ᓄᓇᑦᓯᐊᕐᒥ ᐱᕙᓪᓕᐊᔪᑦ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᒃᓴᖏᑦ ᐃᑲᔪᖅᑐᑦ ᐃᓄᖕᓂ ᑐᓴᒐᒃᓴᓕᕆᓂᕐᒥᒃ ᐃᓕᓐᓂᐊᖅᑐᓂᒃ

ᐃᓕᓐᓂᐊᕈᑎᒧᑦ ᐃᑲᔫᑎᒃᓴᑦ ᐊᑭᖃᖅᖢᑎᒃ $5,000ᒥ ᐊᑐᐃᓐᓇᐅᔪᑦ ᐃᓕᓐᓂᐊᒃᑲᓐᓂᕈᒪᔪᓄᑦ ᓄᓇᕗᒥᑦ ᓄᓇᕕᒻᒥᓪᓘᓐᓃᓃᑦ ᑐᓴᒐᒃᓴᓕᕆᓂᕐᒥᒃ, ᑐᓴᐅᒪᔾᔪᑎᓕᕆᓂᕐᒥᓪᓗ ᐃᖅᑲᓇᐃᔮᖃᓕᕈᒪᔪᓄᑦ.

ᑕᐃᕕᑦ ᐊᒡᓘᒃᑲᖅ, 21, ᐃᓕᓐᓂᐊᕐᓂᖅᒧᑦ ᐃᑲᔫᓯᐊᖅᑖᓚᐅᕐᓯᒪᔪᖅ $5,000ᓂᒃ ᐊᕐᕌᓂ ᐃᑲᔫᑎᒃᓴᓂᒃ ᐱᓇᓱᒃᑎᓪᓗᒍ ᐅᕘᓇ ᐃᓐᑎᔅᐸᐃᔪ (Indspire). “ᐊᒃᓱᐊᓗᒃ ᐃᓅᓯᕐᒧᑦ ᐊᒃᓱᕈᕐᓇᙱᓐᓂᕐᓴᐅᔪᖅ,” ᐅᖃᐅᓯᖃᖅᖢᓂ ᑮᓇᐅᔭᓂᒃ ᐃᑲᔫᑎᒃᓴᓂᒃ. ᐊᒡᓘᒃᑲᖅ ᐊᓂᒍᐃᓚᐅᕐᑐᖅ ᐅᐱᕐᙶᖑᓚᐅᕐᑐᒥᒃ ᐋᒑᓐᑯᐃᓐ ᓯᓚᑦᑐᖅᓴᖅᕕᐅᑉ ᑐᓴᐅᒪᔾᔪᑎᓕᕆᓂᕐᒥᒃ ᐊᒻᒪ ᐱᓕᕆᐊᒃᓴᓕᕆᓂᕐᒧᑦ. (ᐊᔾᔨᓕᐅᕆᔨ ᒫᑕᓕᓐ ᕼᐊᐅᕕᑦ)

By ᒫᑕᓕᓐ ᕼᐊᐅᕕᑦ

For an English version of this story, see Nunatsiaq News bursaries help Inuit media students

ᐃᓅᒍᕕᑦ ᐊᒻᒪ ᐃᓕᓐᓂᐊᒃᑲᓐᓂᕐᓗᑎᑦ ᓄᓇᕗᒥᑦ ᓄᓇᕕᒻᒥᓪᓘᓐᓃᑦ ᐊᒻᒪᓗ ᐃᖅᑲᓇᐃᔮᖃᕈᒪᓗᑎᒃ ᑐᓴᒐᒃᓴᓕᕆᓂᕐᒥᒃ, ᑐᓴᐅᒪᔾᔪᑎᓕᕆᓂᕐᒥᒃ ᐅᕝᕙᓘᓐᓃᑦ ᑐᓴᒐᒃᓴᓕᕆᓂᕐᒧᑦ ᐃᓕᓐᓂᐊᕈᑎᒃᓴᓂᒃ, ᓄᓇᑦᓯᐊᕐᒥ ᐱᕙᓪᓕᐊᔪᑦ ᐃᓕᖕᓂ ᐃᑲᔪᕈᒪᑐᐃᓐᓇᖅᑐᑦ ᐃᓕᓐᓂᐊᕈᑎᒃᓴᓂᒃ ᐊᑭᓕᐅᑎᒃᓴᑎᒍᑦ.

