ᓄᓇᑦᓯᐊᕗᒥ ᐱᕈᕐᓂᑯ ᐳᕋᐃᐊᓐ ᐹᑐᓪ, 29, ᐱᕈᖅᓴᓚᐅᕐᓯᒪᔪᖅ ᑕᒪᐃᓐᓂ ᐴᔅᑦᕕᐅᓪᒥ ᐊᒻᒪ ᕆᒍᓕᒥ. ᐱᓕᕆᔾᔪᑎᓕᕆᓂᖅᒧᑦ ᐃᓕᓐᓂᐊᕌᓂᓚᐅᖅᓯᒪᔪᖅ ᒪᒨᕆᐅᓪ ᔫᓂᕘᓯᑎᒥ ᓴᐃᓐ ᔮᓐᔅᒥᑦ 2015-ᖑᑎᓪᓗᒍ, ᒫᓐᓇᓕ ᓂᐅᕙᐅᓐᓛᓐ ᐊᒻᒪ ᓛᐸᑐᐊ ᐊᖓᔪᖅᑳᖃᖅᕕᐊᓂ ᐊᖏᕐᕋᖃᓕᕐᑐᖅ. (ᐊᔾᔨᙳᐊᖅ ᐃᓄᐃᑦ ᑕᐱᕇᑦ ᑲᓇᑕᒥ)

ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᖏᑦ ᓄᑖᒥ ᐊᖓᔪᖅᑳᖅᑖᖅᐳᑦ

ᐳᕋᐃᐊᓐ ᐹᑐᓪ, 29, ᐊᕐᕌᒎᖕᓂ ᒪᕐᕉᖕᓂ ᐊᖓᔪᖅᑳᖑᓂᐊᖅᑐᖅ

By ᓴᐃᕋ ᕌᔾᔪᔅ

For an English version of this story, see National Inuit Youth Council acclaims new president

ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᖏᑦ ᓄᑖᒥ ᐊᖓᔪᖅᑳᖅᑖᖅᐳᑦ

ᐳᕋᐃᐊᓐ ᐹᑐᓪ, 29, ᐊᕐᕌᒎᖕᓂ ᒪᕐᕉᖕᓂ ᐊᖓᔪᖅᑳᖑᓂᐊᖅᑐᖅ, ᑲᑐᔾᔨᖃᑎᒌᑦ ᑐᓴᖅᑎᑦᑎᓚᐅᖅᑐᑦ ᔫᓂ 18-ᒥ.

ᐹᑐᓪ ᐱᕈᓚᐅᖅᓯᒪᔪᖅ ᓛᐸᑐᐊᒥ ᓄᓇᓕᖕᓂ ᐴᔅᑦᕕᐅᓪᒥ ᐊᒻᒪᓗ ᕆᒍᓕᒥ. ᐱᓕᕆᔾᔪᑎᓕᕆᓂᖅᒧᑦ ᐃᓕᓐᓂᐊᕌᓂᓚᐅᖅᓯᒪᔪᖅ ᒪᒨᕆᐅᓪ ᔫᓂᕘᓯᑎᒥ ᓴᐃᓐ ᔮᓐᔅᒥᑦ 2015-ᒥ, ᒫᓐᓇᓕ ᓂᐅᕙᐅᓐᓛᓐ ᐊᒻᒪ ᓛᐸᑐᐊ ᐊᖓᔪᖅᑳᖃᖅᕕᐊᓂ ᐊᖏᕐᕋᖃᓕᕐᑐᖅ.

