‘ᓇᓗᓇᐃᒃᑯᑎ ᐊᐅᐸᖅᑐᖅ’ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐅᓂᒃᑳᑦ ᑐᓴᖅᑕᐅᓕᓵᙱᑦᑐᑦ ᓄᓇᕗᒻᒥᐅᓂ

ᒪᐃᑯᓪ ᕘᒍᓴᓐ ᖁᒃᓴᓪᓚᒍᑎᖃᙱᑦᑐᖅ ᐅᑯᓂᖓ ᔫᓇᐃᑕᑦ ᓇᐃᓴᓐᔅᑯᑦ ᐅᓂᒃᑳᖏᓐᓂᒃ ᓄᑖᓂᒃ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐅᖃᖅᓯᒪᓪᓗᑎᒃ ᓄᓇᕐᔪᐊᖅ ᑎᑭᐅᑎᕙᓪᓕᐊᓂᖓᓂᒃ ‘ᓇᓗᓇᐃᒃᑯᑎ ᐊᐅᐸᖅᑐᖅ’ᒧᑦ ᓯᓚᐅᑉ ᐊᓯᙳᖅᐸᓪᓕᐊᓂᕐᒧᑦ.

“ᐅᓇ ᓲᕐᓗ ᑕᐃᕕᑦ ᐊᒻᒪ ᒐᓚᐃᔭᑦᑎᑑᖓᔪᖅ,” ᐅᖃᖅᑐᖅ ᕘᒍᓴᓐ, ᐆᒪᔪᓕᕆᔨᕐᔪᐊᒃᑯᓐᓄᑦ ᖃᐅᔨᒪᔨ ᐅᑯᓄᖓ ᕿᑭᖅᑖᓗᒃᒥᑦ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᓄᑦ.

ᐅᑯᐊ ᐅᓂᒃᑳᑦ, ᓴᖅᑭᑕᐅᓚᐅᖅᑐᑦ ᓄᓇᕐᔪᐊᕐᒥ ᑲᑐᔾᔨᖃᑎᒌᓄᑦ ᒐᕙᒪᓕᕆᔨᐅᔪᓄᑦ ᐅᖃᐅᓯᖃᖅᖢᑎᒃ ᓯᓚᐅᑉ ᐊᓯᙳᖅᐸᓪᓕᐊᓂᖓᓂᒃ ᐱᓇᓱᐊᕈᓯᐅᓚᐅᕐᑐᒥᓐ, ᐅᖃᖅᓯᒪᔪᑦ ᓄᓇᕐᔪᐊᕐᒥᓐ ᐅᖅᓱᐊᓗᖕᒥᙶᖅᑐᑦ ᓯᓚᐃᓐᓇᕐᒧᐊᖅᐸᓪᓕᐊᔪᑦ ᐱᑕᖃᕈᓐᓃᖅᐹᓪᓕᙱᑉᐸᑦ, ᓄᓇᕐᔪᐊᒥ ᐅᖅᑰᓂᕆᔭᐅᔪᖅ ᐅᖅᑰᓯᕚᓪᓕᕋᔭᕐᓂᖓᓂᒃ 1.5 C ᑕᐃᒪᙵᓂᒃ ᓴᓇᕝᕕᖕᓂ ᐱᑕᖃᖃᑦᑕᓕᓚᐅᕐᓯᒪᖕᒪ ᐊᕐᕌᒎᓕᕐᑐᓂᒃ ᐊᕙᑐᓂᒃ ᑐᖔᓂᓪᓘᓐᓃᑦ.

ᐅᓇ ᐅᓂᒃᑳᖅ ᐅᖃᖅᓯᒪᔪᑦ ᑕᒪᓐᓇ ᐊᑐᖅᑕᐅᕙᓪᓕᐊᓂᐅᔪᖅ ᐊᓂᒍᕋᓱᖕᓂᐊᕐᓗᒍ ᐅᓗᕆᐊᓇᕐᑐᓂ ᐊᑐᕆᐊᖃᕐᓇᑐᐃᓐᓇᕆᐊᓕᒃ, ᐃᓚᖃᕐᓗᓂ ᑕᕆᐅᖅ ᐃᒪᖃᒃᑲᓐᓂᕐᓴᐅᒻᒪᕆᓕᕐᓗᓂ ᐊᒻᒪᓗ ᐊᐅᔭᒃᑯᑦ ᓯᑯᖃᕈᓐᓃᕐᓗᓂ ᐅᑭᐅᕐᑕᖅᑐᕐᒥ ᐅᓇ ᑎᑭᓚᐅᖅᑎᓐᓇᒍ 2050, ᑕᒪᓐᓇᑦᑕᐅᖅ ᐊᒃᑐᐃᓂᖃᕋᔭᕆᓪᓗᓂ ᐅᑭᐅᕐᑕᖅᑐᕐᒥ ᐆᒪᔪᓂᒃ. ᑕᒪᓐᓇ ᑕᐃᒪᐃᒃᑲᓗᐊᕐᑎᓪᓗᒍ ᓄᓇᐅᑉ ᐊᑖᓂ ᓯᑯᑐᖃᖅ ᐊᐅᓕᑐᐃᓐᓇᕆᐊᖃᕋᓱᒋᔭᐅᔪᖅ ᐅᑭᐅᕐᑕᖅᑐᕐᒥᐅᓄᓪᓗ ᐅᓗᕆᐊᓇᖅᑐᖅᓯᐅᕈᑎᐅᓗᓂ ᒪᑯᓄᖓ ᐱᖁᑎᓄᑦ, ᐃᒡᓗᒋᔭᐅᔪᓄᓪᓗ ᑎᑭᑉᐸᓪᓕᐊᓇᓱᖕᓂᖓᓂᒃ, ᐅᖃᖅᓯᒪᔪᑦ ᐊᓯᐊᒍᖔᖅ ᓄᓇᕐᔪᐊᕐᒥ ᑲᑐᔾᔨᖃᑎᒌᓄᑦ ᐅᓂᓄᒃᑳᑦ 2019-ᒥᑦ ᑎᑎᕋᖅᑕᐅᓯᒪᔪᓂᒃ.