ᒪᕐᕉᒃ ᐃᓕᓐᓂᐊᕐᓂᕐᒧᑦ ᐃᑲᔪᕈᑎᒃᓵᒃ, ᐊᑐᓂ ᐊᑭᖃᖅᖢᑎᒃ $5,000ᓂᒃ ᐱᒋᐊᖅᑕᐅᓚᐅᕐᓯᒪᖕᒪᑕ ᑐᓴᒐᒃᓴᓕᐅᖅᑎᓂᒃ ᐊᒻᒪᓗ ᐅᑯᓇᙵᑦ Indspire ᐃᑲᔪᕈᑎᐅᓂᐊᕐᓗᓂ ᐃᓄᖕᓂ ᐃᓕᓐᓂᐊᒃᑲᓐᓂᕈᒪᔪᓂᒃ ᓄᓇᕗᒥᐅᑕᓂᒃ ᐅᕝᕙᓘᓐᓃᑦ ᓄᓇᕕᒻᒥᐅᑕᓂᒃ ᐃᓕᓐᓂᐊᕈᒪᔪᓂᒃ ᑐᓴᒐᒃᓴᓕᕆᓂᕐᒥᒃ, ᑕᓚᕖᓴᒃᑯᑦ ᑐᓴᒐᒃᓴᓕᕆᓂᕐᒥᒃ ᐊᒻᒪ ᓈᓚᐅᑎᒃᑯᑦ, ᑐᓴᐅᒪᔾᔪᑎᓕᕆᓂᕐᒥᒃ ᐅᕝᕙᓘᓐᓃᑦ ᑐᓴᐅᒪᔾᔪᑎᓕᕆᓂᕐᒥᒃ ᐃᓕᓐᓂᐊᕈᒪᔪᓂ.

“ᐊᕐᕌᓂᐅᕋᑖᕐᑐᖅ, ᑲᓇᑕᒥᐅᑕᑦ ᐅᔾᔨᕆᓕᓚᐅᕐᒪᑕ ᖃᐅᔨᒪᙱᓗᐊᕐᓂᖏᓐᓂᒃ ᓄᓇᖃᖅᑳᖅᑐᓂᒃ ᐃᓄᖕᓂᒃ,” ᐅᖃᖅᑐᑦ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ ᐊᐅᓚᑦᑎᔨ ᐋᖅᑭᒃᓱᐃᔨ ᑰᕆ ᓚᐅᕌᒃ.

“ᑕᒪᑐᒧᖓᓕ ᐋᖅᑭᒍᑎᐅᔪᓐᓇᓚᐅᕐᑐᖅ ᐅᓄᕐᓂᕐᓴᓂᒃ ᓄᓇᖃᖅᑳᖅᓂᒃ ᓂᐱᖃᖅᑐᖃᓕᕐᓗᓂ ᑐᓴᒐᒃᓴᓕᕆᓂᒃᑯᑦ, ᐃᓚᒋᓗᒍ ᐃᓱᒪᒋᕙᒃᑕᖏᓐᓂᒃ ᑐᓴᒐᒃᓴᓕᐅᕐᐸᒡᓗᑎᒃ. ᓄᓇᑦᓯᐊᕐᒥ ᐱᕙᓪᓕᐊᔪᑦ ᐃᑲᔪᕈᒪᖕᒪᑕ ᐃᓄᖕᓂᒃ ᐃᓕᓐᓂᐊᖅᑎᓂᒃ ᐊᔪᕈᓐᓃᕈᓐᓇᕐᓯᓗᑎᒃ ᐊᒃᓱᕈᓐᓇᖅᑑᒐᓗᐊᕐᒥ ᐱᒻᒪᕆᖕᒥᒃ ᐱᓕᕆᐊᒃᓴᒥᒃ.”

