ᓄᓇᕕᒻᒥ ᐅᑭᐊᒃᓵᒃᑯᑦ ᕿᓚᓗᒐᕋᓱᒍᓐᓇᕐᓂᖓ ᒪᑐᕗᖅ

ᐊᕕᒃᑐᕐᓯᒪᓂᒃᑯᑦ ᐆᒪᔪᓕᕆᔨᕐᔪᐊᒃᑯᑦ ᐅᑕᖅᑭᔪᑦ ᐊᕐᕌᒍᓂ ᑕᓪᓕᒪᓄᑦ ᐊᐅᓚᑦᑎᓂᕐᒧᑦ ᐸᕐᓇᐅᑎ ᐊᖏᖅᑕᐅᓂᐊᕐᑐᓂᒃ

ᐃᖃᓗᓕᕆᔨᒃᑯᑦ ᐊᒻᒪ ᐃᒪᕐᒥᐅᑕᓕᕆᔨᒃᑯᑦ ᑲᓇᑕᒥ ᒪᑐᓯᓚᐅᕐᑐᑦ ᓄᓇᕕᒻᒥ ᕿᓚᓗᒐᕋᓱᖕᓂᕐᒥ ᓄᕕᐱᕆ 13-ᖑᑎᓪᓗᒍ, ᐅᖃᖅᖢᑎᒃ “ᑲᑎᖢᑎᒃ ᕿᓚᓗᒐᕐᑕᐅᔪᓐᓇᖅᑐᑦ ᑎᑭᑕᐅᖕᒪᑦ.” (ᐊᔾᔨᙳᐊᖁᑎᒋᔭᐅᔪᖅ)

By ᓴᐃᕋ ᕌᔾᔪᔅ

For an English version of this story, see Nunavik’s fall beluga harvest closes for the season

ᓄᓇᕕᒃ ᐊᖑᓇᓱᒃᑎᖏᑦ ᖁᕕᐊᓱᒃᑐᒃᓴᐅᓚᐅᕐᑐᑦ ᐅᑭᐊᒃᓵᒃᑯ ᕿᓚᓗᒐᕋᓱᒍᓐᓇᕐᓂᖏᓐᓂᒃ, ᑭᓯᐊᓂᓕ ᕿᓚᒥᕈᓘᓚᐅᕐᑐᖅ.

ᐃᖃᓗᓕᕆᔨᒃᑯᑦ ᐊᒻᒪ ᐃᒪᕐᒥᐅᑕᓕᕆᔨᒃᑯᑦ ᑲᓇᑕᒥ ᒪᑐᓯᓚᐅᕐᑐᑦ ᓄᓇᕕᒻᒥ ᕿᓚᓗᒐᕋᓱᖕᓂᕐᒥ ᓄᕕᐱᕆ 13-ᖑᑎᓪᓗᒍ, ᐅᖃᖅᖢᑎᒃ “ᑲᑎᖢᑎᒃ ᕿᓚᓗᒐᕐᑕᐅᔪᓐᓇᖅᑐᑦ ᑎᑭᑕᐅᖕᒪᑦ.”

ᐃᖃᓗᓕᕆᔨᒃᑯᑦ ᐊᒻᒪ ᐃᒪᕐᒥᐅᑕᓕᕆᔨᒃᑯᑦ ᑲᓇᑕᒥ ᐊᖏᓚᐅᕐᓯᒪᖕᒪᑕ ᐊᑐᖅᑕᐅᓚᐅᑲᖕᓂᐊᕐᑐᒥ ᕿᓚᓗᒐᕋᓱᖕᓂᕐᒧᒥᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᓂ ᓄᓇᕕᒃᒧᑦ ᐅᒃᑑᐱᕆᐅᑉ ᐃᓱᐊᓂ, ᐱᔪᓐᓇᕐᓯᑎᑦᑎᓪᓗᑎᒃ 12-ᓂᒃ ᑕᓯᐅᔭᕐᔪᐊᑉ ᑲᓇᖕᓇᖓᓂ ᕿᓚᓗᒐᕈᓐᓇᖅᖢᑎᒃ. ᐱᔾᔪᑎᒋᔭᐅᓚᐅᕐᑐᕐᓕ ᐊᑐᓚᐅᑲᖕᓂᐊᕐᑐᒥ ᐃᓱᒪᓕᐅᕆᓂ ᕿᓚᒥᕈᓗᒃ ᐊᖑᓇᓱᒍᓐᓇᖅᑎᑦᑎᓗᑎᒃ ᓯᑯᓚᐅᙱᓐᓂᖓᓂᒃ.

