ᓴᓂᑐ ᑲᓇᑕᒥᐅᑕᓕᒫᓂᒃ ᐅᓪᓗᖃᖅᑎᑦᑎᖁᔨᔪᑦ ᐆᒧᖓ ᑲᓇᑕᒥᑦ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧ

ᒪᓕᒐᖅ ᓄᑖᒥ ᕿᑲᓐᓇᐅᓂᐊᖅᑐᒧᒃ ᐱᓇᓱᒍᑎ ᐊᖏᖅᑕᐅᕗᖅ ᑯᐃᓐᒧᑦ

ᓄᓇᕗᒧᑦ ᓴᓂᑐ ᑕᓂᔅ ᐹᑐᓴᓐ ᐅᖃᓪᓚᒃᑎᓪᓗᒍ ᓴᓇᑦᒥ ᔫᓂ 3-ᖑᑎᓪᓗᒍ, ᐅᖃᓚᐅᖅᓯᒪᔪᑦ ᐅᓇ ᓄᑖᖅ ᑲᓇᑕᒥ ᐅᓪᓗᖅ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧ ᐊᔾᔨᓯᒍᑎᖃᑐᐃᓐᓇᕐᓂᕋᖅᑕᖓ ᐃᖅᑲᐅᒪᓐᓇᒧᑦ ᓲᖃᐃᒻᒪ ᑕᒪᕐᒥᒃ ᓴᖅᑭᓯᒪᖕᒪᑎ ᑲᓇᑕᒥᐅᑕᐃᑦ ᐃᖅᑲᐅᒪᔪᒪᓂᖏᓐᓂᒃ ᓈᒻᒪᙱᓕᐅᕈᑎᐅᓯᒪᔪᓂᒃ ᐃᓅᖃᑎᒌᖕᓂᖅᒧᑦ. (ᐊᔾᔨᙳᐊᖅ ᓴᖅᑭᔮᖅᑐᒥᑦ ᐅᑯᓇᙵᑦ ᓴᓂᒃᑯᑦ ParlVU)

By ᑰᕆ ᓚᐅᕌᒃ

For an English version of this story, see Senator urges all Canadians to mark National Day for Truth and Reconciliation

ᑲᓇᑕᒥ ᓄᑖᖅ ᐅᓪᓗᖃᖅᑎᑦᑎᓂᖅ ᐆᒧᖓ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧ ᐊᔾᔨᓯᔭᐅᓯᒪᓪᓗᐊᖅᑐᖅ ᐃᖅᑲᐅᒪᓇᖅᒧᑦ ᐅᓪᓗᕐᒧᑦ ᓲᖃᐃᒻᒪ ᐱᒋᐊᓕᖅᑎᑕᐅᓂᑰᖕᒪᑎᑦ “ᐅᔾᔨᕈᓱᑳᓪᓚᖃᑎᒌᖕᓂᖅᒧᑦ” ᑲᓇᑕᒥᐅᑕᓂᒃ, ᐅᖃᖅᑐᖅ ᓄᓇᕗᒧᑦ ᓴᓂᑐ ᑕᓂᔅ ᐹᑐᓴᓐ.

“ᐅᓇ ᑲᓇᑕᒥ ᐅᓪᓗᖅ ᐋᖅᑭᒃᑕᐅᓇᓱᒃᑐᖅ ᐃᓱᒪᒋᓪᓗᒋᑦ ᓄᓇᖃᖅᑳᖅᑐᑦ ᐃᓅᓯᖏᓐᓂᒃ ᐊᓯᐅᔨᔪᕕᓃᑦ ᐃᓕᓐᓂᐊᕆᐊᖅᕕᕕᓂᕐᒥᒃ ᑲᓇᑕᒥᐅᑕᓄᑦ ᐃᓚᐃᓐᓇᖏᓐᓄᑦ ᖁᕕᐊᓲᑎᐅᓪᓗᐊᙱᒻᒪᓐ. ᐆᑐᓇᕐᓕ ᐃᖅᑲᐅᒪᓐᓇᒥᒃ, ᑲᓇᑕᒥᐅᑕᓕᒫᓂᒃᑕᐅᖅ ᑖᔅᓱᒧᖓ ᓄᖅᑲᖓᑲᐃᓐᓇᕐᓗᑎᒃ ᐊᒻᒪ ᐃᖅᑲᐅᒪᓗᒋᑦ ᐃᓅᓯᕕᓃᑦ, ᑕᐃᒪᓐᓇ ᒪᓕᒐᖅ ᐋᖅᑭᒃᑕᐅᓯᒪᓇᓱᖕᓂᖓᒍᑦ.”

