ᒧᒥᙳᐊᖅᑐᑦ ᐊᒃᖤᒃ ᓴᖅᑭᔮᓕᖅᐳᖅ ᐅᖄᓚᐅᑎᓯᐅᑎᑦ ᖄᖓᓂᒃ

ᖃᒪᓂᑦᑐᐊᕐᒥᑦ ᑎᑎᕋᐅᔭᒐᖅᑎ ᑮᑦᓕᓐ ᐊᒥᑦᓇᒃ ᓵᓚᒃᓴᖅᑐᖅ $5,000 ᐅᑯᓇᙵᑦ ᓄᐊᑦᕕᔅᑎᐅᓪ ᐱᒡᒍᓴᐅᑎᒍᑎᖓᓂᒃ

ᑮᑦᓕᓐ ᐊᒥᑦᓇᒃ, 24, ᓵᓚᒃᓴᖅᐳᖅ ᓄᐊᑦᕕᔅᑎᐅᓪ 2021-ᒥᑦ ᐅᖄᓚᐅᑎᓯᐅᑎᓄᑦ ᓵᓚᒃᓴᕋᓲᑎᒥᑦ ᑎᑎᕋᐅᔭᒐᖅᑕᖓᓄᑦ, “ᒧᒥᙳᐊᖅᑐᖅ ᐊᒃᖤᒃ.” ᐅᕙᓂ ᓴᖅᑭᔮᖅᑐᖅ ᑎᑎᕋᐅᔭᒐᓚᐅᖅᑕᖓᓂᒃ ᑎᒍᒥᐊᖅᖢᓂ ᐅᕙᓂ ᑭᕙᓪᓕᖅᒥᑦ ᐳᓛᖅᕕᒃᒥᑦ. (ᐊᔾᔨᙳᐊᖅ ᐅᕙᙵᑦ ᑏᑦᓕᓐ ᐊᒥᑦᓇᒃ).

By ᑕᐃᕕᑦ ᕕᐊᓐ

For an English version of this story, see Dancing Grizzly Bear graces phone book cover

ᐊᕐᕌᒍᓕᒃ 24-ᓂᒃ ᖃᒪᓂᑦᑐᐊᖅᒥᐅᑕᐅᑉ ᑎᑎᕋᐅᔭᒐᖅᑕᕕᓂᖓ ᓴᖅᑭᔮᕐᓂᐊᓯᔪᖅ ᓄᓇᕗᒥᑦ, ᓵᓚᒃᓵᓪᓚᓚᐅᖅᑎᓪᓗᒍ ᓄᐊᑦᕕᔅᑎᐅᒃᑯᑦ 2021 ᐅᖄᓚᐅᑎᓯᐅᑎᖓᑕ ᖄᖓᓂ ᓴᖅᑭᔮᖅᑐᒃᓴᒥ ᐱᒡᒍᓴᐅᑎᑎᑦᑎᐊᓪᓚᓚᐅᖅᖢᑎᒃ.

ᐊᒥᑦᓇᒃ ᐅᖃᖅᑐᖅ ᐅᓇ ᐊᒃᓚᒃ ᑎᑎᕋᐅᔭᒐᖓᓂ ᒧᒥᙳᐊᖅᑐᖅ ᖁᓪᓕᐅᑉ ᐃᑯᒪᖓᓂᒃ “ᑕᐃᒃᑯᐊ ᑕᑯᔪᐃᑦ ᐅᖅᑰᔪᓐᓇᕐᓂᐊᖅᒪᑕ.” (ᐊᔾᔨᙳᐊᖅ ᐅᑯᓇᙵᑦ ᓄᐊᑦᕕᔅᑎᐅᓪ)

ᑮᑦᓕᓐ ᐊᒥᑦᓇᒃ ᐅᖃᒪᐅᖅᑐᖅ ᑖᔅᓱᒥᖓ ᑎᑎᕋᐅᔭᒐᕐᒥ ᐱᓕᕆᐊᖃᓚᐅᕐᓯᒪᓂᖓ ᓄᑲᖓ ᓴᓂᑦᑎᐊᖓᓃᖢᓂ ᐊᒻᒪᓗ ᐱᐅᓂᒃᖢᓂᐅᒃ ᐃᑲᕐᕋᑦ ᑎᓴᒪᑦ ᑐᖔᓂᒃ.

ᐱᐊᓂᒃᑎᓪᓗᒍᓕ, ᑕᐃᔭᖓ ᒧᒥᖅᑐᖅ ᐊᒃᓚᒃ, ᓴᖅᑭᑎᑦᑎᓯᒪᔪᖅ ᖃᐅᒪᐅᔭᖅᑐᒥ ᓇᓄᕐᒥᒃ ᖁᓪᓕᐅᑉ ᕿᑎᐊᓃᖢᓂ, ᑕᓕᖏᑦ ᐊᒻᒪ ᓂᐊᖁᖓ ᖁᒻᒧᖓᓪᓗᑎᒃ ᑖᖅᑐᒥ ᐊᕙᓗᔭᐅᓯᒪᓪᓗᓂ.

“ᖁᓪᓕᖅ ᐅᖅᑰᓴᐅᑎᒋᔭᐅᓚᐅᖅᓯᒪᖕᒪᑦ, ᐊᒻᒪᓗ ᐃᓱᒪᒋᔭᖃᖅᖢᓂ ᓇᓄᕐᒥᒃ, ᓇᓄᖅ ᑖᓐᓇ ᒧᒥᖅᖢᓂ ᖁᓪᓕᐅᑉ ᖃᐅᒪᖏᓐᓂᒃ ᐅᓐᓄᐊᓕᒫᖅ ᑕᒪᒃᑯᐊ ᑕᑯᔪᓕᒫᖅ ᐅᖅᑰᓂᐊᖅᒪᑕ,” ᐅᖃᖅᑐᖅ ᐊᒥᑦᓇᒃ.

