ᓄᓇᕕᒃ ᑕᑯᓪᓗᒍ 2019-ᒥᑦ

ᓄᓇᕕᒃ ᓄᑖᒥᒃ ᒪᓕᒐᓕᐅᕐᑎᑖᖅᐳᑦ ᐊᒻᒪ ᓇᖕᒥᓂ ᒐᕙᒪᖃᕋᓱᖕᓂᖅ ᐱᒋᐊᓯᕗᖅ

ᑰᒃᓱᐊᑉ ᓯᒡᔭᖓ ᑰᔾᔪᐊᖅᒥᑦ ᓄᕕᐱᕆᐅᑎᓪᓗᒍ. (ᐊᔾᔨᓕᐅᕆᔨ ᐃᓚᐃᓐ ᐋᓐᓱᒥ)

By ᐃᓚᐃᓐ ᐋᓐᓱᒥ

For an English version of this story, see Looking back at Nunavik in 2019

2019 ᐊᕐᕌᒎᓚᐅᕐᑐᒥᓐ ᓄᓇᕕᒻᒥᐅᑦ ᓇᖕᒥᓂᖅ ᐱᓇᓱᖕᓂᖏᑦ ᓴᖅᑭᒃᑲᓐᓂᓚᐅᕐᐳᖅ.

ᐱᒋᐊᕈᑎᖃᒻᒪᕆᓚᐅᕐᑐᑦ ᓇᖕᒥᓂᖅ ᒐᕙᒪᖃᕋᓱᖕᓂᕐᒥᒃ 2019-ᒥᑦ ᐅᑯᐊ ᒪᑭᕕᒃ ᑯᐊᐳᕇᓴᓐ ᐊᖓᔪᖅᑳᖓ ᓵᓕ ᕗᐊᑦ ᐊᑎᓕᐅᖅᑎᓪᓗᒍ ᖃᓄᐃᓕᐅᕈᑎᐅᓂᐊᕐᑐᓄᑦ ᐊᖏᕈᑎᓂᒃ ᒐᕙᒪᑐᖃᒃᑯᓪᓗ.

ᐊᑎᓕᐅᖃᑎᒋᔭᖓ, ᑭᐅᕈᓕᓐ ᐸᓇᑦ, ᒐᕙᒪᑐᖃᒃᑯᑦ-ᓄᓇᖃᖅᑳᖅᑐᓄᓪᓗ ᐱᓕᕆᖃᑎᒌᓂᖏᓐᓄᑦ ᒥᓂᔅᑕ, ᐃᓂᒥᓄᑦ ᐅᑎᓚᐅᕐᓯᒪᔪᖅ ᐅᑭᐅᒃᓵᖅ ᓂᕈᐊᕐᓇᐅᓚᐅᕐᑐᒥᑦ, ᓇᓗᓇᐃᕈᑎᐅᓪᓗᓂ ᓯᕗᒧᑦ ᖃᓄᐃᑉᐸᓪᓕᐊᓂᐊᕐᓂᕐᒥᒃ ᓇᖕᒥᓂᖅ ᒐᕙᒪᖃᓕᕐᓂᕐᒧᑦ ᐅᖃᓪᓚᑲᑕᖕᓂᐅᓂᐊᖅᑐᓄᑦ.

ᒐᕙᒪᑐᖃᒃᑯᑦ ᓂᕈᐊᒐᒃᓴᐅᑎᓪᓗᒋ ᐅᑯᐊ ᐸᓛᒃ ᑯᐸᑯᐊᑯᑦ ᑯᐸᐃᒃ ᐅᐊᖕᓇᖓᓃᑦᑐᓂᒃ ᐊᒻᒪ ᐅᐊᖕᓇᖓᑕ ᐅᐊᖕᓇᖅᐸᓯᐊᓂ ᓂᕈᐊᖅᑕᐅᓚᐅᕐᓯᒪᔪᑦ ᐅᓄᕈᓘᔭᕐᑐᓄᑦ ᐅᑯᓇᓂ ᓂᕈᐊᕈᓐᓇᖅᑐᓂᒃ ᐊᐱᑎᐱ-ᔭᐃᒻᔅ ᐸᐃ-ᓄᓇᕕᒃ-ᐄᔫ. ᓂᕈᐊᖅᑕᐅᑎᓪᓗᒍ ᓯᐅᓪᕕ ᐸᕉᐱ ᒪᓕᒐᓕᐅᕐᑎᒧᑦ, ᕗᐊᑦ ᑐᓴᒐᒃᓴᓕᐅᓚᐅᕐᓯᒪᔪᖅ ᖁᕕᐊᓱᖃᑎᒋᓪᓗᓂᐅᒃ ᑭᓯᐊᓂᓕ ᐅᖃᕆᓪᓗᓂ ᓄᓇᕕᒃ ᓇᖕᒥᓂᖅ ᑭᒡᒐᖅᑐᐃᔨᖃᕆᐊᖃᕐᓂᖓᓂᒃ.

ᐊᕐᕌᒍᑦᑕᐅᖅ ᐃᒡᓗᓂᒃ ᐊᒃᓱᕈᕈᑎᖃᕈᑎᐅᓚᐅᕐᒥᔪᖅ: ᓄᓇᓕᖕᓂ ᐊᓐᓂᑭᒃᑐᕐᕕᒃ ᐃᑭᑎᓪᓗᒍ, ᐊᒻᒪ ᒪᑑᕋᖅᑕᐅᓪᓗᑎᒃ ᐃᒐᓛᖏᑦ ᐃᓕᓐᓂᐊᕐᕕᐅᔪᑦ, ᐸᐃᕆᕝᕖᑦ ᐊᒻᒪ ᐱᙳᐊᕐᕖᑦ ᐅᖁᖃᕐᓂᖏᓐᓄᑦ ᐅᕝᕙᓘᓐᓃᑦ ᐊᓯᐊᒍᑦ ᓱᕋᒃᓯᒪᔪᖃᕐᓂᖏᓐᓄᑦ.

ᒪᓕᒐᓕᕆᔨᒃᑯᑦᑕᐅᖅ ᐅᓄᕐᑐᓂᒃ ᖁᕝᕙᕈᑎᖃᖃᑦᑕᓚᐅᕐᑐᑦ ᐊᒻᒪ ᑲᑕᒍᑎᖃᖅᐸᒃᖢᑎᒃ ᒪᑯᓄᖓ ᒪᓕᒐᓕᕆᓂᕐᒧᑦ ᑭᒡᒐᖅᑐᐃᔨᖃᕈᓐᓃᕐᖢᑎᒃ ᐊᒻᒪᓗ ᐋᖅᑭᒍᑎᖃᖅᖢᑎᒃ ᒪᑐᐃᕐᓯᓪᓗᑎᒃ ᒪᓕᒐᓕᕆᓂᕐᒧᑦ ᐱᓕᕆᕝᕕᒃᒥᒃ. ᐊᒻᒪᓗ ᐃᖅᑲᖅᑐᐃᕕᒃᑰᖅᑎᑦᑎᓂᐅᔪᖅ ᑯᐸᐃᒃ ᐳᕌᕕᓐᓯᖓᓂᒃ ᑖᓐᓇᓗ ᐱᓕᕆᐊᖑᐊᓂᙱᖢᓂ, ᒪᑯᓄᖓ ᐊᑯᓂᐊᓗᒃ ᑎᒍᔭᐅᓯᒪᕙᒃᑐᓄᑦ ᐃᑲᔪᖅᑕᐅᕝᕕᖃᙱᓗᐊᕐᓂᖓᓂᒃ ᑕᒫᓂ.

ᑭᓯᐊᓂᓕ ᖃᐅᒪᓂᕐᑕᖃᓚᐅᕐᑐᖅ ᐱᒋᐊᖅᑎᑦᑎᓪᓗᑎᒃ ᐊᓯᐊᒎᖔᕈᑎᐅᔪᓐᓇᖅᑐᓂᒃ ᒪᓕᒐᓕᕆᓂᕐᒥᒃ ᒪᑯᓄᖓ ᐱᕋᔭᖕᓂᑯᓄᑦ ᐱᒻᒪᕆᐊᓘᓘᐊᙱᑦᑐᓂᒃ ᒪᑯᓂᖓ ᐋᖓᔮᕐᓇᖅᑐᓂᒃ ᐊᑐᕐᓯᒪᑎᓪᓗᒋᑦ.

ᐅᑯᐊ ᐃᓚᖏᑦ ᓄᓇᕕᒃᒥᑦ ᐅᓂᒃᑳᓕᐊᕆᔭᐅᓛᖑᓚᐅᕐᑐᑦ ᑕᖅᑭᑦ 12 ᐊᓂᒍᖅᑐᓂᒃ.

ᔭᓄᐊᕆ

  • ᓄᓇᕕᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᑦ ᐊᒻᒪ ᐃᓄᓕᕆᔨᒃᑯᑦ ᑭᐅᓕᓚᐅᕐᓯᒪᔪᑦ ᑯᐸᐃᒃ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᐊᒻᒪ ᐃᓅᓱᒃᑐᓄᑦ ᑲᒥᓴᓐᑯᑦ ᖃᐅᔨᓴᖅᑎᓪᓗᒋ ᓄᓇᕕᒃᒥᑦ ᐃᓅᓱᒃᑐᑦ ᖃᓄᐃᓕᐅᖅᑕᐅᕙᖕᓂᖏᓐᓂᒃ ᓂᒋᕐᒥᐅᓂᒃ ᐃᓚᒌᓄᑦ ᐸᖅᑭᔭᐅᑎᓪᓗᒋᑦ. ᖃᐅᔨᓴᕈᑎᐅᔪᖅ ᐱᒋᐊᖅᑎᓪᓗᒍ ᑎᓯᐱᕆᒥᑦ, ᑲᑎᒪᔩᑦ ᐅᖃᓚᐅᕐᓯᒪᔪᑦ ᓱᕈᓰᑦ ᐊᐅᓪᓚᖅᑎᑕᐅᖃᑦᑕᕐᓂᖏᓐᓂᒃ ᐊᓯᐊᒎᕈᓐᓇᐃᓪᓕᒑᖓᑕ ᐊᒻᒪᓗ ᒪᓕᒃᐸᒃᖢᑎᒃ ᑐᑭᒧᐊᕈᑎᐅᔪᓂᒃ ᐳᕌᕕᓐᓯᒧᑦ. ᑲᑎᒪᔨᐅᔪᑦ ᐅᖃᓚᐅᕐᑐᑦ ᐃᑲᔪᖅᑐᐃᓯᒪᑦᑎᐊᕐᓂᖏᓐᓂᒃ ᖃᐅᔨᓴᖅᑎᓪᓗᒋ ᐊᒻᒪᓗ ᑭᖑᓂᐊᒍᑦ ᐊᖏᓕᓚᐅᕐᑐᑦ ᕿᒥᕐᕈᐊᕐᓂᐊᕐᓂᕋᖅᖢᑎᒃ ᐱᔨᑦᑎᕋᐅᑎᒋᕙᒃᑕᖏᓐᓂᒃ.
  • ᓄᓇᕕᒃᒥᑦ ᓂᕈᐊᕈᓐᓇᖅᑐᑦ ᓂᕈᐊᓚᐅᕐᓯᒪᕗᑦ ᐊᔾᔨᒋᔭᐅᙱᑦᑐᒥᒃ ᐅᑯᐊ ᐃᓄᐃᑦ ᓇᖕᒥᓂᖅ ᑲᑐᔾᔨᖃᑎᒌᖏᑦ ᓂᕈᐊᖅᑎᓪᓗᒋᑦ ᒪᕐᕉᖕᓂ ᐊᕐᓈᖕᓂᒃ ᐊᐅᓚᑦᑎᔨᐅᓂᐊᕐᓂᕐᒧᑦ—ᓯᕗᓪᓕᖅᐹᖑᓪᓗᓂ ᐊᕐᕌ
  • ᒫᒋ ᐃᒪᑦᓚᒃ, ᓴᐅᒥᐊᓃᑦᑐᖅ, ᒪᑭᕕᒃᑯᓐᓄᑦ ᐱᕙᓪᓕᐊᔪᓕᕆᓂᕐᒧᑦ ᐊᖓᔪᖅᑳᒧᑦ ᑐᒡᓕᕆᔭᐅᓂᐊᓕᕐᑐᖅ, ᐊᒻᒪ ᐅᓇ ᐅᕇᑕ ᓄᕙᓕᖓ ᑲᑐᔾᔨᖃᑎᒌᓄᑦ ᓴᓇᕝᕕᓕᕆᓂᕐᓄᑦ ᑎᑎᕋᖅᑎᐅᓪᓗᓂ. (ᐊᔾᔨᙳᐊᖁᑎᒋᔭᐅᔪᖅ)

  • ᒍᓂᒃ ᐊᕙᑎᓂᒃ ᒪᑭᕕᒃ ᑯᐊᐳᕇᓴᓐᑯᓐᓂᒃ. ᔭᓄᐊᕆ 17-ᒥ, ᓄᓇᕕᒻᒥᐅᑦ ᓂᕈᐊᓚᐅᕐᓯᒪᔪᑦ ᒫᒋ ᐃᒪᑦᓗᒃ ᒪᑭᕕᒃᑯᑦ ᐱᕙᓪᓕᐊᔪᓕᕆᓂᕐᒧᑦ ᐊᖓᔪᖅᑳᒧᑦ ᑐᒡᓕᕆᔭᐅᓂᐊᕐᓗᓂ ᐊᒻᒪᓗ ᐅᕇᑕ ᓄᕙᓕᖓ ᓴᓇᕝᕕᓕᕆᓂᕐᒧᑦ ᑎᑎᕋᖅᑎᐅᓂᐊᕐᓗᓂ.
  • ᐃᓄᒃ ᐃᙱᕐᑎ-ᐃᙱᐅᓯᐅᕐᑎ ᐃᓕᓴᐱ ᓂᕈᐊᒐᒃᓴᙳᖅᑎᑕᐅᓚᐅᕐᑐᖅ ᔫᓂ ᐃᓕᓴᕆᔭᐅᔾᔪᑎᓄᑦ ᓄᓇᖃᖅᑳᖅᑐᓂᒃ ᓂᐱᓕᐅᕆᓯᒪᑦᑎᐊᓛᖑᓂᕐᒧᑦ ᐊᕐᕌᒍᒥ, ᐆᒧᖓ ᓂᐱᓕᐅᒐᖓᓄᑦ ‘The Ballad of the Runaway Girl’. ᐃᓅᓂᑰᓪᓗᓂ ᓴᓪᓗᐃᑦᒥᑦ, ᐃᓕᓴᐱ (ᐊᑎᕈᓯᖓ ᐊᐃᓴᒃ) ᑕᕐᕆᔭᒐᒃᓴᓕᐅᖃᑦᑕᕐᒥᔪᖅ ᐊᒻᒪ ᖃᓄᐃᓕᐅᕈᓘᔭᖅᑎᐅᓪᓗᓂ.