ᐹᑐᓴᓐ ᐅᖃᓚᐅᖅᑐᖅ ᑎᓴᒻᒥᐅᑎᓪᓗᒍ ᐅᖃᓪᓚᒃᑎᓪᓗᒍ ᓴᓇᑦᒥᑦ ᓂᕈᐊᓚᐅᙱᓐᓂᖏᓐᓂᒃ ᓄᑖᒥᒃ ᕿᑲᕐᓇᐅᓕᕐᓂᐊᖅᑐᒥᓐ.

ᓴᓂᑐᐃ ᐊᓂᒍᐃᑎᑦᑎᓚᐅᕐᒪᑕ ᒪᓕᒐᖅ C-5, ᒪᓕᒐᖅ ᐋᖅᑭᒃᓯᓯᒪᔪᖅ ᓯᑎᐱᕆ 30 ᐅᓪᓗᕆᔭᐅᓂᐊᓕᕐᓗᓂ ᑲᓇᑕᒥ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧᑦ. ᐅᓪᓗᕐᒥ ᐋᖅᑭᒃᓯᓂᖅ ᐃᓚᒋᔭᐅᓚᐅᖅᑐᖅ 94-ᓂ ᖃᓄᐃᓕᐅᕈᑎᐅᖁᔨᐅᔪᓂ ᐅᕙᓂ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧᑦ ᑲᒥᓴᓐᑯᑦ 2015-ᒥᑦ ᐅᓂᒃᑳᓕᐊᕕᓂᖏᓐᓂᒃ.

ᓴᓇᑦ ᓂᕈᐊᓚᐅᖅᑎᓪᓗᒋ, ᒪᓕᒐᖅ ᐊᓂᒍᖅᑎᑕᐅᓕᓚᐅᖅᓯᒪᔪᖅ ᒐᕙᒪᑐᖃᒃᑯᓐᓂ, ᒪᓕᒐᙳᖅᖢᓂ.

ᐹᑐᓴᓐ ᐅᖃᓚᐅᕐᑐᖅ ᐅᓇ ᐃᖅᑲᐅᒪᓇᖅᒧᑦ ᐅᓪᓗᖅ ᐱᒋᐊᖅᑎᑕᐅᓚᐅᖅᓯᒪᓂᖓᓂᒃ ᖁᕕᐊᓲᑎᖃᖅᖢᑎᒃ 1918-ᒥ ᓄᓇᕐᔪᐊᖅᒥ ᐅᓇᑕᕕᒡᔪᐊᖅᓇᖅ ᓄᖅᑲᓚᐅᖅᓯᒪᓂᖓᓂᒃ.

“ᐃᖅᑲᐅᒪᓇᖅ ᐋᖅᑭᒃᑕᐅᓚᐅᖅᓯᒪᔪᖅ ᑕᐃᔅᓱᒪᓂᖅ ᐊᑕᐅᑦᑎᒃᑯᑦ ᐅᔾᔨᕈᓱᖕᓂᖃᓕᖅᑎᓪᓗᒋᑦ ᐅᓇ ᐅᓇᑕᕕᒡᔪᐊᕐᓇᖅ ᓈᒻᒪᙱᓗᐊᖅᑐᐊᓘᓂᖓᓂᒃ,” ᐅᖃᖅᑐᖅ.

ᖃᖓᑦᑎᐊᓵᖅ ᓇᓂᓯᓂᐅᓚᐅᖅᑐᖅ ᐃᓗᕕᐊᓗᖕᒥ ᐃᓕᓐᓂᐊᕆᐊᖅᕕᕕᓂᕐᒥ ᑳᒻᓘᑉᔅ ᐳᕆᑎᔅ ᑲᓚᒻᐱᐊᒥᑦ, ᐃᓕᓐᓂᐊᕆᐊᖅᐸᓚᐅᖅᓯᒪᔪᑦ ᐱᑦᑎᐊᖅᑕᐅᕙᓚᐅᖅᓯᒪᙱᓗᐊᕐᓂᖏᓐᓂᒃ ᐅᔾᔨᕈᓱᒍᑎᐅᓂᖅᓴᐅᓕᖅᑐᖅ, ᑖᒃᑯᐊᓗ ᐊᐅᓚᑕᐅᓯᒪᓪᓗᑎ ᐃᓱᓱᖃᖅᖢᓂ 1996-ᒥᑦ.

