᓐᓇᕐᓂᖓᓂᒃ.”

ᖃᐅᔨᒪᓚᐅᕐᓯᒪᙱᑦᑐᖅ ᐃᓅᓱᒃᑐᓄᑦ ᑲᑎᒪᔨᓂᒃ ᐱᓕᕆᐊᖃᓛᓂᒃ ᓂᕈᐊᒐᒃᓴᐅᖃᑕᐅᓂᖓᓂᒃ, ᓂᕈᐊᒐᒃᓴᐅᖃᑎᖃᖅᖢᓂ 8-ᓂ. ᐊᕐᕌᒎᒃ ᒪᕐᕉᒃ ᐊᓂᒍᖅᑎᓪᓗᒐ, ᒫᓐᑎ-ᓚᐸᓐᔅᑭ, 30-ᓂ ᐅᑭᐅᖃᓕᕐᑐᖅ, ᐃᓱᓕᑦᑎᓯᔪᖅ ᐊᖓᔪᖅᑳᖑᕝᕕᖕᒥᓂᒃ, ᐱᒃᑯᓕᓯᒪᒻᒪᕆᒃᖢᓂ ᐱᓕᕆᐊᕆᓯᒪᔭᖏᓐᓂᒃ ᒪᐅᓇ ᐃᓱᒪᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᖅᒥᒃ ᐊᒻᒪᓗ ᖃᓄᐃᑦᑕᐃᓕᒪᓂᕐᒥᒃ ᐋᓐᓂᐊᕕᒃᔪᐊᕐᓇᖅ ᐱᑕᖃᖅᑎᓪᓗᒍ ᓄᓇᕐᔪᐊᓕᒫᒥᓐ.

ᐃᓅᓱᒃᑐᓄᑦ ᑲᑎᒪᔩᑦ ᑭᖑᓪᓕᕐᒥᒃ ᐊᖓᔪᖅᑳᒧᑦ ᓂᕈᐊᖅᑎᑦᑎᓛᖅᑐᑦ ᔫᓂ 18-ᒥᑦ.

ᑭᖑᓪᓕᕐᒥᓐ ᐃᓅᓱᒃᑐᑦ ᑲᓇᑕᒥ ᐃᓄᐃᑦ ᐃᓅᓱᒃᑐᓄᑦ ᑲᑎᒪᔨᒃᑯᑦ ᖁᑦᑎᖕᓂᖅᐹᖓᓂᒃ ᐱᓕᕆᐊᒃᓴᒧᑦ ᐱᓇᓱᒻᒪᕆᓚᐅᖅᓯᒪᑎᓪᓗᒍ, ᒫᓐᓇᓗ ᑕᒪᑐᒥᖓ ᐃᓱᒪᒋᔭᖃᓗᐊᖅᑰᔨᙱᑦᑐᑦ. ᓂᕈᐊᒐᒃᓴᓕᐅᕐᓂᖅ ᒪᑐᓯᒪᓕᖅᑑᒐᓗᐊᖅ, ᑭᓯᐊᓂᓕ ᑖᒃᑯᐊ ᑲᑐᔾᔨᖃᑎᒌᖑᔪᑦ ᐅᖓᕙᕆᐊᖅᑎᑦᑎᓚᐅᕐᓯᒪᔪᑦ ᒪᐃ 25 ᑎᑭᓪᓗᒍ ᓂᕈᐊᒐᒃᓴᓕᐅᕈᓐᓇᕐᓗᑎᒃ.

ᐊᒻᒪᓗ ᐃᓅᓱᒃᑐᓂᒃ ᐊᔪᙱᑎᑦᑎᓕᖅᖢᑎᒃ ᐊᕐᕌᒍᓕᖕᓂᒃ 18-ᓂᒃ 35-ᒧᑦ, ᑭᓯᐊᓂ ᐃᓄᕕᐊᓗᐃᑦ ᓄᓇᖓᓂ ᑕᕝᕙᓂᓕ ᐊᕐᕌᒍ ᐃᓅᓱᒃᑐᓄᑦ ᓱᓕ ᐃᓱᖃᖅᑎᑕᐅᓪᓗᓂ 30-ᒥ.

ᒫᑎᓐ-ᓚᐸᓐᔅᑭ ᐃᓱᒪᔪᖅ ᑭᓇᑐᐃᓐᓇ ᐃᓄᒃ ᐃᓅᓱᒃᑐᖅ ᐃᓱᒪᓐᓂᖅᐸᑦ ᓯᕗᓪᓕᐅᖅᑎᐅᔪᒪᓂᕐᒥᒃ ᑕᐃᒪᓕ ᐃᓱᒪᖁᓪᓗᓂᒋᑦ ᐊᑎᖏᓐᓂᒃ ᑐᓂᓯᓂᕐᒥᒃ, ᑖᓐᓇ ᐱᓕᕆᐊᒃᓴᖅ ᐅᐊᑲᓪᓛᓘᖂᔨᒐᓗᐊᖅᐸᑦ.

