ᓄᓇᕕᒃᒥᑦ ᐸᓖᓯᒃᑯᑦ ᐋᖓᔮᕈᑎᓂᒃ ᓇᓂᓯᓚᐅᕐᓂᖏᓐᓂᒃ ᐃᓄᒃᔪᐊᒃ, ᑰᔾᔪᐊᖅᒥᑦ

For English version, see Nunavik police report drug busts in Inukjuak, Kuujjuaq

ᓄᓇᕕᒃᒥ ᐸᓖᓯᓕᕆᔨᒃᑯᑦ ᑐᓴᖅᑎᑦᑎᓚᐅᕐᑐᑦ ᒪᐃ 9-ᒥᑦ ᒪᕐᕈᐃᓂᒃ ᐋᖓᔮᕈᑎᓂᒃ ᓇᓂᓯᓚᐅᕐᓂᖏᓐᓂᒃ ᑕᖅᑭᐅᓚᐅᕐᑐᒥᒃ ᐃᓄᒃᔪᐊᒃᒥ ᐊᒻᒪ ᑰᔾᔪᐊᖅᒥ.

ᐸᓖᓯᒃᑯᑦ ᐃᓄᒃᔪᐊᒃᒥ ᑎᒍᓯᓚᐅᕐᑐᑦ ᖁᓕᓂᒃ ᐃᓄᖕᓂ ᐊᐃᕆᓕ 10-ᖑᑎᓪᓗᒍ ᕿᓂᑲᑖᓚᓚᐅᖅᑎᓪᓗᒋᑦ ᐊᖏᕐᕋᕆᔭᐅᔪᓂᒃ ᑕᕝᕙᓂ ᓄᓇᓕᖕᓂ.

ᐸᓖᓯᒃᑯᑦ ᑎᒍᓯᓚᐅᕐᑐᑦ 1.5 ᑭᓗᒍᕌᒻᔅ ᐱᕈᖅᑐᕕᓃᑦ ᐋᖓᔮᕐᓇᖅᑐᑦ ᐃᑦᓯᖏᓐᓂᒃ, 500 ᒍᕌᒻᔅ ᐅᖓᑖᓂᒃ ᐱᕈᖅᑐᕕᓂᕐᓂᒃ ᐊᖏᔫᑎᐅᓪᓗᑎᒃ, ᐊᒻᒪᓗ ᒫᓂ 5 ᒍᕌᒻᔅ ᐊᔾᔨᒌᙱᑦᑑᑎᓂᒃ ᐋᖓᔮᕈᑎᓂᒃ ᑎᓯᓂᕋᖅᑕᐅᔪᓂᒃ ᒪᑯᓂᖓ ᑯᑲᐃᓐ, ᑯᕌᒃ ᐊᒻᒪ GHB (gamma-hydroxybutyrate) ᑖᓐᓇ ᐅᖃᐅᓯᐅᕙᒃᑐᖅ ᖃᐅᔨᒪᔪᓐᓃᖅᑎᑦᑎᕙᖕᓂᖓᓂ ᐊᒻᒪ ᖁᓄᔪᕐᓂᐊᕈᑎᐅᓕᖅᖢᓂ ᐋᖓᔮᕐᓇᖅᑐᖅ.

ᑎᒍᓯᓚᐅᕐᒥᔪᑦ $10,000 ᑮᓇᐅᔭᓂᒃ, ᐊᔾᔨᒌᙱᑦᑑᑎᓂᒃ ᓂᐅᕕᐊᒃᓴᖃᕈᑎᓂᒃ ᐋᖓᔮᕐᓇᖅᑐᓂᒃ ᐊᒻᒪ ᐃᒥᐊᓗᖕᓂ. ᑕᒪᒃᑯᐊ ᑕᒫᓂᒥᐊᖅ ᓂᐅᕕᖅᑕᐅᑲᑕᒡᓗᑎᒃ ᐊᑭᖃᕋᔭᓚᐅᕐᑐᑦ $83,000, ᐸᓖᓯᒃᑯᑦ ᐅᖃᓚᐅᕐᑐᑦ.

ᐸᓖᓯᒃᑯᑦ ᑎᒍᓯᓚᐅᕐᒥᔪᑦ ᒪᕐᕉᖕᓂ ᐊᕐᓈᖕᓂᒃ ᒪᐃ 2-ᒥ ᑰᔾᔪᐊᖅᒥ ᐋᖓᔮᕐᓇᖅᑐᓂᒃ ᐱᓇᓱᒃᑎᓪᓗᒋᑦ ᑰᔾᔪᐊᖅᒥ.

ᐸᓖᓯᒐᓚᖕᓂ ᐅᕙᙶᖅᑐᓂᒃ ᑯᐸᐃᒃᒥ ᐸᓖᓯᓕᕆᔨᒃᑯᓐᓂ ᐊᒻᒪᓗ ᓄᓇᕕᒃᒥ ᐸᓖᓯᑦ ᐃᒡᓗᓂᒃ ᕿᓂᑲᑕᓚᐅᕐᑐᖅ ᓄᓇᓕᖕᓂ.

ᐸᓖᓯᒃᑯᑦ ᓇᓂᓯᓚᐅᕐᑐᑦ 32.6 ᒍᕌᒻᔅ ᑯᑲᐃᓐᒥᑦ, ᐅᖃᓚᐅᕐᑐᑦ ᓄᓇᕕᒃᒥ ᐸᓖᓯᓄᑦ ᐊᖓᔪᖅᑳᖅ ᐹᑐᕇᔅ ᐊᐃᐳᓪ.

ᐸᓖᓯᑦ ᓇᓗᓇᐃᕐᓯᓚᐅᕐᑐᖅ ᐊᕐᓇᕐᒥ ᐊᐃᑉᐸᖓᓂᒃ ᐊᕐᕌᒍᖃᕐᓂᖓᓂᒃ 33-ᓂ ᑎᑭᔭᐅᔪᓂᒃ.

ᐸᓯᔭᒃᓴᐅᔾᔪᑎᒃᓴᑦ ᑕᒪᒃᑯᓄᖓ ᓱᓕ ᐱᓕᕆᐊᕆᔭᐅᔪᑦ ᑯᐸᐃᒃᒧᑦ ᓗᐊᐃᔭᒧᑦ ᐸᓯᔭᒃᓴᐅᑎᑦᑎᔨᓄᑦ.

ᑕᒪᑐᒪᓂᓕ ᐊᕐᕌᒍᒥ ᓄᓇᕕᒃᒥ ᐸᓖᓯᒃᑯᑦ ᐊᒻᒪ ᑯᐸᐃᒃᒥ ᐸᓖᓯᑦ ᑐᓴᖅᑎᑦᑎᓯᒪᓕᕐᒪᑕ 8-ᓂ ᐋᖓᔮᕐᓇᖅᑐᓄᑦ ᐊᒻᒪ ᐃᒥᐊᓗᖕᒥ ᐱᓯᒪᔭᕆᐊᖃᙱᑦᑐᓂᒃ ᐱᓕᕆᐊᖃᕐᓯᒪᓕᕐᓂᖏᓐᓂᒃ ᑕᒫᓂ ᓄᓇᕕᒃᒥ.