ᓄᓇᕗᑦ ᒪᓕᒐᓕᕆᔨᕐᔪᐊᖏᑦ ᑕᐃᓯᕗᑦ ᓄᑖᒥ ᐅᖃᐅᓯᕐᓄᑦ ᑲᒥᓯᓇᐅᑲᐃᓐᓇᕐᓂᐊᖅᑐᒥᓐ
ᑳᓖᓐ ᐋᕆᐊᒃ ᑎᒃᑯᐊᖅᑕᐅᓂᖓ ᐊᑐᓕᕐᓂᐊᖅᑐᖅ ᐅᒃᑑᐱᕆ 21-ᒥ
ᓄᓇᕗᑦ ᒪᓕᒐᓕᕆᔨᕐᔪᐊᖏᑦ ᑎᒃᑯᐊᕐᓯᓚᐅᕐᐳᑦ ᐅᖃᐅᓯᕐᓄᑦ ᑲᒥᓯᓇᐅᑲᐃᓐᓇᕐᓂᐊᖅᑐᒥᓐ, ᑳᓖᓐ ᐋᕆᐊᒃ, ᐅᓇ ᕼᐊᓚᓐ ᑲᓚᖓᓐᐳᒡ ᓄᖅᑲᓚᐅᕐᓯᒪᑎᓪᓗᒍ ᓯᑎᐱᕆᐅᓚᐅᕐᓯᒪᔪᒥᑦ ᑎᑎᕋᕐᕕᖓᓂᒃ. (ᐊᔾᔨᓕᐅᕆᔨ ᔭᐃᓐ ᔪᐊᔾ)
For an English version of this story, see Nunavut’s legislative assembly names new acting languages commissioner
ᓯᒥᐅᓐ ᒥᒃᑯᖑᐊᒃ, ᐅᖃᖅᑎ ᒪᓕᒐᓕᕆᕕᒡᔪᐊᒥᑦ, ᑐᓴᖅᑎᑦᑎᓚᐅᕐᑐᖅ ᑎᒃᑯᐊᖅᑕᐅᓂᑯᒥᑦ, ᑖᓐᓇᓗ ᐊᑐᓕᕐᓂᐊᖅᖢᓂ ᓇᒡᒐᔾᔭᒥᓐ, ᐅᒃᑑᐱᕆ 21.
“ᒥᔅ ᐋᕆᐊᒃ ᐃᖅᑲᓇᐃᔮᕆᕙᒃᑕᖏᑦ, ᐅᑯᓂᖓ ᐃᓚᖃᖅᖢᑎᒃ ᑕᒪᐃᓐᓂᑦ ᐅᖃᐅᓯᕐᓄᑦ ᑲᒥᓯᓇᐅᑉ ᑎᑎᕋᕐᕕᖓᓂᒃ ᐊᒻᒪᓗ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑎᓄᑦ, ᑖᒃᑯᓂᖓ ᑲᒪᒋᔭᖃᕈᓐᓇᕈᑎᒋᕙᖓ ᐱᒻᒪᕆᐊᓗᖕᓂᑦ ᐱᓕᕆᐊᒃᓴᓂᒃ,” ᒥᒃᑯᖑᐊᒃ ᐅᖃᓚᐅᕐᑐᖅ ᑐᓴᒐᒃᓴᓕᐊᑎᒍᑦ.
ᑳᓖᓐ ᐋᕆᐊᒃ ᐃᖃᓗᖕᓂ ᓄᓇᓕᒃ ᓄᓇᕗᒥᑦ ᐅᖃᐅᓯᕐᓄᑦ ᑲᒥᓯᓇᐅᑲᐃᓐᓇᕐᓂᐊᖅᑐᖅ. (ᐊᔾᔨᙳᐊᖁᑎᖓ ᑳᓖᓐ ᐋᕆᐊᒃ)
ᐅᕘᓇᓕ ᐃᓕᓴᕆᔭᐅᔪᓂᒃ ᐅᖃᐅᓯᕐᓄᑦ ᒪᓕᒐᖅᒥᑦ ᐊᒻᒪᓗ ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᔭᐅᓂᖓᓄᑦ ᐱᖁᔭᖅᑎᒍᑦ, ᐅᖃᐅᓯᕐᓄᑦ ᑲᒥᓯᓇ ᐱᓕᕆᐊᒃᓴᖃᖅᑐᖅ ᓴᐳᔾᔨᓯᒪᓂᕐᒥᑦ ᐅᖃᐅᓯᕐᓄᑦ ᐱᔪᓐᓇᐅᑎᓂᒃ ᐅᑯᓄᖓ ᐃᓄᒃᑐᑦ, ᐅᐃᕖᑐᑦ ᐊᒻᒪ ᖃᓪᓗᓈᑐᑦ ᐅᖃᐅᓯᕐᓂ.