ᕗᐊᕆ

  • ᐃᓅᓱᒃᑐᒥᓐ ᐃᓅᔪᓐᓃᖅᑐᖃᓚᐅᕐᑎᓪᓗᒍ ᔭᓄᐊᕆ ᓄᙳᐊᓂ, ᑯᐸᐃᒃᒥᑦ ᐃᒻᒥᒃᑰᖓᔪᑦ ᖃᐅᔨᓴᖅᑏᑦ ᐅᓪᓘᖕᓂ ᒪᕐᕉᖕᓂ ᓄᓇᓕᖕᓃᓚᐅᕐᑐᑦ ᐸᓖᓯᒃᑯᑦ ᖃᓄᐃᓕᐅᓚᐅᕐᓂᖏᓐᓂᒃ ᐃᓅᔪᓐᓃᖅᑎᓪᓗᒍ. ᑲᑎᕕᒃ ᓄᓇᓕᓕᒫᑦ ᐸᓖᓯᖏᑦ ᐅᖄᓚᕝᕕᐅᓚᐅᕐᓯᒪᖕᒪᑕ ᔭᓄᐊᕆ 27-ᒥ ᐃᑲᔪᖅᑕᐅᔪᒪᔪᒥ 15-ᓂ ᐅᑭᐅᓕᖕᒥᑦ ᐊᕐᓇᒥ ᕿᓂᕐᓗᑎᒃ. ᑖᔅᓱᒪᓕ ᑎᒥᖓ ᓇᓂᔭᐅᓕᓚᐅᕐᓯᒪᔪᖅ ᐃᑲᕐᕋᑦ 12 ᐊᓂᒍᖅᑎᓪᓗᒋᑦ ᐊᒻᒪᓗ ᕿᓂᖁᔭᐅᔪᓐᓃᖅᖢᑎᒃ ᓯᓚ ᐱᐅᔪᓐᓃᕐᓂᖓᓄᑦ. ᐅᓂᒃᑳᖑᔪᑦ ᖃᐅᔨᓴᖅᑎᓂᒃ ᑐᓂᔭᐅᓯᒪᓕᕐᑐᑦ ᒪᓕᒐᓕᕆᔨᓄᑦ ᐸᓯᔭᒃᓴᙳᖅᑎᑦᑎᒋᐊᖃᕆᐊᒃᓴᖏᓐᓂᒃ.
  • ᓄᓇᕕᒃᒥᑦ ᐃᖅᑲᓇᐃᔭᕐᕕᓪᓚᕆᑐᐊᖅ ᒪᓕᒐᓕᕆᔨᒃᑯᑦ ᑎᑎᕋᕐᕕᖓᑦ ᒪᑐᓂᐊᕐᓂᕋᖅᑕᐅᕗᖅ. ᓗᐊᐃᔭ ᐃᖅᑲᓇᐃᔭᖅᑐᕕᓂᖅ ᑰᔪᐊᖅᒥᑦ, ᕚᓗᕆ ᐴᔪᕌᓐ-ᐳᑎᓐ, ᐃᖅᑲᓇᐃᔮᒥᓂᒃ ᕿᓚᐃᓚᐅᕐᒪᓐ ᒫᔅᓯ 15-ᒥᑦ. ᐅᑯᐊ Centre Communautaire Juridique Abitibi-Témiscaminque ᐃᓇᖏᖅᑎᒃᓴᖅᓯᐊᕈᓐᓇᓚᐅᙱᒻᒪᑕ. was unable to replace her.
  • ᑲᖏᕐᓱᒃᒥᐅᑕᖅ ᒥᐊᓕ ᔪᐊᓇ ᒪᒃᑯ, 35, ᐃᓅᔪᓐᓃᕐᓯᒪᔪᖅ ᓇᓂᔭᐅᓚᐅᕐᓯᒪᔪᖅ ᕕᕝᕗᐊᕆ 12 ᐅᓐᓄᖓᓂᒃ. ᒪᒃᑯ ᖃᐅᔨᒪᔭᐅᑦᑎᐊᓚᐅᕐᑐᖅ ᓄᓇᓕᖕᓂᑦ, ᐊᓈᓇᐅᓪᓗᓂ ᐊᒻᒪ ᐃᓕᓐᓂᐊᓕᓵᖅᑐᓂᒃ ᐃᓕᓴᐃᔨᐅᓪᓗᓂ ᑲᖏᕐᓱᒃ ᓴᐅᑦᔪᐃᑦ ᐃᓕᓐᓂᐊᕐᕕᒃᒥᑦ. ᐅᐃᖓ, ᕗᐃᓕ ᔫᓂᐊ ᑑᒪᓯ, 39, ᐸᓯᔭᒃᓴᙳᖅᑎᑕᐅᓚᐅᕐᑐᖅ ᐃᓄᐊᕐᓯᓂᕐᒥᒃ ᐊᒻᒪ ᓱᖁᑎᒃᓴᙱᓐᓂᕐᒧᑦ ᑐᖁᑎᑦᑎᓂᕐᒥᒃ.

ᒫᔅᓯ

    ᓵᓚᓴᕐᓂᑰᒃ ᕿᒧᒃᓯᖅᑏᒃ ᕗᐃᓕ ᑲᐃᓐ ᔫᓂᐊ ᐊᒻᒪ ᑭᐊᓐ ᓚᐱ ᖁᕕᐊᓱᒍᑎᖃᖅᐲᒃ ᐊᐃᑉᐸᖓᓂ ᐃᕙᒃᑲᒃ ᕿᒧᒃᓯᐊᔾᔪᐊᕐᑎᓪᓗᒋ ᐃᓱᓕᑦᑎᑎᓪᓗᒋᑦ ᓈᑦᑎᖑᔭᒥᑦ, ᒫᑦᓯ 10. (ᐊᔾᔨᙳᐊᖅ ᒪᑭᕕᒃ/ᐃᕙᒃᑲᒃ)

  • ᓄᓇᕕᒃᒥᑦ ᐃᕙᒃᑲᒃ ᕿᒧᒃᓯᐅᔾᔪᐊᖅᑐᓂᒃ ᓵᓚᒃᓴᖅᑐᓂᒃ ᐅᖃᐅᓯᖃᓚᐅᕐᑐᑦ ᒫᔅᓯ 10-ᒥᑦ, ᑖᒃᑯᐊᒡᓗ ᒪᕐᕉᒃ ᕿᒧᒃᓯᖅᑏᒃ ᑕᓯᐅᔭᖅᒥᐅᑕᐅᓪᓗᑎᒃ ᐊᒻᒪ ᐊᐃᑉᐸᖓᓂᒃ ᓵᓚᒃᓴᖅᖢᑎᒃ ᑐᒡᓕᕇᖕᓂᒃ. ᕿᒧᒃᓯᖅᑎ ᕗᐃᓕ ᑲᐃᓐ ᔫᓂᐊ ᐊᒻᒪ ᐊᐃᑉᐸᖓ ᑭᐊᓐ ᓚᐱ ᕿᒧᒃᓯᐅᔾᔪᐊᕌᓂᓚᐅᕐᓯᒪᔫᒃ ᐃᑲᕐᕋᑦ 57-ᒥ ᐃᓚᖃᖅᖢᓂ 41 ᒥᓂᑦᔅᓂᒃ.
  • ᐃᕙᒃᑲᒃ ᐱᒋᐊᕐᓵᓕᕐᓂᕐᓴᐅᓚᐅᕐᑐᖅ ᐅᑭᐅᖅ ᑖᒃᑯᐊ ᕿᒧᒃᓯᖅᑐᑦ ᐊᐅᓪᓚᖅᖢᑎᒃ ᓯᓴᓯᐱᒥᑦ ᕕᕝᕗᐊᕆ 26-ᒥᑦ. ᑖᓐᓇᑦᑕᐅᖅ ᐱᒋᐊᕐᕕᒋᔭᖓᑦ ᓂᒋᕐᒦᓛᖑᓯᒪᔪᖅ ᕿᒧᒃᓯᐅᕐᔪᐊᖅᑐᓄᑦ ᒫᓐᓇᒥ, ᑖᒃᑯᐊᓗ ᕿᒧᒃᓯᕆᐊᖃᖅᖢᑎᒃ ᔭᐃᒻᔅ ᐸᐃᑯᑦ ᐊᒻᒪ ᑕᓯᐅᔭᕐᔪᐊᑉ ᓯᒡᔭᖓᒍᑦ.
  • ᓄᓇᕕᒃᒥᑦ ᐊᑯᓂᕈᓗᒃ ᐅᑕᕿᔭᐅᓯᒪᔪᒥᑦ ᐅᖄᓛᐅᑎᕋᓛᓂᒃ ᐊᑐᕈᓐᓇᕐᓯᓂᖅ ᖁᐊᖅᑕᖅᒥᑦ ᐊᑐᓕᓚᐅᕐᐳᖅ ᒫᔅᓯ 19-ᒥᑦ. ᐊᐃᔅ ᕗᐊᐃᔪᓚᔅ (Ice Wireless) ᐊᑐᓕᖅᑎᑦᑎᓚᐅᕐᒪᑕ ᐆᒥᖓ ᓄᑖᒥᓐ 3G LTE ᓇᓂᑐᐃᓐᓇᖅ ᐅᖄᓚᒍᓐᓇᕐᓇᖅᑐᒥᓐ ᑕᕝᕙᓂ ᓯᕗᓪᓕᖅᐸᐅᓪᓗᑎᒃ ᐅᑯᓇᙵᑦ 14-ᓂᒃ ᓄᓇᕕᒃ ᓄᓇᓕᖏᓐᓂᒃ. ᐊᐃᔅ ᕗᐊᐃᔪᓚᔅ, ᑖᒃᑯᐊᓕ ᐃᖃᓗᖕᓂ ᐱᓕᕆᐊᖃᓕᕐᓯᒪᔪᑦ, ᐃᓱᒪᔪᑦ ᐅᖄᓚᐅᑎᕋᓛᓂᒃ ᐊᑐᕈᓐᓇᖅᓯᑎᑦᑎᔪᒪᓪᓗᑎᒃ ᓄᓇᕕᒃᒥᐅᓕᒫᓂᒃ, ᐊᒻᒪ ᐊᔪᙱᓪᓗᑎᒃ ᑲᓇᑕᒥ ᐊᒻᒪ ᓄᓇᕐᔪᐊᒧ ᐅᖄᓚᒍᓐᓇᕐᓗᑎᒃ, ᐅᑯᑎᒎᓈᖓᓗᑎᒃ ᐱᓕᕆᖃᑎᒋᔭᖏᓐᓂᒃ Iristel.
  • ᑯᐸᐃᒃ ᐊᐅᓚᔾᔪᑎᒃᓴᖏᑦ, ᓴᖅᑭᑕᐅᓂᑯᑦ ᒫᔅᓯ 21-ᒥ, ᓄᑖᙳᕆᐊᕈᑎᒥ ᒪᓂᒻᒪᐃᓯᒪᓚᐅᕐᑐᖅ ᐃᓅᓇᓱᖕᓂᕐᒧᑦ ᐊᑭᓕᐅᑎᒃᓴᓄᑦ ᐊᖏᕈᑎᓂᒃ ᓄᓇᕕᒃᒥᐅᓄᑦ ᑖᓐᓇᓗ ᐱᓕᕆᐊᖑᓯᒪᓪᓗᓂ ᐊᕐᕌᒎᖕᓂᒃ ᒪᕐᕉᖕᓂᒃ. ᑖᓐᓇ ᓄᑖᖅ ᐊᖏᕈᑎ ᐊᑭᓕᕐᓱᕈᑎᐅᓇᔭᖅᑐᖅ $115.8 ᒥᓕᐊᓐ ᑖᓚᓂᒃ ᓄᓇᕕᒻᒥᐅᑦ ᑲᑐᔾᔨᖃᑎᒌᖏᓐᓄᑦ ᐊᕐᕌᒍᓂ 6-ᓄᑦ ᐃᑲᔪᕈᑎᐅᓂᐊᕐᓗᓂ ᖃᖓᑦᑕᐅᑎᓄᑦ, ᒑᓴᓖᒧᑦ, ᓂᕿᒧᑦ ᐊᒻᒪ ᐊᖑᓇᓱᒍᑎᒃᓴᓄᑦ, ᐃᓐᓇᑐᖃᕐᓄᑦ ᐊᑐᖅᑕᐅᔭᕆᐊᓕᖕᓄᑦ ᐊᒻᒪᓗ ᐃᒡᓗᒥᐅᑕᒃᓴᓄᑦ ᐃᒐᓄᑦ ᐊᒻᒪ ᖁᐊᒃᑯᕕᖕᓄᑦ. ᐅᓇ ᓄᑖᖅ ᐃᑲᔫᑎᒃᓴᖅ ᐃᑲᔫᑎᖃᖅᑐᖅ $8 ᒥᓕᐊᓐ ᑖᓚᓂ ᖁᕝᕙᖅᐹᓪᓕᖅᖢᓂ ᐊᕐᕌᒍᒧᑦ ᐃᓅᓇᓱᖕᓂᕐᒧᑦ ᐊᑭᓕᐅᑎᐅᖃᑦᑕᕐᓯᒪᓕᕐᑐᓂᒃ.

