ᑰᔾᔪᐊᕐᒥᐅᑕᒥᒃ ᑐᖁᔾᔪᑎᖃᖅᑐᖃᓚᐅᕐᒪᑦ ᓄᕙᒡᔪᐊᕐᓇᖅ-19-ᒥᒃ ᐋᓐᓂᐊᓕᖅᓯᒪᔪᒥᒃ ᓄᕕᐱᕆ 19-ᒥ, ᓇᓗᓇᐃᖅᓯᔾᔪᑎᐅᓪᓗᓂ ᓄᓇᕕᖕᒥ ᓯᕗᓪᓕᖅᐹᒥᒃ ᑐᖁᔾᔪᑎᖃᖅᓯᒪᓂᖏᑕ ᑕᐃᒪ ᓯᓚᕐᔪᐊᓕᒫᒥ ᐋᓐᓂᐊᖃᕐᓇᖃᓕᕈᓐᓇᕐᓂᖓ ᐱᒋᐊᓚᐅᖅᓯᒪᑎᓪᓗᒍ. (Image courtesy of Nunavik Regional Board of Health and Social Services)

ᓄᓇᕕᒃ ᓇᓗᓇᐃᖅᓯᕗᑦ ᓯᕗᓪᓕᖅᐹᒥᒃ ᓄᕙᒡᔪᐊᕐᓇᖅ-19-ᒥᑦ ᑐᖁᔾᔪᑎᖃᕐᓂᖓᓂᒃ ᐊᕕᒃᑐᖅᓯᒪᓂᐅᔪᒥ

ᑰᔾᔪᐊᕐᒥᐅᑕᖅ ᑐᖁᔾᔪᑎᖃᓚᐅᕐᐳᖅ ᐊᔪᕐᓇᓕᕈᑎᖃᖅᑎᑕᐅᓯᒪᓂᖓᓂᑦ ᐱᔾᔪᑎᐅᓪᓗᓂ ᐋᓐᓂᐊᕐᓇᖃᓕᖅᓯᒪᓂᖓᓂᑦ ᓄᕕᐱᕆ 19-ᒥ

By ᔨᐊᕝ ᐱᓚᑦᑎᐄ

For an English version of this story, see Nunavik confirms 1st COVID-19 death in region

ᓄᓇᕕᐅᑉ ᐊᕕᒃᑐᖅᓯᒪᓂᖓᓂᕐᒥᐅᑦ ᑎᑎᕋᖅᓯᒪᓕᓚᐅᖅᐳᑦ ᓯᕗᓪᓕᖅᐹᒥᒃ ᓄᕙᒡᔪᐊᕐᓇᖅ-19-ᒥᑦ ᑐᖁᔾᔪᑎᖃᓚᐅᖅᑐᒥᒃ, ᐊᕕᒃᑐᖅᓯᒪᓂᐅᔪᒥ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᑦ ᑲᑎᒪᔨᖏᑦ ᑐᓴᖅᑎᑦᑎᓯᒪᓕᓚᐅᖅᐳᑦ ᓄᕕᐱᕆ 24-ᖑᑎᓪᓗᒍ.

ᖃᕆᑕᐅᔭᑎᒍᑦ ᑎᑎᖅᑲᑦ ᐊᐅᓪᓚᖅᑎᑕᐅᓚᐅᖅᑐᓂᑦ ᑐᓴᒐᒃᓴᓕᕆᔨᓄᑦ, ᑲᑎᒪᔩᑦ ᓇᓗᓇᐃᖅᓯᓯᒪᓚᐅᖅᐳᑦ ᐃᓄᒃ ᑰᔾᔪᐊᕐᒥᐅᑕᖅ ᑐᖁᔾᔪᑎᖃᓚᐅᕐᓂᖓᑕ ᐊᔪᕐᓇᓕᕈᑎᖃᖅᑎᑕᐅᓯᒪᓪᓗᓂ ᐋᓐᓂᐊᕐᓇᖃᓕᖅᓯᒪᓂᒥᓂᑦ ᓄᕕᐱᕆ 19-ᒥ.

“ᓄᓇᕕᐅᑉ ᐊᕕᒃᑐᖅᓯᒪᓂᖓᓂ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᑦ ᐊᒻᒪᓗ ᐃᓅᓯᓕᕆᔨᒃᑯᓐᓄᑦ ᑲᑎᒪᔨᖏᑦ ᑐᓴᖅᑎᑦᑎᓯᒪᓕᓚᐅᕐᐳᖅ ᓇᒡᓕᒍᓱᒃᑲᓗᐊᕐᓂᕐᒥᓐᓂᒃ ᐃᓚᒋᔭᖏᓐᓄᑦ ᑐᖁᓚᐅᖅᑐᒥᑦ ᓄᓇᕕᖕᒥ,” ᐅᖃᖅᓯᒪᓚᐅᖅᐳᑦ ᑐᓴᒐᒃᓴᑦ ᓴᖅᑭᑕᐅᓯᒪᔪᑦ ᑲᑎᒪᔨᓂᑦ ᐃᓅᖃᑎᒌᑦ ᑐᓴᐅᒪᖃᑦᑕᐅᑎᖏᑕ (ᕖᔅᐳᒃ) ᒪᒃᐱᕋᖓᓂ.

“ᐃᓱᒪᒋᕙᖅᐳᑦ ᐃᓚᒋᔭᖏᑦ, ᐱᖃᑎᐊᓗᒋᔭᖏᑦ ᐊᒻᒪᓗ ᓄᓇᖅᑲᑎᒋᔭᖏᑦ ᐊᒃᓱᕈᕐᓇᖅᑐᒃᑰᓕᖅᓯᒪᑎᓪᓗᒋᑦ.”

ᑲᑎᒪᔩᑦ ᓴᖅᑮᓚᐅᖖᒋᑦᑐᑦ ᓇᓗᓇᐃᔭᐃᔾᔪᑎᓂᒃ ᐱᔾᔪᑎᒋᓪᓗᒍ ᑭᓇᐅᓚᐅᕐᓂᖓᑕ ᑐᖁᓚᐅᖅᑐᑉ.

Share This Story

(0) Comments