ᓄᕙᒡᔪᐊᕐᓇᖅ-19-ᒧᑦ ᐃᑲᔫᑎᒃᓴᓂᒃ ᑐᓴᖅᑎᑦᑎᔪᑦ ᓄᓇᕗᒥᑦ ᐊᖑᓇᓱᒃᑎᓄᑦ
ᐊᑐᓂ ᐊᖑᓇᓱᒃᑎᑦ ᐊᒻᒪ ᒥᑭᒋᐊᖅᑎᑦ ᑲᑎᒪᔨᖏᑦ ᑐᓂᔭᐅᓂᐊᖅᑐᑦ $25,000-ᓂ ᓂᕿᓂᒃ ᓄᓇᓕᖕᓄᑦ ᑐᓂᓯᑲᑕᒍᓐᓇᕐᓂᐊᕐᒪᑕ
ᓄᓇᕗᑦ ᓯᕗᓕᐅᖅᑎᖓ ᐸᐅᓗᓯ ᐊᕿᐊᕈᖅ ᑐᓴᖅᑎᑦᑎᓚᐅᕐᑐᖅ ᔭᓄᐊᕆ 20-ᒥ ᐊᖑᓇᓱᒃᑐᓕᕆᔨᒃᑯᑦ ᐊᒻᒪ ᒥᑭᒋᐊᖅᑎᒃᑯᑦ ᓄᓇᕗᒥᑦ ᑐᓂᔭᐅᓂᐊᕐᓂᖏᓐᓂᒃ $25,000 ᓄᕙᒡᔪᐊᕐᓇᖅ-19-ᒧ ᐃᑲᔫᑎᒃᓴᓂᒃ. (ᐊᔾᔨᓕᐅᕆᔨ ᑕᐃᕕᑦ ᕕᐊᓐ)
For an English version of this story, see New contract gives Nunavut teachers 7% raise over 4 years
ᐅᓇ ᓄᕙᒡᔪᐊᕐᓇᖅ-19-ᒧ ᐃᑲᔫᑎᒃᓴᐃᑦ ᓄᓇᕗᒥᑦ ᒐᕙᒪᒃᑯᓐᓂ ᑮᓇᐅᔭᒃᓴᖅᑖᕆᔭᐅᓂᐊᖅᑐᑦ ᓄᓇᕗᒥᑦ ᐃᑲᔪᒻᒪᕆᖕᓂᐊᖅᑐᑦ, ᐅᖃᖅᑐᖅ ᑰᒑᕐᔫᑉ ᐊᖑᓇᓱᒃᑐᓕᕆᔨᒃᑯᑦ ᐃᒃᓯᕙᐅᑕᖓ.
ᐅᓇ ᑮᓇᐅᔭᖅ ᐅᕐᓱᐊᓗᒃᑖᕈᑎᐅᔪᓐᓇᕐᓂᐊᖅᑐᖅ ᐊᒻᒪ ᓱᓇᒐᕐᓂᒃ ᐊᒻᒪᓗ ᐊᖑᓇᓱᒃᑎᓄᑦ ᐊᑭᓕᐅᑎᐅᓗᑎᒃ ᓂᕿᑖᕋᓱᒃᑐᓄᑦ ᓄᓇᓕᖕᓄᑦ, ᐅᖃᖅᑐᖅ ᑰᕐᑕᐃᕈᔪᐊᖅ ᐊᖑᓇᓱᒃᑐᓕᕆᔨᒃᑯᑦ ᐃᒃᓯᕙᐅᑕᖓ ᑲᓅᑦ ᕿᔪᓐᓈᖅ.
“ᐃᓄᒃᓯᐅᑎᓂᒃ ᓂᕿᖃᕆᐊᖃᕋᑦᑕ ᓄᓇᑦᑎᓐᓂ,” ᐅᖃᖅᑐᖅ.
ᓄᓇᕗᒥᑦ ᒐᕙᒪᒃᑯᑦ ᑐᓂᓯᓂᐊᖅᑐᑦ $625,000-ᓂᒃ ᐊᖑᓇᓱᒃᑐᓕᕆᔨᓄᑦ ᓄᓇᕗᒥᑦ, ᐊᑐᓂ ᑐᓂᔭᐅᓗᑎᒃ $25,000-ᓂ, ᓯᕗᓕᐅᕐᑎ ᐸᐅᓗᓯ ᐊᕿᐊᕈᖅ ᑐᓴᖅᑎᑦᑎᓚᐅᕐᑐᖅ ᔭᓄᐊᕆ 20-ᒥ ᑐᓴᒐᒃᓴᓕᕆᑎᓪᓗᒋᑦ.
