ᑲᖏᖅᖠᓂᕐᒥ ᒥᕐᓱᖅᑏᑦ ᖁᓕᑦᑕᐅᔭᓕᐅᕐᑐᑦ ᓱᕈᓯᕐᓄᑦ ᑭᓱᖃᙱᓗᐊᖅᑐᓂᒃ

ᐱᓕᕆᐊᒃᓴᖅ ᐃᑲᔫᑎᓕᒃ ᐃᓵᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᓂᒃ

ᐅᑯᐊ ᖁᓕᑦᑕᐅᔭᐃᑦ ᓴᓇᔭᐅᓚᐅᕐᑐᑦ ᑲᖏᖅᖠᓂᕐᒥ ᒥᕐᓱᖅᑎᓄᑦ ᓱᕈᓯᕐᓄ ᐊᔪᕐᓴᖃᑦᑕᖅᑐᓄᑦ. (ᐊᔾᔨᙳᐊᖅ ᐅᑯᓇᙵᑦ ᐃᓵᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᓂ)

By ᑖᒪᔅ ᐅᕉᓄ
ᓄᓇᑦᓯᐊᕐᒥ ᐱᕙᓪᓕᐊᔪᓄᐊᖅᑕᐅᓯᒪᔪᑦ

For an English version of this story, see Rankin Inlet seamstresses make parkas for kids in need

14 ᓱᕈᓰᑦ ᑲᖏᖅᖠᓂᖅᒥᑦ ᐅᖅᑰᓂᕐᓴᐅᓂᐊᓕᕐᑐᑦ ᐅᑭᐅᖅ ᒥᕐᓱᖅᑎᓂᒃ ᖁᓕᑦᑕᐅᔭᓂ ᓄᐃᓚᓕᖕᓂ ᓴᓇᔪᖃᑲᑕᓚᐅᕐᑎᓪᓗᒍ.

ᐃᑲᔫᑎᒃᓴᖃᕈᓐᓇᓚᐅᕐᑐᑦ ᑖᔅᓱᒧᖓ ᐱᓕᕆᐊᒧᑦ ᐅᑯᓇᙵᑦ ᐃᓵᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᓂᒃ.

ᓯᐅᕆ ᒨᕆ ᑕᒪᑐᒥᖓ ᐱᓕᕆᐊᖃᖅᐸᓪᓕᐊᓕᓚᐅᕐᓯᒪᔪᖅ ᑲᑎᒪᔨᓂᒃ ᑭᒡᒐᖅᑐᐃᓪᓗᓂ ᐅᒃᑑᐱᕆᐅᓚᐅᕐᑐᒥ ᓄᓇᓕᖕᓂ ᑕᒪᑐᒥᖓ ᐃᓱᒪᓕᐅᕆᔭᐅᓪᓗᓂ.

“ᐃᓱᒪᓚᐅᕐᒪᑕ ᐅᑭᐅᙳᓕᖅᖢᓂ ᐊᒥᓱᑦ ᓱᕈᓰᑦ ᐅᖅᑰᔪᓂᒃ ᖁᓕᑦᑕᐅᔭᖃᙱᒻᒪᑕ ᓲᖃᐃᒻᒪ ᑕᑯᖃᑦᑕᓚᐅᕐᒪᑕ ᓱᕈᓯᕐᓂᒃ ᔭᐃᑲᒃᓯᒪᑐᐃᓐᓇᖅᑐᓂᒃ ᐅᒃᑑᐱᕆᐅᓕᖅᑎᓪᓗᒍ,” ᐅᖃᓚᐅᕐᑐᖅ ᑲᖏᖅᖠᓂᖅᒥ.

ᒨᕆ ᐅᖃᓚᐅᕐᑐᖅ ᐃᓄᓕᕆᔨᒃᑯᓐᓄᑦ ᖃᐅᔨᓇᓱᓚᐅᕐᓂᖓᓂᒃ ᓇᓕᐊᒃ ᓱᕈᓰᑦ ᐱᑖᕆᐊᖃᓛᖑᖕᒪᖔᑦ.

