ᒐᕙᒪᑐᖃᒃᑯᑦ ᐊᖑᓇᓱᑉᓂᕐᒧᑦ ᐃᑲᔫᑎᒃᓴᖏᑦ ᐱᐅᓂᕐᓴᐅᑎᑦᑎᓂᐊᕐᑐᖅ ᓂᕿᖃᖅᑎᑦᑎᓂᐅᑉ ᐅᖓᑖᓄᑦ ᓄᓇᕗᒥᑦ

“ᐅᓇ ᓂᕿᖃᕈᓐᓇᑦᑎᐊᖏᓐᓂᕐᒨᖓᒐᓗᐊᖅᑎᓪᓗᒍ ᓄᓇᑦᑎᓐᓂ, ᑭᓯᐊᓂᓕ ᐃᓄᐃᑦ ᐃᓕᖁᓯᖓᓂ ᖃᐅᔨᒪᓂᕐᒨᖓᔪᖅ”

ᐊᓗᑭ ᑰᑦᑎᖅ, ᐊᖓᔪᖅᑳᖅ ᓄᓇᕗᑦ ᑐᙵᕕᒃ ᑎᒥᖓᓂ, ᐊᖑᓇᓱᒃᑎᓄᑦ ᐃᑲᔫᑎᒃᓴᑦ ᒐᕙᒪᑐᖃᒃᑯᓐᓂᙶᖅᑐᑦ ᐃᓱᒪᒋᓂᕋᖅᖢᓂᒋᑦ ᑖᒃᑯᐊ ᖃᐅᔨᒪᓂᖏᓐᓄᑦ ᐱᒻᒪᕆᐅᓂᖓ ᐊᖑᓇᓱᖕᓂᒃᑯᑦ ᑮᓇᐅᔭᓕᐅᕐᓂᖅ. ᐅᖃᓚᐅᕐᑐᖅ ᐃᓱᒪᓂᕋᖅᖢᓂ ᑖᓐᓇ ᐃᑲᔫᑎᒃᓴᓕᕆᓂᖅ ᐃᓅᓱᖕᓂᕐᓴᓂᒃ ᐃᓄᖕᓂ ᐊᖑᓇᓱᖕᓂᕐᒥ ᐱᓕᕆᐊᖃᕐᓂᕐᓴᐅᓕᕋᔭᕆᐊᒃᓴᖏᓐᓂᒃ. (ᐊᔾᔨᙳᐊᖁᑎᒋᔭᐅᔪᖅ)

By ᑕᔅ ᐸᑖᕐ

For an English version of this story, see Federal harvesters support grant will do more than improve food security in Nunavut

ᐃᓄᐃᑦ ᓄᓇᕗᒥᑦ ᑐᓂᔭᐅᓂᐊᕐᑐᖅ $14.8 ᒥᓕᐊᓐ ᑖᓚᓂ ᐊᕐᕌᒍᓄᑦ ᑕᓪᓕᒪᓄᑦ ᐃᓚᒋᔭᐅᔪᒥᑦ ᒐᕙᒪᑐᖃᒃᑯᑦ ᐊᖑᓇᓱᖕᓂᕐᒧᑦ ᐃᑲᔫᑎᒃᓴᖏᓐᓄᑦ.

ᐃᓚᒋᔭᐅᓗᓂ ᓂᕿᑦᑎᐊᕙᓕᕆᓂᖅ ᐅᑭᐅᕐᑕᖅᑐᕐᒥ ᐱᓕᕆᐊᒧᑦ, ᐃᑲᔫᑎᒃᓴᖅ ᐱᐅᓯᕚᓪᓕᖅᑎᑦᑎᒍᑎᐅᓇᓱᒃᑐᖅ ᐃᓄᐃᑦ ᓂᕿᒋᕙᒃᑕᖏᓐᓂᒃ ᐊᑐᐃᓐᓇᖃᕐᓂᕐᓴᐅᓂᖏᑦᑎᒍᑦ ᐊᒻᒪ ᐊᑭᒃᖠᒋᐊᖅᑎᑦᑎᓂᕐᒥᒃ ᐊᖑᓇᓱᖕᓂᕐᒧᑦ ᐊᑐᖅᑕᐅᕙᒃᑐᓂᒃ.

ᐃᓚᖏᑦ ᐅᒃᐱᕈᓱᒃᑐᑦ ᑕᒪᓐᓇ ᐅᖓᑖᓅᕐᓂᕐᓴᐅᓇᔭᕆᐊᒃᓴᖓᓂᒃ.