ᕿᔪᓐᓈᖅ ᐅᖃᓚᐅᕐᑐᖅ ᐊᖑᓇᓱᒃᑐᓕᕆᔨᓄᑦ ᑲᑎᒪᔩᑦ ᑲᑎᒪᓂᐊᕐᑐᑦ ᖃᓄᐃᑦᑐᓂᒃ ᓂᐅᕕᕐᓂᐊᕐᒪᖔᑕ ᑖᒃᑯᓄᖓ ᑮᓇᐅᔭᓄᑦ — ᐃᖃᓗᖕᓂᓪᓘᓐᓃᑦ, ᐅᒥᖕᒪᒃᓂᒃ, ᑐᒃᑐᓂᒃ ᐅᕝᕙᓘᓐᓃᑦ ᓇᑦᑎᕐᓂᒃ — ᐊᒻᒪᓗ ᓄᓇᓕᖕᓄᑦ ᑐᓂᐅᖅᑲᖅᑕᐅᓗᑎᒃ ᑖᒃᑯᐊ ᐊᖑᓇᓱᒃᑏᑦ ᐅᑎᖅᐸᑕ.
ᐅᑯᐊ ᑕᒪᐃᓐᓄᑦ ᓄᓇᓕᖕᓃᑦᑐᓕᒫᓄᑦ ᐃᑲᔪᕈᑎᐅᓂᐊᕐᑐᖅ, ᐅᖃᖅᑐᖅ.
“ᐃᓚᖏᑦ ᐊᖑᓇᓱᒍᑎᖃᙱᒻᒪᑕ ᖃᒧᑕᐅᔭᓂᒃ ᑎᓴᒪᓕᒃᓂᓪᓘᓐᓃᑦ ᑕᐃᒪᓕ ᑕᐃᒪᓐᓇ ᓄᓇᓕᖕᓂ ᐃᑲᔪᖃᑦᑕᖅᑐᒍᑦ,” ᕿᔪᓐᓈᖅ ᐅᖃᖅᑐᖅ.
ᐊᕙᑎᓕᕆᔨᒃᑯᑦ ᒥᓂᔅᑕᖓ ᑕᐃᕕᑦ ᐊᕿᐊᕈᖅ, ᑖᒃᑯᐊ ᐃᑲᔫᑎᒃᓴᖃᖅᑎᑦᑎᔪᑦ ᑖᔅᓱᒥᖓ ᐱᓕᕆᐊᒃᓴᒥᒃ, ᐅᖃᓚᐅᕐᑐᖅ ᑖᒃᑯᐊ ᐃᑲᔫᑎᒃᓴᑦ ᐊᑐᖅᑕᐅᔪᓐᓇᕐᓂᖏᓐᓂᒃ ᓄᓇᓕᖕᓄᑦ ᐊᖑᓇᓱᒋᐊᖅᑎᑦᑎᓂᕐᒧᑦ ᐅᕝᕙᓘᓐᓃᑦ ᐃᓄᒃᓯᐅᑎᓂᒃ ᓂᐅᕕᕈᓐᓇᕐᓗᑎᒃ ᐊᓯᖏᓐᓂᒃ ᓄᓇᓕᖕᓂ.
ᐅᖃᓚᐅᕐᑐᖅ ᑖᒃᑯᐊ ᐊᕙᑎᓕᕆᔨᒃᑯᑦ ᓂᕿᓂᒃ ᓄᓇᓕᖕᓃᑦᑐᓄᑦ ᑐᓂᐅᖃᐃᖁᔨᓪᓗᑎᒃ.
ᓄᓇᕗᒥᑦ ᒐᕙᒪᒃᑯᑦ ᑐᓴᖅᑎᑦᑎᓚᐅᕐᑐᑦ $9 ᒥᓕᐊᓐ ᑖᓚᐃᑦ ᐅᖃᐅᓯᐅᓚᐅᕐᓂᖏᓐᓂᒃ ᓄᕙᒡᔪᐊᕐᓇᖅ-19-ᒧ ᐃᑲᔪᕈᑎᐅᓂᐊᖅᓂᕋᖅᑕᐅᓪᓗᓂ ᑕᒪᑐᒪᓂ ᑕᖅᑭᒥ.
ᐱᓇᓱᐊᕈᓯᐅᓚᐅᕐᑐᖅ ᐱᒋᐊᓕᓵᖅᑎᓪᓗᒍ ᐅᑯᐊ ᒐᕙᒪᒃᑯᑦ ᑐᓴᖅᑎᑦᑎᓚᐅᕐᒪᑕ $8.5 ᒥᓕᐊᓐᑖᓚᓂ ᐃᑲᔫᑎᒃᓴᖃᕐᓂᖓᓂᒃ ᐃᓄᖕᓄᑦ ᐃᓄᑑᓐᓇᖅᑐᒦᑦᑕᕆᐊᓕᖕᓄᑦ, ᓄᓇᓕᖕᓄᓪᓗ ᐱᔨᑦᑎᕋᐅᑎᖃᑦᑎᐊᙱᑦᑐᓄᑦ ᐊᒻᒪᓗ ᒥᑭᑦᑐᓂᒃ ᓇᖕᒥᓂᖅ ᐱᓂᕆᐊᖃᖅᑐᓄᑦ ᐊᒻᒪ ᓴᓇᐅᒐᓕᐅᖅᐸᒃᑐᓄᑦ.
(0) Comments