ᐄᐳᕈᓪ

    ᐃᑭᓕᕆᐊᕐᓂᑰᒐᓱᒋᔭᐅᔪᖅ ᑭᐊᒃᓴᐅᑎᖃᕐᕕᒃᒥᑦ ᓯᐊᕐᕆᔮᕐᕕᖕᓂᒃ ᑲᖏᕐᓱᒥ ᓈᑦᑎᖑᔭᒥ, ᐄᐳᕈᓪ 7 ᐊᒻᒪᓗ ᐃᑯᒪᐃᓐᓇᖅᖢᓂ ᐃᒡᓗᓕᒫᒥ ᖃᐅᒃᐸᙳᖅᑎᓪᓗᒍ. (ᐊᔾᔨᙳᐊᖅ ᑐᓐᓂᖅᑯᑕᐅᓂᑯ)

  • ᓄᓇᕕᒃᒥᑦ ᓄᓇᓕᖕᓂ ᒪᓕᒐᓕᕆᕝᕕᒃ ᒪᑐᐃᖅᐳᖅ ᐃᓄᒃᔪᐊᒃᒥᑦ ᐱᓇᓱᐊᒐᖃᖅᖢᑎᒃ ᑐᓴᐅᒪᑎᑦᑎᖃᑦᑕᕐᓗᑎᒃ ᒪᓕᒐᓕᕆᓂᕐᒥᒃ, ᐃᑲᔪᖅᐸᒡᓗᑎᒃ ᐊᒻᒪᓗ ᐱᔨᑦᑎᕋᐅᑎᓄᑦ ᐃᑲᔪᕈᓐᓇᖅᑐᓂᒃ ᖃᐅᔨᒪᑎᑦᑎᓗᑎᒃ ᓄᓇᕕᒃᒥᑦ. ᐅᑯᐊ ᐃᓚᖃᕈᓐᓇᖅᑐᑦ ᖃᐅᔨᔪᒪᔪᖃᕐᓂᕈᓂ ᓱᕈᓯᕐᒥᒃ ᐱᓯᒪᔪᒪᓂᕐᒥᒃ, ᒪᓕᒐᓕᕆᔨᒧᑦ ᐃᑲᔪᖅᑕᐅᔪᒪᓂᕐᒥᒃ, ᐊᕕᑦᑎᓂᕐᒥᒃ ᐊᐃᑉᐸᕆᔭᒥᒃ ᐊᒻᒪᓗ ᐃᓅᔪᓐᓃᖅᑐᓄᑦ ᑎᑎᕋᐅᓯᐅᔭᕆᐊᖃᖅᐸᒃᑐᓄᑦ—ᐱᔨᑦᑎᕋᐅᑎᓕᒫᑦ ᒪᓂᒪᔭᐅᓗᐊᖅᐸᙱᑦᑐᑦ ᓄᓇᕕᒃ ᓄᓇᓕᖏᓐᓂᒃ. ᐅᓇ ᓴᓇᕝᕕᒃ ᐅᕙᓃᑦᑐᖅ ᐃᓄᒃᔪᐊᒃᒥᑦ ᐊᓚᒃᑲᕆᐊᓪᓚᒃ ᐃᒡᓗᒥ, ᐱᔨᑦᑎᕋᐅᑎᖏᓪᓗ ᐊᑐᐃᓐᓇᐅᓪᓗᑎᒃ ᑭᒃᑯᓕᒫᓄᑦ ᓄᓇᕕᒻᒥᐅᓄᑦ. ᑯᐸᐃᒃᒥ ᑭᒃᑯᓕᒫᓄᑦ ᐱᔪᓐᓇᐅᑎᓄᑦ ᐊᒻᒪ ᐃᓅᓱᒃᑐᓄᑦ ᑲᒥᓴᓐᑯᑦ ᑯᐸᐃᒃ ᒐᕙᒪᒃᑯᓐᓂᒃ ᐱᓕᕆᐊᖃᖁᔨᓚᐅᕐᑐᑦ ᑐᐊᕕᕐᓇᖅᑐᕆᔭᐅᓪᓗᓂ ᐊᒻᒪ ᑲᔪᓰᓐᓇᓗᐊᖅᖢᓂ ᐊᑯᒃᑐᔫᑎᐅᓂᖏᑦ ᓄᓇᕕᒃᒥᑦ ᐃᓅᓱᒃᑐᓂᒃ ᓴᐳᔾᔨᓯᒪᒍᑎᖏᑦ. ᑖᒃᑯᐊ ᑲᒥᓴᐅᔪᑦ ᐊᔾᔨᒌᙱᑦᑑᑎᒃᑯᑦ ᖃᐅᔨᓴᓚᐅᕐᑐᑦ ᐃᓅᓱᒃᑐᓂᒃ ᓴᐳᔾᔨᓯᒪᓂᕐᒥᒃ ᓄᓇᕕᒃᒥᑦ ᐊᕐᕌᒍᓂᒃ ᖁᓕᓂᒃ ᐊᒻᒪᓗ ᓴᖅᑭᑎᑦᑎᓪᓗᑎᒃ ᐃᓱᒫᓗᖕᓇᖅᑐᓂᒃ ᐅᓂᒃᑳᓂᒃ 2007-ᒥᑦ. ᒫᔅᓯ 18-ᒥ ᑎᑎᖃᓂᒃ ᑎᑎᕋᖅᑕᐅᔪᓂᒃ ᑯᐸᐃᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒥᓂᔅᑕᖓᓄᑦ ᑖᓂᐅᓪ ᒪᑳᓐᒧᑦ, ᑲᒥᓴᓐᑯᑦ ᐊᖓᔪᖅᑳᖓ ᕕᓕᑉ-ᐋᓐᑕᕇ ᑕᓯᐃ ᐅᖃᓚᐅᕐᓯᒪᔪᖅ ᓱᓕ “ᐃᓱᒫᓘᑎᑕᖃᕐᓂᖓᓂᒃ” ᓄᓇᕕᒃ ᓱᕈᓯᖏᓐᓂᒃ ᐃᓅᓱᒃᑐᖏᓐᓂᒡᓗ.
  • ᑲᖏᕐᓱᒃᒥᐅᑦ ᐊᓐᓂᑭᑦᑐᕐᕕᖓ ᐃᑭᓚᐅᕐᓯᒪᔪᖅ ᐄᐳᕈᓪ 7-ᒥ. ᑖᓐᓇ ᐃᑭᑦᑐᖅ ᐱᒋᐊᕋᓱᒋᔭᐅᓪᓗᓂ ᑭᐊᒃᓴᐅᑎᖃᕐᕕᐊᓂᒃ, ᐅᖂᓴᐅᑎ ᓈᒻᒪᙱᑦᑐᒃᓴᐅᓂᖓᓄᑦ, ᓄᓇᓕᖕᓂ ᐱᓕᕆᔨᒻᒪᕇᑦ ᐅᖃᓚᐅᕐᓯᒪᔪ ᑕᐃᔅᓱᒪᓂ. ᑖᔅᓱᒪᓕ ᐃᒡᓘ ᓯᓚᑎᖓ ᓱᓕ ᖃᓄᐃᓕᓯᒪᓚᐅᙱᑦᑐᖅ ᑭᓯᐊᓂᓕ ᐃᓗᐊ ᐃᑭᑦᑐᒧᑦ ᓱᒃᑯᓯᒪᓪᓚᕆᓚᐅᕐᑐᖅ.
  • ᓄᓇᕕᒃᒥ ᐃᓕᓐᓂᐊᖅᑐᓕᕆᔨᑦ ᑲᑎᒪᔨᖏᑦ ᐊᒻᒪᓗ ᓄᓇᕕᒃᒥᑦ ᐸᓖᓯᒃᑯᑦ ᐊᑎᓕᐅᓚᐅᕐᑐᑦ ᐊᖏᖃᑎᒌᒍᑎᒥᑦ ᓇᓗᓇᐃᕐᓯᓯᒪᔪᒥ ᐱᓕᕆᖃᑎᒌᖕᓂᖏᓐᓂᒃ ᑖᒃᑯᐊ ᒪᕐᕉᒃ ᑲᑐᔾᔨᖃᑎᒌᖑᔫᒃ.
  • ᐅᓇ ᐊᖏᖃᑎᒌᒍᑎ ᐅᑯᓄᖓ ᑲᑎᕕᒃ ᐃᓕᓴᕐᓂᓕᕆᓂᖅ ᐊᒻᒪ ᑲᑎᕕᒃ ᓄᓇᓕᓕᒫᑦ ᐸᓖᓯᖏᑦ ᐊᑐᓕᓚᐅᕐᑐᖅ ᐄᐳᕈᓪ 12-ᒥᑦ ᐊᒻᒪᓗ ᐃᑲᔫᑎᑖᕈᑎᒋᔭᐅᓪᓗᓂ ᐱᖓᓱᓄᑦ ᐱᓕᕆᔨᒃᓴᓄᑦ ᖃᓄᐃᑎᑦᑎᑦᑕᐃᓕᓂᕐᒧᑦ ᐅᕙᓃᓐᓂᐊᖅᑐᓂᒃ ᑰᔾᔪᐊᖅ, ᐳᕕᕐᓂᑐᖅ ᐊᒻᒪ ᓴᓪᓗᐃᑦ, ᕿᒥᕐᕈᐊᕐᓂᐊᓗᑎᒃ ᑕᒫᓂ ᐃᓕᓐᓂᐊᕐᕕᖕᓂᒃ. ᐊᐃᑉᐸᖓ ᐊᖏᖃᑎᒌᒍᑎᐅᓪᓕ ᑐᑭᒧᐊᕈᑎᐅᓪᓗᓂ ᖃᓄᖅ ᐸᓖᓯᒃᑯᑦ ᐱᓕᕆᐊᖃᖃᑦᑕᕆᐊᖃᕐᓂᖏᓐᓂᒃ ᐃᓕᓐᓂᐊᕐᕕᖕᓂᒃ ᐊᒻᒪ ᐃᓕᓐᓂᐊᕐᑎᓂᒃ ᑐᐊᕕᕐᓇᖅᑐᖃᖅᑎᓪᓗᒍ.

