ᓴᓪᓕᖅ ᓄᑖᒥ ᒪᐃᔭᑖᕆᐊᓕᒃ — ᑭᓯᐊᓂᓕ ᐱᔾᔪᑎᖓᓂᒃ ᐅᖃᖅᑐᖃᙱᑦᑐᖅ
ᓂᕈᐊᕐᓂᖅ ᐋᖅᑭᒃᑕᐅᓯᒪᔪᖅ ᐊᐃᕆᓕ 15ᒧᑦ; ᐅᒃᑑᐱᕆᐅᓚᐅᖅᑐᒥᓐ ᑕᒪᕐᒥ ᑲᑎᒪᔨᒃᓴᓄᑦ ᐃᓂᒃᓴᐃᑦ ᓈᒻᒪᑐᐃᓐᓇᓚᐅᕐᓯᒪᖕᒪᑕ ᓂᕈᐊᒐᒃᓴᓄᑦ
ᓂᕈᐊᕐᓂᖅ ᐱᔾᔪᑎᖃᖅᑐᖅ ᓄᑖᖅᒥ ᒪᐃᔭᒥ ᓂᕈᐊᕐᓇᐅᓛᕐᓂᖓᓂᒃ ᐋᖅᑭᒃᑕᐅᓯᒪᔪᒥᒃ ᐅᕙᓂ ᐊᐃᕆᓕ 15ᒥ ᓴᓪᓕᖅᓂ. (ᐊᔾᔨᙳᐊᖁᑎᒋᔭᐅᔪᖅ)
ᓂᕈᐊᕈᓐᓇᖅᑐᑦ ᓴᓪᓕᖅᓂ ᓄᑖᒥ ᒪᐃᔭᒃᓴᒥ ᓂᕈᐊᖁᔭᐅᔪᑦ, ᑕᖅᑭᑦ ᐅᓄᙱᑦᑐᑦ ᐊᓂᒍᖅᑎᓪᓗᒋᑦ ᐅᓇ ᖁᐹᐱᒃ ᓂᖏᐅᓯᐊᒃ ᑕᕝᕗᖓ ᐃᓕᔭᐅᑐᐃᓐᓇᓚᐅᕐᓯᒪᑎᓪᓗᒍ ᐊᕐᕌᒍᓂ ᑎᓴᒪᓂ ᒪᐃᔭᐅᓂᐊᕐᓗᓂ.
ᓂᕈᐊᖅᑐᓕᕆᔨᒃᑯᑦ ᓄᓇᕗᒥᑦ ᓇᓗᓇᐃᓚᐅᕐᑐᑦ ᓂᕈᐊᕐᓂᖅᑕᖃᓛᕐᓂᖓᓂᑦ ᑕᕝᕙᓂ ᕼᐋᒻᒪᓚᒥᑦ ᐊᐃᕆᓕ 15ᖑᓕᖅᐸᑦ.
ᐱᔾᔪᑎᒋᔭᐅᔪᒥᒃ ᐅᖃᖅᑐᖃᓚᐅᙱᑦᑐᖅ ᖃᓄᐃᒻᒪ ᓂᖏᐅᓯᐊᒃ ᒪᐃᔭᐅᔪᓐᓃᕐᓂᖓᓂ. ᐅᖃᓪᓚᖃᑎᖃᕋᓱᒃᑲᓗᐊᖅᖢᓂ ᑭᒡᒐᖅᑐᐃᔨᒥ ᕼᐋᒻᒪᓚᒃᑯᓐᓄᑦ ᐊᔪᕐᓇᓚᐅᕐᒪᑦ ᐊᒻᒪᓗ ᑲᑎᒪᔨ ᕗᐃᓕ ᓇᑯᓛᒃ ᒪᐃᔭᐅᑲᐃᓐᓇᓚᐅᕐᑐᖅ ᐊᒻᒪ ᓄᖅᑲᓚᐅᕆᓪᓗᓂ.