ᑕᐃᕕᑦ ᐊᒡᓘᒃᑲᖅ, 21, ᐱᖃᑎᒋᔭᐅᓚᐅᕐᑐᖅ ᑐᓂᔭᐅᔪᓂᒃ ᐃᓕᓐᓂᐊᕈᑎᓄᑦ ᐃᑲᔪᕈᑎᒃᓴᓂᒃ ᐊᕐᕌᒎᓚᐅᕐᑐᒥ.

ᑖᔅᓱᒥᖓ ᐃᑲᔫᑎᒃᓴᒥ ᐱᔪᓐᓇᕐᓯᓚᐅᕐᓯᒪᔪᑦ ᐃᑲᔫᑎᒃᓴᖅᑖᕋᓱᒃᑎᓪᓗᒍ ᐅᑯᑎᒎᓇᖅ Indspire.

ᐃᖅᑲᓗᖕᓂ ᓄᓇᖃᕐᓂᑰᓪᓗᓂ, ᐊᒡᓘᒃᑲᖅ ᐃᓕᓐᓂᐊᓚᐅᕐᓯᒪᔪᑦ ᑐᓴᒐᒃᓴᓕᕆᓂᕐᒥᒃ ᐊᒻᒪ ᖃᓄᐃᓕᖓᔾᔪᑎᐅᓂᐊᕐᑐᓂᒃ ᐅᕙᓂ ᐋᒑᓐᑯᐃᓐ ᓯᓚᑦᑐᖅᓴᕐᕕᒃᒥᑦ ᐋᑐᕚᓂ ᑕᕝᕙᓂᓗ ᖃᐅᔨᓚᐅᕐᓯᒪᓪᓗᓂᒃ $5,000ᓂ ᐃᓕᓐᓂᐊᕈᑎᖓᓄᑦ ᐃᑲᔫᓯᐊᖅᑖᕐᓂᐊᕐᓂᖓᓂᒃ.

ᐃᑲᔫᓯᐊᖅᑖᕆᔭᖓᓂᒃ ᐊᒡᓘᒃᑲᖅ ᓂᐅᕕᕈᓐᓇᓕᓚᐅᕐᓯᒪᔪᖅ ᓄᑖᓂᒃ ᐊᔾᔨᓕᐅᕈᑎᖓᓄ ᐃᓚᒃᓴᓂᒃ ᐱᑖᕈᓐᓇᕐᓯᓚᐅᕐᓯᒪᔪᖅ ᐊᒻᒪ ᐊᓯᖏᓐᓂᒃ ᐊᑐᕐᓂᐊᖅᑕᖏᓐᓂᒃ ᐊᐅᔭᒃᑯᑦ ᐃᓕᓐᓂᐊᕈᑎᖓᓂᒃ ᐱᓕᕆᐊᖃᖅᑎᓪᓗᒍ ᐅᕙᓂ Skills Canada ᐊᔾᔨᓕᐅᒐᕐᓂᒃ ᐱᒡᒍᓴᐅᑎᔪᓂᒃ ᐃᓚᐅᔾᔪᑎᒋᓂᐊᖅᑕᖏᓐᓂᒃ, ᑖᒃᑯᓄᖓᓗ ᐃᓚᐅᖃᑦᑕᖅᓯᒪᓪᓗᓂ ᐃᓕᓐᓂᐊᕐᕕᐊᓗᒃᒥ ᐃᓕᓐᓂᐊᖅᑎᓪᓗᒍ.