ᒪᐃ

    ᐃᙱᕐᑎ-ᐃᙱᐅᓯᐅᕐᑎ ᐱᐊᑐᕆᔅ ᑎᐅ ᐅᕙᓂ ᐊᔾᔨᖃᖅᑐᖅ ᐊᐅᓚᔪᒧᑦ ᐃᙱᐅᓯᕐᒧᑦ ‘You’re With Me.’ (ᐊᔾᔨᙳᐊᖅ ᐅᕙᙵᑦ ᔫᓴᕝ ᔭᒪᔅ)

  • ᒪᑭᕕᒃ ᑯᐊᐳᕇᓴᓐᑯᑦ ᐊᒻᒪᓗ ᓇᔪᒥᕕᒃ ᓄᓇᓕᕆᔨᒃᑯᑦ ᑯᐊᐳᕇᓴᓐᑯᑦ ᑰᔾᔪᐊᕐᒥᑦ ᐊᑎᓕᐅᖃᑎᖃᓚᐅᕐᑐᑦ ᑎᑎᖃᓂᒃ ᐱᒋᐊᓕᓵᕐᓯᒪᔪᓂᒃ ᐅᔭᕋᒃᓯᐅᕐᕕᒃ ᑲᒻᐸᓂᐅᔪᓂᒃ ᓴᓇᔪᒪᓪᓗᑎᒃ 185 ᑭᓛᑎᑕᓂᒃ ᑕᑭᓂᓕᖕᒥᒃ ᐅᓯᑲᖅᑕᖅᑐᓄᑦ ᐊᖅᑯᑎᐅᓂᐊᖅᑐᒥ ᓂᒋᕐᒧᙵᐅᔪᒥᒃ ᓄᓇᓕᖕᓂᒃ ᐃᓗᑦᑐᖅᑎᕐᓯᒪᔪᒥ ᐅᔭᕋᒃᓯᐅᕐᕕᒃᒧᑦ. ᐅᓇ ᐊᖏᖃᑎᒌᒍᑎ ᐊᑎᓕᐅᕐᑕᐅᓚᐅᕐᑐᖅ ᕚᓐᑰᕙᒦᐅᑕᓂᒃ ᑳᒨᔅ ᕆᓱᐊᓯᔅ ᑯᐊᕆᓴᓐᑯᓐᓂᒃ (Commerce Resources Corp.) ᒪᐃ 15-ᒥᑦ. ᑖᒃᑯᐊ ᑲᒻᐸᓂᐅᔪᑦ ᐋᖅᑭᒃᓱᐃᔪᒪᖕᒪᑕ Ashram ᓇᓂᔭᐅᓯᒪᔪᓂᒃ ᑲᓇᑕᒥ ᓯᕗᓪᓕᖅᐸᐅᓗᓂ ᑕᑯᓕᒪᓇᙱᑦᑐᓂᒃ ᐅᔭᕋᐅᔭᓂᒃ ᓄᓇᒥᙶᖅᑐᓂᒃ—ᑕᒪᒃᑯᐊ ᐱᔭᐅᔪᒪᓂᕐᓴᐅᕙᓪᓕᐊᓂᖏᓐᓄᑦ ᐃᓚᒃᓴᕆᑎᑕᐅᓗᑎᒃ ᐅᖄᓚᐅᑎᕋᓛᓄᑦ, ᖃᕋᓴᐅᔭᓄᑦ ᑎᒍᒥᐊᒐᓄᑦ ᓵᑦᑐᓄᑦ, ᓵᑦᑐᓂᒃ ᑕᓚᕖᓴᓄᑦ ᐊᒻᒪᓗ ᓄᓇᓯᐅᑎᓄᑦ ᐆᒻᒪᖅᑯᑎᖃᕆᐊᓕᖕᓄᑦ.
  • ᓄᓇᕕᒃᒥᐅᑕᖅ ᐃᙱᕐᑎ ᐱᐊᑐᕆᔅ ᑎᐅ ᓵᓚᒃᓴᓚᐅᕐᑐᖅ Best Folk Album ᓂᐱᓕᐅᒐᖓᓄᑦ My All To You ᒪᐃ 17-ᒥᑦ ᓄᓇᖃᖅᑳᖅᑐᑦ ᐃᙱᖅᑎᓂᒃ ᓵᓚᒃᓴᐅᓯᐊᑲᑕᒃᑎᓪᓗᒋᑦ. ᐅᓇᑦᑕᐅ ᓂᐱᓕᐅᒐᖓ Fox ᓂᕈᐊᒐᒃᓴᐅᓚᐅᕐᒥᔪᖅ ᑐᓴᕐᓈᒐᒃᓴᓂᒃ ᑕᕐᕆᔭᒐᓕᐊᓄᑦ.
  • ᖃᐅᒻᒪᖅᑯᑎᓕᕆᔨᑦ (ᕼᐊᐃᑐᕈ-ᑯᐸᐃᒃ) ᐊᑎᓕᐅᓚᐅᕐᑐᑦ ᓂᐅᕕᕈᒪᓂᕐᒥᒃ ᐆᒻᒪᖅᑯᑎᖃᕐᕕᒃᒥᑦ ᐅᕙᓂ ᐃᓄᒃᔪᐊᒃᒥᑦ ᐆᒻᒪᖅᑯᑎᖃᕐᕕᓕᕆᕝᕕᐅᑉ ᐅᖓᑖᓃᑦᑐᒥᑦ ᒪᐃ 27-ᐅᑎᓪᓗᒍ.
  • ᐱᑐᕕᒃ ᓄᓇᓕᖕᕆᔨᒃᑯᑦ ᑯᐊᐳᕇᓴᓐ ᐊᒻᒪᓗ ᐃᓄᔭᒃᔅ ᐱᕙᓪᓕᐊᔪᓕᕆᔨᑦ ᑯᐊᐳᕇᓴᓐᑯᑦ ᐸᕐᓇᒃᓯᒪᔪᑦ ᓴᓇᔪᒪᓪᓗᑎᒃ ᐃᓐᓇᕕᒃ ᐆᒻᒪᖅᑯᑎᓕᕆᕝᕕᒃᒥᑦ, ᑰᖕᒥᙶᕐᓗᓂ 7.5 ᒥᒐᕗᐊᑦ ᐊᐅᓚᐅᑎᖃᕐᕕᖃᕐᓗᓂ ᐃᓄᒃᔪᐊᒃ ᑰᑉ ᓴᓂᑦᑎᐊᖓᒍᑦ. ᐅᓇ ᐊᕐᕌᒍᓄᑦ 40-ᓄᑦ ᐊᖏᕈᑎᐅᔪᑦ ᐅᑯᓄᖓ ᕼᐊᐃᑐᕈ ᑯᐸᐃᒃᑯᓐᓂᒃ ᐃᓐᓇᕕᒃ ᐅᒻᒪᖅᑯᑎᓂᒃ ᓂᐅᕐᕈᑎᖃᕈᓐᓇᕐᓗᑎᒃ ᐋᖅᑭᒃᑕᐅᓯᒪᔪᓂᒃ ᐊᑭᓕᐅᑎᒃᓴᓂᒃ.

ᔫᓂ

  • ᑲᑎᕕᒃ ᓄᓇᓕᖕᓂ ᐃᒡᓗᓕᕆᔨᒃᑯᑦ ᑐᓴᖅᑎᑦᑎᓚᐅᕐᑐᑦ ᓄᓇᕕᒃ 64-ᓂ ᓄᑖᓂᒃ ᐃᒡᓗᑖᕐᓂᐊᕐᓂᖏᓐᓂᒃ 2020-ᒥᑦ, ᑖᒃᑯᐊᓗ ᐊᕕᒃᑐᖅᑕᐅᓇᔭᖅᑐᑦ 6-ᓂ ᓄᓇᓕᖏᓐᓂᒃ. ᑲᖏᖅᓱᔪᐊᖅ ᐊᒻᒪ
  • ᒪᑭᕕᒃ ᑯᐊᐳᕇᓴᓐᑯᑦ ᐊᖓᔪᖅᑳᖓ ᓵᓕ ᕗᐊᑦ ᐊᒻᒪ ᒐᕙᒪᑐᖃᒃᑯᓐᓄᑦ-ᓄᓇᖃᖅᑳᖅᑐᓄᓪᓗ ᒥᓂᔅᑕ ᑭᐅᕈᓕᓐ ᐸᓇᑦ ᐊᑎᓕᐅᕐᐴᒃ ᑐᑭᓯᖃᑦᑕᐅᑎᒍᑎᒥᓐ ᔫᓂ 18-ᒥᑦ, ᑖᓐᓇᓕ ᖃᓄᐃᓕᐅᖅᐸᓪᓕᐊᒍᑎᒃᓴᖅ ᓯᕗᓂᒃᓴᒥᑦ ᐋᔩᖃᑎᒌᖕᓂᖅᑕᖃᕐᓂᐊᕈᓂ ᓇᖕᒥᓂᖅ ᒐᕙᒪᖃᓕᕐᓂᕐᒥᒃ ᓄᓇᕕᒃᒥᑦ. (ᐊᔾᔨᙳᐊᖅ ᒪᑭᕕᒃ ᑯᐊᐳᕇᓴᑯᓐᓂᑦ)

  • ᐳᕕᕐᓂᑐᖅ ᐅᓄᓛᓂᒃ ᐃᒡᓗᑖᖅᑎᑕᐅᓇᔭᖅᑐᑦ, 16-ᓂ ᐃᒡᓗᑖᕐᓗᑎᒃ ᐊᑐᓂ ᓄᓇᓕᐅᔪᑦ (8 ᐊᑕᐅᓯᕐᒥᒃ ᐃᒡᓗᕈᓯᓖᑦ ᐊᒻᒪ 8 ᒪᕐᕉᖕᓂ ᐃᒡᓗᕈᓯᖃᖅᑐᑦ). ᑲᖏᖅᓱᐊᓗᔾᔪᐊᖅ, ᑰᔾᔪᐊᕌᐱᒃ, ᓴᓪᓗᐃᑦ ᐊᒻᒪ ᐅᒥᐅᔭᖅ ᐊᑐᓂ 8-ᓂᒃ ᓄᑖᓂᒃ ᐃᒡᓗᑖᕐᓂᐊᖅᖢᑎᒃ 2020-ᒥᑦ.
  • ᑰᔾᔪᐊᕐᒥᐅᑕᖅ ᕼᐋᓇ ᑐᒃᑐ ᐊᐅᓪᓚᓚᐅᕐᑐᖅ ᔫᓂ 16-ᒥ ᐸᐃᓯᑯᕋᓱᒃᖢᓂ ᑲᓇᑕᒥ ᐃᑳᕐᓗᓂ ᐅᔾᔨᕈᓱᓕᖅᑎᑦᑎᒐᓱᖕᓂᕐᒥᑦ ᐃᒻᒥᓃᖃᑦᑕᖅᑐᑦ ᐅᓄᓗᐊᕐᓂᖏᓐᓂᒃ ᐃᓄᖕᓂᑦ ᐊᒻᒪ ᓄᓇᖃᖅᑳᖅᑐᓂᒃ ᐊᓯᖏᓐᓂᒃ.
  • ᑐᒃᑐ, ᐃᓕᓐᓂᐊᖅᑎᐅᔪᖅ ᑕᑯᔭᒐᒃᓴᓕᕆᓂᕐᒧᑦ ᒫᓐᓇᓗ ᒪᓐᑐᕆᐊᒥᓐ ᓄᓇᖃᖅᖢᓂ, ᐱᒋᐊᓚᐅᕐᑐᖅ ᐅᕙᙵᑦ ᒪᐃᐅᓪ ᔨᕈ ᕕᒃᑑᕆᐊᒥᑦ ᐊᒻᒪ ᐃᖏᕐᕋᕙᓪᓕᐊᓂᕐᒥᓂᒃ ᐊᔾᔨᓕᐅᕆᕙᓪᓕᐊᓪᓗᓂ ᐊᐅᓚᔪᓂᒃ ᐊᒻᒪ ᕙᐃᔅᐳᒃᑯᑦ ᓴᖅᑭᑎᑉᐸᒃᖢᓂᒋᑦ.
  • ᔫᓂ 18-ᒥᑦ, ᒪᑭᕕᒃ ᑯᐊᐳᕇᓴᓐᑯᑦ, ᐊᑎᓕᐅᓚᐅᕐᓯᒪᔪᑦ ᐊᖏᖃᑎᒌᒍᑎᓂᒃ ᒐᕙᒪᑐᖃᒃᑯᓐᓂᒃ ᐊᑐᖅᑕᐅᔪᒃᓴᓂᒃ ᖃᓄᐃᓕᐅᕈᑎᒃᓴᓄᑦ ᐋᔩᖃᑎᒌᖕᓂᒃᑯᑦ ᐆᒧᖓ ᐃᓄᐃᑦ ᓇᖕᒥᓂᖅ ᒐᕙᒪᖃᓕᕈᒪᓂᖏᓐᓄᑦ. ᐊᑎᓕᐅᖅᑕᐅᓪᓗᓂ ᒪᑭᕕᒃ ᐊᖓᔪᖅᑳᖃᓄᑦ ᓵᓕ ᕗᐊᑦᒧᑦ ᐊᒻᒪᓗ ᑭᐅᕈᓕᓐ ᐸᓇᒧᑦ, ᒥᓂᔅᑕ ᒐᕙᒪᑐᖃᒃᑯᑦ ᓄᓇᖃᖅᑳᖅᑐᓄᑦᓗ ᐱᓕᕆᖃᑎᒌᖕᓂᕐᒧᑦ, ᐅᓇ ᑐᑭᓯᖃᑦᑕᐅᑎᓂᕐᒥᒃ ᓇᓗᓇᐃᒃᑯᑎ, ᐋᖅᑭᒃᓱᖅᑕᐅᕙᓪᓕᐊᓕᕐᓂᑯ ᐅᑭᐊᒃᓵᖑᓚᐅᕐᑐᖅ, ᓴᖅᑭᑎᑦᑎᓯᒪᔪᖅ ᒪᑭᕕᒃᑯᑦ ᖃᓄᐃᓕᐅᕈᒪᔭᖏᓐᓂᒃ, ᖃᖓᒃᑯᑦ ᐅᖃᖃᑎᒌᖕᓂᒃᓴᓂᒃ, ᐱᓕᕆᐊᒧᑦ ᐸᕐᓇᐅᑎᓂᒃ, ᓈᒻᒪᙱᓕᐅᕐᓂᕐᒧᑦ ᐋᖅᑭᒋᐊᕈᑎᒃᓴᓂᒃ ᐊᒻᒪᓗ ᐃᑲᔫᑎᒃᓴᓂᒃ.