ᐅᑯᐊ ᐅᖃᐅᓯᐅᓵᕐᓂᑯᑦ ᐅᓂᒃᑳᑦ 3,949-ᓂ ᒪᒃᐱᒐᖃᖅᑐᑦ, ᐊᒻᒪᓗ ᓇᓕᐊᓪᓘᓐᓃᑦ ᐅᖃᐅᓯᖃᙱᖢᓂ ᐃᓄᖕᓄᑦ ᖃᐅᔨᔭᐅᓯᒪᔪᓂᒃ. ᐅᓇ ᐊᑯᓂᐊᓗᒃ ᓈᒻᒪᙱᓕᐅᕈᑎᐅᓯᒪᖕᒪᓐ ᐅᑭᐅᕐᑕᖅᑐᕐᒥ ᖃᐅᔨᓴᖃᑦᑕᕐᓂᖅ ᐱᓕᕆᐊᖑᕙᖕᓂᖓᓂᒃ, ᐅᖃᖅᑐᖅ ᕘᒍᓴᓐ.

ᐅᑭᐅᕐᑕᖅᑐᖅ ᐅᖅᑰᓯᕙᓪᓕᐊᓛᖑᖕᒪᓐ ᓄᓇᕐᔪᐊᓕᒫᒥᒃ, ᐅᑯᐊ 2019-ᒥᑦ ᐅᓂᒃᑳᑦ ᑲᒪᒋᔭᐅᓯᒪᔪᕕᓃᑦ ᐊᕙᑎᓕᕆᔨᒃᑯᓐᓄᑦ ᐊᒻᒪ ᓯᓚᐅᑉ ᐊᓯᙳᖅᐸᓪᓕᐊᓂᐊᓄᑦ ᑲᓇᑕᒥ (ECCC), ᐊᒻᒪᓗ ᑕᒪᓐᓇ ᓄᓇ ᐊᖏᓗᐊᕐᓂᖓᓄ ᐊᒃᓱᕈᕈᓘᔭᕐᓇᕋᔭᖅᖢᓂ ᖃᐅᔨᓴᕋᓱᖕᓂᐊᕐᓗᓂ ᖃᓄᐃᔾᔪᑎᐅᔭᕆᐊᒃᓴᖓᓂᒃ ᑕᒫᓂ. ᐅᓄᙱᒻᒪᑕ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᖃᐅᔨᓴᖅᑎᐅᔪᑦ ᐅᑭᐅᕐᑕᖅᑐᒦᑦᑐᑦ ᑕᒪᐅᙵᖅᐸᒃᑐᓪᓘᓐᓃᑦ ᑕᐅᑐᒃᖢᒋᓪᓕ ᐃᓄᐃᑦ ᑕᒫᓃᖏᓐᓇᐅᔭᖅᑐᑦ ᐊᑯᓂᐊᓗᒃ, ᐅᕘᓇᓕ ᕘᒍᓴᓐᑐᑦ.

“ᐊᔪᕐᓇᖅᑐᐊᓘᖕᒪ, ᒐᕙᒪᒃᑯᑦ ᖃᐅᔨᓴᖅᑎᓄᐊᖅᑳᖃᑦᑕᕐᑕᒪ,” ᐅᖃᖅᑐᖅ.

ᑕᒪᓐᓇ ᓴᖅᑭᑎᒃᑲᓐᓂᕋᓱᒃᖢᓂᐅᒃ, ᕘᒍᓴᓐ ᓇᓄᕐᓂᒃ ᓇᓗᓇᐃᒃᑯᑎᖃᓚᐅᕐᑐᖅ. ᑕᒪᒃᑯᐊ ᖃᐅᔨᓴᖅᕕᐅᕙᒃᑐᑦ ᓄᓇᓖᑦ ᑕᐅᑐᖕᓂᖅᓴᐅᖃᑦᑕᖅᓯᒪᖕᒪᑕ ᐆᒪᔪᓂᒃ ᐅᓗᕆᐊᓇᖅᑐᒦᑦᑐᓂᒃ ᒪᑐᒧᖓ ᐅᑭᐅᕐᑕᖅᑐᖅ ᐅᖅᑰᓯᕙᓪᓕᐊᓂᖓᓄᑦ, ᐅᖃᖅᖢᓂ ᐃᓄᐃᑦ ᐊᓯᙳᖅᐸᓪᓕᐊᔪᒧᑦ ᓱᖏᐅᑎᕙᓪᓕᐊᓂᕋᖅᖢᓂᒋᑦ.

