ᐱᖓᓱᓂ ᓂᕈᐊᒐᒃᓴᐅᔪᓂ ᐱᓇᓱᐊᖅᐳᑦ ᒪᑭᕝᕕᒃ ᑎᒥᖁᑕᐅᔪᓄᑦ ᐊᖓᔪᖅᑳᖑᓂᖓᓂ

For English version, see 3 candidates vie for Makivvik Corp. presidency

ᐱᖓᓱᓂ ᓂᕈᐊᒐᒃᓴᐅᔪᓂ ᐱᓇᓱᐊᖅᐳᑦ ᐊᖓᔪᖅᑳᖑᓂᕐᒥ ᒪᑭᕝᕕᒃ ᑎᒥᖁᑕᐅᔪᓄᑦ ᑎᑭᑉᐸᓪᓕᐊᔪᒥ ᓂᕈᐊᕐᓂᐅᓂᐊᖅᑐᒥ.

ᒪᑭᕝᕕᒃ, ᑎᒥᖁᑕᐅᔪᖅ ᓴᖅᑭᑎᑕᐅᓯᒪᔪᒥ ᑭᒡᒐᖅᑐᐃᓂᕐᒥ ᐃᓄᖕᓂ ᓄᓇᕕᖕᒥ, ᓴᖅᑭᑎᑦᑎᓚᐅᖅᐳᑦ ᑎᑎᕋᖅᓯᒪᓂᓪᓚᕆᐅᔪᒥ ᐊᑎᕐᓂ ᔭᓄᐊᕆ 12−ᒥ ᐃᑭᐊᖅᑭᕕᖓᓐᓂ.

ᓂᕈᐊᒐᒃᓴᐅᔪᑦ ᐊᖓᔪᖅᑳᖑᓂᕐᒧᑦ ᐅᑯᐊᖑᕗᑦ ᐊᖓᔪᖅᑳᖑᔪᒥ ᒫᓐᓇᐅᔪᒥ ᐲᑕ ᐋᑕᒥ ᐊᒻᒪ ᓵᓚᖃᕋᓱᐊᖅᑎᐅᔪᑦ ᓲᓯ ᑲᐅᑭ ᐊᒻᒪ ᕼᐃᐊᕆ ᑐᓗᒐᖅ. ᑭᖑᓪᓕᖅᐹᒥ ᓂᕈᐊᕐᓂᐅᔪᒥ 2021−ᒥ, ᐋᑕᒥ ᓂᕈᐊᖅᑕᐅᓚᐅᖅᐳᖅ ᐊᕐᕌᒍᓄᑦ-ᐱᖓᓱᓄᑦ ᐊᖓᔪᖅᑳᖑᓂᕐᒧᑦ.

ᐆᒧᖓ ᓂᕈᐊᕐᓂᐅᔪᒥ, ᓂᕈᐊᒐᒃᓴᐅᔪᑦ ᑭᐅᒪᔭᕆᐊᖃᓚᐅᖅᐳᑦ ᑎᑎᕋᖅᓯᒪᓂᐅᔪᓂ ᓈᒻᒪᒋᔭᐅᔪᓂ ᐋᖅᑭᒃᑕᐅᓯᒪᔪᓂ ᒪᑭᕝᕕᒃᑯᓐᓂ ᐱᔪᓐᓇᕐᓂᕐᒧᑦ ᐊᖓᔪᖅᑳᙳᕋᓱᐊᕈᓐᓇᕐᓂᕐᒧᑦ.

ᑕᒪᓐᓴ ᐃᓚᖃᓚᐅᖅᐳᖅ ᑲᑎᖅᓱᐃᓂᕐᒥ 10−ᓂ ᐊᑎᓕᐅᕆᓂᐅᔪᓂ ᓄᓇᕕᒻᒥᐅᓂ ᐊᒻᒪ ᐱᖓᓱᓂ ᐊᑎᓕᐅᕆᓂᐅᔪᓂ ᒪᑭᕝᕕᖕᒥ ᑲᑎᒪᔨᐅᔪᓂ ᐅᖃᖅᓯᒪᔪᒥ ᓂᕈᐊᒐᒃᓴᐅᔪᒥ ᐃᓄᒃᑎᑐᑦ ᐅᖃᕈᓐᓴᑦᑎᐊᕐᓂᖓᓂ, ᑎᑭᐅᑎᓂᐅᔪᒥ ᓂᕈᐊᒐᒃᓴᐅᓇᔭᓚᐅᖅᑐᒥ ᔭᐃᓴᓐ ᐃᑦᑐᖅ ᐅᖃᐅᔾᔨᓚᐅᖅᐳᖅ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓂ ᐱᓇᓱᐊᕈᓯᐅᓚᐅᖅᑐᒥ ᖁᑦᑎᓗᐊᕐᓂᖓᓂ.

ᓂᕈᐊᕐᓂᐅᔪᖅ ᑕᒪᒃᑭᓄᑦ ᓄᓇᕕᖕᒥ ᓄᓇᓕᐅᔪᓄᑦ ᐱᓕᕆᐊᖑᓂᐊᖅᐳᖅ ᕕᕗᐊᕆ 1−ᒥ 10 ᐅᓪᓛᒃᑯᑦ 6 ᐅᓪᓗᒐᓱᐊᕐᓂᖓᓄᑦ. ᓯᕗᕐᙵᒍᑦ ᓂᕈᐊᕐᓂᐅᔪᑦ ᓂᕈᐊᕈᓐᓇᔾᔮᙱᑦᑐᓄᑦ ᓂᕈᐊᕐᓂᐅᔪᒥ ᐅᓪᓗᖓᓂ ᒪᑐᐃᖓᓂᐊᖅᐳᖅ ᔭᓄᐊᕆ 25−ᒥ 10 ᐅᓪᓛᒃᑯᑦ 6 ᐅᓐᓄᒐᓱᖕᓂᖓᓄᑦ.

ᓂᕈᐊᕈᓐᓇᖅᑎᑕᐅᔪᑦ ᐱᕕᒃᓴᖃᕐᓂᐊᖅᐳᑦ ᓂᕈᐊᕐᓂᕐᒥ ᖃᕋᓴᐅᔭᑎᒍᑦ ᐅᕝᕙᓘᓐᓃᑦ ᐅᐸᓪᓚᕆᒡᓗᑎᒃ.