ᓄᓇᕗᒥᑦ ᑲᑎᒪᔨᕋᓛᑦ ᐅᖓᕙᕆᐊᖅᑎᑦᑎᕗᑦ ᐃᓱᓕᕝᕕᒃᓴᒥᑦ ᐱᖁᔭᕐᔪᐊᖅ 25-ᒧᑦ ᐅᖃᐅᓯᒃᓴᓂᒃ ᑐᓂᓯᓂᕐᒥᒃ

ᑲᑎᒪᔨᕋᓛᑦ ᐅᖃᐅᓯᒃᓴᓂᒃ ᐱᑲᑕᖕᓂᐊᖅᑐᑦ ᐅᓇ ᑎᑭᓪᓗᒍ 5 ᐅᓐᓄᓴᒃᑯᑦ ᐅᒃᑑᐱᕆ 11

ᔮᓐ ᒪᐃᓐ, ᐃᒃᓯᕙᐅᑕᖅ ᑲᑎᒪᔨᕋᓛᓄᑦ ᒪᓕᒐᓕᕆᓂᕐᒧᑦ, ᐅᖃᓚᐅᕐᑐᖅ ᑲᑎᒪᔨᕋᓛᑦ ᐅᖓᕙᕆᐊᖅᑎᑦᑎᓂᐊᕐᓂᕋᖅᖢᓂᒋᑦ ᑭᒃᑯᓕᒫᓂᒃ ᑐᓴᕈᒪᓂᕐᒥᒃ ᐆᒥᖓ ᐱᖁᔭᕐᔪᐊᖅ 25-ᒥ ᐊᒻᒪᓗ ᑲᑎᒪᔨᕋᓛᑦ ᕿᒥᕐᕈᐊᕐᓂᐊᕐᓂᖏᓐᓂᒃ ᐱᖁᔭᕐᔪᐊᕐᒥᑦ. (ᐊᔾᔨᙳᐊᖁᑎᒋᔭᐅᔪᖅ)

By ᐃᐊᒪ ᑐᕌᓐᑐ

For an English version of this story, see Nunavut standing committee extends deadline for Bill 25 submissions

ᓄᓇᕗᒥᑦ ᒪᓕᒐᓕᕆᕝᕕᐅᑉ ᑲᑎᒪᔨᕋᓛᖏᑦ ᒪᓕᒐᓕᕆᓂᕐᒧᑦ ᐱᑲᑕᐃᓐᓇᕐᓂᐊᖅᑐᑦ ᐅᖃᐅᓯᒃᓴᓂᒃ ᑭᒃᑯᑐᐃᓐᓇᕐᓂᙶᖅᑐᓂᒃ ᐆᒧᖓ ᐱᖁᔭᕐᔪᐊᖅ 25-ᒥ, ᐱᖁᔭᕐᔪᐊᖅ ᐋᕿᒃᓯᒋᐊᕈᑎᐅᓂᐊᖅᑐᖅ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᔪᐊᖅᒥᑦ ᐊᒻᒪ ᐃᓄᐃᑦ ᐅᖃᐅᓯᖏᓐᓂᒃ ᓴᐳᔾᔨᓯᒪᓂᕐᒧᑦ ᐱᖁᔭᕐᔪᐊᖅᒥᓐ, ᑎᑭᓪᓗᒍ ᐅᒃᑑᐱᕆ 11.

ᑭᖑᓪᓕᖅᐹᖃᓚᐅᕐᑑᒐᓗᐊᑦ ᐅᖃᐅᓯᒃᓴᓂᒃ ᐱᑲᑕᖕᓂᕐᒥᑦ ᓯᑎᐱᕆ 13-ᒥᑦ.

“ᐱᓕᕆᖃᑎᒃᑲᓗ ᖁᔭᓕᔪᒪᕗᒍᑦ ᓄᓇᕗᒻᒥᐅᓂᒃ ᐃᓱᒪᒋᔭᖏᓐᓂᒃ ᑎᑎᕋᐅᓯᖃᖅᑐᓂᒃ ᐆᒧᖓ ᐱᒻᒪᕆᐊᓗᖕᒧᑦ ᐱᖁᔭᕐᔪᐊᖅᒧᑦ,” ᑲᑎᒪᔨᕋᓛᓄᑦ ᐃᒃᓯᕙᐅᑕᖅ ᔮᓐ ᒪᐃᓐ ᐅᖃᓚᐅᕐᑐᖅ ᑎᓴᒻᒥᐅᑎᓪᓗᒍ, ᓯᑎᐱᕆ 26 ᑐᓴᒐᒃᓴᓕᐅᕈᑎᑎᒍᑦ.