ᔪᓚᐃ

  • ᑯᐸᐃᒃᒧᑦ ᐃᖃᖅᑐᐃᔨᓄᑦ ᐸᓯᔭᒃᓴᓕᕆᔨᒃᑯᑦ ᑎᑎᕋᕐᕕᖓᒃ ᐸᓖᓯᓂᒃ ᐸᓯᔭᒃᓴᐅᙱᓐᓂᕋᐃᓚᐅᕐᑐᑦ 2017-ᒥᑦ ᐃᓅᔪᓐᓃᖅᑎᓪᓗᒍ ᑕᐃᕕᑦ ᓴᐸ ᐅᒥᐅᔭᕐᒥᑦ. ᑲᑎᕕᒃ ᓄᓇᓕᓕᒫᑦ ᐸᓖᓯᖏᑦ ᖁᑭᖅᓯᓚᐅᕐᓯᒪᖕᒪᑕ ᑐᖁᓪᓗᓂᓗ ᓴᐸᒥ ᑎᓯᐱᕆᐅᓚᐅᕐᓯᒪᔪᒥᑦ, ᓱᒋᐅᑎᓕᔭᖅᑎᓪᓗᒍ ᐊᒻᒪ, ᐸᓖᓯᑎᒍᓪᓕ, ᐅᓗᕆᐊᖅᓵᕆᑲᑕᒃᖢᓂ ᐸᓖᓯᓂᒃ ᐊᒻᒪ ᓄᓇᖃᖅᑐᓂᒃ. ᖃᐅᔨᓴᖅᑎᐅᔪᑦ ᓄᓇᓕᖕᓄᐊᓚᐅᕐᓯᒪᔪᑦ ᕿᒥᕐᕈᐊᕆᐊᖅᖢᑎᒃ ᖃᓄᐃᓕᐅᕈᑎᕕᓂᕐᓂᒃ ᓴᐸ ᐃᓅᔪᓐᓃᕐᓂᖓᓄᑦ ᐊᒻᒪᓗ ᐸᓖᓯᒃᑯᑦ ᖃᓄᐃᓕᐅᕐᓂᕕᓂᖏᓐᓂᒃ ᑖᔅᓱᒧᖓ.
  • ᓄᓇᕕᒃᒥᐅᑕᖅ ᐃᓄᒃ ᑲᓇᑕᒥ ᐅᓇᑕᖅᑐᒃᓴᐅᓂᑯ ᐃᓕᓴᕆᔭᐅᓚᐅᕐᐳᖅ ᐱᔨᑦᑎᕋᐅᑎᕕᓂᖏᓐᓄᑦ ᐋᖅᑭᒃᓱᓪᓗᑎᒃ ᓄᑖᒥᒃ ᐅᓇᑕᖅᑐᒃᓴᒧᑦ ᓇᓗᓇᐃᒃᑯᑎᒥᒃ ᐃᓗᕕᐊᓂᒃ. ᐃᐊᑎ ᐅᐃᑖᒃᑐᒃ ᐅᒥᐅᔭᕐᒥᐅᑕᖅ ᐅᓇᑕᖅᑐᒃᓴᐅᓚᐅᕐᓯᒪᔪᖅ ᐅᓇᑕᖃᑕᐅᓪᓗᓂ ᑯᕆᐊᒥ ᐅᓇᑕᕕᒡᔪᐊᖅᑎᓪᓗᒋᑦ ᐊᒻᒪᓗ ᐊᕐᕌᒍᓂ 15-ᓂ ᐅᓇᑕᖅᑐᒃᓴᐅᓪᓗᓂ. ᐃᓅᔪᓐᓃᓚᐅᕐᓯᒪᔪᖅ ᐊᖏᕐᕋᖓᓂᒃ ᓄᓇᕕᒃᒥᑦ 2005-ᖑᑎᓪᓗᒍ ᐅᑭᐅᖃᓕᕐᖢᓂ 73-ᓂᒃ, ᐊᒻᒪᓗ ᐃᓕᕕᖅᑕᐅᓚᐅᕐᓯᒪᓪᓗᓂ ᓄᓇᖓᑕ ᓯᓚᑎᑦᑎᐊᖓᓂᒃ. ᐅᐃᑖᒃᑑᑉ ᐃᓗᕕᖓ—ᐱᕈᕐᓯᐊᙳᐊᓂᒃ ᐃᓕᓯᒪᕝᕕᐅᓯᒪᓪᓗᓂ ᐊᒻᒪᓗ ᕿᔪᖕᒥᒃ ᓴᓐᓂᖓᔪᖃᖅᖢᓂ—ᓯᕗᓂᐊᓂᒃ ᓇᓗᓇᐃᕐᓯᒪᓚᐅᙱᑦᑐᖅ ᐅᓇᑕᖅᑐᒃᓴᐅᓚᐅᕐᓯᒪᓂᖓᓂᒃ.
  • ᓄᓇᕕᒃᒥᑦ ᓇᖕᒥᓂᖅ ᐱᓕᕆᐊᖃᖅᑐᖅ ᔫᐱ ᐲᑕᔅ ᐃᖃᖅᑐᐃᕕᒃᑯᑦ ᐱᓕᕆᐊᕆᔭᐅᑎᑦᑎᕗᖅ ᓄᐊᑕᓐ ᕕᓕᔾᑯᓐᓂᒃ ᓄᓇᓕᖕᓂᒃ ᒐᕙᒪᓂᒃ ᐱᓕᕆᓕᖅᑎᑦᑎᖃᑦᑕᕐᓂᖏᓐᓂᒃ ᐱᖓᔪᒋᔭᐅᔪᓂᒃ ᐱᓕᕆᔨᓂᒃ ᐅᓇ ᓇᖕᒥᓂᖓ ᐱᒡᒍᔭᐅᑎᖃᑕᐅᖃᑦᑕᖅᑎᓪᓗᒍ. ᐲᑕᔅ ᑭᐅᓗᓚᐅᕐᑐᖅ ᐅᓇ ᓄᐊᑕᓐ ᕕᓕᔾ ᐊᑐᖃᑦᑕᕐᓂᖏᓐᓂᒃ ᓇᖕᒥᓂᖅ ᐅᖁᒪᐃᑦᑐᓂᒃ ᓄᓇᓯᐅᑎᖏᓐᓂᒃ ᐊᒻᒪ ᐃᖅᑲᓇᐃᔭᖅᑎᖏᓐᓂᒃ ᐃᒻᒥᒃᑰᖓᔪᓂᒃ ᐱᓕᕆᐊᓕᖕᓂᒃ ᐱᔨᑦᑎᕋᖅᖢᑎᒃ ᑰᔾᔪᐊᕐᒥᒃ, ᒪᓕᒐᕐᓂᒃ ᒪᓕᙱᖢᑎᒃ ᐊᒻᒪ ᐱᒡᒍᑎᐅᑎᖃᑕᐅᔪᓄᑦ ᓈᒻᒪᙱᓕᐅᕈᑎᐅᓗᓂ ᐊᓯᖏᓐᓂᒃ ᓇᖕᒥᓂᖃᖅᑐᓄᑦ, ᐱᖁᑎᖓᑎᑐᑦ, ᔭᐃ. ᐲᑐᔅ ᒍᓛᔾᔪ ᐃᖕᒃ. ᑮᓇᐅᔭᖅᑖᕋᓱᓚᐅᕐᑐᖅ $3 ᒥᓕᐊᓐ ᑖᓚᓂᒃ ᐊᓯᐅᔨᓯᒪᓂᕐᒧᑦ.

ᐋᒐᓯ

    ᐱᒋᐊᓕᕈᑎ ᐃᓱᐊᕐᓯᕕᒃ ᒪᒥᓴᕐᕕᒃᓴᒃᒥᑦ ᐋᖓᓯ 29-ᖑᑎᓪᓗᒍ. (ᐊᔾᔨᙳᐊᖅ ᐃᓱᐊᕐᓯᕕᒃᑯᓐᓂᑦ)

  • ᐃᖅᑲᓇᐃᔭᖅᑎᐅᔪᑦ ᐃᓅᓕᑦᓯᕕᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᒃ ᐊᒻᒪ ᐃᓄᓕᕆᔨᒃᑯᓐᓂ ᐳᕕᕐᓂᕐᑐᒥ ᑐᓴᖅᑎᑦᑎᕗᑦ ᐃᖅᑲᓇᐃᔭᕐᕕᖕᒥᑦ ᓈᒻᒪᙱᓕᐅᕈᑎᒻᒪᕆᖕᓂᒃ ᑎᑎᕋᖅᖢᑎᒃ ᐊᖓᔪᖅᑳᓄᑦ ᐊᒻᒪᓗ ᐊᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᐃᖅᑲᓇᐃᔭᖅᑎᓄᑦ. ᑕᕿᑦ 18 ᐊᓂᒍᕐᓯᒪᓕᕐᑐᓂᒃ, “ᐱᒻᒪᕆᐊᓗᖕᓂᒃ ᐊᒻᒪ ᐊᓂᒍᐊᓂᒍᓐᓇᙱᑦᑐᓂᒃ ᓈᒻᒪᙱᓕᐅᕈᑎᖏᓐᓂᒃ ᐃᖅᑲᓇᐃᔭᖅᑎᐅᔪᑦ ᐊᖓᔪᖅᑳᕆᕙᐅᒧᓄᑦ” ᐅᕙᓂ ᐃᓅᓕᑦᓯᕕᒃᒥᑦ, ᑎᑎᖃᑦ ᐅᖃᕐᓯᒪᔪᑦ. ᐅᖃᒃᑲᓐᓂᕐᓯᒪᓪᓗᓂ ᐃᓅᓕᑦᓯᕕᒃ “ᑕᐃᒪᓐᓇᒥᐊᖅ ᐃᖅᑲᓇᐃᔭᕈᓐᓃᖅᑎᑦᑎᖃᑦᑕᕐᓂᖏᓐᓂᒃ ᑭᓱᒥᒃ ᐱᔾᔪᑎᖃᒻᒪᕆᙱᖢᑎᒃ,” ᐅᖃᐅᓯᖃᖅᖢᑎᒃ ᐊᑭᐅᒪᔾᔪᑎᓅᕋᓱᒋᔭᐅᓪᓗᑎᒃ ᓈᒻᒪᙱᓕᐅᕈᑎᕕᓂᕐᓄᑦ. ᑎᑎᖃᑦ ᐊᑎᓕᐅᕐᑕᐅᓯᒪᓚᐅᕐᑐᖅ 14-ᓂ ᐃᖅᑲᓇᐃᔭᖅᑎᓂᒃ ᓄᐊᑕᓐ ᕕᓕᔾᒥᑦ ᐳᕕᕐᓂᕐᑐᒥᑦ, ᐃᑲᔪᖅᑐᐃᓪᓗᑎᒃ ᑎᑎᕋᕐᓯᒪᔪᒥᑦ.
  • ᐃᑭᒪᔪᑦ ᐃᓄᐃᑦ ᖃᖓᑕᓲᖓᓂᒃ Boeing 737-200 ᒪᓐᑐᕆᐊᒥᙶᖅᖢᑎᒃ ᐳᕕᕐᓂᕐᑐᒧ ᐋᒐᓯ ᐃᓱᓕᓕᕐᑎᓪᓗᒍ ᐋᓐᓂᕈᓘᔭᓚᐅᕐᓯᒪᕗᑦ ᖃᖓᑕᓲᖅ ᐊᐅᓚᓗᐊᓕᖅᑎᓪᓗᒍ. ᕙᐃᔅᐳᒃᑯᑦ ᓴᕿᑎᑕᐅᓯᒪᔪᓂᒃ ᐊᐅᒃᑕᖃᖅᐸᓵᖅᖢᓂ ᖃᖓᑕᓲᑉ ᓇᑎᐊᓂᒃ. ᖃᖓᑕᓲᑉ ᐃᒻᒥᓂᒃ ᖃᖓᑕᒍᑎᖓ ᓈᒻᒪᙱᓕᐅᕈᑎᖃᓕᕐᓂᕐᒪᑦ ᓚ ᐳᕌᓐ ᖃᓂᒋᔭᖓᓂᒃ, ᑕᕝᕗᖓᓗ ᓄᖅᑲᓚᐅᖅᐸᒃᖢᓂ ᖃᖓᑕᓲᖅ, ᐊᒻᒪ ᐊᒻᒧᑳᓪᓚᒍᑎᒋᔭᐅᓪᓗᓂ.
  • ᑯᐸᐃᒃᒥ ᐊᕙᑎᓕᕆᔨᒃᑯ ᒥᓂᔅᑕᖓᑦ ᖃᐅᔨᑎᑦᑎᓚᐅᕐᑐᑦ ᐱᓕᕆᖃᑎᒌᖑᔪᓂᒃ ᐆᒥᒃ ᐃᓐᓇᕕᒃ ᕼᐊᐃᑐᕈ ᐆᒻᒪᕈᑎᓕᕆᓂᕐᒧᑦ ᐱᓕᕆᐊᓴᒥᒃ ᖃᐅᔨᓴᓚᐅᕐᓂᖓ ᐊᓂᒍᑦᑎᐊᓚᐅᕐᓂᖓᓂᒃ. ᑐᒃᓯᕋᐅᑎᐅᓯᒪᔪᖅ 7.5-ᒥᒐᕗᐊᑦ ᐃᒪᕐᒥ ᓴᐴᓕᑕᒃᓴᒥ ᐃᓄᒃᔪᐊᒃ ᑰᖕᒥ ᐱᓕᕆᖃᑎᖃᖅᖢᑎᒃ ᐃᓄᒃᔪᐊᒃᒥᑦ ᐱᑐᕕᒃ ᓄᓇᓕᕆᔨᒃᑯᑦ ᑯᐊᐳᕇᓴᓐᑯᓐᓂᒃ ᐊᒻᒪᓗ ᐃᓄᔭᒃ ᐊᑐᒃᑲᓐᓂᕈᓐᓇᖅᑐᓕᕆᔨᒃᑯᓐᓂᒃ. “ᐅᑕᕿᑐᐃᓐᓇᓕᖅᑐᒍᑦ ᐊᖏᖅᑕᐅᓂᖓᓂᒃ ᐅᑯᓇᙵᑦ ᑯᐸᐃᒃ ᐆᒻᒪᖁᑎᓕᕆᔨᒃᑯᑦ ᑲᑎᒪᔨᖏᓐᓂᒃ ᓂᐅᕕᕈᒪᓂᕐᒧᑦ ᐊᖏᕈᑎᐅᓚᐅᕐᑐᓂᒃ ᐅᒃᑑᐱᕆᒥ,” ᐅᖃᖅᑐᖅ ᐱᑐᕕᒃ ᐊᖓᔪᖅᑳᖓ ᐃᐅᕆᒃ ᐊᑕᒍᑦᑖᓗᒃ. “ᑖᓐᓇᓗ ᑕᒪᐃᓐᓂᒃ ᐱᒻᒪᕆᐅᓕᕈᑎᐅᓇᔭᕐᒪᑦ.”
  • ᐋᒐᓯ 29-ᖑᑎᓪᓗᒍ ᑭᖑᓪᓕᖅᐹᑦ 21 ᒥᓕᐊᓐ ᑖᓚᐃᑦ ᐱᔭᐅᔭᕆᐊᖃᖅᑐᑦ ᓄᑖᒥ ᐃᓱᐊᕐᓯᕕᒃ ᒪᒥᓴᕐᕕᒃᓴᒧ ᐱᔭᐅᓂᖏᑦ ᑐᓴᖅᑎᑦᑎᒍᑎᐅᓚᐅᕐᓯᒪᕗᖅ. ᐃᕚᓐ ᔫᓐᔅ, ᑎᑎᕋᖅᑎ ᒪᓕᒐᓕᕆᕕᒡᔪᐊᒥᑦ ᒐᕙᒪᓕᕆᔨᒃᑯᓐᓄᑦ ᐊᒻᒪ ᐅᑭᐅᕐᑕᖅᑐᓕᕆᓂᕐᒧᑦ ᒥᓂᔅᑕᒧᑦ, ᑐᓴᖅᑎᑦᑎᓚᐅᕐᑐᖅ ᖁᕕᐊᓲᑎᖃᖅᑎᓪᓗᒋᑦ ᒪᒥᓴᕐᕕᒃᓴᐅᓂᐊᕐᑐᒥᑦ ᓄᕘᒃᓂ ᑰᒃᓱᐊᒃ ᓴᓂᑦᑎᐊᖓᓃᑦᑐᒥᑦ.

