ᑐᖁᑎᑦᑎᓂᕐᒧᑦ ᐸᓯᔭᒃᓴᙳᖅᑎᑕᐅᔪᖃᖅᑐᖅ ᐃᓅᔪᓐᓃᕐᓂᖓᓄᑦ ᐃᒧᕈᑦ ᒪᒃᑖᓄᑦ

ᐸᓖᓯᒃᑯᑦ ᐸᓯᔭᒃᓴᙳᖅᑎᑦᑎᓚᐅᕐᑐᑦ ᐊᖑᑎᒥᒃ ᐃᓄᐊᕐᓯᓂᕐᒧᑦ ᖁᒡᓗᖅᑑᖅᒥᐅᑕᒥᒃ ᑕᑯᓐᓇᒐᓄᑦ ᐱᙳᐊᖅᑎᐅᖃᑦᑕᖅᑐᒥᒃ ᐊᒻᒪᓗ ᑐᖂᑦᑎᒋᐊᓚᐅᕐᓂᖓᓂᒃ ᐊᓯᒃᑲᓐᓂᖓᓂᒃ ᐊᕐᓇᒥᒃ

ᐸᓖᓯᒃᑯ ᐸᓯᔭᒃᓴᙳᖅᑎᑦᑎᓚᐅᕐᑐᑦ ᐊᖑᑎᒥᒃ ᐃᓄᐊᕐᓯᓂᕐᒧᑦ ᐃᒧᕈᑦ ᒪᒃᑖᓄᑦᒥ,
ᑕᕐᕆᔭᒐᒃᓴᓂᒃ ᐱᙳᐊᖅᑎᐅᕙᒃᑐᑦ, ᐅᕙᓂ ᓴᖅᑭᔮᖅᑐᑦ ᑕᕐᕆᔭᒐᕐᒥᒃ The Grizzlies.
ᒪᒃᑖᓄᑦ ᑎᒥᖓ ᓇᓂᔭᐅᓚᐅᕐᓯᒪᖕᒪᓐ ᒪᐃᒥ ᐃᓚᖏᑦᑕ ᐃᒡᓗᕋᓛᖓᓂ ᖁᒡᓗᖅᑑᖅ
ᖃᓂᒋᔭᖓᓂᒃ. (ᐊᔾᔨᙳᐊᖁᑎᒋᔭᐅᔪᖅ)

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For an English version of this story, see Murder charge laid in death of actress Emerald MacDonald

ᐸᓖᓯᒃᑯᑦ ᐸᓯᔭᒃᓴᙳᖅᑎᑦᑎᓚᐅᕐᑐᑦ ᐅᒃᑑᐱᕆ 15-ᖑᑎᓪᓗᒍ ᐃᓄᐊᖅᓯᓂᕐᒧᑦ ᑕᑯᓐᓇᒐᓄᑦ ᐱᙳᐊᖅᑎᐅᖃᑦᑕᖅᑐᒥᒃ ᐃᒧᕈᑦ ᒪᒃᑖᓄᑦᒥᒃ ᐊᒻᒪᓗ ᐃᓄᐊᕐᓯᒋᐊᕐᓂᖓᓂᒃ ᑕᐃᓯ ᐊᓗᓄᒃᒥᑦ.

ᓯᑳᑦ ᕼᐊᓚ ᑎᒍᔭᐅᓚᐅᕐᓯᒪᔪᖅ ᐅᒃᑑᐱᕆ 15-ᖑᑎᓪᓗᒍ, ᐸᓖᓯᒃᑯᑦ ᑐᓴᒐᒃᓴᓕᐅᓚᐅᕐᓯᒪᔪᑦ ᓈᑦᑏᖑᔭᓛᕐᓂᐊᒃᑯᑦ. ᒫᓐᓇ ᑎᒍᔭᐅᓯᒪᓪᓗᓂ ᐊᒻᒪᓗ ᐃᖅᑲᖅᑐᐃᔨᒥ ᑕᑯᔭᐅᓂᐊᖅᖢᓂ ᓄᕕᐱᕆ 23-ᖑᓕᖅᐸᑦ. ᐸᓖᓯᒃᑯᑦ ᐅᖃᓚᐅᓯᖃᓚᐅᙱᑦᑐᑦ ᐅᑭᐅᖓᓂᒃ ᐅᕝᕙᓘᓐᓃᑦ ᓇᓂ ᓄᓇᖃᕆᐊᒃᓴᖓᓂᒃ.