“ᐅᓇ ᓂᕿᖃᖅᑎᑦᑎᓂᕐᒨᑐᐃᓐᓇᙱᑦᑐᖅ ᓄᓇᓕᑦᑎᓐᓂᒃ, ᑭᓯᐊᓂᓕ ᐃᓅᓪᓗᑕ ᐃᓕᖁᓯᑦᑎᓐᓂᒃ ᐃᓕᓴᖅᓯᓯᒪᓂᕐᒧᑦ,” ᐅᖃᖅᑐᖅ ᐊᓗᑭ ᑰᑦᑎᖅ, ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓ, ᑖᓐᓇ ᖃᕋᓴᐅᔭᒃᑯᑦ ᑲᑎᒪᖃᑎᖃᓚᐅᕐᒪᓐ ᐅᑭᐅᕐᑕᖅᑐᓕᕆᓂᕐᒧᑦ ᒥᓂᖦᑕᒥ ᑖᓐ ᕚᓐᑐᓪ ᐊᒻᒪ ᓇᐃᑕᓐ ᐅᐱᐊᑦ, ᐊᖓᔪᖅᑳᖅ ᐃᓄᐃᑦ ᑕᐱᕆᑦ ᑲᓇᑕᒥ, ᑎᓴᒻᒥᐅᑎᓪᓗᒍ ᔪᓚᐃ 23-ᒥ ᑕᒪᑐᒥᖓ ᐅᖃᐅᓯᖃᖅᖢᑎᒃ.

“ᐅᓇ ᐱᒻᒪᕆᐅᑎᑦᑎᔪᖅ ᖃᓄᐃᓕᐅᕈᓯᕇᓐᓇᐅᔭᖅᑕᑦᑎᓐᓂᒃ ᐊᒻᒪᓗ ᖃᓄᖅ ᖃᐅᔨᒪᓂᐅᔪᑦ ᐊᖓᔪᒃᖠᕐᓂᒃ ᐊᖑᓇᓱᒃᑎᓂᒃ ᓄᑲᖅᖠᕐᓄᑦ ᖃᐅᔨᒪᔭᐅᑎᑕᐅᓕᕐᓗᑎᒃ, ᐃᒪᓐᓇ ᖃᐅᔨᒪᔭᑦᑎᓐᓂ ᖃᐅᔨᕙᓪᓕᐊᑎᑦᑎᓂᕐᒥ ᐃᓕᖅᑯᓯᑦᑎᓐᓂᒃ, ᑭᓯᐊᓂᓕ ᐅᖃᒃᑲᓐᓂᕈᒪᓪᓗᑕ ᑕᒪᓐᓇ ᐃᓅᓯᕐᒧᑦ ᐃᑲᔫᑎᒻᒪᕆᐅᓂᐊᕐᑐᖅ, ᑕᒪᓐᓇᑦᑕᐅᖅ ᐱᒻᒪᕆᐊᓘᖕᒥᖕᒪᑦ.”

ᐄᐳᕉᓵᓚᐅᕐᑐᒥ ᐱᒋᐊᖅᑕᐅᓪᓗᓂ ᑕᒪᑐᒪᒥ ᐊᕐᕌᒍᒥᑦ, ᐊᖑᓇᓱᒃᑎᓄᑦ ᐃᑲᔫᑎᒃᓴᖅ ᐊᕐᕌᒍᓄᑦ ᑕᓪᓕᒪᓄᑦ $40 ᒥᓕᐊᓐ ᑖᓚᓂᒃ ᐱᖃᖅᑎᑦᑎᓂᐊᖅᑐᑦ ᓄᓇᖃᖅᑳᖅᑐᑦ ᒐᕙᒪᖏᓐᓂᒃ ᐊᒻᒪ ᑲᑐᔾᔨᖃᑎᒌᓂᒃ ᑲᒪᒋᔭᖃᖅᑐᓂᒃ ᓂᕿᑦᑎᐊᕙᓕᕆᓂᕐᒥᑦ ᐅᑭᐅᕐᑕᖅᑐᕐᒥᑦ ᓄᓇᓕᖕᓂᑦ.

ᑖᔅᓱᒪ ᓇᑉᐸᖓᑕ ᐅᖓᑎᑦᑎᐊᖓᓂ ᐃᓄᖕᓄᑦ ᑐᕌᖓᓂᐊᖅᖢᓂ.