“ᐃᓱᒪᔪᖓᓕ ᐅᓇ ᑳᒻᓘᑉᔅᒥᓐ ᓇᓂᓯᓂᐊᓗᒃ ᖃᐅᔨᑎᑦᑎᔾᔪᑎᒻᒪᕆᐅᓂᖓᓂᒃ ᐅᓄᖅᑐᓄᑦ ᑲᓇᑕᒥᐅᑕᓄᑦ ᖃᓄᐃᓕᐅᖃᑦᑕᕈᓯᕕᓂᐊᓗᖕᓂᒃ ᓄᓇᒋᔭᑦᑎᓐᓂᒃ.” ᐹᑐᓴᓐ ᐅᖃᖅᑐᖅ.

ᑭᓯᐊᓂᓕ ᐃᖅᑲᐅᒪᓇᖅᑐᑎᑐᑦ, ᐅᓇ ᐅᓪᓗᖅ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧ ᑐᕌᖓᑎᑕᐅᔪᖅ ᒐᕙᒪᑐᖃᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᑭᓯᐊᓂ ᐊᒻᒪᓗ ᐊᑭᖃᓪᓗᐊᖅᖢᓂ ᒫᓂᒃ $390 ᒥᓕᐊᓐ ᑖᓚᓂᒃ ᐊᕐᕌᒍᒧᑦ. ᑕᐃᒪᓕ ᐃᓱᒪᕐᓱᕐᓂᐊᖅᑐᑦ ᑎᐅᕆᑑᕆᓄᑦ ᒐᕙᒪᐅᔪᑦ ᐊᒻᒪ ᐳᕌᕕᓐᓯᓄᑦ ᒐᕙᒪᐅᔪᑦ ᑖᔅᓱᒥᖓ ᐅᓪᓗᕐᒥ ᕿᑲᕐᓇᐅᑎᑦᑎᓂᐊᕆᐊᒃᓴᖓᓂᒃ ᐃᖅᑲᓇᐃᔭᖅᑎᓄᑦ ᐊᓯᖏᓐᓄᑦ.

ᒐᕙᒪᑐᖃᒃᑯᑦ ᓂᕈᐊᓚᐅᖅᑐᑦ ᓯᑎᐱᕆ 30-ᒥ ᓲᖃᐃᒻᒪ ᐊᑕᐅᑦᑎᒃᑰᖃᑎᖃᕋᔭᕐᒪᑦ ᐆᕆᓐᔾ ᐅᕕᓂᕈᖅ ᐅᓪᓘᖅᒥᒃ, ᐅᖃᓚᐅᖅᑐᖅ ᒐᕙᒪᑐᖃᒃᑯᑦ ᐃᓕᖅᑯᓯᓕᕆᔨᒃᑯᑦ ᒥᓂᔅᑕᖓ ᓯᑏᕙᓐ ᒋᐊᐳᑦ ᐅᖃᓚᐅᖅᑐᖅ, ᑭᐅᑲᑕᒃᑎᓪᓗᒍ ᓴᓂᑐᓂ ᒪᓕᒐᓕᕆᕕᒡᔪᐊᖅᒥᒃ ᖁᓪᓕᕐᒥᓐ ᔫᓂ 3-ᖑᑎᓪᓗᒍ.

ᐆᕆᓐᔾ ᐅᕕᓂᕈᖅ ᐅᓪᓗᖅ ᐊᕐᕌᒍᑕᒫᓐ ᐊᑐᖅᑕᐅᕙᒃᑐᖅ ᐃᖅᑲᐅᒪᔾᔪᑎᒋᔭᐅᓪᓗᓂ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓂᒃ. ᑖᓐᓇᓕ 2013-ᒥ ᐃᓕᓴᕆᔭᐅᕙᓪᓕᐊᒻᒪᕆᓕᓚᐅᖅᓯᒪᔪᖅ ᐅᓇ ᐃᓕᓐᓂᐊᖅᑎᐅᖃᑕᐅᓂᑯᕕᓂᖅ ᕕᓕᔅ ᕗᐃᑉᓯᑕᑦ ᐅᓂᒃᑳᖅᑎᓪᓗᒍ ᐃᓕᓐᓂᐊᕆᐊᖅᕕᓕᐊᖅᑎᑕᐅᑎᓪᓗᒍ ᐅᕆᓐᔾᒥ ᐅᕕᓂᕈᕐᒥ ᐊᑐᖅᖢᓂ ᐊᓈᓇᑦᑎᐊᖓᑕ ᑐᓂᔭᖓ ᐊᐅᓪᓚᕐᓂᐊᓕᖅᑎᓪᓗᒍ, ᑭᓯᐊᓂᓕ ᑖᓐᓇ ᐱᔭᐅᑐᐃᓐᓇᓚᐅᖅᓯᒪᔪᖅ.