ᓯᑎᐱᕆ

    ᐃᓐᓇᐅᓂᕐᒧᑦ ᓄᖅᑲᖓᓕᖅᑐᖅ ᐃᖃᖅᑐᐃᕕᒡᔪᐊᒥᑦ ᐃᖃᖅᑐᐃᔨᐅᓂᑯ ᔮᒃ ᕕᐄᓐᔅ ᐊᐅᓚᑦᑎᔨᐅᓚᐅᕐᑐᖅ ᖃᐅᔨᒐᓱᒃᑎᓪᓗᒋ ᐱᑦᑎᐊᖃᑦᑕᙱᑦᑐᕕᓂᕐᓂᒃ ᓄᓇᖃᖅᑳᖅᑐᓂᒃ ᑯᐸᐃᒃ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂᒃ. ᓯᑎᐱᕆ 30-ᒥᑦ, ᓴᖅᑭᑎᑦᑎᓚᐅᕐᓯᒪᔪᖅ ᖃᐅᔨᔭᖏᓐᓂᒃ ᐊᒻᒪ ᐃᓱᒪᓕᐊᕆᔭᐅᔪᓂᒃ ᐅᕙᓂ ᕕᐄᓐᔅ ᑲᒥᓴᓐᑯᓐᓂᒃ. (ᐊᔾᔨᙳᐊᕐᒥᓐ)

  • ᐊᐃᔅ ᕗᐊᐃᔪᓚᔅ ᐱᔨᑦᑎᕋᐅᑎᓕᕆᔩᑦ ᐅᖄᓚᐅᑎᕋᓛᓂ ᑰᔾᔪᐊᒃᒥ ᓈᒻᒪᙱᓕᐅᕈᑎᖃᑲᑕᒃᑐᑦ ᐱᔨᑦᑎᕋᖅᑕᖏᓐᓄᑦ, ᑲᑎᕕᒃ ᓄᓇᓕᓕᒫᑦ ᒐᕙᒪᖓᓄᑦ ᑲᑎᒪᔩᑦ ᑐᓴᖅᑎᑕᐅᓚᐅᕐᑐᑦ ᓯᑎᐱᕆᒥ ᑲᑎᒪᑎᓪᓗᒋᑦ. ᑖᒃᑯᐊ ᑲᒻᐸᓂᐅᔪᑦ 3G ᐱᔨᑦᑎᕋᐅᑎᖃᕈᒪᓪᓗᑎᒃ ᑰᔾᔪᐊᕐᒥᑦ ᒪᐃᒥ ᐱᒋᐊᕐᓯᒪᓪᓗᑎᒃ, ᑭᖑᓂᑦᑎᐊᖓᓂᒃ ᖁᐊᖅᑕᒥᐅᓄᑦ ᐱᔨᑦᑎᕋᕈᒪᓚᐅᕐᑎᓪᓗᒋᑦ. ᑭᓯᐊᓂᓕ ᒫᓂ 30 ᐳᓴᓐᑎᖏᓐᓂᒃ 40 ᐳᓴᓐᑎᖏᓐᓄᑦ ᐅᖄᓚᐅᑎᓂᒃ ᐊᑐᖅᑐᓂᒃ ᐊᓂᒍᐅᑦᑎᐊᖃᑦᑕᖅᑐᑦ, ᐅᖃᓚᐅᕐᑐᖅ ᓄᓇᓕᓕᒫᑦ ᒐᕙᒪᒃᑯᑦ ᐊᐅᓚᑦᑎᓂᕐᒧᑦ ᑐᑭᒧᐊᖅᑎᑦᑎᔨᖓ ᑎᐅᕈᓪ ᑳᑉᑕᓐ. “ᑕᒪᓐᓇ ᓲᕐᓗ ᑮᒥ ᑲᐃᕕᑦᑎᑐᐊᕐᓗᓂ ᐋᖅᑭᒃᓯᒪᔭᕆᐊᖃᓚᐅᕐᑐᖅ… ᐱᓕᕆᐊᕆᑯᑖᑲᑦᑎᒍᑦ ᑰᔾᔪᐊᕐᒥᑦ, ᖃᑯᑎᒃᑯᑦ, ᐅᒃᐱᕐᓇᙱᖢᑎᒃ, ᓱᕋᒍᔾᔩᓐᓇᖅᑐᓂᒃ ᐱᓕᕆᓂᐅᖕᒪᑦ,” ᑲᒻᑕᓐ ᐅᖃᖅᑐᖅ.
  • ᑯᐸᐃᒃᒥᑦ ᐋᓐᓂᐊᓯᐅᕐᑎᓄᑦ ᑲᑐᔾᔨᖃᑎᒌᖑᔪᑦ ᐊᖏᓚᐅᙱᑦᑐ ᒫᒃ ᕗᐊᐃᓰᓐ ᓚᐃᓴᓐᓯᖓᓂᒃ ᑖᓐᓇ ᐃᖅᑲᓇᐃᔭᕐᓯᒪᓪᓗᓂ ᓄᓇᕕᒃᒥᑦ 2007-ᒥᑦ 2013-ᒧᑦ ᐊᒻᒪᓗ ᔭᐃᒻ ᐸᐃ ᐊᓪᓚᐃᑦ ᓄᓇᖏᓐᓂᒃ 1996-ᒥᑦ. ᕗᐊᐃᓰᓐ ᐸᓯᔭᒃᓴᙳᖅᑎᑕᐅᓯᒪᖕᒪᑦ ᖁᓄᔪᕐᓂᐊᕐᓯᓯᒪᓂᖓᓂᒃ ᑲᒪᒋᔭᒥᓂᒃ 2017-ᖑᑎᓪᓗᒍ, ᐅᕙᓂ ᐃᖅᑲᓇᐃᔭᖅᑎᓪᓗᒍ ᐋᓐᓂᐊᕕᒃᒥᑦ ᐋᓐᑎᑳᑎ ᐊᐃᓚᓐᒥᓐ. ᑖᓐᓇ ᐸᓯᔭᒃᓴᙳᖅᑎᑕᐅᓯᒪᓪᓚᕆᙱᑦᑐᖅ ᓱᓕ ᕗᐊᐃᓰᓐ ᐅᑯᓇᙵᑦ ᑯᐸᐃᒃ ᐸᓖᓯᖏᓐᓄᑦ, ᐊᒻᒪᓗ ᐸᓯᔭᒃᓴᐅᑎᑕᐅᓇᓱᒃᑐᑦ ᓱᓕᒪᕆᒋᐊᒃᓴᖏᓐᓂᒃ ᓴᖅᑭᑕᐅᓚᐅᙱᖢᑎᒃ ᐃᖃᖅᑐᐃᕕᒃᑯᑦ. ᓯᑎᐱᕆ 6-ᒥ ᐃᓱᒪᓕᐊᕆᔭᐅᔪᖅ ᐊᖏᕈᒪᙱᓐᓂᕐᒧᑦ ᓚᐃᓴᓐᓯᒥ ᐱᔾᔪᑎᖃᓗᐊᕐᑐᖅ ᓴᐳᔾᔨᓯᒪᓇᓱᖕᓂᕐᒥᒃ ᑭᒃᑯᓕᒫᓂᒃ, ᑕᒪᑐᒧᖓ ᐱᔾᔪᑎᒋᑎᑕᐅᓂᑯ ᐅᖃᕐᓯᒪᔪᖅ.
  • ᑲᑎᕕᒃ ᓄᓇᓕᖕᓂᑦ ᐃᒡᓗᓕᕆᔨᖏᑦ ᐅᖓᕙᕆᐊᖅᑎᑦᑎᓚᐅᕐᑐᑦ ᐅᑭᐊᒃᓵᖅ ᐃᒡᓗᓂ ᐊᓂᒃᑎᓂᖏᓐᓂᒃ ᐅᕗᖓ 2020 ᐅᐱᕐᖔᖓᓄᑦ. ᐅᓇ ᐊᓯᙳᖅᑎᑕᐅᒍᑎᐅᔪᖅ ᑲᑎᒪᔨᓄᑦ ᖁᕕᐊᒋᔭᐅᑐᐃᓐᓇᓚᐅᕐᑐᖅ ᐃᓱᒫᓘᑎᒋᓪᓗᒋᑦ ᐃᓄᐃᑦ ᓄᓇᖏᓐᓃᑦᑐᑦ ᓇᒧᙵᐅᕝᕕᒃᓴᖃᕋᔭᙱᑦᑐᑦ ᓂᒡᓚᓱᒃᑎᓪᓗᒍ. ᒧᕆ-ᕗᕌᓐᔅ ᐳᕆᓴᓐ, ᐃᒡᓗᓕᕆᔨᒃᑯᑦ ᑐᑭᒧᐊᖅᑎᑦᑎᔨᖓ, ᐅᖃᓚᐅᕐᑐᖅ 93-ᐳᓴᓐᑎᒥᑦ 97-ᐳᓴᓐᑎᓄᑦ ᐊᑭᓕᕐᓱᐃᓂᖏᓐᓂᒃ ᐃᒡᓗᓄᑦ ᐊᑐᖅᑕᖏᓐᓄᑦ ᐊᒻᒪᓗ ᑕᐃᒪᓐᓇ ᐊᓂᑕᐅᙱᑦᑐᓐᓇᖅᖢᑎᒃ.
  • ᑲᑎᕕᒃ ᓄᓇᓕᓕᒫᑦ ᐸᓖᓯᖏᑦ ᐃᖅᑲᓇᐃᔮᖅᑎᖃᙱᓗᐊᑲᑕᒃᑐᒡᒎᖅ, ᐃᖅᑲᓇᐃᔭᖅᑎᐅᓂᑯᑦ ᐊᕙᑎᑦ (20) ᐅᖓᑖᓃᑦᑐᑦ ᐃᓐᓇᐅᓂᕐᒧᑦ ᓄᖅᑲᖅᐸᓪᓕᐊᑎᓪᓗᒋᑦ ᓯᑎᐱᕆᒥ ᑲᑎᒪᓂᒃᓴᖅ ᐅᑯᓄᖓ ᑲᑎᕕᒃ ᓄᓇᓕᓕᒫᑦ ᒐᕙᒪᖓᑕ ᑎᑭᑉᐸᓪᓕᐊᑎᓪᓗᒍ. ᐸᓖᓯᓄᑦ ᐊᖓᔪᖅᑳᖅ ᔮᓐ-ᐱᐊ ᓚᕉᔅ ᐅᖃᓚᐅᕐᑐᖅ ᑲᑎᒪᔨᓄᑦ ᓯᑎᐱᕆ 11-ᒥ ᐃᓇᖏᖅᑎᑖᕈᓐᓇᐃᓕᓯᒪᓂᖏᓐᓂᒃ ᐃᓄᖃᕈᓐᓃᕐᓯᒪᔪᓂᒃ ᐃᓚᖏᓐᓂᒃ. ᑲᑎᕕᒃ ᓄᓇᓕᓕᒫᑦ ᐸᓖᓯᖏᑦ ᐃᑲᔪᖅᑕᐅᔭᕆᐊᖃᓚᐅᕐᑐᑦ ᐊᕙᑎᓂᒃ ᑯᐸᐃᒃ ᐸᓖᓯᑯᖏᓐᓂᒃ ᑖᒃᑯᐊ ᑲᑎᕕᒃ ᐸᓖᓯᖏ 14-ᓂᒃ ᓄᓇᕕᒃᒥᑦ ᓄᓇᓕᖕᓂ ᑲᒪᔨᒻᒪᕆᐅᑎᑕᐅᓪᓗᑎᒃ.