ᔭᐃᒻᔅ ᒪᑲᓐᔨ, ᐊᐅᓚᑦᑎᔨᐅᓚᐅᕐᓯᒪᔪᖅ ᑲᓇᑕᒥ ᖃᐅᔨᓴᖅᑎᒧᑦ ᖃᐅᔨᓴᕈᑎᒋᔭᐅᔪᒥ ᓯᓚᐅᑉ ᐊᓯᙳᖅᐸᓪᓕᐊᓂᖓᓂᒃ 2018-ᖑᑎᓪᓗᒍ ᓄᓇᕗᒥᑦ, ᐊᖏᕐᒥᔪᖅ ᐃᓄᐃᑦ ᖃᐅᔨᒪᓂᖏᑦ ᐃᓚᐅᑎᑕᐅᖃᑦᑕᕆᐊᖃᕐᓂᖏᓐᓂᒃ ᐊᑐᐊᒐᓕᐅᕐᓂᒃᑯᑦ ᐃᓱᒪᓕᐅᕆᑎᓪᓗᒋᑦ.

“ᐃᓱᒪᔪᖓᓕ ᐃᓄᖕᓄᑦ ᐱᒻᒪᕆᒋᔭᐅᔪᑦ ᖃᐅᔨᒪᔭᐅᔪᑦ ᐃᑲᔫᑎᒻᒪᕆᐅᓇᔭᕐᓂᖏᓐᓂᒃ ᐃᓱᒪᓕᐅᕆᔨᐅᕙᒃᑐᓄᑦ,” ᐅᖃᖅᑐᖅ.

ᒪᑲᓐᔨ ᐅᖃᓚᐅᕐᒥᔪᖅ ᐅᒃᐱᕈᓱᖕᓂᕋᖅᖢᓂ ᓄᓇᕐᔪᐊᕐᒥ ᑲᑐᔾᔨᖃᑎᒌ (UN) ᐅᓂᒃᑳᖓ ᐊᑐᕈᑎᖃᕐᓂᖓᓂᒃ ᓲᖃᐃᒻᒪ ᓯᓚᐅᑉ ᐊᓯᙳᖅᐸᓪᓕᐊᓂᖓ ᑲᒪᒋᔭᐅᔭᕆᐊᖃᕐᒪᓐ ᑭᓯᐊᓂᓕ ᑕᒪᑐᒧᖓ ᐊᑐᐊᒐᓕᐅᕐᓂᐊᕐᓗᑎᒃ ᐃᓄᖕᓄᑦ ᐃᓱᒪᒋᔭᐅᔪᑦ ᐃᓱᒪᒋᔭᐅᖃᑕᐅᔭᕆᐊᖃᕐᒪᑕ.

“ᐊᔾᔨᒋᙱᑕᓪᓛᓗᒋᖕᒪᒍᑦ ᑲᓇᑕᐅ ᐊᓯᐊᓃᑦᑐᓄᑦ,” ᒪᑲᓐᔨ ᐅᖃᖅᑐᖅ.

ᐆᒧᖓᓕ ᓯᕗᓕᐅᖅᑎ ᔫ ᓴᕕᑲᑖᖅᒧᑦ, ᓯᓚᐅᑉ ᐊᓯᙳᖅᐸᓪᓕᐊᓂᖓᓂᒃ ᓱᖏᐅᑎᕙᓪᓕᐊᓂᖅ ᐱᒻᒪᕆᐊᓘᓂᕋᖅᑕᖓ. ᐅᖃᖅᖢᓂ ᐃᒡᓗᐃᑦ ᓄᓇᕗᒦᑦᑐᑦ ᐃᓂᖏᓐᓂᒃ ᖁᕝᕙᕆᐊᖅᑕᐅᔭᕆᐊᖃᕐᓂᐊᕐᒪᑕ ᐊᐅᒃᐸᓪᓕᐊᓂᖓᓄᑦ ᓄᓇᐅᑉ ᐊᑖᓃᑦᑑ.

“ᐅᓇ ᑮᓇᐅᔭᖃᓪᓚᖕᓂ ᐊᑐᕆᐊᖃᕐᓇᕐᓂᐊᖅᑐᖅ ᑭᓯᐊᓂᓕ ᐱᓕᕆᐊᕆᔭᕆᐊᖃᕋᑦᑎᒍᑦ,” ᐅᖃᖅᑐᖅ.

ᐅᓇ ᓄᓇᕐᔪᐊᕐᒥ ᑲᑐᔾᔨᖃᑎᒌᓄᑦ 6-ᒋᓕᖅᑕᖓ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐅᓂᒃᑳᓕᐊᖏᓐᓂᒃ.