“ᐊᑎᕐᓂ ᖃᐃᑦᑎᓚᐅᙱᑦᑐ ᑭᓯᐊᓂ ᖁᓕᑦᑕᐅᔭᐃᑦ ᐊᖏᓂᖏᓐᓂᒃ ᐊᒻᒪ ᐊᖑᑎᓄᓪᓘᓐᓃᑦ ᐊᕐᓇᓄᓪᓘᓐᓂ ᐱᔭᐅᔭᕆᐊᖃᕐᒪᖔᑕ,” ᐅᖃᓚᐅᕐᑐᖅ.

ᖁᓕᑦᑕᐅᔭᒃᑲᓐᓃᑦ ᑲᖏᖅᖠᓂᕐᒥᒃ ᓱᕈᓯᕐᓄᑦ. (ᐊᔾᔨᙳᐊᖅ ᐅᑯᓇᙵᑦ ᐃᓵᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᓂ)

ᓄᓇᓕᖕᓂ ᒥᕐᓱᕐᑎᒻᒪᕆᒃ ᒫᓂ ᐳᕋᐅᓐ ᑎᓕᔭᐅᓚᐅᕐᑐᖅ ᐃᓕᓴᐃᔨᐅᓂᐊᕐᓗᓂ ᐊᒻᒪᓗ ᐆᒃᑐᕈᑎᖃᖅᑎᑦᑎᔨᐅᓗᓂ ᒥᕐᓱᖃᑕᐅᔪᒪᔪᓂᒃ, ᑖᒃᑯᐊᓗ ᑕᒪᕐᒥ ᒥᕐᓱᕆᐅᕐᓴᓕᓵᓚᐅᖅᖢᑎᒃ, ᒨᕆ ᐅᖃᖅᑐᖅ.

“ᑖᒃᑯᐊ ᐃᑲᔪᖅᑎᒋᔭᐅᔪᑦ ᓇᖕᒥᓂᖅ ᓂᕈᐊᓚᐅᕐᑐᑦ ᐆᒃᑑᑎᒋᔪᒪᔭᖏᓐᓂᒃ ᐊᒻᒪ ᒥᕐᓱᖅᖢᑎᒃ ᐱᒋᐊᕐᓂᖓᓂᒃ ᐱᐊᓂᖕᓂᖏᓐᓄᑦ ᓄᐃᓚᓕᒫᖓᓄᑦ,” ᐅᖃᓚᐅᕐᑐᖅ.

ᑲᑎᖢᑎᒃ 12 ᐊᕐᓇᐃᑦ ᒥᕐᓱᕆᐅᕐᓴᖅᑎᑕᐅᓚᐅᕐᑐᖅ ᓴᓇᓯᓐᓈᑦ 14-ᓂᒃ ᖁᓕᑦᑕᐅᔭᕆᔭᐅᓂᐊᖅᑐᓂᒃ.

ᐊᒻᒪᓗ ᑖᒃᑯᐊ ᒥᕐᓱᖃᑕᐅᔪᑦ ᑐᓐᓂᖅᑯᓯᐊᖅᑖᖅᑎᑕᐅᓚᐅᕐᑐᑦ ᐃᑲᔪᖅᓯᒪᓂᖏᓐᓄᑦ.

“ᐊᑐᓂ ᒥᕐᓱᖃᑕᐅᔪᑦ ᐆᒃᑐᑎᒋᔪᒪᔭᖏᓐᓂᒃ ᐱᑎᑕᐅᓚᐅᕐᑐᑦ ᐊᒻᒪ ᖁᓕᑦᑕᐅᔭᒃᓴᓂᒃ ᐊᒻᒪ ᓄᐃᓚᒃᓴᓂᒃ ᖁᓕᑦᑕᐅᔭᓕᐅᕈᓐᓇᕐᓂᐊᕐᒪᑕ ᐊᖏᕐᕋᖏᓐᓂᒃ ᐃᓕᓐᓂᐊᓚᐅᖅᖢᑎᒃ,” ᒨᕆ ᐅᖃᖅᑐᖅ.

