ᑯᐸᐃᒃ ᐊᑐᕐᓂᐊᕐᑐᑦ $66 ᒥᓕᐊᓐ ᑖᓚᓂᒃ ᓄᓇᕕᒃ ᒥᑦᑕᕐᕕᖏᓐᓄᑦ ᐱᓕᕆᐊᖑᓂᐊᖅᑐᓂᒃ ᐊᕐᕌᒍ ᒪᕐᕉᒃ ᐅᖓᑖᓄᑦ

For English version, see Quebec to spend $66M on Nunavik airport projects over 2 years

ᑯᐸᐃᒃ ᒐᕙᒪᖓ ᐊᑐᕐᓂᐊᖅᑐᑦ $66 ᒥᓕᐊᓐ ᑖᓚᐃᑦ ᖃᓂᒋᔭᖓᓂᒃ ᐊᕐᕌᒎᓄᑦ ᒪᕐᕉᖕᓄᑦ 18-ᓄᑦ ᒥᑦᑕᕐᕕᓄᑦ ᐱᓕᕆᐊᒃᓴᓄᑦ ᓄᓇᕕᒃᒥ, ᑐᓴᖅᑎᑦᑎᔾᔪᑎ ᐅᖃᕐᓯᒪᓚᐅᕐᑐᖅ ᒪᐃ 18ᒥ.

ᐅᑯᑎᒎᓇᕐᓕ ᒐᕙᒪᒃᑯᑦ ᑐᓴᒐᒃᓴᖏᑦᑎᒍ ᐱᓕᕆᐊᒃᓴᐃᑦ ᐃᓚᖏᑦ ᐅᑯᓂᖓ ᐃᓚᖃᕐᓂᐊᕐᑐᑦ:

• ᒥᑦᑕᕐᕕᒃᓄᑦ ᐊᕙᓗᒋᔭᐅᔪᑦ ᐊᓯᙳᖅᑎᑕᐅᓗᓂ ᐊᑯᓕᕕᒃ ᒥᑦᑕᕐᕕᒃᒥ;
• ᑕᐅᑐᒍᓐᓇᐅᑎᓄᑦ ᐱᓕᕆᔾᔪᑏᑦ ᐊᓯᙳᖅᑎᑕᐅᓗᑎᒃ ᑕᒪᐃᓐᓂ ᐊᐅᐸᓗᒃᒥ ᐊᒻᒪ ᑲᖏᕐᓱᒃᒥ;
• ᐱᐅᓯᕚᓪᓕᖅᑎᑦᑎᓗᑎᒃ ᓇᒧᙵᐅᑲᑕᒡᕕᒃ ᐊᒻᒪ ᐊᓯᔾᔨᖅᑕᐅᓗᓂ ᑕᐅᑐᒍᓐᓇᐅᑎᑦ ᑲᖏᖅᓱᔾᔪᐊᖅ ᒥᑦᑕᕐᕕᒃᒥ.

ᑐᓴᒐᒃᓴᓂ ᐅᓇ ᐅᖓᕙᒧᑦ ᒪᓕᒐᓕᐅᕐᑎ ᑕᓂᔅ ᓚᒫᑦ ᐅᖃᒪᐅᕐᑐᖅ $65.9 ᒥᓕᐊᓐ ᑖᓚᐃ ᐊᑐᕐᑕᐅᓂᐊᕐᓂᖏᓐᓂᒃ “ᐱᐅᓯᕚᓪᓕᕆᐊᖃᒻᒪᕆᒃᑐᓄᑦ ᓴᐳᓐᓂᐊᖅᑐᓕᕆᓂᕐᒧᑦ ᐊᒻᒪ ᐱᖁᑎᓄᑦ ᓇᒧᙵᐅᑲᑕᒍᓐᓇᕈᑎᓄᑦ ᑕᒫᓂ.

“ᐱᓕᕆᐊᒃᓴᖅ ᐱᔪᓐᓇᖅᑎᑦᑎᓯᒪᔪᖅ ᓱᕋᒃᓯᒪᔪᓕᕆᓂᕐᒧᑦ ᐊᒻᒪ ᐱᕙᓪᓕᐊᔪᓕᓂᕐᒧᑦ ᐱᓕᕆᐊᖑᔪᓄᑦ.”

ᐃᖅᑲᓇᐃᔮᒃᓴᓕᕆᓂᕐᒧᑦ ᒥᓂᔅᑕ ᔮᓐ ᐳᓖ ᐅᖃᓚᐅᕐᑐᖅ “ᐱᓕᕆᐊᒃᓴᐃᑦ ᐱᐊᓂᒃᑕᐅᓂᖏᑦ ᐃᑲᔪᕈᑎᐅᓂᐊᕐᑕᖅ ᑮᓇᐅᔭᓕᐅᕈᑎᐅᔪᓐᓇᖅᑐᓂ ᓄᓇᓕᒐᓚᖕᓂ ᓄᓇᓕᖕᓂ ᐱᓕᕆᔪᓐᓇᖅᑎᑦᑎᓂᕐᒧᑦ ᐊᒻᒪᓗ ᓴᖅᑭᑎᑦᑎᓂᖏᓐᓂᒃ ᐃᖅᑲᓇᐃᔮᕆᔭᐅᔪᓐᓇᖅᑐᓂᒃ.”