ᓄᓇᕗᒧᑦ ᓴᓂᑐ ᓈᒻᒪᒃᓴᙱᔾᔪᑎᖃᒻᒪᕆᒃᐳᖅ ᐃᓄᒃᑐᑦ ᑎᑎᕋᖅᓯᒪᔪᓂᒃ ᓂᕈᐊᖅᕕᒃᓂᒃ ᐱᑕᖃᙱᓐᓂᖓᓄᑦ

‘ᖃᐅᔨᒪᔪᐃᓐᓇᐅᒐᑦᑕ ᐃᓄᒃᑎᑐᑐᐃᓐᓇᖅ ᐅᖃᕈᓐᓇᑐᐃᓐᓇᖅᑐᓂᒃ ᐃᓄᒃᑕᖃᐅᕐᓂᖓᓂᒃ ᐊᒻᒪᓗ ᐱᔪᓐᓇᐅᑎᖃᑦᑎᐊᕆᓪᓗᑎᒃ ᑭᒃᑯᑐᐃᓐᓇᖅᑐᑦ ᓂᕈᐊᕈᓐᓇᕐᓂᖅᒥᒃ,’ ᐅᖃᖅᑐᖅ ᑕᓂᔅ ᐹᑐᓴᓐ

ᓂᕈᐊᕈᓐᓇᖅᑐᑦ ᐅᑕᖅᑭᔪᑦ ᓂᕈᐊᖅᕕᒃᒥᑦ ᐃᖃᓗᖕᓂ ᓯᑎᐱᕆ 20-ᐅᑎᓪᓗᒍ. ᓴᓂᑐ ᑕᓂᔅ ᐹᑐᓴᓐ ᐅᖃᓚᐅᕐᑐᖅ ᐅᓄᕈᓘᔭᖅᑐᑦ ᐃᓄᐃᑦ ᐃᓐᓇᕆᔭᐅᔪᑦ ᓈᒻᒪᒃᓴᙱᓐᓂᕋᓚᐅᖅᑕᖏᑦ ᐃᓄᒃᑎᑐᑦ ᑎᑎᖃᓂᒃ ᓴᖅᑭᔮᖅᑐᖃᙱᓐᓂᖓᓂᒃ ᓂᕈᐊᕆᐊᖅᑐᕐᕕᖕᓂᒃ ᒪᑯᓂᖓ ᑮᓇᒃᐸᒃᓯᒪᔭᕆᐊᖃᕐᓂᕐᒧᑦ. (ᐊᔾᔨᓕᐅᕆᔨ ᒥᓚᓂ ᐅᕆᑦᓵᑦ)

By ᑕᐃᕕᑦ ᓚᕼᐄᑦ

For an English version of this story, see Nunavut senator decries lack of Inuktut signage at voting stations

ᓴᓂᑐ ᑕᓂᔅ ᐹᑐᓴᓐ ᖃᓄᐃᓕᐅᖅᑯᔨᒻᒪᕆᒃᑐᖅ ᐃᓄᐃᑦ ᓂᕈᐊᕈᓐᓇᕐᓂᖏᓐᓄᑦ ᓂᕈᐊᖅᓇᐅᓵᖅᑎᓪᓗᒍ ᒐᕙᒪᑐᖃᒃᑯᓐᓂᒃ.

ᓄᓇᕗᒧᑦ ᓯᕗᓕᐅᖅᑎ ᐅᖃᓚᐅᕐᑐᖅ ᐅᓄᕈᓘᔭᖅᑐᑦ ᐃᓄᐃᑦ ᐃᓐᓇᕆᔭᐅᔪᑦ ᐃᓱᒫᓘᑎᖃᕐᓂᖏᓐᓂᒃ ᖃᓄᖅ ᓂᕈᐊᖅᕕᐅᑲᑕᒃᑐᑦ, ᑖᒃᑯᐊᓗ ᑮᓇᑉᐸᒃᓯᒪᔭᕆᐊᖃᕐᓇᖅᖢᑎᒃ, ᑎᑎᕋᖅᓯᒪᔪᖃᓚᐅᙱᓐᓂᖏᓐᓂᒃ ᐊᑐᖁᔭᐅᔪᓂᒃ ᐃᓄᒃᑐ ᑖᒃᑯᓇᓂ.

“ᖃᐅᔨᒪᔪᐃᓐᓇᐅᒐᑦᑕ ᐃᓄᒃᑎᑐᑐᐃᓐᓇᖅ ᐅᖃᕈᓐᓇᑐᐃᓐᓇᖅᑐᓂᒃ ᐃᓄᒃᑕᖃᐅᓂᖓᓂᒃ ᐊᒻᒪᓗ ᐱᔪᓐᓇᐅᑎᖃᑦᑎᐊᕆᓪᓗᑎᒃ ᑭᒃᑯᑐᐃᓐᓇᖅᑐᑦ ᓂᕈᐊᕈᓐᓴᕐᓂᖅᒥᒃ,” ᐹᑐᓴᓐ ᐅᖃᓚᐅᖅᑐᖅ ᑐᓴᒐᒃᓴᓕᐊᑎᒍᑦ ᑎᓯᐱᕆ 22-ᒥ.

