ᓱᕈᓯᓕᕆᓂᖅ ᐊᒻᒪ ᐃᓛᒌᓄᑦ ᐃᑲᔫᑎᒃᓴᑦ ᐊᖏᒡᓕᒋᐊᖅᐳᖅ ᓄᓇᕕᒻᒥ

ᖄᓄᐃᙱᓐᓂᒃᑯᑦ ᑮᓇᐅᔭᓕᐅᖅᐸᓪᓕᐊᓂᐅᔪᖅ ᑯᐸᐃᒃ ᐱᓂᐊᕐᓂᕋᓚᐅᖅᑕᖏᓐᓂᒃ ᐊᑐᖅᑎᑦᑎᓵᓕᕗᑦ

ᓱᕈᓰᑦ ᐊᒻᒪ ᐃᓕᓴᐃᔨᐅᔪᑦ ᐅᕙᓃᑎᓪᓗᒋ ᐊᖃᐃᕕᒃ ᓱᕈᓯᓛᓕᕆᕝᕕᒃᒥᑦ ᑲᖏᖅᓱᐊᓗᔾᔪᐊᖅᒥᑦ 2016-ᖑᑎᓪᓗᒍ. ᑕᐃᔅᓱᒪᓂ ᐊᕐᕌᒍᒥᓐ ᑯᐸᐃᒃ ᒐᕙᒪᒃᑯᑦ ᐃᓚᒋᐊᕐᓯᓚᐅᕐᓯᒪᔪᑦ ᐃᑲᔫᑎᐅᓂᐊᖅᑐᓂᒃ ᐃᓚᒋᔭᐅᔪᓄᑦ ᓱᕈᓯᓛᓕᕆᕝᕕᖕᒦᑦᑐᓂᒃ, ᒪᓕᒡᓗᓂ ᐃᓛᒌᑦ ᑮᓇᐅᔭᓕᐊᒋᓐᓂᒃ. ᓄᕕᐱᕆ 7, 2019-ᒥᑦ ᑕᒪᒃᑯᐊ ᐃᑲᔫᑎᒃᓴᐅᑎᑕᐅᔪᑦ ᐊᑐᕈᓐᓃᖅᑎᑕᐅᓚᐅᕐᓯᒪᔪᑦ, ᓱᕈᓯᓛᓕᕆᕝᕕᖕᒧᑦ ᐊᑭᓕᐅᑎᒃᓴᑦ ᐋᖅᑭᒃᑕᐅᓪᓗᓂ $8.25 ᐅᓪᓗᕐᒧᑦ. (ᐊᔾᔨᙳᐊᖅ ᐅᑯᓇᙵᑦ nunavikchildcare.ca)

By ᐃᓚᐃᓐ ᐊᓐᓱᒥ

For an English version of this story, see Child-care and family subsidies to increase in Nunavik

ᑮᓇᐅᔭᓕᐅᕈᑎᐅᔪᑦ ᐋᖅᑭᒋᐊᖅᑕᐅᓂᖏᓐᓄᑦ ᑯᐸᐃᒃᒥᑦ ᑮᓇᐅᔭᖅᑖᕈᑎᐅᒃᑲᓐᓂᓕᕐᐳᖅ ᐃᓚᒌᓄᑦ ᐊᒻᒪ ᓱᕈᓯᓕᕆᓂᕐᒧᑦ ᐱᔨᑦᑎᕋᐅᑎᓄᑦ ᑯᐸᐃᒃᒥᑦ, ᐃᓚᐅᓪᓗᓂ ᓄᓇᕕᒃ.

ᑯᐸᐃᒃ ᑮᓇᐅᔭᓕᐅᕈᑎᖏᑦ ᓇᓗᓇᐃᖅᑕᐅᓯᒪᓚᐅᕐᐳᑦ ᒫᓂ 2.4 ᐳᓴᓐᑎᒥᑦ 2018/19-ᒧᑦ, ᑖᓐᓇᓕ 0.6 ᐳᓴᓐᑎᒥ ᐊᖏᓂᕐᓴᐅᔪᖅ ᐃᓱᒪᒋᔭᐅᓚᐅᕐᑐᒥᑦ.