ᐅᒃᑑᐱᕆ

    ᔮᓂᒪᕆᒃ ᐃᓕᓐᓂᐊᒃᒥ ᐃᓕᓐᓂᐊᕐᑎᑦ ᒫᑎᐅ ᕼᐊᑉᓗ ᐊᒻᒪ ᑲᐃᓕ ᑕᒍᓈ ᐃᓂᖏᓐᓂᑦ ᐋᖅᑭᒃᐳᑦ ᐱᒡᒍᓴᐅᑎᓂᐊᕐᑎᓪᓗᒋᑦ ᐅᕙᓂ ᓴᑉ-ᐃᓕ, ᑯᐸᐃᒃ, ᐅᒃᑑᐱᕆ 19 ᐱᓇᓱᐊᕈᓯᐊᓂᒃ. (ᐊᔾᔨᙳᐊᖅ ᐋᓐᑐᐊᓐ ᑐᕗ-ᓯᒫᑦ)

  • ᓈᒻᒪᒃᓴᕐᓯᒪᙱᓐᓂᕐᒧᑦ ᖃᐅᔨᓴᕐᓂᖅ ᐅᑯᓂᖓ ᑯᐸᐃᒃ ᑭᒃᑯᓕᒫᓄᑦ ᐱᔨᑦᑎᕋᖅᑎᖏᑦ ᓈᒻᒪᙱᑦᑐᒃᑯᑦ ᐱᓕᕆᐊᖃᕐᓯᒪᓂᖏᓐᓂᒃ ᓄᓇᖃᖅᑳᖅᑐᓂᒃ ᓴᖅᑭᑕᐅᓚᐅᕐᐳᖅ ᓯᑎᐱᕆ 30-ᒥᑦ. “ᐊᒥᓱᑦ ᒪᓕᒐᐃᑦ, ᐊᑐᐊᒐᐃᑦ, ᐱᖁᔭᐃᑦ ᐅᕝᕙᓘᓐᓃᑦ ᐱᓕᕆᕝᕕᐅᔪᓂᒃ ᐊᑐᖅᑕᐅᕙᒃᑐᑦ ᐊᔾᔨᐅᙱᑎᑦᑎᓂᕐᒨᖓᓂᖏᓐᓂᒃ ᐊᒻᒪ ᐊᔾᔨᒌᒃᑎᑦᑎᓂᖏᓐᓂᒃ ᑕᒪᓐᓇ ᐱᔨᑦᑎᕋᐅᑎᓕᕆᓂᕐᒧᑦ ᐊᒃᑐᐃᒍᑎᒻᒪᕆᐅᓂᖓᓂᒃ ᓄᓇᖃᖅᑳᖅᑐᓄᑦ ᐊᒻᒪ ᐃᓄᖕᓄᑦ,” ᐅᖃᖅᑐᖅ ᔮᒃ ᕕᐄᓐᔅ, ᓄᖃᖓᓕᕐᑐᖅ ᐃᖃᖅᑐᐃᕕᒡᔪᐊᒥᑦ ᐃᖃᖅᑐᐃᔨᕕᓂᖅ ᖃᐅᔨᓴᖅᑐᓂᒃ ᐊᖓᔪᖅᑳᕆᔭᐅᓚᐅᕐᑐᖅ. ᑕᒪᓐᓇ ᐱᓕᕆᓂᐅᔪᖅ ᓈᒻᒪᙱᓕᐅᕈᑎᓂᒃ ᐱᑕᖃᓗᐊᕐᓂᖓᓄᑦ ᐋᖅᑭᒋᐊᕈᑎᒃᓴᖃᓗᐊᕈᓐᓃᖅᑐᑦ.
  • ᓄᓇᕕᒃᒥᑦ ᐃᓅᓯᖃᑦᑎᐊᕐᓂᕐᒧᑦ ᐃᖃᖅᑐᐃᕕᒃ ᐋᖅᑭᒃᑕᐅᓚᐅᕐᓯᒪᔪᖅ ᐳᕕᕐᓂᕐᑐᒥᑦ ᒪᓂᒻᒪᐃᓯᒪᓪᓗᑎᒃ ᐱᓗᐊᒪᕆᓘᙱᑦᑐᓂᒃ ᐱᓕᕆᐊᖃᕐᐸᒡᓗᑎᒃ. ᑯᐸᐃᒃᒥᑦ ᐃᖃᖅᑐᐃᔨᖃᖅᖢᓂ, ᐃᖃᖅᑐᐃᕕᒃ ᐋᖅᑭᒃᑕᐃᓯᒪᓇᓱᒃᑐᖅ ᒪᒥᓴᖅᑎᑦᑎᒐᓱᖕᓂᕐᒥᒃ, ᐱᕋᔭᒃᓯᒪᓂᒃᑰᙱᖔᕐᓗᑎᒃ, ᒪᑯᓄᖓ ᓄᓇᖃᖅᑖᓄᑦ ᓈᒻᒪᙱᓕᐅᕈᑎᖃᔭᑦᑐᓄᑦ ᓱᐴᖅᑐᒐᕐᓄᑦ ᐊᒻᒪ ᐃᒥᐊᓗᓗᐊᖃᑦᑕᕐᓂᕐᒧᑦ.
  • ᐅᓇ ᐊᖏᔪᕈᓗᖕᒥ ᓄᓇᒥ ᑲᒪᒋᔭᖃᕆᐊᖃᕐᓇᖅᑐᖅ ᑯᐸᐃᒃ ᐅᐊᖕᓇᖅᐸᓯᐊᓂᒃ ᐅᑯᓄᖓ ᐊᐱᑎᐱ-ᔭᐃᒻᔅ ᐸᐃ-ᓄᓇᕕᒃ-ᐄᔭᐅ ᓵᓚᒃᓴᕈᑎᐅᓚᐅᕐᑐᖅ ᐸᓛᒃ ᑯᐸᑯᐊᑯᓐᓄᑦ ᐅᒃᑑᐱᕆ 21-ᒥᑦ ᒐᕙᒪᑐᖃᒃᑯᑦ ᓂᕈᐊᒐᒃᓴᐅᑎᓪᓗᒋᑦ. ᓯᐅᓪᕕ ᐸᕉᐱ ᓵᓚᒃᓴᓚᐅᖅᑐᖅ ᐃᒃᓯᕙᐅᑕᓂᒃ 37.7 ᐳᓴᓐᑎᓂᒃ ᓵᓚᒃᓴᖅᖢᓂ ᓂᕈᐊᖅᑐᓄᑦ. ᑭᖑᓂᑦᑎᐊᖓᓃᓚᐅᕐᑐᕐᓕ ᓕᐳᕈᑯᓐᓄᑦ ᓂᕈᐊᒐᒃᓴᖅ ᐃᓴᐱᐅᓪ ᐴᔪᕌᓐ ᑖᓐᓇᓕ 28.1 ᐳᓴᓐᑎᒥ ᓵᓚᖃᖅᖢᓂ, ᐊᒻᒪᓗ ᑲᓐᓲᕕᑎᕝᑯᓐᓄᑦ ᓂᕈᐊᒐᒃᓴᖅ ᒫᑎᓐ ᕕᐅᕋᓐ ᓵᓚᒃᓴᖅᖢᓂ 16.6 ᐳᓴᓐᑎᓂᒃ.