ᐊᒡᓘᒃᑲᖅ ᐊᔾᔨᓕᐅᕆᑲᑕᓚᐅᕐᓯᒪᔪᖅ ᓄᓇᖓᓂ ᐃᖃᓗᖕᓂ ᓵᓚᒃᓴᐅᓯᐊᕋᓱᒍᑎᒋᓪᓗᓂᒋ ᐊᒻᒪᓗ ᑖᔅᓱᒧᖓ ᑎᓴᒪᒋᔭᐅᕐᓯᒪᓪᓗᓂ ᐃᓕᓐᓂᐊᒃᑲᓐᓂᕋᓱᒃᑐᓃᑦᑐᓂᒃ. ᓄᑖᑦ ᐱᖁᑎᑖᕆᔭᖏᑦ ᐊᑐᒻᒪᕆᖕᓂᐊᖅᑐᑦ ᓵᓚᒃᓴᕋᓱᖃᑕᐅᓕᕈᓂ ᐊᕐᕌᒍ, ᐅᖃᓚᐅᕐᑐᖅ.

ᐊᓂᒍᐃᑎᓪᓗᒍ ᐅᐱᕐᙶᖑᓚᐅᕐᑐᒥᒃ ᐊᒡᓘᒃᑲᖅ ᐱᓕᕆᐊᖃᓕᕐᑐᖅ ᖃᕋᓴᐅᔭᒃᑯᑦ ᓴᖅᑭᔮᒐᒃᓴᓂᒃ ᐋᖅᑭᒃᓱᐃᔨᐅᓪᓗᓂ ᐊᒻᒪᓗ ᐊᔾᔨᓕᐅᕈᑎᖓ ᐊᑐᖅᐸᒃᖢᓂᐅᒃ ᐋᖅᑭᒃᓱᐃᕙᓪᓕᐊᑎᓪᓗᒍ ᖃᕋᓴᐅᔭᒃᑯᑦ ᓴᖅᑭᔮᒐᐅᓇᔭᖅᑐᓂᒃ.

“ᐅᓇ ᐱᓕᕆᐊᕆᔪᒪᔭᖓ ᐃᓚᒋᓪᓚᕆᒃᑕᖓ,” ᐅᖃᖅᑐᖅ.

ᐃᓄᖕᓂ ᐃᓕᓐᓂᐊᖅᑎᓂᒃ ᐃᑲᔪᖅᑐᐃᕙᒃᑐᖅ ᐱᓇᓱᖁᔨᓪᓗᓂ ᐃᑲᔫᑎᒃᓴᓂᒃ ᑐᓴᐅᒪᔾᔪᑎᓕᕆᓂᕐᒥᒃ ᐱᓕᕆᐊᖃᕈᒪᔪᓂᒃ.

“ᐃᓅᓯᕐᓄᑦ ᐊᔪᓐᓇᙱᓐᓂᕐᓴᒻᒪᕆᐊᓗᒃ … ᐃᓱᒫᓘᑎᖃᙱᓪᓗᓂ ᐃᓕᓐᓂᐊᕈᑎᓄᑦ ᐊᑭᓕᐅᑎᐅᔭᕆᐊᓕᖕᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᐱᓕᕆᐊᒃᓴᓂᒃ ᐊᒻᒪᓗ ᐱᐅᔪᓂᒃ ᐱᓕᕆᔾᔪᑎᒃᓴᖅᑖᕋᓱᒃᖢᓂ,” ᐅᖃᖅᑐᖅ.