ᐅᓇ ᐱᓕᕆᐊᒃᓴ ᐱᐊᓂᒃᑕᐅᓚᐅᕐᑐᖅ ᓄᕕᐱᕆ 5-ᒥ, ᐅᑭᐅᕐᒧᑦ ᓈᒻᒪᓈᖅᑕᐅᓪᓗᑎᒃ.

ᒨᕆ ᐅᖃᓚᐅᕐᑐᖅ ᐅᓇ ᒥᕐᓱᕆᐅᕐᓴᕐᓂᐅᔪᖅ ᖁᕕᐊᓇᑦᑎᐊᓚᐅᕐᓂᕋᖅᑕᖓ ᑖᔅᓱᒧᖓ ᐱᓕᕆᐊᒥ ᑐᑭᒧᐊᖅᑎᑦᑎᔨᐅᓂᒃᑯ ᐊᒻᒪᓗ ᐃᑲᔪᕈᓐᓇᕐᓂᖓᓂᒃ ᒥᕐᓱᖅᑎᙳᖅᐸᓪᓕᐊᔪᓂᒃ.

“ᑕᒪᕐᒥ ᐱᓕᕆᖃᑎᒌᒍᓐᓇᑦᑎᐊᓚᐅᕐᑐᑦ, ᐃᑲᔪᖃᑦᑕᐅᑎᑦᑎᐊᖅᖢᑎᒃ ᑕᐃᒪᓕ ᑕᒪᓐᓇ ᐱᓕᕆᖃᑎᒌᖕᓂᒃᑰᖓᒻᒪᕆᓚᐅᕐᑐᖅ ᐃᑲᔪᖃᑦᑕᐅᑎᓪᓗᑕ,” ᒨᕆ ᐅᖃᖅᑐᖅ.

ᐅᓇ ᐃᑲᔫᑎᒃᓴᖅ ᐱᓕᕆᐊᒧᑦ ᐃᑲᔪᕈᑎᐅᓇᓱᓚᐅᕐᑐᖅ ᐊᒃᓱᕈᓐᓇᓗᐊᕐᓇᕐᒥ ᐋᓐᓂᐊᕕᒃᔪᐊᕐᓇᖅᑕᖃᖅᑎᓪᓗᒍ, ᒨᕆ ᐅᖃᖅᑐᖅ.

ᑭᓯᐊᓂᓕ ᑕᒪᓐᓇ ᐊᓂᒍᑦᑎᐊᓚᐅᕐᓂᖓᓄᑦ ᐊᒻᒪ ᑐᙵᓱᒃᑎᑕᐅᑦᑎᐊᓚᐅᕐᓂᖓᓂ ᓄᓇᓕᖕᓂᑦ. ᒨᕆ ᐃᓱᒪᔪᑦ ᑖᓐᓇ ᑲᔪᓯᓇᔭᕆᐊᒃᓴᖓᓂᒃ.

“ᐅᓇ ᐱᓕᕆᓂᖅ ᐊᑕᐅᓰᖅᑕᐅᓂᒃᑰᖓᓚᐅᕐᒪᑦ ᑭᓯᐊᓂᓕ ᖃᐅᔨᒪᔪᖓ ᓄᓇᓖᑦ ᐃᑲᔫᑎᒃᓴᓂ ᕿᓂᓕᕐᑐᑦ ᐱᓕᕆᐊᖑᒃᑲᓐᓂᕐᓂᐊᕐᒪᑦ,” ᐅᖃᓚᐅᕐᑐᖅ.

Share This Story

(0) Comments

Join the Conversation

Your email address will not be published. Required fields are marked *

*