ᑭᓇᑐᐃᓐᓇᖅ ᑐᙵᓱᒃᑎᑕᐅᓚᐅᕐᑐᖅ ᑐᓂᓯᔪᓐᓇᖁᔭᐅᓪᓗᑎᒃ ᑎᑎᖃᓂᒃ ᑲᑎᒪᔨᕋᓛᓄᑦ ᐱᖁᔭᕐᔪᐊᖅ 25 ᓴᖅᑭᑕᐅᓚᐅᕐᓯᒪᑎᓪᓗᒍ ᒪᓕᒐᓕᕆᔨᕐᔪᐊᑦ ᑲᑎᒪᑎᓪᓗᒍᑦ ᐅᐱᕐᙶᖅ ᔫᓂᒥᑦ. ᐊᐃᑉᐸᖓᓂ ᐅᖃᓕᒫᖅᑕᐅᓂᖓ ᐊᓂᒍᖅᑎᑕᐅᓚᐅᕐᑐᑦ ᐊᒻᒪᓗ ᑲᑎᒪᔨᕋᓛᓄᑦ ᑐᓐᓂᖅᑯᑎᐅᓪᓗᓂ ᕿᒥᕐᕈᐊᖅᑕᐅᓂᐊᕐᒪᑦ.

ᑲᑎᒪᔨᕋᓛ ᑲᑎᓚᐅᕐᓯᒪᔪᑦ ᓯᑎᐱᕆᐅᑉ ᕿᑎᐊᓂ ᕿᒥᕐᕈᐊᕐᓂᐊᕐᒪᑕ ᐱᖁᔭᕐᔪᐊᖅᒥᑦ, ᐊᒻᒪᓗ ᐃᓄᖕᓂᑦ ᑐᓐᓂᖅᑯᑎᐅᓂᑯᓂᒃ ᑖᔅᓱᒧᖔᖅᑐᓂᒃ.

ᑲᑎᒪᔨᕋᓛᑦ ᑐᓴᖅᑎᑦᑎᓚᐅᕐᒥᔪᑦ ᐅᖓᕙᕆᐊᖅᓯᓂᐊᕐᓂᖏᓐᓂᒃ ᕿᒥᕐᕈᐊᕐᓂᖏᓐᓂᒃ ᐱᖁᔭᕐᔪᐊᖅ 25-ᒥ ᐅᑭᐊᒃᓵᕐᒥᑦ ᑲᑎᒪᑎᓂᕐᒧᑦ ᑕᒪᓐᓇ ᑕᓚᕖᓴᓐᑯᑦ ᓴᖅᑭᔮᑎᑕᐅᔪᓐᓇᕐᓂᐊᕐᒪᑦ ᐱᓇᓱᐊᕈᓰᖕᓂᒃ ᒪᕐᕉᖕᓂᒃ ᓄᕕᐱᕆᐅᑉ ᐃᓱᐊᓂᑦ.

“ᐃᓕᓐᓂᐊᕐᓂᓕᕆᓂᕐᒧᑦ ᒥᓂᔅᑕ ᐊᒻᒪ ᖃᐃᖁᔭᐅᓯᒪᔪᑦ ᑕᑯᓯᒪᓂᖑ ᐅᐸᒍᑎᓂᐊᖅᑐᑦ ᑲᑎᒪᔨᕋᓛᓄᑦ ᖃᐅᔨᓇᓱᒃᑎᓪᓗᒋᑦ, ᑕᐃᒪᓐᓇᓗ ᓄᓇᕗᒻᒥᐅᓂᒃ ᑕᐅᑐᒃᑎᑦᑎᔪᓐᓇᕐᓂᐊᖅᖢᑎᒃ ᖃᓄᐃᓕᐅᕈᑎᒋᔭᑦᑎᓐᓂᒃ,” ᒪᐃᓐ ᐅᖃᓚᐅᕐᑐᖅ ᑐᓴᒐᒃᓴᓕᐅᕈᑎᑎᒍᑦ.

ᐱᖁᔭᕐᔪᐊᖅ 25 ᐊᕕᒃᑐᖅᓯᒪᐅᕐᓗᓂ ᐊᑐᓕᖅᑎᑕᐅᓕᕈᒪᔪᖅ, ᐊᕐᕌᒍᓄᑦ ᐊᕙᑎᓄᑦ (20), ᐅᓇ ᐃᓄᒃᑐᑦ ᐃᓕᓐᓂᐊᖅᑎᑦᑎᒍᑎᐅᓗᓂ ᐃᓕᓐᓂᐊᕐᕕᖕᓂᑦ ᐃᓕᓐᓂᐊᓕᓵᖅᑐᓂᒃ ᒍᕇᑦ 12-ᒧᑦ.

