ᓄᑖᖅ ᓄᕙᒡᔪᐊᕐᓇᖅ-19ᒥ ᐋᓐᓂᐊᑲᑕᖕᓂᖅ ᐊᒡᒋᑐᐃᓐᓇᕆᐊᓕᒃ, ᐅᖃᕐᑐᑦ ᓄᓇᕗᒥᑦ ᒐᕙᒪᒃᑯᑦ

For English version, see New wave of COVID-19 could be coming this winter, GN warns

ᓄᕙᒡᔪᐊ-19ᒥ ᐋᓐᓂᐊᖃᑲᑕᒃᑲᓐᓂᑐᐃᓐᓇᕆᐊᓖᑦ ᐅᑭᐅᖅ ᐊᒻᒪᓗ ᓄᓇᕗᒻᒥᐅᑦ ᐸᕐᓇᒃᓯᒪᔭᕆᐊᖃᖅᖢᑎᒃ, ᐅᖃᓚᐅᕐᑐᖅ ᓄᓇᕗᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᒐᒃᓴᑎᒍᑦ ᓯᑎᐱᕆ 1ᒥ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᓚᐅᕐᑐᑦ ᑕᐃᒪᐃᓐᓂᐊᕋᓱᒋᔭᐅᔪᖅ ᓄᕙᒡᔪᐊᕐᓇᖅ-19ᒥ ᐋᓐᓂᐊᑲᑕᒃᑲᓐᓂᕐᓂᐊᕋᓱᒋᔭᐅᓪᓗᑎᒃ ᑲᓇᑕᒥ ᐊᒻᒪᓗ ᓂᒡᓚᓱᖕᓂᖓᓄᑦ ᐃᓄᐃᓪᓗ ᐃᒡᓗᒦᓐᓂᕐᓴᐅᕙᒃᖢᑎ ᑕᐃᒪᓐᓇᓗ ᐊᐃᑦᑑᑎᐅᓴᕋᐃᓐᓂᕐᓴᐅᓪᓗᓂ.

ᑕᒪᑐᒧᖓ ᐸᕐᓇᒃᓯᒪᓂᐊᕐᓗᓂ ᐅᑯᐊ ᓄᓇᕗᒥᑦ ᒐᕙᒪᒃᑯᑦ ᓄᓇᕗᒻᒥᐅᓂᒃ ᑲᐱᔭᐅᔭᕆᐊᓖᑦ ᑲᐱᔭᐅᖁᔭᐅᓪᓗᑎ ᑭᖑᕙᙱᓐᓂᖏᓐᓂᒃ. ᑲᐱᔭᐅᓐᓇᕐᑐᖅ ᑕᒪᐃᓐᓂᓕᒫᖅ ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᒻᒪ ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᒃᒥ.

ᑕᒪᕐᒥ ᓄᓇᕗᒻᒥᐅᑕᑦ ᑕᖅᑭᖃᖅᑐᓂᒃ 6-ᓂ ᐅᖓᑖᓄ ᑲᐱᔭᐅᔪᓐᓇᖅᑐᑦ ᓄᕙᒡᔪᐊᕐᓇᖅ-19ᒥ ᐋᓐᓂᐊᖅᑖᖅᑕᐃᓕᔾᔪᑎᒥᒃ.

ᖃᐅᔨᒋᐊᒃᑲᓐᓂᕈᒪᒍᕕᑦ ᑲᐱᔭᐅᔾᔪᑎᓂᒃ ᓄᕙᒡᔪᐊᕐᓇᖅ-19ᒧ, ᓄᓇᕗᒥᑦ ᒐᕙᒪᒃᑯᑦ ᑕᒪᑐᒧᖓ ᓴᖅᑭᔮᒐᖃᖅᑐᑦ ᖃᕋᓴᐅᔭᒃᑯᑦ ᓴᖅᑭᔮᒐᖓᓂ.