ᓛᑯᓗᒃ ᕗᐃᓕᐊᒻᓴᓐ ᐹᑐᕆ 2021 Sobey Art Awardᒥ ᐃᓕᓴᕆᔭᐅᔾᔪᑎᑖᖅᐳᖅ ᑲᓇᑕᒥ ᓴᖅᑭᔮᒐᖃᕐᒥᒃᒥ (National Gallery of Canada) ᐋᑐᕚᒥ ᓈᑦᑏᖑᔭᓛᕐᓂᐊᑉ ᐅᓐᓄᖓᓂᒃ. (ᐊᔾᔨᙳᐊᖅ ᐅᑯᓇᙵᑦ Sobey Art Award/Twitter)

ᓛᑯᓗᒃ ᕗᐃᓕᐊᒻᓴᓐ ᐹᑐᕆ ᓵᓚᒃᓴᖅᑐᖅ Sobey Art Award (ᓲᐱ ᖁᙱᐊᒐᒃᓴᓄᑦ ᐃᓕᓴᕆᔭᐅᔾᔪᑎ)

ᐃᓄᒃ ᖁᙱᐊᖅᑕᐅᕙᒃᑐᖅ ᐱᑖᖅᑎᑕᐅᕗᖅ $100,000ᓂ ᖁᑦᑎᖕᓂᖅᐹᖅ ᓵᓚᒃᓴᐅᓯᐊᖅᑖᕈᑎ ᑲᓇᑕᒥᐅᓄᑦ ᖁᙱᐊᒐᒃᓴᐅᕙᓪᓕᐊᔪᓄᑦ

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For an English version of this story, see Laakkuluk Williamson Bathory wins Sobey Art Award.

ᓛᑯᓗᒃ ᕗᐃᓕᐊᒻᓴᓐ ᐹᑐᕆ, ᐃᓄᒃ ᖁᙱᐊᒐᒃᓴᐅᕙᒃᑐᖅ ᐃᖃᓗᖕᓂ ᓄᓇᖃᖅᖢᓂ, ᓵᓚᒃᓴᖅᑐᖅ 2021 ᓲᐱ ᖁᙱᐊᒐᒃᓴᓄᑦ ᐃᓕᓴᕆᔭᐅᔾᔪᑎᒥᒃ (Sobey Art Award) ᐊᒻᒪᓗ ᑮᓇᐅᔭᓂᒃ $100,000 ᐃᓚᒋᔭᐅᕙᒃᑐᒥᒃ

ᓵᓚᒃᓴᐅᓯᐊᕐᑐᖅ ᐊᕐᕌᒍᑕᒫᑦ ᓵᓚᒃᓴᕈᑎᐅᕙᒃᑐᒥᑦ ᖁᙱᐊᒐᒃᓴᓂᒃ ᐃᓕᓴᕆᔭᐅᕙᓪᓕᐊᔪᓄᑦ ᑲᓇᑕᒥ ᐅᖃᐅᓯᐅᓚᐅᕐᑐᖅ ᖃᐃᖁᔭᐅᓯᒪᔪᑦ ᑲᑎᖃᑎᒌᕈᓘᔭᖅᑎᓪᓗᒋᑦ ᐅᕙᓂ ᑲᓇᑕᒥ ᑕᑯᔭᒐᖃᕐᕕᒃᒥᑦ (National Gallery of Canada) ᐋᑐᕚᓂ ᓈᑦᑏᖑᔭᓛᕐᓂᐊᑉ ᐅᓐᓄᖓᓂᒃ.

“ᕗᐃᓕᐊᒻᓴᓐ ᐹᑐᕆᐅᑉ ᖁᙱᐊᖅᑕᐅᓂᖓ ᐃᓱᒪᒋᔭᐅᓯᒪᔪᓂ ᓱᓕᔪᓐᓃᖅᑰᔨᓯᒪᕗᖅ ᖃᓄᐃᓕᐅᕈᑎᖓᒍᑦ,” ᓵᓚᒃᓴᐅᓯᐊᒧᑦ ᓂᕈᐊᖅᑎᐅᓂᑯᑦ ᐅᖃᓚᐅᕐᑐᑦ ᑐᓴᒐᒃᓴᓕᐊᒃᑐᑦ ᐅᑯᑎᒎᓇᖅ ᑲᓇᑕᒥ ᑕᑯᔭᒐᖃᕐᕕᒃᑯᑦ ᑐᓴᖅᑎᑎᓪᓗᒋᑦ ᓵᓚᒃᓴᖅᑐᓂᒃ.