ᑖᔅᓱᒪᓕ, ᑯᐸᐃᒃ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᑦ, ᐃᐅᕆᒃ ᔨᕌᑦ, ᑐᓴᖅᑎᑦᑎᓚᐅᕐᑐᖅ ᓄᕕᐱᕆ 7-ᒥᑦ ᐅᓇ $857 ᒥᓕᐊᓐ ᑖᓚᐃᑦ ᐅᖃᐅᓯᐅᓯᒪᔪᓂᒃ ᒪᓕᒃᓯᒍᑎᐅᓂᐊᕐᓂᖏᓐᓂᒃ ᑐᖓᐅᑦᑎᓪᓗᓂ ᐊᕐᕌᒍᓂ ᐃᓱᒪᒋᔭᐅᓂᑯᒥᑦ. ᒪᕐᕉᖕᓂᒃ ᑕᕝᕙᙵᑦ ᐱᔪᖃᓪᓚᕆᖕᓂᐊᖅᑐᖅ ᐅᑯᐊ ᑐᓱᒋᔭᐅᕌᓂᒃᓯᒪᓕᕐᑐᖅ ᓱᕈᓯᓕᕆᓂᕐᒧᑦ ᐃᑲᔫᓯᐅᕙᒃᑐᑦ ᐊᒻᒪ ᓱᕈᓯᖃᖅᑐᓄᑦ ᐃᑲᔫᑎᑦ.

“ᓄᑖᙳᕆᐊᖅᑎᑦᑎᒍᑎ ᑯᐸᐃᒃ ᑮᓇᐅᔭᓕᐅᕈᑎᖏᓐᓄᑦ ᐊᒻᒪ ᑮᓇᐅᔭᖃᕐᓂᖓᓄᑦ ᓴᖅᑭᑎᑦᑎᓯᒪᔪᖅ ᑯᐸᐃᒃ ᑕᒪᐅᓇ ᐊᓂᒍᐃᑦᑎᐊᕐᓯᒪᓂᖓᓂᒃ,” ᔨᕌᑦ ᐅᖃᖅᑐᖅ ᑐᓴᒐᒃᓴᓕᐅᖅᑎᓪᓗᒋᑦ. “ᑮᓇᐅᔭᓕᐅᕐᓂᒃᑯᑦ ᐱᕈᖅᐸᓪᓕᐊᓂᖅ ᑯᐸᐃᒃᒥᑦ ᐱᕕᖃᕈᑎᒋᕙᕗᑦ ᒥᒃᖠᕚᓪᓕᖅᑎᑦᑎᔪᓐᓇᕐᓂᕐᒥᒃ ᐊᑭᓕᒃᓴᓂᒃ ᐊᒻᒪᓗ ᒐᕙᒪᒃᑯᑦ ᐱᓂᐊᕐᓂᕋᖅᓯᒪᔭᖏᓐᓂᒃ ᐱᒋᐊᓕᖅᑎᑦᑎᓗᑎᒃ.”

ᑖᔅᓱᒧᖓᓕ ᐃᑲᔫᑎᒧᑦ, ᑯᐸᐃᒃ ᐊᑐᕈᓐᓃᖅᑎᑦᑎᔪᖅ ᐃᑲᔫᑎᒃᓴᒃᑲᓐᓂᐅᑎᑕᐅᓂᑯᓂᒃ ᐃᓚᒌᓄᑦ ᓱᕈᓯᓕᕆᓂᕐᒧᑦ ᐊᑐᓕᖅᑎᑕᐅᓂᑯ ᕕᓕᑉ ᑯᐃᓛᑦ ᓕᐳᕈᓪ ᒐᕙᒪᒋᓚᐅᖅᑕᖏᓐᓄᑦ 2016-ᒥᑦ.

ᑕᕝᕘᓇ ᐱᓕᕆᐊᑎᒍᑦ, ᐃᓚᒋᐊᒃᑲᓐᓂᕐᓯᔪᑦ ᐃᑲᔫᑎᒃᓴᓄᑦ ᓱᕈᓯᓕᕆᓂᕐᒧᑦ ᖄᖓᒍᑦ ᐊᑭᓕᐅᑎᒃᓴᖅ ᐅᓪᓗᕐᒧᑦ ᑮᓇᐅᔭᓕᐅᕐᓂᙳᖅᑎᑕᐅᓪᓗᓂ. ᑖᓐᓇ ᐃᑲᔫᑎᒃᓴᖅ ᐃᓚᒋᐊᖅᑕᐅᓚᐅᕐᑐᖅ $15 ᑖᓚᓂᒃ ᐅᓪᓗᕐᒧᑦ ᖁᑦᑎᖕᓂᕐᓴᓂᒃ ᑮᓇᐅᔭᓕᐅᕐᐸᒃᑐᓄᑦ. ᐃᓚᒌᓪᓕ ᑮᓇᐅᔭᓕᐅᕐᐸᒃᑐᑦ $50,000 ᑖᓚᐃᑦ ᑐᙶᓂᒃ ᐃᓚᒋᐊᖅᑕᐅᓚᐅᙱᑦᑐᑦ ᐃᑲᔫᑎᑎᒍᑦ.