ᐊᒥᑦᓇᒃ ᐅᖃᓚᐅᖅᑐᖅ ᑎᑎᕋᐅᔭᖃᑦᑕᕐᓂᕋᖅᖢᓂ ᒪᑯᓇᙵᑦ ᐃᓄᐃᑦ ᑎᑎᕋᐅᔭᒐᖅᓯᒪᔭᖏᓐᓂᒃ ᑕᐅᑐᐊᓪᓚᓚᐅᖅᖢᓂ ᐊᒻᒪᓗ ᒪᑯᓇᙵᑦ ᓯᕗᓂᐊᓂᒃ ᑎᑎᕋᐅᔭᒐᖅᑎᕕᓂᕐᓂᒃ, ᐊᒻᒪᓗ ᑖᓐᓇ ᓴᓇᓯᒪᔭᖓ ᓴᖅᑭᑎᑦᑎᓯᒪᓪᓗᓂ ᐃᓄᐃᑦ ᐃᓕᖅᑯᓯᖓᓂ ᐅᔾᔨᕐᓇᓗᐊᕈᓐᓃᖅᓯᒪᓂᕐᓴᐅᓕᖅᑐᒥᒃ ᑕᐃᔅᓱᒪᓂᓕ.

“ᐃᓕᖅᑯᓯᕗᑦ ᐱᐅᒋᑦᑎᐊᕋᒃᑯ ᐊᒻᒪᓗ ᐃᓱᒪᓪᓗᖓ ᐃᓄᐃᑦ ᖃᐅᔨᕙᓪᓕᐊᒃᑲᓐᓂᕆᐊᖃᖅᑐᑦ ᑕᒪᑐᒥᖓ”, ᐅᖃᖅᑐᖅ.

ᑖᓐᓇ ᑎᑎᕋᐅᔭᒐᖅᑕᖓ ᐱᒋᐊᕈᑎᖃᓚᐅᖅᑐᖅ ᖁᓪᓕᖅᒥᓐ. ᐃᑯᒪᖏᑦ ᑎᑎᕋᐅᔭᖅᐸᓪᓕᐊᓕᖅᑎᓪᓗᓂᖏᑦ ᐋᖅᑭᒃᓱᖅᐸᓪᓕᐊᓕᖅᖢᓂᒋᑦ ᐊᒻᒪ ᓇᓄᙳᐊᖅ ᒧᒥᙳᐊᖅᑐᙳᖅᖢᓂ.

“ᑖᓐᓇ ᐊᒃᓱᐊᓗᒃ ᐱᐅᒋᓕᓚᐅᕋᒃᑯ ᐃᓱᒪᒋᓪᓗᒍ,” ᐅᖃᖅᑐᖅ.

ᓂᕕᐊᖅᓵᖑᓪᓗᓂ, ᐊᒥᑦᓈᒃ ᐅᖃᖅᑐᖅ ᑎᑎᕋᐅᔭᖃᑦᑕᓕᖅᖢᓂ ᑯᕇᔮᓐᔅᓂ ᐊᓯᖏᓐᓄᑦ ᐊᒥᐊᕈᑎᓂ ᐊᑐᖃᑦᑕᖅᐸᓪᓕᐊᓕᓚᐅᕐᓯᒪᔪᖅ ᒪᑯᓂᐊ ᐊᒥᐅᕈᑎᐅᕙᒃᑐᓂᒃ ᐊᒻᒪ ᒫᓐᓇ ᐅᕐᓱᖃᖅᑐᓂᒃ, ᑕᒪᓐᓇᓗ ᐱᓕᕆᐊᕆᑐᐃᓐᓇᖅᐸᒃᖢᓂᐅᒃ ᑭᐱᙳᐃᔭᐅᑎᒋᓪᓗᓂᐅᒃ.

ᓵᓚᒃᓴᐅᓯᐊᖅᑎᓪᓗᒍ ᐃᒃᐱᒍᓱᓚᐅᕐᓂᕋᖅᑐᖅ ᐱᒃᑯᓕᓂᕐᒥᒃ.

“ᐱᕈᖅᐸᓪᓕᐊᓪᓗᖓ ᐱᓕᕆᐊᕇᓇᐅᔭᓚᐅᖅᓯᒪᒐᒃᑯ ᖁᕕᐊᒋᑐᐃᓐᓇᖅᖢᒍ,” ᐊᒥᑦᓇᒃ ᐅᖃᖅᑐᖅ. “ᓵᓚᒃᓴᖅᖢᓂ ᓵᓚᒃᓴᐅᓯᐊᒃᓴᒥᒃ ᐊᒻᒪ ᐅᖄᓚᐅᑎᖃᕝᕕᐅᑉ ᖄᖓᓃᓐᓂᐊᖅᖢᓂ ᓲᕐᓗᓂ ᐱᐊᓂᒃᓯᔪᖓ.”

ᐊᒥᑦᓇᒃ ᐊᖏᕐᕋᐅᔾᔨᓚᐅᕐᒥᔪᖅ $5,000 ᓵᓚᒃᓴᐅᓯᐊᖅᑎᓪᓗᒍ.

 

Share This Story

(0) Comments

Join the Conversation

Your email address will not be published. Required fields are marked *

*