ᒪᒃᑖᓄᑦ ᑎᒥᖓ ᓇᓂᔭᐅᓚᐅᕐᓯᒪᖕᒪᑦ ᐃᒡᓗᕋᓛᒥᒃ ᖁᒡᓗᖅᑑᑉ ᖃᓂᒋᔭᖓᓂᒃ ᒪᐃ 3-ᖑᑎᓪᓗᒍ. ᖃᐅᔨᒪᔭᐅᑦᑎᐊᖅᑐᖅ ᐱᙳᐊᓚᐅᕐᓯᒪᓂᖓᓄᑦ ᒧᕌᓐᑕ ᐊᑕᑕᕼᐊᒃᖑᐊᖑᓪᓗᓂ ᐅᕙᓂ The Grizzlies, ᑕᕐᕆᔭᒐᖅ ᓚᑯᕌᔅᒥ ᐱᙳᐊᖅᑎᓂᒃ ᖁᒡᓗᖅᑑᖅᒥᑦ ᐃᓅᓱᒃᑐᓂᒃ ᐃᑲᔪᕈᑎᐅᓪᓗᓂ ᐃᒻᒥᓃᖅᐸᒃᑐᑦ ᖁᑦᑎᓛᖓᓃᑦᑐᓂᒃ ᓄᐊᑦ ᐊᒥᐊᓕᑲᒥ.

ᒪᐃ 5-ᒥ, ᐸᓖᓯᒃᑯᑦ ᐅᖃᓚᐅᕐᓯᒪᔪᑦ ᐃᓅᔪᓐᓃᖅᑐᒥᒃ ᐱᓕᕆᐊᖃᓚᐅᕐᓂᖏᓐᓂᒃ ᑕᐃᒪᐃᑐᐃᓐᓇᙱᑦᑐᑎᑐᑦ. ᒪᐃ 20-ᐅᓕᖅᑎᓪᓗᒍ, ᐅᖃᓕᓚᐅᕐᓯᒪᔪᖅ ᒪᒃᑖᓄᑦ ᐃᓄᐊᖅᑕᐅᓚᐅᕐᓯᒪᓂᖓᓂᒃ ᑕᐃᒪᓐᓇᓗ ᐱᓕᕆᐊᖑᓂᖓᓂᒃ.

ᒪᒃᑖᓄᑦ ᐄᐳᕈᓪ 30-ᒥᑦ ᑕᑯᔭᐅᑲᑕᓚᐅᕐᓯᒪᖕᒪᑦ ᖁᒡᓗᖅᑑᖅᒥᒃ, ᑕᕝᕙᓂᓗ ᐱᖁᑎᓂᒃ ᓂᐅᕕᖅᖢᓂ ᐸᕐᓇᒃᐸᓪᓕᐊᓪᓗᓂ ᖃᒧᑕᐅᔭᒃᑯᑦ ᐃᓚᖏᑦᑕ ᐃᒡᓗᕋᓛᖓᓄ ᐊᐅᓪᓚᕐᓂᐊᕋᒥ ᐅᕗᖓ ᐃᓄᑯᐊᒃᑲᕕᒃ ᕿᑭᖅᑕᒧᑦ, ᖃᐅᔨᒪᔭᐅᖕᒥᔪᖅ ᐃᑦᑐᐊᓗᒃ ᕿᑭᖅᑕᒥᒃ, ᐅᕘᓇᓕ ᐸᓖᓯᒃᑯᑦ ᑐᓴᒐᒃᓴᓕᐊᒐᒍᑦ ᒪᐃᖑᑎᓪᓗᒍ ᐸᓖᓯᒃᑯᑦ ᐃᓄᖕᓂᒃ ᐃᑲᔪᖅᑕᐅᔪᒪᑎᓪᓗᒋᑦ ᖃᐅᔨᓴᖅᐸᓪᓕᐊᓕᖅᑎᓪᓗᒋᑦ.

Share This Story

(1) Comment:

  1. Posted by huh? on

    the way i read the title says “ᐸᓯᔭᒃᓴᙳᖅᑎᑕᐅᔪᖃᖅᑐᖅ” sounds like he was found guilty.
    is this correct?

Join the Conversation

Your email address will not be published. Required fields are marked *

*