ᐅᖃᐅᓯᕐᓄᑦ ᑲᒥᓯᓇ ᐱᓕᕆᐊᖃᖃᑦᑕᕐᒥᔪᖅ ᖃᓄᐃᓕᐅᕈᑎᐅᔪᓂᒃ ᖃᐅᔨᓴᖅᐸᒃᖢᓂ ᐊᒻᒪ ᖃᐅᔨᓴᖅᐸᓪᓕᐊᕙᒃᖢᓂ, ᐅᖃᐅᔾᔨᔪᓐᓇᖅᖢᓂ ᐊᒻᒪ ᐅᖃᐅᓯᕐᓄᑦ ᐱᔪᓐᓇᐅᑎᓂᒃ ᓴᐳᔾᔨᔨᐅᓪᓗᓂ.
ᐅᕘᓇᓕ ᐃᓕᓴᕆᔭᐅᔪᓂᒃ ᐅᖃᐅᓯᕐᓄᑦ ᒪᓕᒐᖅᒥ, ᐅᖃᐅᓯᕐᓄᑦ ᑲᒥᓯᓇ ᓄᓇᕗᒥᑦ ᑎᒃᑯᐊᖅᑕᐅᕙᒃᑐᖅ ᐊᕐᕌᒍᓂ ᑎᓴᒪᓄᑦ ᓄᓇᕗᑦ ᑲᒥᓯᓇᖓᓄᑦ ᒪᓕᒐᓕᕆᔨᕐᔪᐊᑦ ᐃᓱᒪᓕᐅᕆᓚᐅᕐᑎᓪᓗᒋᑦ.
ᐊᐅᓚᑦᑎᓂᕐᒧᑦ ᐊᒻᒪ ᐱᔨᑦᑎᕋᐅᑎᓕᕆᓂᕐᒧᑦ ᑲᑎᒪᔩᑦ ᒪᓕᒐᓕᕆᕕᒡᔪᐊᒥᑦ ᐃᓱᒪᓕᐅᕆᔪᓐᓇᕐᒥᔪᑦ ᑎᒃᑯᐊᖅᑕᐅᔪᒃᓴᒥ ᐅᖃᐅᓯᕐᓄᑦ ᑲᒥᓯᓇᐅᑲᐃᓐᓇᕐᓂᐊᖅᑐᒥᓐ ᑖᓐᓇ ᐃᓄᖃᙱᑎᓪᓗᒍ ᐊᒻᒪ ᑲᑎᒪᔨᕐᔪᐊᑦ ᑲᑎᒪᙱᑎᓪᓗᒋ, ᐅᓇ ᑐᓴᒐᒃᓴᖅ ᐋᕆᐊᒃᒥᑦ ᑎᒃᑯᐊᕐᓯᓂᕐᒧᑦ ᐅᖃᓚᐅᕐᒥᔪᑦ.
ᐅᖃᐅᓯᕐᓄᑦ ᑲᒥᓯᓇᐅᓚᐅᕐᑐᖅ, ᕼᐊᓚᓐ ᑲᓚᖓᓐᐳᒡ, ᓄᖅᑲᓚᐅᕐᓯᒪᖕᒪᑦ ᑎᑎᕋᕐᕕᖕᒥᑦ ᓯᑎᐱᕆᐅᑎᓪᓗᒍ.
ᐄᕙ ᐋᕆᐊᒃ, ᑳᓖᓐ ᐊᓈᓇᖓ ᐊᒻᒪ ᓄᓇᕗᑦ ᓯᕗᓕᐅᕐᑎᒋᓚᐅᕐᓯᒪᔭᖓ, ᓯᕗᓪᓕᖅᐸᐅᓚᐅᕐᓯᒪᔪᖅ ᐅᖃᐅᓯᕐᓄᑦ ᑲᒥᓯᓇᐅᓪᓗᓂ ᓄᓇᕗᒥᑦ ᓂᕈᐊᖅᑕᐅᓚᐅᕐᓯᒪᙱᑎᓪᓗᒍ 2008-ᒥ ᓄᓇᕗᒧᑦ ᒪᓕᒐᓕᐅᕐᑎᐅᓇᓱᒃᑎᓪᓗᒍ.
ᑭᒃᑯᓕᒫᓂᒃ ᑐᙵᓱᒃᑎᑦᑎᒍᑎᒥ ᓴᖅᑭᑎᑦᑎᓚᐅᕐᓯᒪᔪᑦ ᐆᒧᖓ ᓄᓇᕗᒥᑦ ᐅᖃᐅᓯᕐᓄᑦ ᑲᒥᓯᓇᓴᒧ, ᒪᓕᒐᓕᕆᔨᕐᔪᐊᑦ ᐅᖃᓚᐅᕐᑐᑦ, ᐊᒻᒪ ᑕᒪᑐᒧᖓ ᑐᓴᒐᒃᓴᖃᒃᑲᓐᓂᕐᓂᕋᐃᓪᓗᑎᒃ ᖃᕋᓴᐅᔭᒃᑯᑦ ᓴᖅᑭᔮᒐᖅᑎᒍᑦ.
ᐊᒪᓗ ᐃᓄᒃᑎᑐᕐ ᖃᕈᐊᔪᒐᒥ ᓇᐅᐃᑯᐋ??????