“ᐅᑯᐊ ᑲᓇᑕᒥ ᓂᕈᐊᕐᓇᓕᕆᔨᒃᑯᑦ ᐱᓕᕆᐊᖃᕐᓂᐊᖅᐸᑕ ‘ᑲᓇᑕᒥᐅᑕᐃᑦ ᐃᓚᐅᑎᑕᐅᑎᓪᓗᒋᑦ ᓂᕈᐊᒐᒃᓴᓕᕆᓂᒃᑯᑦ’ ᐅᖃᖅᓯᒪᔭᖏᑦᑎᑐᑦ ᖃᕋᓴᐅᔭᒃᑯᑦ ᓴᖅᑭᔮᒐᖓᓂ, ᑕᐃᒪᓕ ᐊᑕᐅᓯᑐᐊᕐᒥᒃ ᐅᖃᐅᓯᖃᖅᑐᑦ ᐃᓄᐃᑦ ᑐᑭᓯᔪᓐᓇᙱᓐᓂᕐᒧᑦ ᐊᔪᕈᑎᖃᖅᑎᑦᑕᐃᓕᒪᓗᒋᑦ ᓂᕈᐊᕆᐊᖅᑐᕐᕕᒃᓂᒃ.”

ᑲᓇᑕᒥ ᓂᕈᐊᕐᓇᓕᕆᔨᒃᑯᑦ ᐊᑐᐃᓐᓇᐅᓚᐅᙱᒻᒪᑕ ᑕᒪᑐᒥᖓ ᑭᐅᔭᕆᐊᒃᓴᖅ.

2016-ᒥ, ᓇᐃᓴᐃᔨᒃᑯᑦ ᑲᓇᑕᒥ ᐅᓂᒃᑲᐅᓯᖃᓚᐅᕐᓯᒪᖕᒪᑕ 65 ᐳᓴᓐᑎᖏᑦ ᓄᓇᕗᒥᐅᑕᑦ ᐃᓄᒃᑐᑦ ᐅᖃᐅᓯᖃᓪᓚᕆᒃᓯᒪᓂᕋᖅᖢᑎᒃ, ᑕᕝᕙᓂᑦᑕᐃᓐᓇᕐᓗ ᖃᐅᔨᓴᕐᓂᕐᒥᒃ, ᓇᐃᓴᐃᔨᒃᑯᑦ ᑲᓇᑕᒥᓂ ᐅᖃᒃᑲᐅᓯᖃᓚᐅᕐᒥᔪᑦ 2,000 ᓄᓇᕗᒥᐅᑕᑦ ᐅᖃᕈᓐᓇᙱᖢᑎᒃ ᖃᓪᓗᓈᑐᑦ ᐅᐃᕖᑐᓪᓘᓐᓃᑦ.

ᐅᕙᓂᓕ ᓄᓇᕗᒥᑦ ᐃᓄᐃᑦ ᐅᖃᐅᓯᖓᓂᒃ ᓴᐳᔾᔨᓯᒪᓂᕐᒧᑦ ᒪᓕᒐᖅᒥᒃ, ᑲᑐᔾᔨᖃᑎᒌᖑᔪᑦ ᓄᓇᕗᒥᑦ ᐃᓄᒃᑐᑦ ᐅᖃᐅᓯᕐᒧᑦ ᐃᓂᖃᖅᑎᑦᑎᖃᑦᑕᖁᔨᓯᒪᓪᓗᑎᒃ ᓇᓗᓇᐃᒃᑯᑎᓕᐊᕆᔭᐅᓯᒪᔪᓂᒃ.

ᓄᓇᕗᒥᒃ ᐅᖃᐅᓯᕐᓄᑦ ᑲᒥᓯᓇ, ᑳᓖᓐ ᐋᕆᐊᒃ, ᐅᖃᓚᐅᕐᓯᒪᔪᖅ ᐅᓄᕐᓯᕙᓪᓕᐊᓂᖏᓐᓂᒃ ᐃᓱᒫᓘᑎᖃᖅᑐᑦ ᐃᓄᒃᑐᑦ ᓇᓗᓇᐃᒃᑯᑎᒋᔭᐅᔪᓂᒃ ᐱᑕᖃᕆᐊᖃᕐᓂᖓᓂᒃ ᓴᖅᑭᑎᑦᑎᓯᒪᔪᖅ ᓄᓇᕗᒻᒥᐅᑕ ᐅᖃᐅᓯᖏᓐᓄᑦ ᐱᔪᓐᓇᐅᑎᖏᓐᓂᒃ ᖃᐅᔨᒪᓂᕐᓴᐅᓕᕐᓂᖏᓐᓂᒃ.