“ᑖᔅᓱᒥᖓᓕ ᐱᓕᕆᐊᒃᓴᒥ ᐃᓱᒪᒋᔭᖃᓕᓚᐅᖅᑐᖓ ᓲᖃᐃᒻᒪ ᐃᓄᖕᓄᑦ ᖃᓄᖅ ᐃᑲᔪᕈᑎᒃᓴᓂᒃ ᐱᓕᕆᐊᖃᕋᓱᖃᑦᑕᐃᓐᓇᕋᒪ ᐊᔪᕐᓇᙱᑦᑕᕌᖓᑦ,” ᐅᖃᖅᑐᖅ ᐹᑐᓪ, ᑖᓐᓇᑦᑕᐅᖅ ᐱᓕᕆᐊᖃᖅᑐᖅ ᐃᒻᒥᓃᖅᑎᑦᑎᑦᑕᐃᓕᓂᖅᒧᑦ ᖃᓄᐃᓕᐅᕈᑎᓂ ᐊᒻᒪᓗ ᑲᑎᖃᑎᒌᖕᓂᒃᑯᑦ ᐊᔪᕈᓐᓃᖅᓴᖅᑎᑦᑎᕙᒃᖢᑎᒃ ᐅᑯᑎᒎᓇᖅ STEM ᓄᓇᑦᓯᐊᕗᑦ ᓄᓇᓕᖏᓐᓂᒃ.

“ᐃᓱᒪᒐᒪ ᐃᑲᔪᕈᓘᔭᕈᓐᓇᕐᓂᓐᓂ ᐃᓄᖕᓂ ᐃᓅᓱᒃᑐᓂᒃ ᖃᓄᐃᓕᐅᕈᓐᓇᕐᓂᖏᑦᑎᒍᑦ.”

ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᖏᑦ 6-ᓂ ᑲᑎᒪᔨᖃᖅᑐᑦ ᐊᒻᒪ ᐊᖓᔪᖅᑳᖅᖢᑎᒃ, ᑖᓐᓇᓗ ᓂᐱᒋᔭᐅᓪᓗᓂ ᑲᓇᑕᒥ ᐃᓄᖕᓄᑦ ᐃᓅᓱᒃᑐᓄᑦ.

ᐹᑐᓪ ᑲᑎᒪᔨᓄᑦ ᐊᖓᔪᖅᑳᖑᓂᕐᒧᑦ ᐱᓇᓱᓕᓚᐅᖅᓯᒪᔪᖅ 2019-ᒥᑦ, ᑭᓯᐊᓂᓕ ᓵᓚᒋᔭᐅᓪᓗᓂ ᑯᕆᔅᑐᓪ ᒫᑎᓐ-ᓚᐸᓐᔅᑭᒧᑦ. ᐅᓇ ᓯᕗᓪᓕᖅᐹᖅ ᒪᓕᒐᓕᕆᓂᖅᒥᒃ ᐱᓕᕆᐊᕆᔭᖓ..

ᐅᖃᓚᐅᖅᑐᖅ ᐃᓱᒪᓂᕋᖅᖢᓂ ᐃᓱᒪᒃᑯᑦ ᖃᓄᐃᑦᑕᐃᓕᓂᖅᒥᒃ ᐊᒻᒪ ᐃᓕᓐᓂᐊᒃᑲᓐᓂᕈᑎᓕᕆᓂᖅᒥᒃ ᓯᕗᓪᓕᐅᑎᓂᐊᕐᓂᕋᖅᖢᓂ ᐊᖓᔪᖅᑳᖑᓂᖓᓂᒃ.

“ᐃᑲᔪᕈᒪᒐᒪ ᐃᓅᓱᒃᑐᑦ ᖃᐅᔨᑎᑉᐸᓪᓕᐊᓗᒋᑦ ᖃᓄᐃᓕᐅᕈᑎᒃᓴᖅᑕᖃᐅᕐᓂᖓᓂᒃ ᓄᓇᕐᔪᐊᓕᒫᒥᓐ — ᐋᔾᔨᒌᙱᑦᑑᑎᒻᒪᕆᐊᓗᐃᑦ ᖃᓄᐃᓕᐅᕈᑎᒃᓴᓂᒃ ᐊᒻᒪᓗ ᐅᓇ ᐃᒻᒥᓃᕐᓂᖅ ᐃᓚᒋᔭᐅᙱᓪᓗᓂ ᑖᒃᑯᓇᓂ,” ᐅᖃᖅᑐᖅ.