“ᑕᐃᒪᓕ ᐊᑏ ᐱᓇᓱᒋᑦᑎ,” ᐅᖃᖅᑐᖅ. “ᖃᐅᒪᓐᓇᙱᑦᑐᖅ ᖃᓄᐃᓕᐅᕐᓂᐊᕆᐊᒃᓴᒥᒃ ᑕᒪᑐᒧᖓ. ᐅᓄᕈᓘᔭᕐᒪᑕ ᑕᒪᑐᒥᖓ ᐱᓕᕆᔪᓐᓇᕋᓱᒋᙱᑦᑐᑦ, ᓲᖃᐃᒻᒪ ᖃᓄᐃᓕᐅᕐᓂᖅᓴᐅᓂᖏᓐᓄᑦ ᐋᓐᓂᐊᕕᒡᔪᐊᕐᓇᒧᑦ. ᑭᓯᐊᓂᓕ ᐅᓄᕈᓘᔭᕐᒪᑕ ᐱᒻᒪᕆᐊᓗᐃᑦ ᐱᓕᕆᐊᖑᔭᕆᐊᖃᖅᑐᑦ.”

ᑕᐃᒪᓕ ᒫᓐᓇ ᐱᓗᐊᕐᖢᓂ, ᒫᑎᓐ-ᓚᐸᓐᔅᑭ ᐅᖃᓚᐅᖅᑐᖅ ᐱᑕᖃᕆᐊᖃᕐᓂᖓ ᐃᓅᓱᒃᑐᓄᑦ ᐅᐸᒡᕕᐅᔪᓐᓇᖅᑐᓂᒃ, ᖃᓄᐃᓕᐅᕈᑎᒃᓴᓂᒃ ᐊᒻᒪᓗ ᓄᓇᐃᓐᓇᒥᒃ ᖃᓄᐃᓕᐅᕈᑎᐅᔪᓐᓇᖅᑐᓂᒃ ᐃᓄᐃᑦ ᓄᓇᖏᓐᓂᒃ — ᐊᒻᒪᓗ ᐃᓅᓱᒃᑐᑦ ᑕᒪᑐᒧᖓ ᐃᑲᔪᖃᑕᐅᔭᕆᐊᖃᕐᒪᑕ ᑕᒪᒃᑯᓄᖓ.

ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᖓᑕ ᐊᖓᔪᖅᑳᖓ ᐃᓄᖕᓄᑦ ᐃᓅᓱᒃᑐᓄᑦ ᓂᐱᒋᔭᐅᕗᖅ ᐅᑯᓄᖓ ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᐅᖃᑕᐅᓪᓗᑎᒃ ᐊᒻᒪᓗ ᐅᐸᒃᓯᒪᔪᓐᓇᖅᖢᑎᒃ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᕐᒧᑦ ᑲᑎᒪᔨᓄᑦ.

ᑲᑎᒪᔩᑦ ᐋᖅᑭᒃᑕᐅᓯᒪᔪᑦ 6-ᓂᒃ ᑲᑎᒪᔨᖃᖅᖢᑎᒃ ᓂᕈᐊᕈᓐᓇᖅᑐᓂᒃ ᐊᒻᒪ ᐊᑕᐅᓯᕐᒥᒃ ᐊᖓᔪᖅᑳᖃᖅᖢᑎᒃ. ᑲᑎᒪᔩᑦ ᐃᓚᖃᖅᑐᑦ 6-ᓂ ᐊᕕᒃᑐᖅᓯᒪᓂᒃᑯᑦ ᑭᒡᒐᖅᑐᐃᔪᓂᒃ 6-ᓂ ᑲᑐᔾᔨᖃᑎᒌᓂᒃ: ᐃᓄᕕᐊᓗᐃᑦ ᐊᕕᒃᑐᖅᓯᒪᓂᒃᑯᑦ ᑯᐊᐳᕇᓴᓐ, ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᖏᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᖃᕐᔪᐃᑦ ᐃᓅᓱᒃᑐᑦ ᑲᑎᒪᔨᖏᓐᓂᒃ ᐊᒻᒪ ᓄᓇᑦᓯᐊᕗᑦ ᒐᕙᒪᒃᑯᓐᓂ.

ᐱᓇᓱᒃᑐᑦ ᓄᓇᕗᒧᑦ ᐊᖏᕈᑎᓂᒃ ᐃᓚᒋᔭᐅᔭᕆᐊᖃᖅᑐᑦ ᑲᓇᑕᒥ, ᑭᓯᐊᓂᓕ ᓇᓂᑐᐃᓐᓇᖅ ᓄᓇᖃᕈᓐᓇᖅᖢᑎᒃ ᑲᓇᑕᒥ.

Share This Story

(0) Comments

Join the Conversation

Your email address will not be published. Required fields are marked *

*