ᓄᓇᕗᒻᒥᐅᑕ ᐃᓱᒫᓘᑎᖃᕈᑎᒃ ᐅᖃᐅᓯᖏᑦᑕ ᒥᒃᓵᓄᑦ, ᐋᕆᐊᒃ ᐅᖃᓚᐅᕐᑐᖅ ᑕᒪᒃᑯᓄᖓ ᐅᖄᓚᕝᕕᐅᖃᑦᑕᖁᓪᓗᓂᐅᒃ ᑎᑎᕋᕐᕕᖓ.

2019-ᒥ, ᐹᑐᓴᓐ ᐅᖃᓚᐅᕐᓯᒪᔪᖅ ᐋᖅᑭᒋᐊᕈᑎᒃᓴᒥᒃ ᐱᑕᖃᓕᖅᑎᑦᑎᓚᐅᕐᓯᒪᓂᖓᓂᒃ ᐅᑯᐊ ᓄᓇᖃᖅᑳᖅᑐᑦ ᐅᖃᐅᓯᖏᓐᓄᑦ ᒪᓕᒐᐃ ᐅᖃᕐᓯᒪᓗᑎᒃ ᐅᑯᐊ ᒐᕙᒪᑐᖃᒃᑯᑦ ᓄᓇᖃᖅᑳᖅᑐᑦ ᐅᖃᐅᓯᖓᓂᒃ ᓴᖅᑭᔮᖅᑎᑦᑎᕙᒡᓗᑎᒃ ᐃᓄᒋᐊᓂᕆᔭᐅᔪᑦ ᒪᓕᒃᑕᐅᓗᑎᒃ. ᑭᓯᐊᓂᓕ ᑖᓐᓇ ᐋᖅᑭᒋᐊᕈᑎᒃᓴᖅ ᐊᓂᒍᖅᑎᑕᐅᓚᐅᕐᓯᒪᙱᒻᒪᑦ ᒪᓕᒐᓕᕆᕕᔨᔪᐊᒥᑦ House of Commons.

ᑕᒪᓐᓇᓕ ᐊᕐᕌᒍ ᐱᒋᐊᓕᓵᐸᓗᒃᑎᓪᓗᒍ, ᓄᓇᕗᒧᑦ ᒪᓕᒐᓕᐅᖅᑎᐅᓚᐅᕐᑐᖅ ᒪᒥᓛᖅ ᖃᖅᑲᖅ ᓴᖅᑭᑎᑦᑎᓚᐅᕐᓯᒪᖕᒪᑦ ᓄᓇᖃᖅᑳᖅᑐᑦ ᐅᖃᐅᓯᖓᓄᑦ ᒪᓕᒐᒃᓴᒥᒃ ᐆᒧᖓ ᒐᕙᒪᑐᖃᒃᑯᑦ ᓂᕈᐊᕈᑎᖏᑦ ᓄᓇᕗᒥ ᐃᓄᒃᑐᑦ ᐅᖃᐅᓯᕐᒥ ᐃᓚᖃᖃᑦᑕᕐᓗᑎᒃ, ᑭᓯᐊᓂᓕ ᑖᓐᓇ ᐊᓂᒍᖅᑎᑕᐅᓚᐅᕐᓯᒪᙱᒻᒪᑦ House of Commons-ᑯᓐᓂᒃ ᐊᒻᒪ ᐊᓯᐅᑐᐃᓐᓇᖅᖢᓂ ᐋᒐᓯᒥ.

ᓄᑖᓂ ᐅᖃᐅᓯᕐᓂᒃ ᓂᕈᐊᕈᑎᓂᒃ ᐋᖅᑭᒃᓱᐃᓂᐊᕐᓗᓂ ᐊᒃᓱᕈᕐᓇᕋᓗᐊᖅᑎᓪᓗᒍ, ᐹᑐᓴᓐ ᐅᖃᖅᑐᖅ, ᖃᓄᐃᓕᐅᕐᓂᖅ ᐃᒪᓐᓇ ᐃᓄᒃᑐᑦ ᑎᑎᕋᕐᓗᓂ ᓴᖅᑭᔮᕆᐊᓕᒃᑯᑦ ᐋᖅᑭᒐᕐᓂᕐᓂᕋᖅᖢᓂᐅᒃ.

“ᐃᓱᒫᓘᑎᒋᓗᐊᖅᑕᕋᓕ ᑕᒪᓐᓇ ᑕᐃᒪᐃᒃᑲᓐᓂᖁᙱᖢᑎᒍᑦ,” ᐹᑐᓴᓐ ᐅᖃᖅᑐᖅ.

Share This Story

(0) Comments