ᓄᓇᕗᒥᒃ ᐱᓇᓱᐊᒐᖅ ᓄᖅᑲᖅᑎᑕᐅᕗᖅ ᐊᕐᕌᒎᓕᖅᑑᖕᓂᖅ ᒪᕐᕉᖕᓂᒃ

“ᑭᒃᑯᓕᒫᓂᒃ ᖃᓄᐃᖁᔨᙱᓐᓇᑦᑕ,” ᐅᖃᖅᑐᖅ ᐃᒃᓯᕙᐅᑕᐅᑉ ᑐᒡᓕᖓ ᐅᓘᑕ ᓈᑕᓇᐃ

ᒥᑦᑎᒪᑕᓕᒃᒥᐅᑕᖅ ᕿᒧᒃᓯᖅᑎ ᒪᐃᑯᓪ ᐃᓄᐊᕋᖅ ᖁᒻᒧᒃᑎᑕᐅᔪᖅ ᐱᐊᓂᒃᓯᑎᓪᓗᒍ ᓄᓇᕗᒥᑦ ᐱᓇᓱᐊᒐᖅᒥᒃ
(Nunavut Quest) 2017-ᒥᑦ. ᑕᐃᔅᓱᒪᓂ ᕿᒧᒃᓯᐅᔾᔪᐊᖅᑐᑦ ᐱᒋᐊᖅᕕᖃᓚᐅᖅᓯᒪᔪᑦ ᐃᒃᐱᐊᕐᔪᒃᒥ ᐃᒡᓗᓕᒃᒧᑦ,
ᑕᐃᒪᓐᓇᐅᓇᔭᓚᐅᕆᓪᓗᓂ ᑕᒪᑐᒪᓂ ᑲᔪᓯᓚᐅᕈᑎᒃ, ᓄᕙᒡᔪᐊᕐᓇᖅ-19ᒧᑦ ᓄᖃᖅᑎᑕᐅᓚᐅᖅᓯᒪᑎᓐᓇᒍ.
(ᐊᔾᔨᙳᐊᖁᑎᒋᔭᐅᔪᖅ)

By ᒥᓚᓂ ᐅᕆᑦᓵᑦ

For an English version of this story, see Nunavut Quest cancelled second year in a row

ᓄᓇᕗᒥᑦ ᐱᓇᓱᐊᒐᖅ ᕿᒧᒃᓯᐅᔾᔪᐊᕐᓇᖅ ᓄᖅᑲᖅᑎᑕᐅᓚᐅᖅᑐᖅ ᐋᓐᓂᐊᕕᒡᔪᐊᖅᓇᒧᑦ ᐃᓱᒫᓘᑎᓄᑦ, ᑖᓐᓇ 500 ᑭᓛᒥᑕᓂ ᕿᒧᒃᓯᐊᔾᔪᐊᕐᓇᖅ ᐱᒋᐊᖅᓵᓕᓂᐊᓕᖅᑎᓪᓗᒍ.

14 ᕿᒧᒃᓯᖃᑕᐅᔪᒃᓴᑦ ᕿᒧᒃᓯᕋᔭᓚᐅᖅᓯᒪᔪᑦ ᐃᒃᐱᐊᕐᔪᒃᒥ ᐃᒡᓗᓕᒃᒧᑦ ᐱᓇᓱᐊᕈᓯᖅ ᐃᓚᓱᖓᕐᓗᒍ, ᐱᒋᐊᕐᓗᑎᒃ ᐄᐳᕈᓪ 26-ᒥᑦ.

ᐅᓘᑕ ᓈᑕᓇᐃ, ᐃᒃᓯᕙᐅᑕᐅᑉ ᑐᒡᓕᖓ ᐅᑯᓇᓂ ᓄᓇᕗᑦ ᐱᓇᓱᐊᒐᖅ ᕿᒧᒃᓯᐅᔾᔪᐊᖅᓇᒥᒃ ᑲᑎᒪᔨᓄᑦ, ᐅᖃᓚᐅᖅᑐᖅ ᐋᖅᑭᒃᓱᐃᔨᐅᔪᑦ ᐊᒻᒪ ᐃᓚᐅᓂᐊᖅᑐᑦ ᑕᒪᑐᒧᖓ ᐱᓕᕆᕈᓘᔭᓚᐅᕐᓂᕋᖅᑕᖏᑦ ᐊᒻᒪᓗ ᐃᓚᖏᑦ ᐊᐃᑦᑖᕈᓱᒃᖢᑎᒃ ᑐᓴᖅᑎᑕᐅᒐᒥᒃ, “ᑭᓯᐊᓂᓕ ᑭᒃᑯᓕᒫᓄᒃ ᖃᓄᐃᖁᔨᙱᓐᓇᑦᑕ.”