ᕼᐋᒻᒪᓚᒃᑯᓐᓄᑦ ᓂᕈᐊᕐᓇᐅᓚᐅᕐᓯᒪᔪᖅ ᓄᓇᕗᓕᒫᒥᑦ ᐅᒃᑑᐱᕆ 23ᖑᑎᓪᓗᒍ.
ᓴᓪᓕᖅ, ᐃᓚᒋᔭᐅᓚᐅᕐᑐᖅ ᑕᓪᓕᒪᓄᑦ ᕼᐋᒻᒪᓚᓄᑦ ᑖᒃᑯᐊ ᓂᕈᐊᖅᑕᐅᕝᕕᐅᔪᓂᒃ — ᒪᐃᔭ, ᑲᑎᒪᔩᑦ ᐊᒻᒪ ᐃᓕᓐᓂᐊᖅᑐᓕᕆᔨᒃᓴᑦ — ᓈᒻᒪᑐᐃᓐᓇᓚᐅᕐᒪᑕ ᓂᕈᐊᒐᒃᓴᐃᑦ ᐊᒻᒪ ᐃᓕᔭᐅᑐᐃᓐᓇᖅᖢᑎᒃ.
ᑲᖏᖅᑐᒑᐱᒃ, ᑭᒻᒥᕈᑦ, ᑯᒑᕐᔪᒃ ᐊᒻᒪ ᕿᑭᖅᑕᖅᔪᐊᖅ ᐊᓯᒋᓚᐅᖅᑕᖏᑦ ᓄᓇᖃᖅᑐᑦ ᓂᕈᐊᕐᓇᐅᑎᓪᓗᒍ ᐊᖏᕐᕋᖅᓯᒪᑐᐃᓐᓇᓚᐅᖅᑐᓂᒃ.
ᓂᕈᐊᖅᑐᓕᕆᔨᒃᑯᑦ ᓄᓇᕗᒥᑦ ᑐᓴᖅᑎᑦᑎᓚᐅᕐᑐᑦ ᖃᖓ ᓂᕈᐊᕐᓇᐅᓛᕐᓂᖓᓂ ᓴᓪᓕᖅᓂ ᑕᖅᑭᐅᓚᐅᖅᑐᒥᓐ.
ᓂᕈᐊᒐᒃᓴᓕᐅᕐᓂᖅ ᒪᑐᐃᓚᐅᕐᓯᒪᔪᖅ ᒫᔅᓯ 11ᒥ ᐊᒻᒪ ᒪᑐᓪᓗᓂ ᒫᔅᓯ 15ᒥ. ᓂᕈᐊᕐᕕᒃᑕᖃᓛᖅᑐᖅ ᐅᐸᒍᑎᔪᓐᓇᖅᑐᓂᒃ ᐊᒻᒪᓗ ᓯᕗᓂᐊᒍᑦ ᓂᕈᐊᕈᓐᓇᓛᖅᖢᑎᒃ ᐊᔪᓛᖅᑐᓄᑦ ᓂᕈᐊᕐᓇᒥ ᐊᐃᕆᓕ 8ᖑᓕᖅᐸᑦ ᓴᓪᓕᐅᑉ ᕼᐋᒻᒪᓚᖓᑕ ᑎᑎᕋᖅᕕᐊᓂ ᐅᖃᓚᐅᕐᑐᖅ ᓂᕈᐊᖅᑐᓕᕆᔨᒃᑯᑦ ᓄᓇᕗᒥᑦ.
ᓂᕈᐊᕈᓐᓇᖅᑐᑦ ᐊᐅᓪᓚᖅᓯᒪᓛᖅᑐᑦ ᑎᑎᖃᒃᑯᕕᒃᑰᖅᑐᒃᓴᒥᑦ ᓂᕈᐊᕈᑎᒥ ᐱᔪᒪᔪᓐᓇᖅᑐᑦ ᓂᕈᐊᖅᑐᓕᕆᔨᒃᑯᓐᓂᑦ ᓄᓇᕗᒥᑦ.
(0) Comments