ᓄᕕᐱᕆ 7-ᒥ ᑐᓴᒐᒃᓴᐅᔪᑦ ᐅᑎᖅᑎᑦᑎᒍᑎᐅᓂᐊᕐᑐᖅ ᑯᐸᐃᒃᒥᑦ ᐸᐃᕆᕝᕕᖕᓄᑦ ᐊᑭᓕᐅᑎᒥᑦ $8.25, ᐊᑐᕈᓐᓃᕐᓗᓂ ᐊᑭᓕᐅᑎᒃᓴᒃᑲᓐᓂᐅᓇᔭᖅᑐᑦ ᑕᒪᐃᓐᓄᑦ ᑮᓇᐅᔭᓕᐅᕐᑐᓄᑦ.

ᐅᓇ ᓄᑖᖅ ᐊᑭᓕᐅᑎᒃᓴᖅ ᓄᓇᕕᒃᒥ ᐊᑐᖅᑕᐅᓂᐊᕐᑐᖅ ᐅᑯᑎᒎᓇᖅ ᑲᑎᕕᒃ ᓄᓇᓕᓕᒫᑦ ᒐᕙᒪᒃᑯᑦ ᐱᓕᕆᐊᖓᒍᑦ ᓄᓇᕕᒃᒥ ᓱᕈᓯᓕᕆᓂᕐᒨᖓᔪᑎᒍᑦ.

ᐅᑯᑎᒎᓇᕐᓕ ᑯᐸᐃᒃ ᑐᓴᒐᒃᓴᓕᐊᖓᒍᑦ, ᐅᓇ ᓄᑖᖅ ᐊᑭᓕᐅᑎᒃᓴᖅ ᑕᒪᑐᒧᖓ ᐊᕐᕌᒍᒨᖓᓂᐊᖅᖢᓂ, ᐊᒻᒪᓗ ᐅᑯᐊ ᑐᓴᒐᒃᓴᓕᐅᕐᑎᑦ ᒪᓐᑐᕆᐊᓪ ᒐᔭᑦᑯᑦ ᐅᓂᒃᑲᐅᓯᖃᓚᐅᕐᑐᑦ ᑕᒪᓐᓇ ᐱᒋᐊᕐᕕᖃᖅᑎᑕᐅᓂᐊᕐᓂᖓᓂᒃ ᔭᓄᐊᕆ 1, 2019-ᒥᑦ.

ᐱᓇᓱᐊᕈᓯᐅᓚᕐᑐᒥᓪᓕ, ᐊᖓᔪᖅᑳᕆᔭᐅᔪᑦ ᐸᐃᕆᓂᕐᒥᑦ ᐱᔨᑦᑎᕋᐅᑎᓕᕆᓂᕐᒧᑦ ᑲᑎᕕᒃ ᓄᓇᓕᓕᒫᑦ ᒐᕙᒪᖓᓂᒃ, ᔫᓕ-ᐋᓐ ᐲᑎ, ᑐᓴᖅᑎᑕᐅᓚᐅᙱᑦᑐᖅ ᖃᓄᖅ ᖃᑯᒍᓘᓐᓃᑦ ᑕᒪᒃᑯᐊ ᐊᑭᓕᐅᑎᒃᓴᐅᓕᖅᑐᑦ ᓄᓇᕕᒃᒥᑦ ᐱᒋᐊᕋᔭᕆᐊᒃᓴᖏᓐᓂᒃ.

ᓯᕗᓕᐅᕐᑎ ᕗᕌᓐᓱᐊ ᓕᒎ ᒐᕙᒪᖏᑦ ᓯᕗᓪᓕᕐᒥᑦ ᐋᖅᑭᒃᓯᒋᐊᖅᑎᑦᑎᓚᐅᕐᓯᒪᔪᑦ ᓱᒃᑲᐃᑦᑐᒥᑦ ᐊᑐᕈᓐᓃᖅᑎᑦᑎᕙᓪᓕᐊᓂᐊᕐᓂᕐᒥᒃ ᐃᑲᔫᑎᒃᓴᒃᑲᓐᓂᒃᓴᓂᒃ ᐊᒻᒪ ᐱᑕᖃᕈᓐᓃᑦᑎᐊᒻᒪᕆᒡᓗᓂ 2022-ᒥᑦ.