“ᓄᕙᒡᔪᐊᕐᓇᖅᑕᖃᙱᑉᐸᑦ, ᐱᓇᓱᒃᑲᓐᓂᕈᓐᓇᓛᖅᑐᒍᑦ ᐊᕐᕌᒍ,” ᓈᑕᓇᐃ ᐅᖃᖅᑐᖅ ᕿᒧᒃᓯᐅᔾᔪᐊᕐᓇᒧᑦ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᖓᔪᖅᑳᖅ ᐸᐅᓗᓯ ᐊᕿᐊᕈᒃ ᐅᖃᓚᐅᖅᑐᖅ ᑐᓴᒐᒃᓴᓕᐅᖅᑎᓪᓗᒋᑦ ᑖᒃᑯᐊ ᐋᖅᑭᒃᓱᐃᔨᐅᔪᑦ ᑖᔅᓱᒥᖓ ᐃᓱᒪᓕᐊᕆᔭᐅᔪᒥᒃ ᐊᖏᑐᐃᓐᓇᓚᐅᙱᑦᑐᑦ.

“ᓂᕆᐅᕈᓘᔭᓚᐅᕋᑦᑕ ᐃᑲᔪᖅᑎᐅᔪᒪᓪᓗᑕ ᓂᐱᒃᑯᑦ ᑕᒪᑐᒪᓂ ᐊᕐᕌᒍᒥᒃ ᕿᒧᒃᓯᐅᔾᔪᐊᕐᓂᐊᖅᑐᓂᒃ, ᑭᓯᐊᓂᓕ ᐋᓐᓂᐊᖃᖅᑕᐃᓕᑎᑦᑎᓂᖅ ᐊᒻᒪ ᐅᓗᕆᐊᓇᙱᑦᑐᒦᑎᑦᑎᓂᖅ ᕿᑭᑕᓂ ᐃᓄᖕᓂ ᓯᕗᓪᓕᐅᑎᑕᐅᓯᒪᔭᕆᐊᖃᕐᒪᑦ.”

ᑐᓴᒐᒃᓴᓂ ᐅᖃᐅᓯᖃᖅᑎᓪᓗᒋᑦ ᐄᐳᕈᓪ 21-ᒥ, ᓄᓇᕗᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓ ᓘᒃᑖᖅ ᒪᐃᑯᓪ ᐹᑐᓴᓐ, ᐅᖃᓚᐅᖅᓯᒪᔪᖅ “ᐃᓱᒪᓕᐅᕆᓇᓱᒃᑐᒍᑦ ᒪᑯᐊ ᐊᐅᓪᓚᑲᑕᖃᑦᑕᖅᑐᑦ ᓄᓇᓖᑦ ᐊᑯᓐᓂᖏᓐᓂᒃ ᑕᐃᒪᐃᓕᐅᖁᙱᖢᑎᒍᑦ ᒫᓐᓇᐅᔪᖅ ᑖᓐᓇᑦᑕᐅᖅ ᐃᓚᖃᕐᒥᔪᖅ ᖃᓄᐃᓕᐅᕈᑎᓂᒃ ᐆᑐᓇᖅ ᓄᓇᕗᒥᑦ ᐱᓇᓱᐊᕐᓂᖅ ᕿᒧᒃᓯᐅᔾᔪᐊᕐᓇᖅᒥᒃ.”

ᐊᕐᕌᓂᓕ ᖃᓄᐃᓕᐅᕐᓇᐅᑎᓪᓗᒍ — 20-ᒋᔭᐅᓂᕋᖅᑕᐅᓪᓗᓂ ᕿᒧᒃᓯᐅᔾᔪᐊᕐᓇᖅ — ᓄᖅᑲᖅᑎᑕᐅᓚᐅᖅᓯᒪᖕᒪᑦ ᓲᖃᐃᒻᒪ ᓄᕙᒡᔪᐊᕐᓇᖅ-19 ᐋᓐᓂᐊᕐᔪᐊᕐᓇᒧᑦᑕᐅᖅ.