ᐅᓇ ᓄᓇᕕᒃᒥᑦ 2017/20 ᕿᓚᓗᒐᕐᓂᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᖓ ᓄᖑᓯᒪᓕᕐᑎᓪᓗᒍ, ᕿᓚᓗᒐᕋᓱᖕᓂᖅ ᒪᑐᔭᐅᓯᒪᓚᐅᕐᒪᑦ ᐱᒋᐊᖅᖢᓂ ᔪᓚᐃ 29-ᒥᑦ ᐊᖑᓇᓱᒃᑏᑦ ᕿᓚᓗᒐᖅᑕᐅᔪᓐᓇᖅᑐᓂᒃ ᐋᖅᑭᒃᑕᐅᓯᒪᔪᖅ ᐅᑯᓇᙵᑦ ᐃᖃᓗᓕᕆᔨᒃᑯᑦ ᐊᒻᒪ ᐃᒪᕐᒥᐅᑕᓕᕆᔨᒃᑯᑦ ᑲᓇᑕᒥ ᑎᑭᑕᐅᑎᓪᓗᒍ.

ᓄᓇᕕᒻᒥ ᑕᕆᐅᕐᒥᐅᑕᓕᕆᔨᒃᑯᑦ ᑲᑎᒪᔨᖏᑦ ᑐᓂᓯᓚᐅᕐᓯᒪᔪᑦ ᓄᑖᓂᒃ ᐸᕐᓇᐅᑎᓂᒃ ᐅᑯᓄᖓ ᐃᖃᓗᓕᕆᔨᒃᑯᓐᓄᑦ ᐊᒻᒪ ᐃᒪᕐᒥᐅᑕᓕᕆᔨᒃᑯᓐᓄᑦ ᒪᐃᖑᑎᓪᓗᒍ—ᓇᓕᒧᒌᒃᑎᑦᑎᓂᕐᓴᐅᓇᓱᒃᑐᒥ ᐃᓄᐃᒃ ᐊᖑᓇᓱᒍᓐᓇᕐᓂᖏᑦ ᐊᒻᒪᓗ ᓴᐳᔾᔨᓯᒪᒐᓱᖕᓂᕐᒥᒃ ᑕᓯᐅᔭᕐᔪᐊᑉ ᑲᓇᖕᓇᖓᓂ ᕿᓚᓗᒐᕐᓂᒃ.

ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᓂᕆᐅᒃᑐᑦ ᐅᑯᐊ ᐃᖃᓗᓕᕆᔨᒃᑯᑦ ᐊᒻᒪ ᐃᒪᕐᒥᐅᑕᓕᕆᔨᒃᑯᑦ ᐃᓱᒪᓕᐅᕆᐊᓂᖕᓂᐊᕋᓱᒋᔭᐅᓪᓗᑎᒃ ᐆᒥᖓ ᐱᐊᓂᒃᑕᐅᓯᒪᔪᒥ ᐊᕐᕌᒍᓄ ᑕᓪᓕᒪᓄᑦ ᐊᐅᓚᑦᑎᓂᕐᒥ ᐸᕐᓇᐅᑎᓂᒃ ᓄᕕᐱᕆ 28 ᑎᑭᓚᐅᕐᑎᓐᓇᒍ.

Share This Story

(0) Comments