ᓄᓇᕕᖕᒥ ᓇᖕᒥᓂᖃᖅᑎᐅᔪᖅ, ᑲᑎᒪᔨᕐᔪᐊᖑᓚᐅᖅᑐᖅ ᐊᑦᑎᖅᑕᐅᕗᖅ ᑲᓇᑕᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓂᖓᓄᑦ

For English version, see Nunavik entrepreneur, former politician named to Order of Canada

ᓄᓇᕕᖕᒥ ᓇᖕᒥᓂᖃᖅᑎᐅᔪᑦ ᐊᒻᒪ ᖃᖓᑕᓲᖅᑎ ᔮᓂ ᓇ, ᐋᑕᒻᔅ ᐃᓚᒋᔭᐅᕗᖅ 85−ᓂ ᑎᒃᑯᐊᖅᑕᐅᓯᒪᔪᓂ the ᑲᓇᑕᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓂᖓᓂ ᐅᖃᐅᓯᐅᓪᓗᓂ ᔫᓂ 30−ᒥ.

ᑎᒃᑯᐊᖅᑕᐅᓂᖓ ᐅᖃᐅᓯᐅᓚᐅᖅᐳᖅ ᐃᑭᐊᖅᑭᕕᖕᒥ ᑭᖕ ᑭᒡᒐᖅᑐᖅᑎᖓᓂ ᑲᓇᑕᒥ ᒥᐊᕆ ᓴᐃᒪᓐᒧᑦ. ᐅᓪᓗᖓ ᐅᐱᒋᔭᐅᓂᖓᓂ ᖁᕕᐊᓱᒍᑕᐅᔪᒥ Rideau Hall−ᒥ ᓴᐃᒪᓐ, ᓄᓇᕕᖕᒥᐅᑕᐅᒋᓪᓗᓂ, ᑲᒪᒋᔭᖃᕐᓂᐊᕐᓂᖓᓂ ᓂᕆᐅᒋᔭᐅᕗᖅ ᐊᑦᑎᖅᑕᐅᓂᐊᕐᓂᖓᓂ ᖃᖓᒃᑲᓐᓂᖅ.

ᐋᑕᒻᔅ, ᐃᓅᓚᐅᖅᓯᒪᔪᖅ ᑯᔾᔪᐊᕐᒥ 1960−ᒥ, ᖃᖓᑕᓲᖅᑎᓪᓚᕆᐅᕗᖅ, ᖃᖓᑕᓂᕐᒧᑦ ᓇᖕᒥᓂᖃᖅᑎᐅᓪᓗᓂ, ᓇᖕᒥᓂᖃᖅᑎ ᐊᒻᒪ ᐃᓱᒻᒥᖅᑐᐃᔨᓄᑦ ᐃᒃᓯᕙᐅᑕᕆᔭᐅᕗᖅ ᑲᓇᐃᑎᐊᓐ ᓄᐊᑦᑯᓐᓂ, ᐱᔨᑦᑎᕋᖅᓯᒪᓪᓗᓂ ᑕᐃᒪᙵᓂ 2019−ᒥ.

1987−ᒥ, ᓂᕈᐊᖅᑕᐅᓚᐅᖅᐳᖅ ᕼᐋᒻᓚᒃᑯᓐᓂ ᑲᑎᒪᔨᐅᓂᕐᒥ ᑰᔾᔪᐊᕐᒥ ᐊᒻᒪ ᒪᐃᔭᒋᔭᐅᓪᓗᓂ ᕿᑎᐊᓂ 1991 ᐊᒻᒪ 1997−ᒧᑦ.

ᐅᓇ ᓯᕗᓪᓕᖅᐹᒋᙱᓚᐅᒃ ᒐᕙᒪᒃᑯᓐᓂ ᐅᐱᒋᔭᐅᓂᖓᓂ. ᐋᑕᒻᔅ ᑎᒃᑯᐊᖅᑕᐅᓚᐅᖅᓯᒪᕗᖅ ᐅᐱᒋᔭᐅᓂᖓᓂ ᓇᐃᑦᒧᑦ ᑲᓇᑕᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓂᖓᓂ ᑯᐸᐃᖕᒥ 2006−ᒥ.

ᓴᐃᒪᓐ ᐅᖃᐅᓯᒃᓴᓕᐊᖓᓐᓂ, ᐋᑕᒻᔅ ᐊᑦᑎᖅᑕᐅᓚᐅᖅᐳᖅ ᐱᓕᕆᔨᐅᓂᖓᓂ ᑲᓇᑕᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓂᖓᓂ, “ᐃᓕᓴᒻᓯᓂᐅᔪᒥ ᑎᑭᐅᑎᓯᒪᓂᖓᓐᓂ ᐊᒻᒪ ᐱᔪᒥᓇᕐᓂᖓᓂ ᖁᑦᑎᖅᑐᕐᔪᐊᕐᒥ, ᐱᓗᐊᖅᑐᒥ ᐱᔨᑦᑎᕋᕐᓂᖓᓂ ᑲᓇᑕᒧᑦ ᐅᕝᕙᓘᓐᓃᑦ ᐃᓅᖃᑎᒌᖑᔪᓄᑦ ᐊᒥᓱᓄᑦ.”

ᐊᓯᖏᓐᓂ ᖃᐅᔨᒪᔭᐅᕐᔪᐊᖅᑐᓂ ᑎᒃᑯᐊᖅᑕᐅᓂᑯᓂ ᐊᑦᑎᖅᑕᐅᓯᒪᔪᓄᑦ ᐃᓚᖃᖅᐳᑦ ᑕᕐᕆᔭᓕᐊᓄᑦ ᐱᙳᐊᖅᑎ ᑖᓐ ᓚᕕ ᐊᒻᒪ Toronto Raptors ᐊᖓᔪᖅᑳᖓ ᒪᓴᐃ ᒪᐃᑯᓪ ᐅᔨᕆ.