“ᐅᕙᒃᑯᓪᓕ ᑕᒪᓐᓇ ᐊᒃᓱᐊᓗᒃ ᐊᒃᓱᕈᕈᑎᒋᒐᒃᑯ. ᖃᐅᔨᒪᙱᓐᓇᒪᓘᓐᓃᑦ ᐊᒃᑐᖅᑕᐅᓯᒪᙱᑦᑐᓂᒃ ᐃᒻᒥᓃᖅᓂᖅᒧᑦ, ᓄᑲᓐᓂ ᐃᓅᔪᓐᓃᖅᑐᖃᖅᓯᒪᖕᒥᖕᒪᑦ — ᑕᒪᓐᓇ ᐊᑐᖅᑕᐅᖃᑦᑕᓗᐊᖅᑐᐊᓘᖕᒪᓐ.”

ᐹᑐᓪ ᑲᑎᒪᔨᙳᖅᑐᖅ ᐃᓅᓱᒃᑐᑦ ᑲᑎᒪᔨᖏᓐᓄᑦ ᐅᑯᐊ ᐃᓄᐃᑦ ᑕᐱᕇᑦ ᑲᓇᑕᒥ ᑐᓴᖅᑎᑦᑎᓵᖅᑎᓪᓗᒋᑦ ᓄᑖᒥ ᐱᓕᕆᖃᑎᖃᓕᖕᓂᖏᓐᓂᒃ ᐊᒻᒪᓗ ᐃᑲᔫᑎᒃᓴᓂᒃ ᐋᖅᑭᒃᓱᐃᕙᓪᓕᐊᓂᖅᒧᑦ ᓯᓚᑦᑐᕐᓴᖅᕕᒡᔪᐊᒃᓴᒥ ᐃᓄᐃᑦ ᓄᓇᖓᓂ.

ᐹᑐᓪ ᐃᓱᒪᔪᖅ ᐅᑯᐊ ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᖏᑦ ᐃᓚᒋᔭᐅᑎᑕᐅᖁᓇᔭᕐᓂᖏᓐᓂᒃ ᐋᖅᑭᒃᓱᐃᕙᓪᓕᐊᓂᒃᑯᑦ, ᐃᑲᔪᕋᔭᕐᒪᑕ ᑖᓐᓇ ᐃᓕᓐᓂᐊᖅᕕᐊᓗᒃᓴᖅ ᖃᓄᖅ ᐱᐅᓂᖅᐹᒃᑯᑦ ᐃᓅᓱᒃᑐᓂᒃ ᐃᑲᔪᕈᑎᐅᔪᓐᓇᕋᔭᕐᓂᖓᓂᒃ.

“ᑐᓴᖃᑦᑕᖅᓯᒪᒐᒪ ᐅᓄᖅᑐᓂᒃ ᐃᓄᖕᓂᒃ ᓴᖅᑭᔮᕈᑎᒃᓴᑐᐃᓐᓇᕐᓂᒃ ᐃᓚᖃᕈᒪᙱᓐᓂᕋᖅᑐᓂᒃ, ᐃᓚᐅᑎᑦᑎᔭᕆᐊᖃᕐᓂᖅᒧᑦ ᐃᓅᓱᒃᑐᓂᒃ ᑲᑎᒪᕕᒃᒥᑦ,” ᐹᑐᓪ ᐅᖃᖅᑐᖅ.

“ᑕᐃᒪᓕ ᓂᐱᖃᖅᑎᐅᓂᐊᕐᓗᓂ ᐊᔾᔨᒌᙱᕈᓘᔭᖅᑐᓄᑦ, ᑕᐃᒪᓕ ᑖᓐᓇ ᓂᐱᒋᔭᐅᔪᖅ ᑐᓴᖅᑕᐅᔪᓐᓇᑦᑎᐊᕆᐊᖃᕐᓂᖓᓂᒃ.”

ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᖏᑦ ᐅᖓᕙᕆᐊᖅᑎᑦᑎᓚᐅᖅᓯᒪᔪᑦ ᓂᕈᐊᒐᒃᓴᓕᕆᕝᕕᒋᓂᐊᖅᑕᖓᓂᒃ ᑕᒪᑐᒪᓂ ᐊᕐᕌᒍᒥᒃ ᓂᕈᐊᒐᒃᓴᖅᑕᖃᙱᓗᐊᕐᓂᖓᓄᑦ.

ᐹᑐᓪ ᐅᖃᓚᐅᖅᑐᖅ ᐃᓱᒪᓂᕋᖅᖢᓂ ᐊᖓᔪᖅᑳᖑᓂᖓᓄᑦ ᐱᓕᕆᖃᑎᒋᓂᐊᖅᑕᖏᓐᓂᒃ ᐱᓕᕆᖃᑎᖃᕈᒪᓪᓗᓂ ᒪᑯᐊ ᐊᐅᓪᓚᑲᑕᒍᓐᓇᕐᓂᖅ ᐊᒻᒪ ᖃᓄᐃᓕᐅᒐᒃᓴᓕᐅᕐᓂᖅ ᒪᑐᐃᒃᑲᓐᓂᖅᑎᔾᓗᒍ ᑲᓇᑕᒥ.

ᐅᖃᓚᐅᖅᑐᖅ ᐅᓇ ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇᖅ ᐅᓄᖅᑐᒻᒪᕆᖕᓂᒃ ᐃᓅᓱᒃᑐᓂᒃ ᐃᓄᑑᓕᕈᑎᐅᓂᕋᖅᖢᓂᐅᒃ — ᐱᓗᐊᖅᑐᒥᒃ ᒪᑯᐊ ᐃᓕᓐᓂᐊᒃᑲᓐᓂᕈᑎᒃᓴᓂᒃ ᐃᓕᓐᓂᐊᒃᑲᓐᓂᕋᓱᒃᑐᑦ.

ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᖏᑦ ᖁᔭᓕᓚᐅᕐᒥᔪᑦ ᐊᖓᔪᖅᑳᕆᔭᐅᓵᖅᑐᒥ ᑯᕆᔅᑐᓪ ᒫᑎᓐ-ᓚᐸᓐᔅᑭ “ᐱᓇᓱᑦᑎᐊᒪᐅᕐᓂᖓᓄᑦ, ᐱᓇᓱᒻᒪᕆᖕᓂᐊᓄᑦ ᐊᒻᒪᓗ ᐃᓄᐃᑦ ᐃᓅᓱᒃᑐᖏᓐᓄᑦ ᐱᓇᓱᐊᒐᖃᒻᒪᕆᓚᐅᕐᓂᖓᓂᒃ ᐊᖓᔪᖅᑳᖑᑎᓪᓗᒍ” ᐅᖃᖅᓯᒪᓚᐅᖅᑐᖅ ᑐᓴᒐᒃᓴᓕᐊᕆᔭᐅᔪᑦ.

“ᒫᑎᓐ-ᓚᐸᓐᔅᑭ ᐱᓇᓱᒻᒪᕆᓚᐅᕐᒪᑦ ᐃᓄᐃᑦ ᐃᓅᓱᒃᑐᖏᓐᓄᑦ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᓂᒃᑯᑦ, ᓄᓇᓕᖕᓂ ᐱᓕᕆᕝᕕᒃᓴᓕᕆᓂᒃᑯᑦ ᐊᒻᒪᓗ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ,” ᐅᖃᖅᓯᒪᔪᖅ ᑐᓴᒐᒃᓴᓕᐊᖅ.

Share This Story

(0) Comments

Join the Conversation

Your email address will not be published. Required fields are marked *

*