ᒋᐊᐳᑦ ᐅᖃᓚᐅᖅᑐᖅ ᑖᓐᓇ ᓄᑖᖅ ᕿᑲᕐᕕᐅᖃᑦᑕᕐᓂᐊᖅᑐᖅ ᓯᑎᐱᕆᒥ ᐱᒋᐊᖅᕕᖃᕆᐊᖃᕐᓂᕋᖅᖢᓂᐅᒃ ᓯᕗᓪᓕᖅᐹᒥᒃ.

“ᑕᒪᑐᒥᖓ ᐱᓕᕆᐊᖃᑲᐅᖅᑐᓪᓗᐊᖅᑐᒍᑦ ᑖᓐᓇ ᐅᓪᓗᖅ ᐃᓚᒋᔭᐅᓕᕐᓂᐊᖅᒪᑦ ᐱᓕᕆᐅᓂᕆᔭᐅᔪᓂᒃ ᑕᒪᑐᒪᓂ ᐊᕐᕌᒍᒥᓐ,” ᒋᐊᐳᑦ ᐅᖃᖅᑐᖅ.

ᑲᓐᓲᕕᑎᕝᑯᑦ ᓴᓂᑐᖓ ᑖᓐ ᐱᓚᑦ ᐱᒃᑲᖅᑎᑦᑎᓚᐅᖅᑐᖅ ᓕᐳᕈᓪ ᒐᕙᒪᒃᑯᓐᓂᒃ ᐃᒪᓐᓇ “ᐃᓱᒪᒋᔭᖃᑦᑎᐊᕐᓂᖅᒥ ᓇᓗᓇᐃᖅᓯᓇᓱᒋᐊᒃᓴᖏᓐᓂᒃ” ᐃᒪᓐᓇ ᓄᑖᒥ ᕿᑲᖅᕕᒃᓴᓕᐅᕐᖢᑎᒃ ᐃᒪᓐᓇᐅᙱᖔᑎᑐᖅ ᐊᓯᖏᓐᓂᒃ ᐱᓕᕆᐊᕆᖁᔭᐅᔪᓂᒃ ᐱᓇᓱᙱᖢᓂ ᐅᑯᓇᙵᑦ ᐊᑐᖁᔭᐅᓕᖅᓯᒪᔪᓂᒃ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧᑦ ᑲᒥᓴᓐᑯᓐᓂ.

ᐊᔪᕐᓇᙱᓐᓂᖅᓴᐅᖕᒪᑦ ᒐᕙᒪᒃᑯᑦ ᑭᖃᖅᕕᒃᓴᖃᖅᑎᓕᖅᑎᓪᓗᒋᑦ, ᐱᓚᑦ ᐅᖃᖅᑐᖅ “ᐃᒪᓐᓇᓕ ᐊᒃᓱᕈᕐᓇᖅᑐᓂᒃ ᓄᓇᖃᖅᑳᖅᑐᑦ ᓄᓇᖏᓐᓄᑦ ᓵᙵᔭᐅᙱᓐᓇᐅᔭᖅᑐᓂᒃ ᖃᐅᑕᒫᓐ ᐱᓇᓱᐊᕈᓯᑕᒫᓪᓗ ᐋᖅᑭᒃᓯᒐᓱᖕᓂᖅᒥᒃ.”

ᐱᓚᑦ ᐅᖃᓚᐅᖅᑐᖅ ᑖᓐᓇ ᐅᓪᓗᖅ ᐃᖅᑲᓇᐃᒪᔾᔪᑎᒨᖓᔭᕆᐊᖃᕐᓂᖓᓂᒃ “ᐊᖏᕐᕋᖅᓯᒪᑐᐃᓐᓇᙱᓪᓗᑎᒃ, ᐊᒻᒪ ᓴᐃᓕᑐᐃᓐᓇᙱᓪᓗᑕ ᑕᕐᕆᔭᕐᓗᑎᒃ.”

ᒋᐊᐳᑦ ᐅᖃᓚᐅᖅᑐᖅ ᓄᑖᖅ ᕿᑲᖅᕕᒃᓴᖅ “ᐊᒃᓱᕈᓐᓇᕐᓂᐊᖅᑐᖅ ᐅᓪᓗᖅ” ᐃᓱᒪᒋᓗᒋᑦ ᐊᒻᒪ ᐃᖅᑲᐅᒪᓂᐅᓗᓂ, ᐅᖃᖅᖢᓂ ᐃᓕᓐᓂᐊᕐᓂᖅ “ᕿᒥᕐᓗᒻᒪᕆᐅᓂᖓᓂᒃ ᒪᒥᓴᖅᐸᓪᓕᐊᓂᖅᒧᑦ.”

Share This Story

(0) Comments