ᐸᖕᓂᕐᑑᒥ ᐳᕙᒡᓗᑲᑕᒃᐸᓪᓕᐊᖏᓐᓇᕐᐳᑦ

ᐋᒐᓯ 26-ᖑᑎᓪᓗᒍ ᓴᖅᑭᑕᐅᓚᐅᕐᑐᑦ ᓴᖅᑭᑎᑦᑎᓯᒪᔪᖅ 161 ᐃᓄᐃᑦ ᑕᕝᕙᓂ ᓄᓇᖃᖅᑐᑦ ᐳᕙᒡᓗᖕᓂᖏᓐᓂ ᐅᕝᕙᓘᓐᓃᑦ ᐱᑐᐃᓐᓇᕆᐊᖃᖅᑐᑦ ᐳᕙᒡᓗᖕᓇᕐᒥ

ᓄᓇᕗᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᕐᑐᑦ ᐳᕙᒡᓗᑲᑕᓕᕐᓂᐅᓚᐅᕐᑐᖅ ᐅᑭᐊᒃᓵᖑᓚᐅᕐᑐᒥ ᐸᖕᓂᖅᑑᕐᒥ ᓱᓕ ᑲᔪᓯᓯᒪᔪᖅ. (ᐊᔾᔨᙳᐊᖁᑎᒋᔭᐅᔪᖅ)

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For English version, see Tuberculosis still spreading in Pangnirtung

ᐳᕙᒡᓗᒃᑐᑦ ᐸᖕᓂᕐᑑᒥ ᐅᓄᕐᓯᕙᓪᓕᐊᖏᓐᓇᖅᑐᑦ, ᐅᑯᑎᒌᓇᖅ ᓄᓇᕗᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓴᖅᑭᑕᖏᑦᑎᒍᑦ.

ᐋᒐᓯ 26 ᑎᑭᑎᓪᓗᒍ, 126 ᐃᓄᐃᑦ ᐸᖕᓂᕐᑑᒥ ᐳᕙᒡᓗᓕᑐᐃᓐᓇᕆᐊᖃᕐᓂᕋᖅᑕᐅᔪᑦ ᐊᒻᒪᓗ 35 ᐳᕙᒡᓗᒃᖢᑎᒃ ᑕᐃᒪᙵ ᔭᓄᐊᕆ 2021-ᖑᓚᐅᕐᓯᒪᔪᒥ.

ᑕᕿᑦ ᐱᖓᓱᑦᑎ ᐊᓂᒍᕐᓯᒪᓕᕐᑐᓂᒃ ᒫᓂ 108 ᐃᓄᐃᑦ ᐳᕙᓪᓗᓕᑐᐃᓐᓇᕆᐊᖃᕋᓱᒋᔭᐅᓚᐅᕐᑐᑦ ᐊᒻᒪ 31 ᐳᕙᒡᓗᖕᓂᕋᖅᑕᐅᓪᓗᑎᒃ ᑭᓯᐊᓂᓕ ᐊᐃᑦᑐᖅᑕᐅᓇᙱᖢᓂ ᑭᓯᐊᓂᓕ ᐃᓅᓕᓴᐅᑎᓂ ᐊᑐᕆᐊᖃᖅᖢᑎᒃ ᐅᖃᓚᐅᕐᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᖓᑦᑎᐊᓵᖅ ᐅᖃᓚᐅᕐᓯᒪᖕᒪᑕ ᑭᒃᑯᓕᒫᓂᒃ ᑐᓴᖅᑎᑦᑎᖃᑦᑕᕐᓂᐊᕐᓂᖏᓐᓂᒃ ᐳᕙᒡᓗᒃᑐᓂᒃ ᐸᖕᓂᕐᑑᒥ ᑕᖅᑭᑦ ᐱᖓᓱᑦ ᐊᓂᒍᕌᖓᑦ.