ᑮᓇᐅᔭᓕᐅᑦᑎᐊᕐᓇᕐᓂᖅ ᐊᒻᒪᓗ ᓴᖅᑭᕋᑖᖅᑐᓂᒃ ᑮᓇᐅᔭᓂᒃ ᐊᒥᐊᒃᑯᖃᕐᓂᖅ $4 ᐱᓕᐊᓐ ᑖᓚᓂ 2019/20 ᐊᕐᕌᒍᒧᑦ ᐱᓕᕆᕙᓪᓕᐊᓂᕐᒧᑦ ᓱᒃᑲᒃᑎᑉᐹᓪᓕᕈᑎᐅᕗᖅ.

ᐊᒻᒪᓗ ᐲᕐᓯᓂᐅᔪᖅ ᐊᑭᓕᐅᑎᐅᓂᑯᓂᒃ ᓱᕈᓯᓕᕿᓂᕐᒧᑦ, ᑯᐸᐃᒃ ᒐᕙᒪᒃᑯᑦ ᓯᕗᒧᒃᐸᓪᓕᐊᒍᑎᖃᖅᐳᑦ ᓱᕈᓯᖅᓯᐅᑎᓂᒃ ᐅᓄᕐᓯᕚᓪᓕᖅᑎᑦᑎᓕᕐᖢᑎᒃ ᐋᖅᑭᒃᑕᐅᓂᐊᕐᓂᕋᖅᑕᐅᓂᑯᒥᑦ 2021-ᒥᑦ.

ᐱᒋᐊᕐᓗᓂ ᔭᓄᐊᕆ 2020, ᑯᐸᐃᒃ ᒐᕙᒪᖏᑦ ᐅᖃᓚᐅᕐᑐᖅ ᐃᓚᒌᖑᔪᑦ ᒫᓂ ᓱᕈᓯᕐᓯᐅᑎᑖᖏᑦ ᐃᓚᒋᐊᖅᑕᐅᓂᐊᕐᓂᖏᓐᓂᒃ $779 ᐊᕐᕌᒍᒧᑦ.

ᐅᓇ ᐃᑲᔫᑎᒃᓴᖅ ᐊᑕᑎᑕᐅᔪᖅ ᑮᓇᐅᔭᓕᐊᕆᔭᐅᕙᒃᑐᓄᑦ, ᒥᑭᓛᒃᑯᑦ $1,000-ᓂᒃ ᐊᑭᓖᙱᔾᔪᑎᖃᕈᓐᓇᕐᖢᑎᒃ ᒪᐅᖓ ᐊᖏᓛᒧᑦ $2,515-ᒧᑦ ᐊᕐᕌᒍᒧᑦ. ᐅᓇ ᓄᑖᖅ ᒪᓕᒋᐊᓕᒃ ᓱᕈᓯᕐᓂ ᐊᔾᔨᒌᒃᑎᑦᑎᓂᕐᒨᖓᔪᖅ, ᐃᒪᓐᓇᐅᙱᓐᓂᕐᓴᖅ ᑖᒃᑯᐊ ᓕᐳᕈᐃᑦ ᐊᑭᓖᙲᔾᔪᑎᒋᒧᓐᓇᕐᑕᖏ ᐅᓂᕐᓂᕐᓴᓂᒃ ᓱᕈᓯᕐᓯᐅᑎᑖᕈᑎᐅᕙᒃᖢᓂ ᐊᖓᔪᖅᖠᖅᐹᖅ ᓱᕈᓯᕆᔭᐅᔪᓂᒃ.

“ᐅᓪᓗᒥ, ᐱᐊᓂᒃᓯᓂᐊᕋᑦᑕ ᐊᑐᓕᖅᑎᑦᑎᓂᕐᒥᒃ ᐊᔾᔨᒌᙱᑦᑑᑎᓂᒃ ᖃᓄᐃᓕᐅᕈᑎᒃᓴᓂᒃ ᐃᑲᔫᑎᒃᓴᓂᒃ ᑯᐸᐃᒃᒥᐅᑕᓄᑦ,” ᔨᕌᑦ ᐅᖃᖅᑐᖅ. “ᑮᓇᐅᔭᓂᒃ ᐅᑎᖅᑎᑦᑎᓂᕐᓴᐅᓕᕋᑦᑕ ᑯᐸᐃᒃᒥᐅᓄᑦ ᓱᒃᑲᓂᕐᓴᒥᑦ.”

Share This Story

(0) Comments

Join the Conversation

Your email address will not be published. Required fields are marked *

*


Protected with IP Blacklist CloudIP Blacklist Cloud