ᓄᕕᐱᕆ

  • ᐃᓕᓐᓂᐊᖅᑎᐅᔪᑦ ᐱᙳᐊᕈᓯᓕᕆᕙᒃᑐ ᓄᓇᕕᒃᒥᑦ ᐱᕕᖃᕐᓂᕐᓴᐅᓕᕐᐳᑦ ᐱᙳᐊᕐᓂᒃᑯᑦ ᐅᑭᐊᒃᓵᖅ ᐅᑯᐊ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᑲᑎᖃᑎᖃᖅᑎᓪᓗᒋ ᐅᑯᓂᖓ Réseau du sport étudiant du Québec. ᑯᐸᐃᒃ ᒐᕙᒪᒃᑯᑦ ᐱᙳᐊᕐᓂᓕᕆᔨᖏᑦ ᐃᓕᓐᓂᐊᖅᑐᓄᑦ ᑐᙵᓱᒃᑎᑦᑎᔨᐅᖃᑦᑕᖅᑐᑦ ᐊᕕᒃᑐᕐᓯᒪᓂᒃᑯᑦ ᐊᒻᒪ ᐳᕌᕕᓐᓯᑎᒍᑦ ᐱᒡᒍᓴᐅᑎᐅᔪᓂᒃ ᐊᔾᔨᒌᙱᑦᑑᑎᓄᑦ ᐱᙳᐊᕈᓯᕐᓄᑦ. ᑐᑭᒧᐊᖅᑎᑦᑎᔨᐅᖃᑦᑕᕐᒥᔪᑦ ᐃᓂᒃᓴᓕᐅᕆᔨᐅᓂᕐᒥᒃ ᐊᒻᒪ ᓂᕆᔭᒃᓴᓕᕆᓂᕐᒥᒃ ᐊᑭᑭᓈᕐᓯᒪᔪᓂᒃ, ᑕᒪᓐᓇᓗ ᓄᖅᑲᕈᑎᐅᓚᐅᖃᑦᑕᕐᒪᑦ ᑮᓇᐅᔭᖃᙱᓗᐊᕐᓂᖅ ᐊᒻᒪ ᐃᓂᒃᓴᖃᙱᓗᐊᕐᓂᖅ ᐅᑭᐅᕐᑕᖅᑐᕐᒥᐅᓂᒃ ᐱᙳᐊᖅᑎᐅᕙᒃᑐᓄᑦ.
  • ᓯᕗᓪᓕᖅᐹᒥᑦ ᖃᓄᐃᓕᐅᕈᑎᒃᓴᓄᑦ ᐸᕐᓇᐅᓯᐅᕐᓂᕐᒥ ᐃᒻᒥᓃᖅᑎᑦᑎᑦᑕᐃᓕᓂᕐᒥ ᓄᓇᕕᒃᒥᑦ ᑲᑎᒪᓚᐅᕐᓯᒪᔪᑦ ᐅᒃᑑᐱᕆ 30-ᒥᑦ ᓄᕕᐱᕆ 1-ᒧᑦ ᑰᔾᔪᐊᕐᒥ. ᐅᓇ ᐱᒋᐊᕈᑎᒻᒪᕆᐅᔪᖅ ᓄᓇᕕᒃᒥᑦ ᐃᒻᒥᓃᖅᑎᑦᑎᑦᑕᐃᓕᓂᕐᒧᑦ ᖃᓄᐃᓕᐅᕈᑎᒃᓴᓂ ᐋᖅᑭᒃᓱᐃᕙᓪᓕᐊᓂᕐᒥᑦ ᓄᕕᐱᕆ 2ᔾ18-ᒥᑦ ᐊᒻᒪᓗ ᐃᓱᒪᒃᓴᕐᓯᐅᕈᑎᖃᖅᖢᑎᒃ ᖃᓄᐃᓕᐅᕈᑎᒃᓴᐅᓂᐊᕐᑐᓂᒃ ᐊᕐᕌᒍᓂᒃ ᐊᒡᒋᖅᑐᓂᒃ.
  • ᐃᒪᒥᐅᑕᓄᑦ ᐱᖁᑎᖃᕐᕕᒃᐅᔪᑦ ᐱᐅᓯᕚᓪᓕᕆᐊᖃᕐᓂᖓ ᐅᖃᐅᓯᐅᖃᑦᑕᐃᓐᓇᓚᐅᕐᑐᖅ ᓄᕕᐱᕆᒥᑦ ᑲᑎᒪᑎᓪᓗᒋ ᐅᑯᐅ ᑲᑎᕕᒃ ᓄᓇᓕᓕᒫᑦ ᒐᕙᒪᖓ. ᐱᓗᐊᕐᑐᒥᓐ, ᐅᒥᐊᓄᑦ ᑭᓴᕐᕕᐅᔪᑦ ᑎᓂᙵᑎᓪᓗᒍ ᐊᑐᒐᒃᓴᐅᙱᓐᓂᖏᓐᓂᒃ, ᑕᐃᒪᐃᓐᓂᖓᓄᓪᓗ ᑐᐊᕕᕐᓇᖅᑐᓕᕆᒋᐊᖃᕈᑎᒃ ᐅᒥᐊᑦ ᐃᒫᓅᖅᑕᐅᔪᓐᓇᕋᔭᙱᑦᑐᑦ. ᒫᓐᓇ ᖃᐅᔨᓴᖅᑐᖃᓕᕐᑐᖅ ᓄᓇᕕᒃᒥᑦ ᐅᒥᐊᖃᕐᕕᖃᕆᐊᖃᕐᓂᐅᔪᓂᒃ ᐊᒻᒪᓗ ᑕᒪᑐᒧᖓ ᐅᓂᒃᑳᓕᐊᖑᔪᑦ ᑎᑭᓛᖅᑐᒃᓴᐅᓪᓗᑎ ᑕᕿᓂᒃ ᐊᒡᒋᖅᑐᓂᒃ, ᐅᖃᓚᐅᕐᑐᖅ ᐃᐊᓐ ᑖᓕᖕ, ᑲᑎᕕᒃ ᓄᓇᓕᓕᒫᑦ ᒐᕙᒪᖓᑕ ᑐᑭᒧᐊᖅᑎᑦᑎᔨᖓ ᐃᖏᕐᕋᔾᔪᑎᓕᕆᓂᕐᒧᑦ.
  • ᓄᑖᒥ ᐊᕐᕌᒎᓂᐊᕐᑐᒥ ᓄᑖᓂᒃ ᐸᓖᓯᑕᖃᒃᑲᓐᓂᕐᓂᐊᖅᑐᖅ ᐅᑯᑎᒎᓇ ᑲᑎᕕᒃ ᓄᓇᓕᓕᒫᑦ ᐸᓖᓯᑎᒍᑦ, ᐃᑲᔪᖅᑕᐅᙱᓐᓂᕐᓴᐅᓕᕐᓗᑎᒃ ᑯᐸᐃᒃ ᐸᓖᓯᖏᓐᓂᒃ. ᐸᓖᓯᒃᑯᑦ ᐊᖓᔪᖅᑳᖓ ᔮᓐ-ᐱᐊ ᓚᕉᔅ ᑲᑎᒪᔨᓂᒃ ᑐᓴᖅᑎᑦᑎᓚᐅᕐᓯᒪᔪᑦ ᑲᑎᕕᒃ ᓄᓇᓕᓕᒫᑦ ᒐᕙᒪᖓ ᑲᑎᒪᑎᓪᓗᒋᑦ ᓄᕕᐱᕆ 26-ᒥᑦ. ᖁᓕᓂᒃ (10) ᓄᑖᓂ ᐸᓖᓯᓂ ᐊᓂᒍᐃᓯᒪᔪᖃᓕᕐᒪᑦ ᐅᕙᙵᑦ ᐋᓐᑎᐅᕆᐅ ᐸᓖᓯᒃᑯᑦ ᓯᓚᑦᑐᕐᓴᕐᕕᐊᓂᒃ ᐊᒻᒪᓗ ᓇᓂᓯᔪᓐᓇᓚᐅᕐᖢᑎᒃ ᐸᓖᓯᐅᓂᑯᓂᒃ. ᑲᑎᕕᒃ ᓄᓇᓕᓕᒫᑦ ᐸᓖᓯᖏᑦ ᐊᔾᔨᓕᐅᕈᑎᓂᒃ ᐊᑐᖃᑦᑕᓕᓚᐅᕐᒥᔪᑦ ᐃᖅᑲᓇᐃᔭᕐᓂᖏᓐᓂᒃ.

ᑎᓯᐱᕆ

  • ᑎᒍᔭᐅᔪᕕᓃᑦ ᐊᓂᑎᑕᐅᔪᓐᓇᕆᐊᒃᓴᖏᓐᓄᑦ ᐱᓕᕆᐊᖑᒧᓐᓇᕐᓯᔪᑦ ᐊᔾᔨᓕᐅᕈᑎᒃᑯᑦ ᑰᔾᔪᐊᕐᒥᓐ ᐊᒻᒪ ᐱᕕᕐᓂᕐᑐᒥ. ᑕᐃᒪᓐᓇ ᐱᓕᕆᔾᔪᓯᕐᒥ ᐊᑐᖃᑦᑕᕐᓯᒪᔪᑐᖃᐅᓕᖅᑎᓪᓗᒋ ᑯᐸᐃᒃᒥ, ᓄᓇᕕᒃᒥ
  • ᒐᕙᓇ ᔭᓄᕈᓪ ᔫᓕ ᐸᐃᔭᑦ ᑯᐃᓐᒥ ᑭᒡᒐᖅᑐᐃᓪᓗᓂ ᐅᖃᓪᓚᓚᐅᕐᐳᖅ ᑎᓴᒻᒥᖅ, ᑎᓯᐱᕆ 5-ᒥ, ᐅᕙᓂ ᓴᓂᑦ ᑲᑎᒪᕕᐊᓂᒃ, ᐊᑐᖅᑕᐅᖃᑦᑕᕐᓯᒪᓪᓗᓂ 43-ᒋᔭᐅᓕᖅᑐᒥᑦ ᒪᓕᒐᓕᕆᕕᒡᔪᐊᒥ. (ᐊᔾᔨᙳᐊᕐᒥᓐ)

  • ᑕᐃᒪᓐᓇ ᐊᔪᓚᐅᕐᒪᑕ. ᑭᓯᐊᓂᓕ, ᑎᒍᔭᐅᓯᒪᔪᑦ ᖃᓪᓗᓈᑦ ᓄᓇᖓᓄᑦ ᖃᖓᑎᑕᐅᕙᒃᖢᑎᒃ ᒪᓐᑐᕆᐊᒧᑦ, ᐸᓖᓯᒥ ᐱᖃᑎᖃᖅᖢᑎᒃ, ᐊᒻᒪᓗ ᐸᓯᒃᑯᑦ ᐊᐃᒧᔅᒧᖓᖅᐸᒃᖢᑎᒃ.
  • ᓄᓇᕕᒃ ᐊᑭᒃᑐᕆᐊᕐᓂᕐᒧ ᖃᐅᒻᒪᖁᑎᓄᑦ ᑕᑯᓚᐅᙱᑦᑐᓪᓕ, ᐅᑯᐊ ᑯᐸᐃᒃ ᐆᒻᒪᖁᑎᓕᕆᔨᒃᑯᑦ ᑲᑎᒪᔨᖏ ᐊᖏᓚᐅᙱᓐᓂᖏᓐᓂᒃ ᕼᐊᐃᑐᕈ-ᑯᐸᐃᒃ ᐊᑭᑦᑐᕆᐊᖅᑎᑦᑎᔪᒪᑎᓪᓗᒋ ᓄᓇᕕᒃᒥ ᑕᒪᒃᑯᐊ ᓄᓇᖃᖅᑐᑦ ᑎᑭᐅᑎᔭᕌᖓᑕ ᐊᑐᕆᐊᖃᖅᑕᖏᓐᓂᒃ. ᒫᓐᓇᓕ ᓄᓇᖃᖅᑐᑦ ᐊᑭᓖᖃᑦᑕᕐᒪᑕ ᐅᓄᕐᓂᕐᓴᓂ ᑎᑭᐅᑎᔭᕌᖓᑕ 30 ᑭᓗᕗᐊᑦ ᐊᐅᐊᔅᓂᒃ. ᐆᒻᒪᖁᑎᓕᕆᔨᒃᑯᑦ ᑲᑎᒪᔨᖏ ᐊᑭᑦᑐᕆᐊᕈᑎᓂᒃ ᓱᖁᓯᖅᑎᑦᑎᖐᓐᓇᓚᐅᕐᑐᑦ, ᐊᒻᒪ ᖁᕝᕙᕆᐊᖅᑎᑕᐅᓪᓗᓂ ᖄᖏᐅᑎᒍᑎᓂᒃ ᒪᐅᖓ 40 ᑭᓗᕗᐊᑦ ᐊᐅᐊᔅᓄᑦ.
  • ᐱᓕᕆᖃᑎᒌᖕᓂᒃᑯᑦ ᐅᑭᐅᕐᑕᖅᑐᕐᒥᑦ ᐊᒻᒪ ᖃᓪᓗᓈᓃᑦᑐᓂᒃ ᐸᓖᓯᓂᒃ ᐊᒻᒪᓗ ᑲᓇᑕᒥ ᑎᑎᖃᒃᑯᕕᓕᕆᔨᒃᑯᓐᓂᒃ ᓄᖃᖅᑎᑦᑎᒍᑎᐅᓚᐅᕐᐳᖅ ᖃᓂᒋᔭᖓᓂᒃ $1.8 ᒥᓕᐊᓐ ᑖᓚᓂ ᐱᕋᔭᖕᓂᒃᑯᑦ ᐋᖓᔮᕐᓇᖅᑐᓂᒃ ᓄᓇᕕᒃᒧᙵᐅᔪᓂᒃ ᑕᖅᑮᖕᓂ ᒪᕐᕉᖕᓂ ᐱᓕᕆᐊᖑᓪᓗᓂ ᑕᒪᑐᒪᓂ ᐅᑭᐅᕐᒥᓐ. ᑕᒪᓐᓇ ᐱᓕᕆᓂᐅᔪᖅ ᑎᒍᓯᔾᔪᑎᐅᓚᐅᕐᑐᖅ ᐅᖓᑖᓂ $1 ᒥᓕᐊᓐ ᑖᓚᑐᖅᑐᓂᒃ ᓱᐴᕐᑐᒐᕐᓂᒃ ᐊᒻᒪᓗ $770,000-ᓂ ᐊᑭᖃᖅᑐᓂᒃ ᐃᒥᐊᓗᖕᓂᒃ ᒪᐃᒥᑦ ᐊᒻᒪ ᐅᒃᑑᐱᕆᒥ.
  • ᔮᔅᑎᓐ ᑐᕉᑑ ᓕᐳᕈᓪ ᒐᕙᒪᖏ ᐱᓂᐊᕐᓂᕋᒻᒪᕆᓚᐅᕐᑐᑦ ᑎᓯᐱᕆ 5-ᒥᑦ ᐅᖃᐅᓯᖏᓐᓂ ᐅᑯᐊ ᔫᓇᐃᑕᑦ ᓇᐃᓴᓐᔅᑯᑦ ᓄᓇᖃᖅᑳᖅᑐᑦ ᐱᔪᓐᓇᐅᑎᖏᓐᓂᒃ ᒪᓕᒐᙳᖅᑎᑦᑎᓂᐊᕐᓂᖏᓐᓂᒃ ᐊᕐᕌᒍᓯ ᓯᕗᓪᓕᖅᐹᕆᔭᖏᓐᓂᒃ. ᐅᓇᓕ ᐊᑯᓂᕈᓗᒃ ᐱᓕᕆᐊᖑᓯᒪᔪᖅ ᐆᒧᖓ ᐅᕉᒥᐅ ᓴᒐᓈᔅᒧᑦ, ᓂᐅ ᑎᒧᑯᕌᑎᒃᑯᓐᓄᑦ ᐃᓚᒋᔭᐅᓂᑯ ᑯᐸᐃᒃ ᑕᕐᕋᖓᓄᑦ ᓄᓇᕕᒃ ᐃᓚᐅᕝᕕᒋᔭᖓᓄᑦ.
Share This Story

(0) Comments

Join the Conversation

Your email address will not be published. Required fields are marked *

*