ᓄᓇᕗᒥ ᒐᕙᒪᒃᑯᑦ ᐅᖃᓚᐅᕐᓯᒪᔪᑦ ᐳᕙᒡᓗᒃᑐᑦ ᐅᓄᕐᓯᓂᖏᓐᓂᒃ ᓄᓇᓕᖕᓂ ᐃᓄᖃᖅᑐᒥ 1,600 ᒥᒃᓵᓂ ᓄᕕᐱᕆ 2021-ᖑᑎᓪᓗᒍ.

ᐳᕙᒡᓗᖕᓇᖅ, ᐃᓅᓕᓴᐅᑎᓄᑦ ᐱᓕᕆᐊᖑᔪᕐᓇᖅᑐᖅ ᐳᕙᒃᑯᑦ ᐋᓐᓂᐊᕐᓂᖅᑖᕈᑎᐅᔭᑦᑐᖅ. ᑖᓐᓇᓗ ᐊᐃᑦᑑᑎᐅᔪᓐᓇᖅᖢᓂ ᒪᑯᑎᒎᓇ ᑕᒋᐅᕐᓂᒃᑯᓪᓘᓐᓃᑦ ᖁᐃᕐᓱᑲᑕᖕᓂᒃᑯᓪᓘᓐᓃᑦ ᐊᒻᒪᓗ ᐃᓅᓕᓴᐅᑎᓂ ᐊᑐᙱᑉᐸᑕ ᖁᐊᕐᓵᕐᓇᕐᒪᕆᒃᑲᔭᖅᖢᓂ.

ᒫᑦᓯ 2018-ᒥ ᐅᓂᒃᑳᖏᓐᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᓂᒃ ᑲᓇᑕᒥ ᓴᖅᑭᑎᑦᑎᓯᒪᓚᐅᕐᓯᒪᔪᑦ ᐳᕙᒡᓗᖕᓇᖅ ᖁᕝᕙᓯᖕᓂᕐᓴᐅᓂᖏᓐᓂᒃ 300-ᖏᕐᓱᖅᖢᓂ ᖁᕝᕙᓯᖕᓂᕐᓴᐅᓂᖓᓂ ᐃᓄᖕᓂ ᒪᑯᓇᙵᓪᓕ ᑲᓇᑕᒥᐅᑕᓂ ᐃᓅᓂᑯᑎᒃ ᑕᒫᓂ ᓄᓇᖃᖅᑳᖅᓯᒪᙱᑦᑐᓂᒃ.

ᐅᓇ ᑐᓴᒐᒃᓴᓕᐊᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐅᖃᕐᓯᒪᓚᐅᕐᑐᖅ ᑭᓇᑐᐃᓐᓇᖅ ᐳᕙᒡᓗᒃᑐᒥ ᐊᐃᑦᑐᖅᑕᐅᑐᐃᓐᓇᕆᐊᖃᕈᓂᒃ ᐅᕝᕙᓘᓐᓃᑦ ᐳᕙᒡᓗᒃᑐᑦ ᐋᓐᓂᐊᖏᓐᓂ ᐊᑐᖅᐸᑦ ᑕᐃᒪᓕ ᐋᓐᓂᐊᕕᒃᒧᑦ ᖃᐅᔨᓴᖅᑕᐅᔭᖅᑐᕆᐊᓕᒃ.

ᐅᕙᒡᓗᒃᑐᑦ ᐋᓐᓂᐊᕆᕙᒃᑕᖏᑦ:

  • ᓄᕙᒃᑯᓂᒃ ᐱᓇᓱᐊᕈᓰᑦ ᐱᖓᓱᑦ ᐅᖓᑖᓄᑦ.
  • ᑕᖃᓯᒪᖅᑰᔨᓗᐊᕐᓂᖅ.
  • ᓂᕆᔪᒪᑲᑕᙱᓐᓂᖅ.
  • ᐆᓇᑲᑕᖕᓂᖅ ᐅᕝᕙᓘᓐᓃᑦ ᐅᓐᓄᐊᒃᑯᑦ ᐊᐅᒪᔮᑲᑕᖕᓂᖅ.
Share This Story

(0) Comments

Join the Conversation

Your email address will not be published. Required fields are marked *

*