ᑕᒪᓐᓇ ᑕᖅᑭᖅ ᐱᒋᐊᕐᓯᒪᓕᖅᑎᓪᓗᒍ, ᕿᑭᖅᑕᓂᒃ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓴᖅᑎᑦᑎᓚᐅᖅᓯᒪᔪᒃ $100,000-ᓂᒃ ᐃᑲᔫᑎᐅᓂᐊᖅᑐᓂᒃ ᓄᓇᕗᒥᑦ ᕿᒧᒃᓯᐅᔾᔪᐊᖅᓇᒧᑦ ᐊᕐᕌᒍᒧᑦ ᑕᒪᓐᓇᓗ ᑕᐃᒪᐃᓕᖓᓗᓂ ᐊᕐᕌᒍᓂᒃ 7-ᓂᒃ.

ᐃᑲᔫᑎᒃᓴᖅ ᑲᓇᑕᐅᑉ ᒐᕙᒪᒃᑯᖏᓐᓂᙶᖅᑐᖅ, ᒪᒥᐊᓚᐅᖅᓯᒪᑎᓪᓗᒋᑦ ᐅᑯᓄᖓ ᕿᑭᖅᑕᓂ ᐃᓄᖕᓄᑦ, ᑖᒃᑯᐊ ᐊᑕᐅᓯᕐᓂᒃ ᓄᓇᓕᖕᓃᑎᑦᑎᓇᓱᓕᓚᐅᖅᓯᒪᖕᒪᑕ 1950-ᓗ 1975-ᓗ ᐊᑯᓐᓂᖓᓂᒃ ᑕᐃᒪᐃᓐᓂᖓᓄᓪᓗ ᐃᓄᐃᑦ ᐃᓅᓯᖏᑦ ᐊᓯᙳᓚᐅᖅᓯᒪᔪᑦ.

ᐅᓇ ᐃᓚᖃᓚᐅᖅᑐᖅ ᕿᒻᒥᓂᒃ ᑐᖁᕋᐃᕙᓵᕐᓂᖅᒥᒃ.

ᑖᓐᓇ ᕿᒧᒃᓯᐅᔾᔪᐊᕐᓇᖅ ᓄᖅᑲᖅᑎᑕᐅᒐᓗᐊᖅᑎᓪᓗᒍ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓂᓯᓂᐊᖅᑐᑦ ᐊᑐᓂ ᕿᒧᒃᓯᖃᑎᒌᖕᓂᐊᓚᐅᖅᑐᓂᒃ $5,000-ᓂᒃ ᐸᕐᓇᒃᐸᓪᓕᐊᓚᐅᖅᓯᒪᓂᖏᓐᓄᑦ ᕿᒧᒃᓯᐅᔾᔪᐊᖅᓂᕐᒧᑦ, ᐊᒻᒪᓗ ᐋᖅᑭᒃᓱᐃᔨᐅᔪᑦ ᑐᓂᔭᐅᓂᐊᖅᑐᑦ $10,000 ᐊᑭᓕᐅᑎᕕᓂᖅᓄᑦ ᐸᕐᓇᒃᐸᓪᓕᐊᓕᖅᑎᓪᓗᒋᑦ ᑕᒪᑐᒪᓂ ᕿᒧᒃᓯᐅᔾᔪᐊᕐᓂᐊᖅᑐᓄᑦ ᐊᒻᒪᓗ ᐸᕐᓇᒃᓯᒪᒍᑎᒃᓴᐅᓂᐊᕐᓗᑎᒃ ᐊᕐᕌᒍ ᖃᓄᐃᓕᐅᕐᓇᐅᓂᐊᖅᑐᒧᑦ.

ᑐᓂᓯᓂᐊᖅᒥᔪᑦ $20,000-ᓂᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓄᑦ ᕿᒻᒦᑦ ᐊᑐᖅᑕᐅᒃᑲᓐᓂᕈᑎᒃᓴᖏᓐᓄᑦ ᓯᕗᓂᒃᓴᒥᑦ ᕿᒧᒃᓯᐅᔾᔪᐊᕐᓇᐅᓛᖅᑐᓄᑦ.

“ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖁᔭᓕᔪᒪᖕᒥᔪᑦ 2021-ᒥᑦ ᕿᒧᒃᓯᐅᔾᔪᐊᕐᓂᐊᖅᑐᓂᒃ ᐋᖅᑭᒃᓱᐃᔨᐅᓚᐅᕐᑐᑦ … ᐃᑲᔪᖅᓯᒪᓂᖏᑦ ᕿᒧᒃᓯᖃᑦᑕᖅᑐᓂᒃ ᑕᒫᓂ ᐳᐃᒍᖅᑕᐅᔾᔮᙱᑦᑐᑦ,” ᑐᓴᒐᒃᓴᐃᑦ ᐅᖃᖅᓯᒪᔪᑦ.

Share This Story

(0) Comments

Join the Conversation

Your email address will not be published. Required fields are marked *

*