“ᐃᓄᐃᑦ, ᐅᑯᑎᒎᓇᖅ ᐃᓄᐃᑦ ᑕᐱᕇᑦ ᑲᓇᑕᒥ ᐃᓄᐃᑦ ᓂᕿᖃᑦᑎᑦᑎᐊᕋᓱᖕᓂᕐᒧᑦ ᐱᓕᕆᔨᖏᑦ, ᐱᓕᕆᐊᖃᒻᒪᕆᓚᐅᕐᒪᑕ ᐋᖅᑭᒃᓱᐃᕙᓪᓕᐊᖃᑕᐅᓪᓗᑎᒃ ᑖᔅᓱᒥᖓ ᖃᓄᐃᓕᐅᕈᑎᐅᔪᒪᔪᒥᑦ ᐊᒻᒪᓗ ᑐᑭᒧᐊᕈᑎᒃᓴᖏᓐᓂᒃ,” ᐅᖃᖅᑐᖅ ᓇᐃᑕᓐ ᐅᐱᐊᑦ, ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓ, ᑐᓴᒐᒃᓴᓕᐅᕐᓇᒃᑯᑦ ᑲᑎᒫᓂᒃᑎᓪᓗᒋᑦ.

“ᐅᓇ $28.6 ᒥᓕᐊᓐᑖᓚ ᐊᕐᕌᒍᓄᑦ ᑕᓪᓕᒪᓄᑦ ᐋᖅᑭᒃᑕᐅᔪᖅ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐱᓕᕆᐊᖑᓂᐊᕐᑐᖅ ᐱᓕᕆᐊᖃᕐᓂᒃᑯᑦ ᐃᑲᔪᕋᓲᑎᓂᒃ ᐃᓚᑦᑎᓐᓂᒃ ᐊᒻᒪ ᓄᓇᓕᑦᑎᓐᓂᒃ.”

ᒐᕙᒪᑐᖃᒃᑯᑦ ᐃᑲᔫᑎᒃᓴᒃᑲᓐᓂᕐᓂᒃ $8 ᒥᓕᐊᓐ ᑖᓚᓂ ᑐᓂᓯᖃᑦᑕᕐᓂᐊᕐᒥᔪᑦ ᐊᕐᕌᒍᑕᒫᑦ ᑖᔅᓱᒪ ᐊᕐᕌᒍᓄᑦ ᑕᓪᓕᒪᓄᑦ ᐋᖅᑭᒃᑕᐅᓯᒪᔫᑉ ᖄᖓᒍᑦ.

“ᐃᑲᔫᑎᒃᓴᑦ ᑕᕝᕙᙵᑦ ᐃᑲᔫᑎᐅᓂᐊᖅᑐᖅ ᐊᔾᔨᒌᙱᑦᑑᑎᓂᒃ ᖃᓄᐃᓕᐅᕈᑎᒃᓴᓄᑦ ᒪᑯᑎᑐᓇᖅ ᓂᐅᕕᕈᑎᐅᓗᑎᒃ ᐱᓕᕆᔾᔪᑎᒃᓴᓂᒃ, ᐱᖁᑎᒃᓴᓂᒃ, ᓱᕋᒃᓯᒪᔪᓕᕆᓂᕐᒧᑦ ᐊᒻᒪ ᐊᔪᕈᓐᓃᕐᓴᖅᑎᑦᑎᓂᕐᒧᑦ,” ᐅᖃᖅᑐᖅ ᕚᓐᑐᓪ.

“ᐅᓇ ᐱᐅᓪᓚᕆᒃᑐᖅ ᐱᓕᕆᐊᒃᓴᖅ ᐊᒻᒪ ᐱᓂᓯᕙᓪᓕᐊᓂᐊᖅᖢᓂ ᓲᖃᐃᒻᒪ ᐊᑐᓂᑦ ᓄᓇᓖ ᐊᔾᔨᒌᙱᑦᑐᓂᒃ ᐊᖑᓇᓱᒍᑎᖃᖃᑦᑕᕐᒪᑕ ᐊᒻᒪ ᑭᓱᓂᒃ ᓯᕗᓪᓕᐅᔾᔨᓯᒪᔭᕆᐊᓕᖕᓄᑦ.”

ᐅᓇ ᐃᓱᒪᒋᔭᐅᓕᓚᐅᕐᒪᑦ ᑰᑦᑎᕐᒧᑦ ᐊᒻᒪ ᐊᓯᖏᓐᓄᑦ ᐃᓕᓴᕐᓯᓯᒪᔭᕆᐊᖃᕐᓂᖅ ᐊᖑᓇᓱᖕᓂᖅ ᐱᓕᕆᐊᒃᓴᓪᓚᕆᐅᓂᖓᓂᒃ.