“5 ᒥᓂᑦᑐᐃᓐᓇᖅ ᐱᓕᕆᐊᕆᔪᓐᓇᖅᑕᐃᑦ ᐱᓇᓱᒍᑎᑦ ᐅᕝᕙᓘᓐᓃᑦ ᓇᐃᑦᑐᒥᒃ ᑎᑎᕋᐅᓯᖃᕐᓗᑎᑦ. ᐅᓇ ᐱᓕᕆᓗᐊᕐᓇᙱᑦᑐᑦ ᐊᕗᖓᑲᓪᓚᕈᓗᒡᓗ ᐃᑲᔪᕈᓐᓇᖅᖢᑎ ᐃᓕᓐᓂᐊᕐᓂᕐᓂᒃ ᐊᕐᕌᒍᒥᒃ ᐊᒻᒪ ᐃᓱᒫᓘᑎᒃᓴᖃᕐᓇᙱᓐᓂᕐᓴᐅᓪᓗᓂ ᐃᓕᓐᓂᐊᕈᑎᓄᑦ ᐊᑭᓕᐅᑎᒃᓴᓂᒃ ᐊᓯᖏᓐᓂᒡᓗ. ᐊᑏ ᐱᓇᓱᑐᐃᓐᓇᕐᓗᓯ. ᐱᓇᓱᑐᐃᓐᓇᕐᓗᓯ.”

ᐃᑲᔫᑎᑖᕋᓲᑎᑦ ᐃᓕᓐᓂᐊᕈᑎᓄᑦ ᐱᔭᐅᖃᑦᑕᖅᑐᑦ ᐊᕐᕌᒍ ᐱᖓᓱᐃᖅᑕᐅᓪᓗᓂ ᐊᒻᒪᓗ ᐅᑯᑎᒎᓇ ᑐᓐᓂᖅᑯᑎᐅᕙᒃᖢᓂ Indspire-ᑯᑦ Building Brighter Futures: ᐃᑲᔫᑎᒃᓴᑦ, ᐃᓕᓐᓂᐊᕈᑎᓄᑦ ᐊᑭᓕᐅᑎᒃᓴᑦ ᐊᒻᒪ ᐃᓕᓴᕆᔭᐅᔾᔪᑎᓄᑦ ᐱᓕᕆᐊᒃᓴᓄᑦ ᐅᑯᐊ ᓄᓇᑦᓯᐊᕐᒥ ᐱᕙᓪᓕᐊᔪᑦ ᐃᑲᔫᑎᒃᓴᓂᒃ ᐃᑲᔫᓯᐊᖅᑖᖅᑎᑦᑎᕙᒃᖢᑎᒃ.

ᐃᓚᒋᔭᐅᓪᓗᓂ ᑖᒃᑯᓂᖓ ᒪᕐᕉᖕᓂ ᐃᑲᔫᑎᒃᓴᓂᒃ ᐅᑯᐊ ᓄᓇᑦᓯᐊᕐᒥ ᐱᕙᓪᓕᐊᔪᑦ ᒪᓂᒻᒪᐃᓯᒪᖕᒥᔪᑦ ᐃᓕᓐᓂᐊᓯᓐᓈᖅ ᐱᓕᕆᖃᑕᐅᔾᔪᑎᒃᓴᓂᒃ, ᑐᓴᒐᒃᓴᓕᐅᕈᑎᓕᕆᓂᕐᒥᒃ ᐅᕝᕙᓘᓐᓃᑦ ᐊᐅᔭᒃᑯᑦ ᐱᓕᕆᑎᑦᑎᓂᕐᒧᑦ ᐃᓕᓐᓂᐊᖅᑎᓂᒃ.

ᑭᖑᓪᓕᖅᐹᖅ ᐃᑲᔫᑎᒃᓴᓂᒃ ᐱᓇᓱᖕᓇᓛᖅᑐᖅ ᕕᕝᕗᐊᕆ 1-ᒥ. ᖃᕋᓴᐅᔭᒃᑯᑦ ᐱᓇᓱᒍᓐᓇᖅᑐᓯ ᐅᑯᐊ Indspire ᖃᕋᓴᐅᔭᒃᑯᑦ ᓴᖅᑭᔮᒐᖓᒍᑦ.

Share This Story

(0) Comments

Join the Conversation

Your email address will not be published. Required fields are marked *

*