“ᐱᓕᕆᐊᕆᕙᒃᑕᖏᑦ ᑕᐅᑐᒃᑎᑦᑎᔾᔪᑎᐅᕙᒃᑐᑦ ᐊᒃᑐᐊᔾᔪᑎᒋᔭᐅᔪᓂᒃ ᓄᓇᒥ, ᐃᓚᒋᔭᐅᔪᓂᒃ, ᓄᓇᓕᖕᓂᒃ ᐊᒻᒪᓗ ᐃᓕᖅᑯᓯᒃᑯᑦ ᖃᐅᔨᒪᔭᐅᔪᓂᒃ.”

ᕗᐃᓕᐊᒻᓴᓐ ᐹᑐᕆ ᐃᓚᒋᔭᐅᓚᐅᕐᒪᑦ ᑕᓪᓕᒪᓂᒃ ᓂᕈᐊᖅᑕᐅᓂᑯᓂᒃ ᓴᓚᒃᓴᐅᓯᐊᒧᑦ ᑕᒪᓐᓇ ᐊᕐᕌᒍ ᐱᒋᐊᓕᓵᕐᓯᒪᑎᓪᓗᒍ, ᑖᓐᓇᓗ ᐃᑲᔫᓯᐊᖅᑖᕈᑎᖃᕐᖢᓂ ᐅᑯᓇᙵᑦ ᓲᐱ ᑕᑯᔭᒐᕐᓴᓄᑦ ᑐᙵᕕᒃᑯᓐᓂᑦ (Sobey Art Foundation).

ᕗᐃᓕᐊᒻᓴᓐ ᐹᑐᕆ ᐅᖃᓚᐅᕐᑐᖅ ᓄᓇᑦᓯᐊᕐᒥ ᐱᕙᓪᓕᐊᒧᓄᑦ ᐊᐱᖅᓱᖅᑕᐅᓪᓗᓂ ᐱᓇᓱᐊᕈᓯᐅᓚᐅᕐᑐᒥ ᐃᓱᒪᒋᔭᐅᓂᖓᓂ ᓂᕆᐅᒪᐅᙱᓐᓂᕋᖅᖢᓂ ᐅᑯᓇᓂ ᑕᓪᓕᒪᓂ ᐃᓚᐅᓂᕋᖅᑕᐅᑎᓪᓗᒍ ᐊᒻᒪᓗ “ᖁᕕᐊᓲᑎᐅᓂᐊᕆᐊᒃᓴᖅ ᐃᓱᒪᓚᐅᕐᓯᒪᙱᖢᖓ.”

ᕗᐃᓕᐊᒻᓴᓐ ᐹᑐᕆᐅᑉ ᖃᓄᐃᓕᐅᕈᓯᖓ ᐅᕙᙶᕐᓂᕋᓚᐅᕐᑕᖓ ᑲᓛᖡᑦ ᐃᓄᐃᑦ ᐃᓕᖅᑯᓯᖓᓂᒃ. ᐅᔾᔨᕐᓇᓗᐊᖅᖢᓂ ᐅᓇ “ᓇᓐᓄᑉᐳᒍᑦ!” ᐅᕙᙶᑦ ᐱᒋᐊᕈᑎᖃᖅᖢᓂ ᓇᓐᓄᓚᐅᕐᓯᒪᓂᖓᓂ ᐃᒡᓗᕋᓛᕐᒦᖢᓂ ᓄᓇᕗᒥᒃ. ᐅᓇ ᓴᕿᔮᖅᑎᑕᐅᔪᖅ ᑕᑯᔭᒐᖃᕐᕕᒃᒥ ᑲᓇᑕᒥ ᕕᕝᕗᐊᕆ ᑎᑭᒐᓱᖕᓂᖓᓂ.

ᐅᑯᐊ ᑎᓴᒪᑦ ᓵᓚᒃᓴᖃᑕᐅᓇᓱᒃᑐᕕᓃᑦ — ᓗᐊᓇ ᐸᐅᕙ, ᕆᒥ ᐸᓚᕘ, ᒑᐱ ᑕᐅ, ᐊᒻᒪ ᐅᕇᓂ ᐱᕆᕋ — ᐊᑐᓂ ᑖᒃᑯᐊ $25,000-ᓂ ᑐᓂᔭᐅᓚᐅᕐᑐᑦ ᐃᓕᓴᕆᔭᐅᔾᔪᑎᓕᕆᔨᒃᑯᓐᓂᑦ, ᑐᓴᒐᒃᓴᓕᐊᖑᔪᖅ ᐅᖃᕐᓯᒪᓚᐅᕐᑐᖅ.

Share This Story

(0) Comments

Join the Conversation

Your email address will not be published. Required fields are marked *

*