“ᓲᕐᓗ ᐅᑯᑎᑐᓇᖅ ᑲᓇᑕᐅᑉ ᓂᒋᐊᓃᑦᑐᑦ ᐃᒪᐃᑕᐅᕙᖕᓂᖏᓐᓂᒃ ᑕᒪᒃᑯᐊᖅ ᐱᕈᖅᓯᐊᖃᖅᑎᐅᔪᑦ ᓂᕆᔭᒃᓴᓂᒃ ᐃᑲᔪᖅᑕᐅᕙᖕᓂᖏᓐᓂᒃ ᐊᒻᒪ ᐃᓕᓴᕆᔭᐅᓪᓗᑎᒃ ᐱᓕᕆᐊᒃᓴᓪᓚᕆᐅᓂᖓᓂᒃ,” ᐅᖃᖅᑐᖅ.

“ᐃᓱᒪᔪᖓ ᖃᑯᒍᒃᑲᓐᓂᖅ ᑕᒪᓐᓇ ᐃᓕᖁᓯᓕᕆᓂᖅ ᑕᒪᒃᑯᓄᖓ ᓄᓇᕗᒧᐊᖅᑐᓄᑦ ᐃᓕᓴᕆᔭᐅᓕᕐᓗᓂ ᐱᓕᕆᐊᒃᓴᓪᓚᕆᐅᓂᖓᓂᒃ.”

ᐅᓇᑦᑕᐅᖅ ᐃᓱᒪᒋᔭᐅᓯᒪᔪᖅ ᐃᑲᔪᖅᑐᖅᑕᐅᓯᒪᖕᒥᔪᖅ ᐅᑯᓇᙵᑦ ᐋᖅᑭᐅᒪᕝᕕᒃ ᑲᑐᔾᔨᖃᑎᒌᑦ ᐃᓅᓱᒃᑐᓂᒃ ᐊᖑᓇᓱᒃᑎᑦᑎᓂᕐᒧᑦ ᐱᓕᕆᐊᔪᖅ ᐊᕐᕕᐊᓂᒃ. ᑖᒃᑯᓄᖓ ᐱᓕᕆᐊᓄᑦ ᑭᒡᒐᖅᑐᐃᔪᑦ ᑲᑎᖃᑎᖃᓚᐅᕐᒥᔪᑦ ᖃᕋᓴᐅᔭᒃᑯᑦ ᕚᓐᑐᒥᓐ ᑎᓴᒻᒥᕐᒥᓐ.

ᐅᓇ ᐱᓕᕆᐊᒃᓴᖅ ᑲᑎᒍᑎᐅᕙᒃᑐᖅ ᐃᓅᓱᒃᑐᓂᒃ ᐅᑭᐅᓕᖕᓂᒃ 8-ᓂᒃ 18-ᓄᑦ ᐃᓐᓇᑐᖃᕐᓂᒃ, ᑖᒃᑯᓄᖓᓗ ᐃᓕᓐᓂᐊᖅᑎᑕᐅᕙᒃᖢᑎᒃ ᐊᖑᓇᓱᒍᓐᓇᕐᓂᕐᒥᒃ.

ᕕᕗᐊᕆᐅᑎᓪᓗᒍ, ᒐᕙᒪᑐᖃᒃᑯᑦ ᑐᓴᖅᑎᑦᑎᓚᐅᕐᓯᒪᔪᑦ ᑐᓂᓯᓂᐊᕐᓂᕋᖅᖢᑎᒃ $1.23 ᒥᓕᐊᓐ ᑖᓚᓂᒃ ᐱᓕᕆᐊᒧᑦ ᐊᕐᕌᒎᖕᓄᑦ ᒪᕐᕉᖕᓄᑦ.

ᕚᓐᑐᒧᓪᓕ, ᐅᓇ ᐋᓐᓂᐊᕕᒡᔪᐊᕐᓇᖅ ᓴᖅᑭᑎᑦᑎᒃᑲᓐᓂᕈᑎᐅᖕᒪᑦ ᓄᓇᕗᑦ ᐃᓗᐊᓂ ᐋᖅᑭᒍᑎᐅᔭᕆᐊᓕᖕᓂᒃ.

“ᓄᕙᒡᔪᐊᕐᓇᖅ ᖃᓄᐃᓕᐅᕈᑎᒋᔭᑦᑎᓐᓄᑦ ᒪᑯᓂᖓ ᓂᕿᓂᒃ ᑕᑉᐸᐅᖓᖅᑎᑦᑎᓇᓱᖕᓂᕐᒥ ᐊᑭᑐᑎᑦᑎᓂᕐᓴᐅᖕᒪᑦ,” ᐅᖃᖅᑐᖅ.