ᑕᒪᐅᓇᑦᑕᐃᓐᓇᖅ, ᐱᖁᔭᕐᔪᐊᖅ ᓴᕿᑎᑦᑎᒍᑎᐅᓇᔭᕐᑐᖅ ᐃᓄᐃᑦ ᐅᖃᐅᓯᖏᓐᓂᒃ ᓴᐳᔾᔨᓯᒪᓂᕐᒧᑦ ᐱᖁᔭᕐᔪᐊᖅᒥᑦ ᐊᑐᖅᑕᐅᖃᑕᐅᓗᓂ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᕐᔪᐊᖅᒥᑦ, ᐊᒻᒪ ᐅᖓᕙᕆᐊᖅᑎᑦᑎᓗᑎᒃ ᐃᓱᓕᕝᕕᒃᓴᒥ ᐊᑐᓕᖅᑎᑦᑎᓂᕐᒧᑦ ᒪᕐᕈᐃᓂᒃ ᐅᖃᐅᓯᕐᓂᒃ ᐃᓕᓐᓂᐊᖅᑎᑦᑎᓂᕐᒥᒃ ᒪᑯᓄᖓ ᒍᕆᑦ 4-ᒥᑦ 12-ᒧᑦ ᐋᖅᑭᒃᓱᖅᑕᐅᓯᒪᔪᒥᑦ ᖃᓄᐃᓕᐅᕈᑎᒃᓴᓂᒃ ᐃᓱᓕᑦᑐᓂᒃ ᔪᓚᐃ 1, 2039-ᒥᑦ.

ᓇᓗᓇᐃᔭᕐᓯᒪᔪᓂᒃ ᑕᐅᑐᖕᓂᑯᓂᒃ ᐊᒻᒪᓗ ᖃᓄᐃᓕᐅᕈᑎᒃᓴᓂᒃ ᑲᑎᒪᔨᕋᓛᑦ ᖃᐅᔨᓇᓱᖕᓂᖏᓐᓄᑦ ᐊᑐᐃᓐᓇᐅᓕᖅᑎᑕᐅᓛᖅᑐᑦ ᖃᖓᑦᑎᐊᒃᑯᑦ, ᑐᓴᒐᒃᓴᓕᐊᒃᓴᑦ ᐅᖃᕐᓯᒪᔪᑦ.

ᒪᓕᒐᓕᕆᔨᕐᔪᐊᑦ ᑲᑎᒪᒃᑲᓐᓂᓛᖅᑐᑦ ᐅᑭᐊᒃᓵᒧᑦ ᑎᓴᒻᒥᖅ, ᐅᒃᑑᐱᕆ 17-ᒥᑦ.

ᐅᖃᐅᓯᒃᓴᕆᔭᐅᔪᑦ ᐱᔭᐅᖃᑦᑕᕐᓂᐊᖅᑐᑦ ᐅᓇ ᑎᑭᒐᓱᖕᓂᖓᓂᒃ 5:00 ᐅᓐᓄᓴᒃᑯᑦ ᑕᓪᓕᖅᒥᖅ, ᐅᒃᑑᐱᕆ 11-ᒥᑦ. ᑕᒪᕐᒥᒃ ᐅᖃᐅᓯᒃᓴᕆᔭᐅᔪᑦ ᑐᓐᓂᖁᓯᐊᑦ ᑭᒃᑯᓕᒫᓄᑦ ᓴᖅᑭᑕᐅᓂᐊᖅᑐᑦ ᐅᖃᐅᓯᐅᓕᖅᑎᓪᓗᒋᑦ ᑲᑎᒪᕕᒡᔪᐊᒥᑦ ᐅᑭᐊᒃᓵᖅ ᑲᑎᒪᓕᕈᑎᒃ.

ᐅᖃᐅᓯᒃᓴᑦ ᑎᑎᖃᑦ ᐅᕗᖓ ᑐᕌᖓᔪᓐᓇᖅᑐᑦ:

ᔮᓐ ᒪᐃᓐ, ᒪᓕᒐᓕᐅᖅᑎ
ᐃᒃᓯᕙᐅᑕᖅ, ᑲᑎᒪᔨᕋᓛᓄᑦ ᒪᓕᒐᓕᕆᓂᕐᒧᑦ
ᓄᓇᕗᑦ ᒪᓕᒐᓕᕆᕕᒡᔪᐊᖓᑦ
ᑎᑎᖃᖃᕐᕕᒃ 1200
ᐃᖃᓗᐃᑦ, ᓄᓇᕗᑦ
X0A 0H0
ᐅᖄᓚᐅᑦ: (867) 975-5000
ᓱᑲᑦᑐᒃᑯᑦ: (867) 975-5191
ᖃᕋᓴᐅᔭᒃᑯᑦ: submissions@assembly.nu.ca

Share This Story

(0) Comments

Join the Conversation

Your email address will not be published. Required fields are marked *

*


Protected with IP Blacklist CloudIP Blacklist Cloud