“ᐃᓱᒪᔪᖓᓕ ᐊᑯᓂ ᐊᑐᕐᓂᐊᖅᑐᒃᑯᑦ, ᑐᙵᕕᖃᙱᓐᓂᕐᓴᐅᓕᕐᓗᑕ ᑑᔅᓱᒥᖓ ᑭᓯᐊᓂᓕ ᒪᑯᓂᖓᖔᕐᓕ ᓲᕐᓗ ᐆᑐᓇᖅ ᐊᖑᓇᓱᒃᑎᓄᑦ ᐃᑲᔫᑎᒃᓴᓕᕆᓂᖅᑎᑐᑦ.”

ᑕᒪᓐᓇ ᓯᕗᓪᓕᕐᒥ ᐅᖃᐅᓯᐅᓂᑰᒐᓗᐊᖅᑎᓪᓗᒍ 2018 ᓄᖑᑉᐸᓪᓕᐊᓕᖅᑎᓪᓗᒍ, ᐃᑲᔫᑎᒃᓴᑦ ᓱᓕ ᑐᓂᐅᖃᖅᑕᐅᔭᕆᐊᖃᖅᑐᑦ, ᕚᓐᑐᓪ ᐅᖃᓚᐅᕐᑐᖅ ᑕᒪᓐᓇ “ᕿᓚᒥᕈᓗᒃ” ᐱᓕᕆᐊᖑᓂᐊᕋᓱᒋᔭᖓ.

ᓄᓇᕕᒻᒥᓪᓕ, ᓲᕐᓗ, ᒪᑭᕕᒃᑯᑦ ᒫᓐᓇ ᐅᖃᓪᓚᖃᑎᖃᑲᑕᒃᑯᑦ ᒐᕙᒪᑐᖃᒃᑯᓐᓂᒃ ᖃᓄᖅ ᑕᒪᒃᑯᐊ ᐃᑲᔫᑎᒃᓴᑦ ᐊᑐᖅᑕᐅᓇᔭᕆᐊᒃᓴᖏᓐᓂᒃ ᓄᓇᕕᒻᒥ.

ᖃᓄᖅ ᐊᒻᒪ ᖃᑯᒍ ᑖᓐᓇ ᓄᑖᖅ ᐃᑲᔫᓯᐊᒃᓴᖅ ᑐᓂᐅᖃᖅᑕᐅᓂᐊᕆᐊᒃᓴᖓᓂᒃ ᓄᓇᕗᑦ ᑐᙵᕕᒃᑯᓐᓂ ᑐᓂᔭᐅᓚᐅᖅᑎᓪᓗᒍ ᒐᕙᒪᑐᖃᒃᑯᓐᓂ ᓱᓕ ᒫᓐᓇ ᐱᓕᕆᐊᖑᕙᓪᓕᐊᔪᖅ.

“ᐃᓱᒪᓕᐅᕆᐊᓂᓚᐅᙱᑦᑐᒍᑦ ᓱᓕ ᖃᓄᐃᑦᑐᒥ ᐱᓕᕆᐊᖃᕐᓂᐊᕐᒪᖔᑦ,” ᑰᑦᑎᖅ ᐅᖃᖅᑐᖅ.

“ᐃᓱᒪᔪᖓ ᐱᕕᖃᕈᓐᓇᕐᓂᐊᕐᓗᑕ ᐅᖃᐅᓯᖃᑲᑕᒃᑲᓐᓂᕐᓂᕐᒥᒃ ᑭᖑᓪᓕᕐᒥ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᑲᑎᒪᓕᖅᐸᑕ ᓯᑎᐱᕆᒥᑦ.”

ᒫᓐᓇᐅᔪᕐᓕ, ᑰᑦᑎᖅ ᐅᖃᓚᐅᕐᑐᖅ ᐅᑯᐊ ᓄᓇᕗᑦ ᑐᙵᕕᒃᑯᑦ ᐊᑯᓂᕈᓗᒃ ᓄᓇᕗᒥᑦ ᐊᖑᓇᓱᒃᑎᓄᑦ ᐃᑲᔫᑎᓕᕆᓂᖓ ᓱᓕ ᐱᓕᕆᐊᖑᖃᑦᑕᖅᑐᖅ.

“ᐃᓚᖓᒍᑦ ᐱᓇᓱᙱᓗᐊᖃᑦᑕᕐᓯᒪᖕᒪᑕ, ᑕᐃᒪᓕ ᐃᓄᐃᑦ ᐃᑲᔪᖅᑕᐅᔭᕆᐊᖃᕈᑎᒃ ᐊᑏᑐᖅ ᑎᑎᕋᕐᕕᑦᑎᓐᓄ ᐅᖄᓚᖃᑦᑕᕐᓕ.”

Share This Story

(0) Comments